رواية زواج غير مدبر (عانس) الفصل الخامس والعشرون 25 بقلم أسماء سلام

…. انتى حامل؟؟؟

رحاب واسراء  لفوا وراهم وشافوا احمد 

احمد انتى بجد حامل يا رحاب ؟ وليه مقولتيش لحسام

رحاب اه أنا حامل وانت عرفت ازاى انى مقلتش لحسام 

اسراء ممكن يا استاذ احمد تقوللنا حسام فين علشان يعرف أن رحاب حامل حتى لو مش هيكمل معاها بس على الاقل يعرف لانه من حقه 

احمد اصل ..اصل 

رحاب اصل ايه فين حسام يا احمد 

احمد معرفش راح فين 

رحاب تقصد ايه بأنه راح ، قوللى يلا 

اسراء يا أستاذ أحمد قولنا هو فين وخلاص 

احمد مقدرش اقولك علشان أنا وعدته مقولش لحد 

رحاب بس على الاقل قول لابنه أو بنته وكانك بتقول ليه هو بالضبط وكده مخلفتش الوعد

احمد ساكت ومش عارف يقول 

اسراء قول يا استاذ احمد، هو سر يعنى ولا ايه، انت شايف اعصابنا عامله ازاى

احمد  الصراحة حسام مش هنا خالص

رحاب يعنى ايه مش هنا ، هو انت بتتكلم بالغاز ليه

احمد قال فى نفسه سامحنى يا حسام بس ابنك كأنه انت ولازم رحاب تعرف علشان مصلحتك 

احمد حسام سافر المانيا 

رحاب ايه سافر المانيا ليه ، طب هيجى امتى 

احمد مش هيرجع تانى ، هيعيش هناك 

رحاب يعنى ايه مش هيرجع تانى وليه يعمل كده ، طب خلينى اكلمه

احمد مينفعش 

رحاب بنفاذ صبر خلاص بقى قولنا هو سافر ليه ، كانك مخبى سر علينا ، لو عليا انا مش عايزة اشوفه تانى بس علشان ابنه وأنه يعرف انى حامل ، حتى لو انت اللى هتقوله وبعدين بصت لاسراء وقالت يلا نمشى شوفتى بقى انه بيتهرب من المسئولية 

رحاب كانت ماشية هى واسراء 

احمد حسام مريض سرطان

رحاب سمعت الجملة دى و وقفت مكانها مش متخيلة اللى سمعته وبعدين بصت ليه 

رحاب انت بتقول ايه

احمد دى الحقيقة ، حسام مريض سرطان وفى المرحلة التانية واضطر يطلقك ويقولك أنه بيكرهك وسافر من غير لما يقولك علشان عايزك تعيشى بسعادة مع عمر وقال إنه لو قالك فأنت هتعيشى معاه علشان الواجب مش اكتر فعلشان كده خلاكى تكرهيه وسافر وقال إنه هيموت هناك والكل يعرف أنه موته عادية بحيث الكل يبقى سعيد 

رحاب كانت هتقع بس اسراء مسكتها 

اسراء يعنى حسام سافر ولا لسه هيسافر 

احمد بص فى ساعته وقال فاضل ساعة على الطيارة بتاعته 

رحاب لازم الحقه ، انا مينفعش اسيبه ابدا 

احمد واسراء ورحاب راحوا المطار وطبعا الأمن مرضيش يدخلهم علشان مش معاهم تذاكر 

احمد طلع بطاقته بتاعت الجيش وقال فى إرهابى فى المطار ومعاه قنبلة ودول اللى عارفين شكله فخلينا نروح قبل ما تحصل مصيبة والناس تموت بسببك وهتتسجن 

الامن خاف من احمد فدخلهم 

احمد يلا بسرعة فاضل ربع ساعة على الطيارة

كلهم اتفرقوا وكل واحد راح يدور فى ناحية 

….تزكرتك يا فندم 

حسام بص وراه علشان يشوف مين 

حسام رحاب!!!؟؟؟

رحاب حضنته اوى وقعدت تعيط وتقول متسيبنيش ابدا 

حسام بعدها وقال مينفعش انك تقربى منى ، أنا طليقك مش زوجك 

رحاب ابتسمت وقال وانت هترجعنى 

حسام يلا علشان اطلع الطيارة بينادوا علينا ولف علشان يمشى 

رحاب أنا بحبك يا حسام 

حسام لف ليها وقال انتى قولتى ايه 

رحاب أنا بحبك يا حسام ومش بحب عمر ، عمر ده كان ماضى ولكن انت دلوقتي الحاضر والمستقبل بتاعى فخلينا نعيش مع بعض

