رواية ليل الفصل الخامس والعشرون 25 بقلم ياسمين خالد
 |
| رواية ليل الفصل الخامس والعشرون 25 بقلم ياسمين خالد |
رواية ليل الفصل الخامس والعشرون 25 بقلم ياسمين خالد
مؤمن بيجري علي الاوضه اللي كانت فيها ليل ..قال بخوف ..ليل فيكي حاجه..ايه ده!!! انتي بتحضري هدومك ليه!
_قربت عليه وبنظرات استحقار.
طلقني
=اطلقك ! انتي اتجننتي صح!
_اتجننت فعلا ..اتجننت لما وثقت فيك وكنت فاكراك هتصون قلبي طلقني يامؤمن
=طب ف ايه ياليل كل ده عشان نصحت ايات!هو انتي مش عايزاني للدرجادي!انا بحبك وخلاص مش هكلمها تاني ولا اكلم حد
_ده انا هبله اوي زعلت لمجرد انك نصحت ايات وقدامي ..ده طلع من ورايا ف بشمهندسه “م”..
=مين اللي بتتكلمي عنها دي .
_قالت بعصبيه مفرطه :متستعبطش وإقلع وش الإخلاص والحب اللي عيشت طول العمر ده مبينهولي ..كملت كلامها بعياط “انا بكرهك ..بكرهك يامؤمن” .
_بتكرهيني !
=”بصت ف عيونه إللي إتجمع فيها الدموع ” ..”غمضت عيونها خدت تنهيده طويله فتحت عيونها قرب منها خطوتين بعدت عنه الخطوتين إللي قربهم “
_هو إنتي تصدقي إني أخونك!
=شوفت بعيني .
_”بعصبيه”شوفتي إيه!!جايه بعد العمر ده كله وتقولي بخونك !
=”ضحكت بسخريه” ..شوفت ،بعد العُمر ده كُله أكتشِف خيانتك ليا ،كملت تحضير اللبس وحطيتوا ف شنطتها
“مشي إتجاهه الباب قفلوا بالمفتاح وحط المفتاح فِ جيبهُ”
_هو أنت فاكر إني كده هقعد بقى وأقولك خلاص انا سامحتك إيه ده انت جامد كده إزاي!خلاص حكايتنا خلصت يا مؤمن.
=حكايتنا عمرها ما تخلص ..حكايتنا الناس هتفضل فاكراها مهما مَر الزمن ومهما جَت ناس بعدينا ..إحنا سيبنا آثر إيجابي ف قلوب كل شخص شافنا وقعد معانا انتي اكيد فاهمه غلط ياليل.
_شششش،بس بقى مش عاوزه أسمع صوتك كفايه كده إنت صوتك بالنسبالي زي اللي واقف ماسك سلاح بيهددني بيه وكلامك المُزيف ده الرصاص كل كلمه بتخرج منك كِدب بتقتلني اسكت وسيبني امشي.
_مش هتمشي ،احنا الفجر ياليل تروحي فين
=ليا أهل ،ولا إنت نسيتهم!
_ومن إمتي فِ أي مشكله بينا حد من أهالينا بيعرفوا!
=اي مشكله حصلت بينا بسيطه كنا بنتراضى لكن توصل للخيانه !
_”ضم كف إيدو بعصبيه..عروق إيدوا نَفرت “برضو هتقولي خونتك !
=لأ هايل وإنت كمان إللي متعصب !
_ترضي أتهمك بالخيانه !
=قربت عليه وبكل ما فيها من قوه ضربته علي قلبهُ: إخرس إياك تقولها إنت عارف كويس اوي إني صايناك ف غيابك قبل وجودك وإن عيني مليانه بيك وبوجودك معايا..لكن انت لا ده مش مُجرد إتهام دي حقيقه مؤكده ياأستاذ مؤمن ..انا هروح عند أهلي وورقتي توصلي
_لا هتروحي عند بيت اهلك ولا هطلقك .
=إنت إيييه! عاوز مني إيييه!!
_أنا عايزك انتي عايزك تهدي وهفهم منك كل حاجه طلعي كل عصبيتك وكل حاجه جواكي فيا بس متمشيش.
