رواية حبك حياة الحلقة الخامسة والعشرون 25 بقلم سهيلة سعيد
 |
| رواية حبك حياة الحلقة الخامسة والعشرون 25 بقلم سهيلة سعيد |
رواية حبك حياة الحلقة الخامسة والعشرون 25 بقلم سهيلة سعيد
( يمشي العسكري ، سامع مراد صوت شهقتها ف العياط توجع قلبه بس معافر انه حتى يبصلها )
الظابط : تعالي ي بنتي امضي .. الاستاذ اتنازل عن القضية هتروحي بيتك
( تفرح اوشة وتقرب تمسك القلم وايدها بتترعش ، يلمحها مراد لانها قصاده عشان تمضي ، يتخض ، يلاقي شعرها مقصوص كله وبطريقة بشعة جداً لدرجة ارضية راسها باينة ف بعض المناطق ومتعورة دماغها كذة تعويرة والدم باين ، يتقهر ، دة مكانش بيحب اد شعرها وذاد حبه لما عرف انه شعرها مش تركيب ، يقوم يقف )
مراد : مين الي عمل فيكي كدة ؟؟؟؟
اوشة ب عياط بعد م مضت : واحدة ف الحجز ????
مراد ب انفعال : يعني ايه واحدة ف الحجز وتعمل فيكي كدة لييييه ????
الظابط : اهدى ي استاذ !!
مراد : اهدى ايه انا عاوز اعمل محضر بالي حصل دة دلوقتي ☝️
الظابط : طيب ماشي هنفتح محضر اهدى بس
( يفتح الظابط محضر ، يذيد عياط اوشة باصة للارض ومراد باصصلها ب قهرة ، يندم انه السبب ويلعن نفسه ف سره مليون مرة ، تمسح اوشة دموعها ب ضهر كف ايده وتمسح مناخيرها ف هدومها وبردوا مش مبطلة عياط ، ميقدرش مراد يمسك نفسه اكتر من كدة ، يقرب ياخدها ف حضنه )
مراد : انا اسف حقك عليا ????
( تتفاجئ اوشة ويذيد عياطها )
مراد : بالله عليكي خلاص انا اسف ????
( يبصلهم الظابط )
اوشة ب عياط : انا الي اسفة والله سامحني ????
مراد وهو بيطبطب ع ضهرها ودموعه قربت تنزل : خلاص اهدي ????
الظابط : طب ايه طيب نجيب المأذون بدل المحضر دة ولا ايه ????????♂️
مراد ب انتباه وهو بيبعد عن اوشة : احيه انا اسف نسيت حضرتك !!!
الظابط : ليك حق تنساني ي عم اقعد بقا عشان منظري بقا وحش ????????
مراد ب احراج : حاضر ????
( يمسك ايدها يقعدها قصاده ويطلع مناديل من جيبه يديهالها تقعد تنف ب صوت عالي ???? )
الظابط : دة المحضر ????
( يقراه مراد بسرعة )
مراد وهو بيديه للظابط : تمام
الظابط وهو بيديه ل اوشة : امضي ي اشجان ????
( تمضي اوشة )
الظابط : تقدروا تمشوا دلوقتي ????????♂️
مراد وهو بيقوم : شكراً ل حضرتك
الظابط : العفو دة شغلي
اوشة : انا عاوزة شعري
الظابط ب استغراب : شعرك !!!!!!!
اوشة : ايوة الي الولية قصته انا عوزاه ????
الظابط : ي عسكري
( يدخل العسكري )
الظابط : انزل تحت الحجز الي كان فيه الانسة وف اي كيسة كدة هتلها شعرها
العسكري : تحت امرك
مراد : هنستناه برة بعد اذنك
الظابط : اتفضلوا
( يخرجوا من مكتب الظابط ويستنوا برة )
اوشة : مراد
( يبصلها )
اوشة : سامحتني ؟؟؟
( ميردش )
اوشة : قول سامحتني والنبي ????
( يستغرب مراد رغم كل الي حصلها دة وبتطلب منه هو الي يسامحها وهو الي هاين عليه يمسك ايدها يبوس فيها ويطلب منها هي الي تسامحه مليون مرة … !! )
اوشة : مراد !
مراد : مسامحك .. بس مش هعرف انسالك ????
( تنزل دموعها وتبص للارض ، يقرب العسكري بالشعر ف كيسة يديهولها ، تاخده ويمشوا م القسم ، شيرين قاعدة عند رصيف القسم ، يقربوا عليها ، تشوف اوشة تتخض )
شيرين : ايه دة ايه الي عمل فيكي كدة انت الي خليتهم يعملوا فيها كدة ????
اوشة : لا هو مالوش دعوة دة انا اتخانقت مع واحدة ف الحجز
شيرين ب عياط : تقوم تعمل فيكي كدة حسبي الله ونعمة الوكيل حسبي الله ونعمة الوكيل ????
اوشة : اهدي بس انا كويسة والله وبكرة يطلع
شيرين ل مراد : منك لله انت السبب قلتلك احنا مش حمل مرمطة كدة ????
( تحسسه بالزنب اكتر .. ???? )
اوشة : هو مالوش دعوة ي شيرين دة كتر خيره انه خرجني وخلا الظابط يخليني اعمل محضر للي عملت فيا كدة
مراد : اركبوا عشان اوصلكم
شيرين : مش عاوزين منك حاجة كتر خيرك ✋
مراد : قلت اركبوا الوقت اتأخر
( يركب مراد العربية ، شيرين واوشة يبصوا لبعض وبعدين يركبوا ورا ، يمشي مراد )
شيرين : انتي كويسة ؟؟
اوشة : جسمي مكسر نفسي انام اوي ????