حسام مينفعش ويلا روحى ، أنا مش بحبك علشان كده طلقتك

رحاب بس انا بحبك وعايزاك وعارفه السبب اللى خلاك تعمل كده وانا راضية بمرضك وكل حاجة بس مش راضية انك تبعد عنى 

حسام شتم فى سره احمد وقال بس ليه تعيشى مع واحد أيامه فى الدنيا معدودة

رحاب الاعمار بيد الله وممكن اموت انا قبلك 

حسام بعد الشر عنك يا حبيبتي ❤️

رحاب ربنا يخليك ليا علطول ولو بتحبنى بجد خليك معايا وانا واثقة انك هتخف

حسام مينفعش علشان أنا عندى طيارة 

رحاب ضحكت وقالت الطيارة طلعت خلاص يا حسام 

حسام بص لقى أن فعلا الطيارة طلعت وقال ليه بتعملى معايا كده

رحاب انت اللى ليه تعمل فيا كده 

حسام علشانك 

رحاب يلا نمشى وبعدين نتكلم فى بيتنا 

حسام مينفعش يا رحاب يلا امشى 

رحاب مثلت أنها دايخة وحسام مسكها وقالت يلا نمشى يا حسام ونتكلم بعدين

حسام ورحاب قابلوا احمد واسراء ومشيوا

رحاب وحسام روحوا البيت 

رحاب دخلته الاوضة وفجأة بدأت تقرب منه جامد 

حسام ابعدى يا رحاب 

رحاب حضنته اووى جدا وقالت أنا بحبك ونفسى نعيش سوى وانا معاك دائما فى كل وقت وباذن الله هتخف 

حسام بادلها الحضن وقال ازاى بتحبينى وعلى ايه وبعد عنها وقال شوفى شكلى عمل ازاى دبلت ومش هوفرلك اى حاجة 

رحاب أنا عايزة اقولك على حاجة مهمة 

حسام ايه 

رحاب مسكت أيده وحطيتها على بطنها وقالت فى هنا نونو 

حسام اتفاجأ وقال بتقولى ايه

رحاب ابتسمت وقالت بقول فى نونو حلو هنا

حسام بجد وحضنها جامد اوى وقال يعنى انا هبقى اب ، بتتكلمى جد يا رحاب ؟

رحاب اه والله حامل فى اخر الشهر التانى

حسام بص فى عينيها وقال أنا بحبك اوى يا رحاب وبعدين التهم شفتيها وتعمق فى القبلة ورحاب بادلته القبلة 

حسام بعد عنها ومسك ايديها وباسها وقال ربنا يخليكى ليا و بعدين قال بحزن كان نفسى اعوضك بس للاسف ايامى معدودة 

رحاب حطت ايديها على بقه وقالت متقولش كده تانى ، الاعمار بيد الله وخلى دائما عندك امل انك هتخف علشانى وعلشان طفلنا 

حسام بس احتمال نجاح العملية ٪50 

رحاب حتى لو نسبة النجاح ٪5 بردوا فى امل وانا واثقة إن ربنا هيرجعك ليا بخير 

حسام بحزن أنا اسف على كل حاجة وحشة عملتهالك وكل لحظة جرحتك فيها 

رحاب خلاص يا حسام اللى حصل حصل خلينا فى الجديد والمستقبل، وانا مسمحاك على كل حاجة حصلت 

حسام طب وعمر 

رحاب أنا قولتك أنا مش بحب عمر وانا قولتله كده 

Flash back

فى كافيه على النيل 

عمر ايوه يا رحاب طلبتينى ليه 

رحاب عايزة اكلمك فى موضوعنا 

عمر ايوه ، حسام قالى على كل حاجة

رحاب بس انا عندى حاجة تانية عايزة اقولها 

عمر ايه هيا 

رحاب انت يا عمر سبتنى فترة طويلة اوى بس انا كنت بحبك واضطريت اتجوز حسام بس الصراحة انا بحب حسام ومش عايزة أطلق منه وهو قال كده لانه مش عارف انى بحبه فأنا جبتك هنا علشان تعرف الحقيقة وعلشان مخدعكش