=ممشيش بجد! هو انت فاكر اني مجرد ما روحت عند اهلي انا كده مشيت! حبيبي انا مشيت من وقت ما قرأت المسدجات حبك خرج مني وقتها..و اه نسيتك بسهوله ..انا واقفه قدامك بجسدي انا معاك دلوقتي بجسمي لكن روحي وقلبي نفروا مِنك ف متحاولش .
_طب إسمعيني إنتي أول مره متسمعنيش.
= اسمعك! انا شوفت بعيني يامؤمن
_شوفتي إيه إنتي هتجننيني!
=أجننك!ماشي انا هسكت خالص ينفع متتكلمش معايا نهائى لحد ما بس نور ربنا يطلع وأمشي.
_مش هتمشي.
=لأ همشي.
_مش هتمشي قولت وكفايه عشان انا كل ده ماسك نفسي ومش عايز اتعصب
=يابجاحتك بجد.
_بجاحتي! انتي بتتكلمي معايا انا كده ياليل!
=فِ حد غيرك!
“بصلها وسِكت ..قعد ب هزيمه وهو مش فاهم حاجه ومش عارف إيه إللي حصل وشافت إيه قعد يصارع مع نفسهُ طب أنا عملت إيه!
فاق من شروده علي شهتفه عياطها..
قرب عليها وبحِنيه قال:كُل دمعه بتنزل منك كإنها جمر بينزل علي قلبي يكويه ..طب أنا اسف لو زعلتك قوليلي طيب عملت إيه وأفهمك
_ “مسحت دموعها وحاولت تتجاهل نظراته ليها وإتكلمت بقوة:مؤمن إبعد دلوقتي لو سمحت .
=مش هعرف أبعد
_لكن تعرف تخون
=أخون!أنا اخونك !طب فهميني أنا مش فاهم حاجه مش يمكن فِ حد حابب يوقع بينا !
_بجد والله!
=فهميني لو سمحت.
_إفتح موبايلك وإنت تعرف.
=موبايلي أنا !.
_أه موبايلك .
“بيروح يجيب موبايلهُ “.
اهو موبايلي افتحيه إنتي ووريني شوفتي إيه !
“فتحتهُ ووريتوا المسدج اللي البنت كانت بعتاها “اتفضل اقرا ..
_علامات الدهشه والإستغراب كانت باينه علي ملامحهُ: ايه ده ثانيه واحده هي ازاي تتجرأ وتقولي وحشتني دي !!!
=ياسلام بتسالني انا !!
سبحان الله مسجلها بشمهندس “م” وبعتالك وحشتني ومسحتها..وحتي مجيتش قولتلي إنك مسجل رقم بنت أصلا .
_والله هبله اصلا إنتي إزاي بعد كل ده تفكري فيا التفكير ده !
=مالك بتتكلم بكُل بساطه كإن الموضوع ميزعلش!
_مستعده تسمعيني!
=لأ عايزه أروح عند أهلي.
_طب ما انا أهلك ياهبله ..”بيضربها ضربه خفيفه علي وشها بمشاكسه” مش كده ولا إيه!
_لأ انا اهلي بابا وماما واخواتي وبنتي .
=وجوزك حبيبك ابو بنتك وابو رحيم اللي جاي ف الطريق مالهوش نصيب انه يكون اهلك.
_لأ ملكش .
=عيني فِ عينك كده !
_لأ
=طب قوليلي بحبك وصالحيني عشان شكيتي فيا ..أنا زعلان وهعيط
_بطل إستفزاز هو انا طايقاك عشان أقولك بحبك ياخاين
=”بيقول ببرود ” يالهوي أنا إزاي خاين كده ووحش يالهوي .
_مؤمن هو بجد الموضوع بسيط كده !
=لأ مش بسيط ولازم تتربى المهزقه دي عشان عيطتك ..
_والله!
=أه أقسم بالله ما هسكت أنا مفيش حاجه تعيطك وإنتي معايا
_وهو انا بعيط عشانها ولا حتي عشانك انا بس صعبان عليا نفسي بعد كل ده تخوني وتحسسني بالنقص ان هي احسن مني ..إكمنها بشعرها ولبس وحركات ف عينك زاغت عليها.
