رواية أحببت ابن عمي الفصل الخامس والعشرون 25 بقلم ملك منصور
 |
| رواية أحببت ابن عمي الفصل الخامس والعشرون 25 بقلم ملك منصور |
رواية أحببت ابن عمي الفصل الخامس والعشرون 25 بقلم ملك منصور
سيف: أميرة اصحى احنا بقينا العصر قومى انا عملت لك اكل اصحى بقى يا وليه
أميرة بنعاس:امممم سيبنى انام ياض
سيف:ياض لو مقومتيش هاقومك بى معرفتى
أميرة:شششش بلاش دوشة عايزة انام
سيف:ماشى ماشى يا أميرة
شلنى ودخلنى الحمام وفتح عليا الماية ابن ال****
أميرة:هيييييييح فى يعمل كدة
سيف بضحك:اعمل ايه ما هو انتى مش عايزه تصحى
أميرة: تقوم تعمل كدة
سيف:يالا يا حبيبتي خدى شاور كدة وكمان ٥دقايق
لو مخلصتيش هادخل عليكى
أميرة:انت….انت قليل الادب ومش محترم
سيف بأبتسامة: عارف ياروحى
بعد شويه
سيف:أيوة كدة حلو تعالى بقى عشان تاكلى….ده انا عملك شوربه خضار إنما ايه عسل
أميرة:ايه ده شوربه خضار لأ لأ أنا مش بحبها
سيف: مينفعش ياحبيبتى لازماً تاكلى عشان الأكل مايجريش وراكى يوم القيامة
أميرة: سيف انا مش بهزر
سيف:ولا انا بهزر
أميرة بعند طفولى لأ مليش فيه انا مش هاكل…هاااا
سيف بضيق: اللهم طولك ياروح…… بقولك ايه يا أميرة انا جو بت اختى ده لأ أنا مش بحبها مش هاكلها انا عايزة مصاصة بدالها الكلام ده بيجيلى حساسية….. فاهمه…..كلى
أميرة:يوووووووه طيب طيب
سيف:ها حلوة
أميرة بقرف:تقرف لما انت مش بتعرف تطبخ بتطبخ ليه وتجبلنا تلبوك معوى ….سيب الطبخ للناس اللي بتعرف تطبخ
سيف بعصبية:حوش حوش
أميرة:ايه
سيف: كيتروا اللى مايختيشوش
أميرة:ماذا
سيف: يعنى البت بتعرف تطبخ اوى وبتعلمنى ازاى اطبخ….نسيتى الفراخ المتجبسة ولا الرز الحلو نسيتى كل ده
أميرة: خلاص خلاص اهدى
سيف:هاتروحى فين
أميرة: رايحة اعمل حاجة ناكلها بدل اللى انت عملتوا ده
سيف بغيظ: امشي يا أميرة من قدامى امشى لحسن اكسرلك رجلك التانية كمان
رقصت حواجبى????
أميرة:متقدرش يا بيبي
سيف بتوعد: ماشى ماشى لما تقومى بالسلامة الأول
دخلت المطبخ وابتديت اشتغل
سيف:بتعملى ايه
أميرة:هاكون بعمل ايه بطبخ
شلنى وقعدنى على الرخامة
سيف:اقعدى انتى قوليلى اعمل ايه……ماهو لازماً يبقى عندى دم واجى اساعدك
أميرة بصدمة:تصدق ياض انا اول مره اعرف انك عندك دم
لقيت عينيه بتطق شرار ووشه احمر ومسك السكينة وقرب منى
أميرة بخوف: ايه هاتعمل ايه …..ولا متتهورش ابعد
حط السكينة فى الخيار وقال
سيف وبيحاول يتماسك أعصابه:قطعى الخيار
أميرة بخوف:ح..ح..حاضر
بعد شويه
سيف:ها فاضل حاجة
أميرة: لأ احنا كدة خلصنا يالا ناكل بقى عشان انا ميتة من الجوع
سيف:يالا
(وقبل مانقعد الباب خبط)
سيف فتح الباب وكانت ماما
سيف: أهلاً يا طنط
منى: أهلاً يابنى عامل ايه
سيف: الحمد لله
أميرة: عاملة ايه يا ماما
منى:انا كويسة يا حبيبتي انتى عاملة ايه رجلك بتوجعك
أميرة: لأ لأ الحمدلله
منى:انا جاية اقعد مع أميرة روح انت يابنى الشغل عشان متتأخرش
سيف: لأ أنا هافضل جنب أميرة مش هاسيبها
أميرة: حبيبي روح انت شغلك وماما هاتفضل معايا
سيف بحب:ماشى يا روحى
باسنى من راسى ومشى
(نسيت اقولكم سيف بيشتغل شغلانة مؤقتة كدة لحد مايتخرج من الجامعة)
منى:لوكنتى شوفتى منظره لما عرف اللى حصلك كنتى بكيتى
أميرة بحب:هو ده سيف انتى لو دورتى فى الدنيا كلها مش هتلاقى زيه متولدش غير سيف واحد بس……أنا بحبه جداً جداً
منى:ربنا يخليكوا لبعض
أميرة:يارب