( مراد سامعها ومتضايق اوي )
شيرين : هنروح دلوقتي وتنامي وترتاحي
( تشاورلها ب اه )
شيرين : متزعليش ع شعرك ها بكرة هيطلع ب اذن الله ????
اوشة ب ابتسامة وهي بتبص للكيسة الي فيها شعرها : ب اذن الله ????????
مراد : هنروح مستشفى الاول
اوشة : ليه ؟!
مراد : دماغك بتنزف !
( تحط ايدها ع دماغها تلاقي دم مطرح التعاوير )
شيرين : روحنا بس وانا هطهرهلها ف البيت
مراد : مينفعش لازم دكتور ????
( تشاورلها اوشة ب خلاص ، تسكت شيرين ، يوصلوا المستشفى ويدخلوا ، ياخدوا اوشة ع الطوارئ ومراد وشيرين يستنوا برة )
شيرين : لما انت مهتم بيها اوي كدة حبستها ليه ؟!!
( ميردش )
شيرين : م ترد .. ولا هي أذية الناس سهلة عندكم اكمننا ملناش ضهر ولا حماية ????
مراد : انا حبستها ومشيت الموضوع قانوني عشان بجد مأذيهاش .. حبستها عشان لو انا الي كنت اتصرفت كنت هعملك فيها مصيبة اكتر من كدة بكتير .. الي حصلي من اختك مش شوية ف متلومنيش ع اقل حاجة ممكن تتعمل ????
شيرين : وياترى هتسيبنا ف حالنا بقا ولا هتأذيها تاني ؟؟
مراد : متخافيش .. مش هتشوفوا وشي تاني من بعد انهاردة .. وشغلك عندي تقدري تجيه عادي دة ملوش علاقة بالي حصل
شيرين : كتر خيرك ????
( يسمعوا صريخ اوشة يتخضوا )
شيرين ب خوف : ايه دة !!!!!!!!
مراد وهو بيقرب ع باب الاوضة : مش عارف !!!!
( يخبط ع الباب ، تفتح الممرضة )
الممرضة : ايوة ؟
مراد : هي بتصرخ ليه ؟؟
الممرضة : الدكتور بيطهرلها الجروح ف اطر يغسلها دماغها ب محلول ملح لان الجروج كتير وفي منهم هيتخيط
( يتضايق مراد ويشوفها وهي موطية دماغها وعمالة تعيط ، تعيط شيرين )
شيرين : طب ينفع ادخل معاها والنبي متبقاش لوحدها ????
الممرضة : والله م هتستحملي دة انا واقفة بالعافية الوضع صعب ????
( يذيد عياط شيرين )
مراد : طب ينفع انا ادخل ؟
( تبصله شيرين )
الممرضة : اه انت راجل ماشي هتستحمل عنها ????
( يدخل مراد )
الممرضة : معلش ي دكتور الاستاذ بس هيفضل معاها عشان تبطل عياط
( تتخض اوشة وتبصله )
الدكتور : اوك .. هاتيلي الحاجة دي من صيدلية المستشفى بسرعة
( يديها روشتة )
الممرضة : حاضر
( تمشي الممرضة ، يقرب مراد يقف جنب اوشة )
الدكتور : تقربلها ؟
مراد : اه
الدكتور : تقربلها ايه ؟
( ميعرفش مراد يقول ايه )
اوشة وهي بتمسك ايده : خطيبي ????????
الدكتور : اهاا
( يبصلها مراد وبعدين يضم ايدها ب ايده الاتنين ، تمسك ف دراعه وتسند دماغها عليه )
الدكتور : هتتخيط تجميل متقلقش
مراد : وشعرها ؟؟
الدكتور ب حيرة : يعني هو مع الوقت هيطلع ب اذن الله .. المشكلة ان الالة الي اتقص بيها كانت باردة ومش متعقمة ف دة هيأثر شوية ف ارضية الراس
مراد : اه ????
الدكتور : بس ب أذن الله يطلع يعني متقلقش
مراد : ب اذن الله ????
( تدخل الممرضة بالحاجة ، يكمل الدكتور تطهير الجروح ويخيط الي محتاج ، يخلصوا ويطلعوا ومازالت اوشة ماسكة ف ايده ، تقوم تجري عليها شيرين تسندها ، يسيبها مراد )
شيرين : معلش الممرضة قالتلي مش هستحمل اشوفك كدة ????
اوشة : انا كويسة ي بت دة انا دماغي مصفحة ????
( تبتسم شيرين وتاخدها وينزلوا تحت )
مراد : استنوا هنا دقتين
( يسيبهم ويمشي )
شيرين : ضايقك جوة ؟؟
اوشة : لا بالعكس .. دة كان فاضلة حبة ويعيط عليا ????
شيرين ب حزن : م انتي منظرك يقهر صراحة ????
اوشة : الحمدلله ع اي حال ????
شيرين : الحمدلله
اوشة : خدت جزاتي .. دة زنب كسرة قلبه ????????
شيرين : انتي غصب عنك ????
يتبع..
لقراءة الحلقة السادسة والعشرون : اضغط هنا
لقراءة باقي حبقات الرواية : اضغط هنا
نرشح لك أيضاً رواية فرحة العمر للكاتبة منة علي