_يالهوي هو إنتي بجد مصدقه !
=أنا مصدومه.
_مصدومه بجد ومش بنطق ولا عارفه ارد ..
=بطل برود يامؤمن صوتي هيعلى وعائشه وتيتا نايمين.
_مش بتبارد والله بس هاتي بوسه وانا أقولك كل حاجه
=مش هصدقك وبردو هروح عند اهلي .
_طيب شكلك مش عاوزه تعرفي الحقيقه صح!.
=لأ مش عايزه .
“بيقرب عليها بيطبع قُبله علي جبهتها ” ..رغم إنك شكيتي فيا بس ميهونش عليا عياطك وحتي لو مش عايزه تعرفي الحقيقه انا لازم أعرفك وحتي لو حاولتي تبينيلي انك مش مهتمه ومش فارق معاكي تعرفي ف أنا واثق إن قلبك عاوز يسمع..
“قعد علي رُكبتهُ قصادها ” بصي فِ عيني وأنا بحكيلك .
“تجاهلت كلامه ونظراته ليها “..
_بُصيلي عشان لو بكدب عليكي هتعرفي ..مش إنتي قولتي إني لو بكدب عليكي ف حاجه مش عاوز أحكيهالك وأشيلك همي فيها بتعرفيني من عيني وبتكدبيني ووقتها بحكيلك وبتخففي عني!بصيلي بس ومتنطقيش حرف
“بصتلهُ والدموع ماليه عيونها “.
“مِسك إيديها ..كانت بتحاول تشد إيديها لكن بعد إصرار مِنهُ سابت إيديها وهو إللي إنتصر ..مِسك إيديها إللي كانت بترتِجف أول ما لَمسها “..خايفه مني !
=اه خايفه منك.
_أنا والله ما خونتك كل الموضوع إن..
_______________
علي الجانب الأخر
_تيتا هو بابا وماما بيزعقوا ليه أنا صحيت من النوم وكانوا بيزعقوا .
=متزعليش ياحبيبتي وحاولي تنامي ،هما بس بيهزروا
_لأ ياتيتا كانوا بيزعقوا جامد
= طب ممكن تنامي!
_طب إحكيلي قصه ياتيتا
=وهتنامي!
_أه
=حاضر ،بصي هحكيلك قصه “أصحاب السبت”
القصه دي قصه من قصص القرآن الكريم وهي قصه فيها موعظه وعبره قومٌ من بني إسرائيل.
_يعني إيه قوم ياتيتا!
=يعني مجموعه من الناس ..ناس كتير يعني ياحبيبتي فهمتي!
_اه فهمت.
=القوم دول كانوا عايشين ف زمن سيدنا داود عليه السلام وكانوا ساكنين ف القريه البيوت بتاعتهم بتطُل علي البحر الأحمر.
_يعني إيه بتطل دي ياتيتا!
=يعني بيوتهم كان بتبص علي البحر علي طول ياحبيبتي
_ماشي ياتيتا كملي .
=المهم ..كان معظم القوم دول بيَعملوا ف حرفه صيد الأسماك أو الحيتان ربنا حلل ليهم إنهم يصطادوا كل الأسبوع ما عدا يوم السبت..يعني يشتغلوا طول الاسبوع ياعائشه عادي ويصطادوا براحتهم بس إلا يوم السبت
_ليه ياتيتا !