عمر بزعل اه وبعدين 

رحاب معلش يا عمر ،عارفه أن كلامى صعب بس انا لازم اقولك الحقيقة وكمان عايزة منك طلب

عمر اطلبى اى حاجة يا رحاب 

رحاب عايزاك متقولش لحسام انى قولتلك على حاجة وكمان عايزاك تمثل معايا أننا موافقين نرجع لبعض علشان 

عمر علشان يغير عليكى ويعترف بحبه 

رحاب … اصل ياعمر

عمر مش محتاجة تبررى حاجة ، أنا فاهم وفعلا انا السبب فى كل اللى حصل لانى سبتك كل ده ولازم ادفع التمن بس انا دائما هكون ليكى اخ وصديق وهعمل كل اللى اقدر عليه وربنا يسعدك مع زوجك 

رحاب وده عشمى فيك يا عمر

عمر بضحك المهم عايزة تعملى ايه مع حسام 

رحاب اسمع…….الخ 

عمر حلو اوى الخطة دى 

End

حسام يعنى كل ده تمثيل ؟؟!!!

رحاب كنت عايزاك تغير عليا وتعترف بس الخطة مشيت عكست وانت فهمت انى بحب عمر وعلشان كده طلقتنى 

حسام مانتى اللى غلطانه 

رحاب فعلا المفروض كنت تقولى وانا اقولك على مشاعرنا ومكنش ده حصل 

حسام خلاص ده ماضى 

رحاب بس فى حاجة ناقصة 

حسام ايه 

رحاب انك تردنى ليك 

حسام حاضر انا رديتك ليا تانى يا رحاب 

رحاب حضنته جامد وقالت وانا قبلت يا حبيبى  

حسام مسك ايديها الاثنين وقرب منها وشاف الرغبة في عيونها 

حسام معلش يا رحاب بس مقدرش اعمل علاقة معاكى لان صحتى ضعفت والدكتور مانعنى 

رحاب يا حبيبى كفاية انك معايا 

حسام ربنا يخليكى ليا دائما 

رحاب ويخليك ليا، أنا هجهز شنطتى علشان نسافر بكرة علشان نعمل العملية 

حسام بردو مصرة تيجى معايا 

رحاب يا حسام الزواج ده علاقة مقدسة من عند ربنا وربنا قال فى القرآن الكريم ومن آياته أن خلق لكم من انفسكم ازواجها لتسكنوا إليها وجعل بينكم موده ورحمه صدق الله العظيم ولازم الزوجة تقف جنب زوجها وانا اوعدك عمرى ما هسيبك 

حسام بس انا عايز منك طلب 

رحاب طلب ايه 

حسام اوعدينى لو عملت العملية وما نجحتش تتجوزى عمر وتكملى معاه حياتك 

رحاب انت بتقول ايه، مستحيل ده وكمان أنا واثقة فى ربنا انك هتعمل العملية وتخف

حسام بتعب واضح من صوته وانا مش هعمل العملية الا لما توعدينى 

رحاب ليه بتعمل كده يا حسام 

حسام علشانك ويلا اوعدينى 

رحاب حاضر أوعدك

حسام ايوه كده 

رحاب باذن الله هتعمل العملية وتخف 

حسام تمام  

اليوم عدى وحسام ورحاب جهزوا كل حاجاتهم  علشان يسافروا تانى يوم للعملية 

فى المطار

احمد واسراء بيودعوا رحاب وحسام 

اسراء خلى بالك من حسام ومن اللى فى بطنك  

رحاب حاضر 

احمد اول لما توصل طمنى يا حسام ويا رحاب خلى بالك منه ده اخويا

رحاب متخفش حسام ده فى عينى 

حسام ورحاب ركبوا الطيارة وراحوا المانيا للعلاج 

يا ترى العملية هتنجح ولا طلب حسام هيتحقق ورحاب ترجع لعمر تانى ؟؟؟!!!!

يتبع…