=طلبًا منهم لعباده الله وليتفرغوا للعباده والصلاه بالكامل ف ربنا أراد أن يختبر صبرهم وعزيمتهم وإصرارهم ف إن لو حصل بلاء يمنع رزقهم هيعملوا إيه هل هيصبروا ولا وقتها هيتصرفوا إزاي!طب إيه إللي حصل ! ربنا عز وجل جعل الأسماك والحيتان تبقي كتيره جدًا علي شواطئهم يوم السبت يعني كانوا بيشوفوا السمك كده كتير علي شاطئ البحر لو مدوا إيديهم كده بس من غير أي أدوات الصيد كانوا يقدروا يمسكوهم ف الأول قعدوا فتره من الزمن ميصطادوش يوم السبت مُلتزمين بعهدهم مع ربنا لحد ما حصلت المعصيه إبتدت إزاي المعصيه إبتدت بواحد منهم ربط حوت وثبتهُ علي شاطئ البحر لكن مخرجهوش حتي إنقضى يوم السبت يعني خلص وبعدين خرجوا وشواه وأكلهُ
_ماشي ياتيتا ما هو استني كده يوم السبت يعدي؟
=ياحبيبتي عهدهم مع ربنا إنهم ميصطادوش يوم السبت نهائى كل الايام مُحلله إلا يوم السبت وهو إصطادوا السبت لما ثبتوا علي شاطئ البحر فهمتي !
=اه ياتيتا .
_المهم إستمر الراجل ده علي نفس الحركه كل سبت لحد ما باقي القوم شموا رائحه الشواء فقالهم علي اللي هو بيعملوا وسوس ليهم الشيطان إنهم كده ما بيصطادوش يوم السبت فِ قوم إتباعتهُ ب انهم كده مبيعصوش ربنا رغم إنهم كده بيعملوا مأزق للأسماك لما يثبتوها ب حاجه وبعدين يرجعوا ياكلوها يوم الاحد الناس ابتدت تبقي كتير اللي بتعمل كده ..ف ناس مستكفتش بكده بل حفروا ليهم الخنادق والاحواض لحبس الأسماك فيها ليعودوا يوم الاحد يصطادوها ويبيعوها ف الاسواق..إتقسموا القوم إلا ثلاث فرق فرقه عصت ربنا وعَمِلت فِ يوم السبت وهي دي الفرقه الاكبر وفرقه ما عَملتش معاهم يوم السبت ونَاهيتهُم عن ذلك يعني مقالتلهومش متعملوش كده وان دي معصيه والفرقه التالته ما عملتش معاهم يوم السبت يعني مصطادتش ومقالتلهومش ان كده غلط وان دي معصيه لكلام الله بل قعدوا يجادلوا ف الناس اللي نصحت اللي بيعصوا ربنا وقالولهم ايه الفايده من كلامكم قدام مبيسمعوش الكلام من حد ردوا عليهم وقالوا انهم بيقوموا بالواجب تجاه ربنا ،إستمروا إللي بيعصوا ربنا مُده لحد ما ظنوا إنهم مبيغلطوش لحد اليوم اللي هيتعاقبوا فيه..ف يوم من الايام مظهروش ف ده لفت انتباه الناس ان هما ليه مش ظاهرين رغم ان الناس شافتهم وهما داخلين بيوتهم ف راحوا الناس عشان يشوفوهم ولما وصلوا لمنازلهم لقوا حاجه مكنوش متوقعينها بدل ما يلاقوا قرايبهم وصحابهم لقوهم ممسوخين ..بقوا قرود سواء ذكر او انثي
_يالهوي ياتيتا قرود!
=اه قرود كانوا بشر عايشين ف اجساد قرود تعَرفوا علي اهاليهم من الإنس وهما مكانوش بيعرفوهم لان كلهم تحولوا ل قرود ..كانوا القرود دول بيقربوا علي اقاربهم ويشموهم ويعيطوا ندمانين..ف كان البشر يرد عليهم ويسالوهم ألم أنهك علي المعصيه بيهز راسه بمعني ايوه لإن مكنش عندهم القُدره إنهم ينطقوا ..
_طب القرود ماتت ياتيتا !
=فضلوا عايشين 3 ايام من غير اكل ولا شرب ثم أبادهم الله عز وجل ولم يبقي لهم باقيه..هتقوليلي ياتيتا يعني في قرود منذ القدم دول من نسلهم هقولك لا علي لسان سيدنا محمد عليه افضل الصلاه والسلام لما ساله احد الصحابه علي نفس السؤال رد وقالهم إن القرود والخنازير موجوده منذ القدم أي قبل قصه اصحاب السبت وان القرود الممسوخين ابادهم الله عز وجل تمامًا وقطع نسلهم بس كده ايه رايك بقي !
=جميله أوي ياتيتا،هحكيها لكل صحابي
_شاطوره ياعائشه..يلا نامي ياحبيبتي
=حاضر ياتيتا ،تصبحي علي خير
_وإنتي من اهل الخير ياحبيبتي
“عائشه بتغمض عينيها وتنام لكن تيتا فاطمه بالها مشغول بِ ليل ومؤمن وليه كانوا بيزعقوا فضلت تدعيلهم لحد ما عينيها راحت فِ النوم “..
_____________
علي الجانب الأخر .
_____________
أنا والله ما خونتك كُل الموضوع إن النهارده الصبح كان عندي شغل ف التجمع لاقيت بشمهندس عمرو بيكلمني ..
_________
FLASH BACK
__________
_صباح الخير يا بشمهندس.
=صباح النور يابشمهندس عمرو عامل إيه!
_الحمدلله ياحبيبي،ها نزلت علي الشُغل!
=اه رايح فيلة التجمُع أهو..راكب اوبر
_طب بص هطلب منك طلب بس مش عايزك ترفض عشان هتضايق وهزعل منك.
=من إمتي برفُضلك طلب بس؟
_طيب بُص مينا جاري من زمان تقريبًا حكيتلك عليه
=مش مُتذكِر أوي ..المهم مالهُ!
_أنا عارف إنك مش بتحب الشغل مع البنات وكده منعا للمشاكل العائليه بس هي بنت أخته لسه متخرجه من كليه الهندسه وكده وهو عارف إني مهندس وتحت إيدي ناس بيتدربوا وهكذا ف هو كان عشمان فيا إني أنزلها تدريب ف أنا مسافر إسكندريه عندي شغل هناك وانا عارف إنك هتشتغل النهارده فِ فيلة التجمُع ف هو ادالها رقمي وكلمتني وقولتها روحي هناك وبعتلها لوكيشن فيلة التجمع وقولتلها هتكوني تحت إشراف بشمهندس مؤمن ده بدالي .
_مؤمن بعصبيه:طب وهو انت بتتصرف من دماغك يابشمهندس عمرو ولا كإني موجود انا شفاف طيب عشان انت كده بتحطني قدام الأمر الواقع.
=إهدي يامؤمن فِ إيه أولا هي زي أختك لإن الديانه مختلفه.
_وحتي لو مسلمه زيي هي أختي بس انا مش عاوز أتعامل مع أي واحده غير مراتي انا حر وانت عارف من اول ما بدات شغلي معاك برفض تعاملي مع اي بشمهندسه .
=يامؤمن افهم انا مش موضوع بحطك قدام الأمر الواقع أنا واثق فيك وفِ شغلك لو حطونا ف مكان واحد محدش هيفرق ما بين شغلي وشغلك وكإنها ياسيدي صاحبه الفيلا وبتتعامل معاها فِ نطاق الشُغل .
_يابشمهندس بيصادف لو ست صاحبه الفيلا غالبا مبتبقاش موجوده ومسافره وكل كلامنا موبايل وبتقولي علي الديزاين إللي عايزاه وخلاص ..لكن دي انا هتعامل معاها فاهمني .
=متحبكهاش بقي لو حصلت أي حاجه كلمني .
_يابشمهندس عمرو بس..
“قاطع كلامه”.
=خلاص بقي انا هقفل عشان الشغل البنت هتلاقيها مستنياك..
“بيقفل الموبايل “..أستغفر الله العظيم يارب طب انا اتصرف ازاي.
_سائق الأوبر:أنا أسف علي التدخل ..إنت أصيل ومُخلص جدًا لزوجه حضرتك
=إبتسم_ الله يكرمك .
_بس عاوز أقولك حاجه “كان بيكلموا من مرايه العربيه”الإخلاص فِ الحب مش فِ إنك تبقي خايف وتمنع نفسك من التعامل مع اي ست ..الإخلاص ف الحب هو لو حواليك مليون ست قلبك ميدُقش غير ل مراتك
“كمل كلامه وهو بيبُص فِ طريقهُ”..”نبره صوتهُ إهتزت وكإنهُ علي وشك البُكاء” أنا عندي 34 سنه زوجتي الله يرحمها كنت واخدها عن حُب إتجوزتها وأنا عندي 20 سنه فِ عز سِن المُراهقه بس كنت بحبها اوي ..كنت بدرس وقتها وهي مكملتش تعليم وطبيعي ف الكليه ف زمايل وصحاب بنات وكان ممكن اقول طب انا ليه مقلعش الدبله ومعرَفش حد إني متجوز وكنت اكلم بنات وأصاحب وهكذا بس كنت زيك كده مخلص أوي لدرجه كنت بشوفها ف اي بنت تيجي قصاد عيني وكإنها بتقولي أنا شايفاك اهو وقدامك ف كل مكان إياك تبص لغيري ..”دموع ممُزوجه بضحكه مليان آلم وإشتياق ” وفِ يوم كان عندي إمتحان فاينل وانا كنت بشتغل مش بروح كتير الكليه ومكنتش عارف أي حاجه نهائى ف الماده اللجنه ف الأخر ادولنا مساحه إن اللي محتاج حاجه بسرعه يلحق ياخدها من زميله ولإني مش مذاكر اصلا ف هتبقي الماده صعبه عليا وكنت مضطر اتلفِت حواليا وإن أي حد يساعدني بس ولاد مش بنات، ف لاقيت بنت ساعدتني وكنت الاول رافض أصرِت إني اخد ورقه مكتوب فيها حل الامتحان كله إستغربت وقتها إن البنت إزاي مزهقتش بعد ما حلت انها تكتبلك الاجابات كلها ! وازاي عرفت إني محليتش أي حاجه فِ الإمتحان!بعدها حليت بسرعه وابتسمتلها.. وانا بكتب كنت بأنِب نفسي انا ليه إبتسمت لواحده غيرها ليه ..هو انا أرضاها انها تبتسم لراجل غيري !طب هي آمنتلي علي قلبها طب ليه ! خلصت الامتحان وانا مش عارف كتبت صح والاجابات مكان الاساله ولا لا من كتر التفكير بعدها خرجت برا ومروح لاقيت البنت اللي اديتني الاجابات طلعت ورايا وبتقولي حليت كويس إرتبكت أوي وقولتلها اه شكرا.. جاي أمشي لاقيتها بتقولي بص أنا اول مره أقول لولد كده بس انا بجد مشدوده ليك أوي من أول ما شوفتك بصيتلها وقتها بصدمه ومشيت بسرعه مكنتش شايف قدامي جريت روحت البيت ودخلت ادور علي مراتي ف الشقه زي المجنون قابلتني ب إبتسامه والمريله إللي كلها مايه بسبب غسيل المواعين ..بصتلي وقالت بحنيه عملت إيه ف الإمتحان! مهمنيش هدومي تتبهدل ولا أي حاجه من دي حضنتها جامد ودموعي نزلت
_مؤمن ب استغراب:طب ليه عيط!
=”مسح دموعه وقال” عشان فضلت أعاتب نفسي طول الطريق وفضلت كاتم العصبيه وزعلي من نفسي إن ليه مقولتلهاش أنا متجوز وبينتلها الدبله ليه معرفتهاش إن ف قلبي واحده ليه خوفي من إني اتعامل مع بنات عشان خوفا علي مشاعر مراتي وإنِ أجرحها ف إني مرُدش عليها ويحصلي رهبه من الوقوف قدام اي بنت ..وقتها فضلت تهديني وقعدنا سوا فضلت تطبطب عليا زي الطفل إللي بيعيط ف حضن امه فضلت تسمعني وانا بتشهتف زي العيال ولاقيتني بحكيلها الموقف من غير خوف وقولتلها سبب عياطي كإني بجري علي أمي بالظبط مش مراتي وعرفتها إني عمري ما عيط حتي لو علي حاجه كبيره عشان مبانش ضعيف ردت عليا ب هدوء وقالتلي الجمله اللي قولتهالك ..قالتلي اه انا هغير عليك وكمان هتضايق لو اتعاملت مع بنت غيري بس هفرح اكتر لو شوفت بنات الدنيا واتعاملت معاهم وقلبك مدقش غير ليا تبقي شايفني معاك وانت بتتعامل معاهم والعياط مش ضعف يمكن إنت إنفجرت دلوقتي بالعياط علي موقف صغير بسبب تراكمات كبيره حصلت وربنا حطك ف الموقف ده عشان تعيط وتخرج كل اللي ف قلبك ..وقتها قالتلي إحنا فيها.. تروح للبنت وبردو عشان متجرحش قلبها قولها انا اسف والله إني سيبتك ومكنش ف رد فعل مني وكسفتك بس انا راجل متجوز ومراتي ماليه عيني وقتها قولتلها اتاسفلها كمان قالتلي اه لانها بنت وإتكسفت إنت متعرفش هي عافرت مع نفسها قد ايه عشان تعترفلك والبنت مننا بتبقي مستنيه الراجل هو اللي يعترفلها ..
_الله يرحمها ويصبر قلبك يارب ..
=يارب ..يارب يصبرني علي فراقها الدنيا وحشه من غيرها ..اللي يقولك الدنيا مبتقفش علي شخص يبقي كداب الدنيا واقفه ومقفله معايا من يوم ما ماتت من اربع سنين بشتغل عشان آلهي نفسي لكن مفيش حاجه عارفه تخليني أنشغل ف التفكير عنها.
=إنت مؤمن وربنا إختارك عشان يمتحنك ويختبر صبرك صلي وإدعيلها وربنا يجمعك بيها علي خير في الجنه يارب
_يارب رغم إن الإمتحان صعب أوي بس الحمدلله فِ السراء والضراء،أسف لو دوشتك بس يمكن موقفك كان يشبهه لموقفي ف اتمني لو مراتك عرفت تاخد الموضوع بالأريحيه إللي مراتي خدت الموقف بيها.
_الفكره ان انا مش حابب،بس ف نفس الوقت بشمهندس عمرو ده يعز عليا فاهمني.
=فاهمك ..بس ده اختبار ليك انت كمان لو انت اتعاملت معاها وشوفت مراتك قصاد عينك ومش شايف غيرها اعرف ان لا البنت دي ولا غيرها يقدروا يسكنوا قلبك غير مراتك.
=عندك حق
“بيوصل عند الفيلا”
_شكرا ليك حقيقي انك سمعتني انا كنت محتاج اتكلم مع اي حد .
_الشكر لله انا اسمي مؤمن وده الكارت بتاعي و فِ رقمي ابعتلي مسدج ونبقي اصحاب.
=ب ابتسامه_يزيدني شرف والله ف رعايه الله.
_الله يباركلك سلام عليكم ..
_وعليكم السلام
“بيوصل عند الفيلا” بيشوف بنت واقفه قدام الفيلا”..بيتردد للحظات ب انه يبدأ الكلام بيفتكر كلام الراجل ..بياخد هدنه وبيروح يقول”:سلام عليكم .
=ب ابتسامه_ وعليكم السلام ..حضرتك بشمهندس مؤمن!
_اه انا عرفتيني ازاي!
=بشمهندس عمرو بعتلي صورتك عشان لما تيجي اعرفك.
_اه ..اهلا وسهلا .
=اهلا بيك .
_اتفضلي .
“بيدخلوا الفيلا بيبتدي انه يعرفها علي الشغل كان بيحاول يتجاهل نظراتها اللي تلفت انتباهه أي حد ..
“عم محمد المسؤل عن الشاي “..بمشاكسه وبصوت خافت_ايه يابشمهندس البنت مش مركزه ف الشغل خالص هي عينيها عليك ولا إيه.
=بيرفع حاجبيه: شوف شغلك ياعم محمد.
“مؤمن حاول يحُط حَد للنظرات دي “..حضرتك مركزه معايا!
_ردت بتوتر:أه ..أه مركزه .
=طب اتفضلي إشتغلي .
_اوكاي ماشي ..
_________
Back”
___________
_بس بعدها ماجد كلمني اروح معاه السبوع وسيبتها ومشيت
=طب وهي سمعتك وانت بتقولي بحبك والناس فضلت تنكشك وكده !
_ اه طبعا وده اللي مستغربلهُ يعني هي عارفه إن ف حياتي واحده وبحبها .
=وانت يامؤمن شوفتني قصادك زي ما السواق ده قالك .
_قرب عليها وفتح كف إيديها وباسها: والله ما كُنت شايف حد غيرك ..أنا عارف إني غلطان إني مجيتش أحكيلك حاجه بس انتي شايفه مكنش فِ وقت يادوب جيت غيرت وروحنا السبوع واتلخمنا ف عمر وجينا نمنا علي طول وانا اصلا نسيتها .
_وجابت رقمك منين !
= بشمهندس عمرو هو اللي اداهولها زي ما بعتلها صورتي ..وكمان بعتلي رقمها عشان كده سجلتها بشمهندس م ع اساس انها تبع مينا تبع بشمهندس عمرو
_امال هي اسمها ايه
وهو يبعتلها صورتك ليه ورقمك من غير ما يستاذنك ..
=اسمها عايده،انا هعاتبه علي كل ده والله ..بس الغريب واللي مش فاهموا هي ليه تتجرأ وتقولي وحشتني وهي عارفه إن ف حياتي واحده وف ايدي الدبله كمان..مش عارف اتصرف ازاي !
=معرفش .
_انتي مش مصدقاني!
“وطت ف الارض ..وقالت بصوت يرتجف “:معرفش.
=دي هتبقي مصيبه بالنسبالي لو بطلتي تصدقيني او ثقتك فيا قلت ،انا اسف ومستعد أثبتلك كل كلمه انا قولتها واتصل ب بشمهندس عمرو و ..
استنيِ كده انا قولت لسواق الاوبر يبعتلي مسدج يارب يكون بَعت ..
“بيفتح موبايله”
“رقم غريب باعت ريكورد محتواه ..اذيك يابشمهندس مؤمن انا محمد سواق الاوبر اللي كنت راكب معاه النهارده اتمني تكون بخير واليوم يكون عدا بسلام ..انا صليت ودعيت لمراتي زي ما قولتلي كان بقالي فتره مش قريب من ربنا ودلوقتي إرتاحت جدا ..وبما ان تفكير الستات واحده وخايف يكون حصل مشكله ف انا شاهد علي ان انت كنت راكب معايا النهارده وكنت رافض ان البنت تشتغل معاك عشان بتحب مراتك وكنت زعلان من بشمهندس عمرو “بيضحك” مش عارف بقولك ليه كده بس اكيد انت حكيتلها اول ما روحت وممكن تكون زعلت او غارت عليك وده حقها ف انا حابب اقولها متزعليش وان انت بتحبها جدا ..
“ليل بتضحك وهي بتسمع الريكورد ” ..
_يالهوي ياجدعان علي ضحكه القمر بتاعي اهو الحمدلله عشان مظلوم ربنا برأني قُدامك وفتحت الموبايل قدامك عشان متقوليش اني متفق معاه وهبعت للبنت ريكورد دلوقتي وهبعت لبشمهندس عمرو كل الكلام والريكوردات .
_هتقولها ايه !
=إسمعي
“بيفتح الشات ..بيبتدي يسجل ريكورد “
_سلام عليكم،حبيت أقول لحضرتك إن لسوء حظك المسدجات مش بتتمسح عندي وإن مراتي شافت المسدجات وإنتي كنتي سبب ف دموعها وانا مش عارف والله يابنتي إيه خلاكي تتجرأي وتقولي وحشتني رغم إن محصلش أي كلام فِ تجاوزات بينا حبيت أقولك بس انا مش مسامحك وده كفايه مش عشاني لا عشان انتي كنتي سبب ف دموع أغلي حد عندي ف الدنيا أتمني لو شوفتيني ف اي مكان متحاوليش تتكلمي تاني لإنِ حاولت أتكلم بطريقه لطيفه معاكي عشان مصغرش بشمهندس عمرو،هعمل بلوك ومتحاوليش تتصلي تاني سلام .
“بيعمل بلوك”..
“بيبعت اسكرين بالمسدج والريكورد ل بشمهندس عمرو “..
“بيسجل ريكورد ” ..دايما بقولك مبحبش اشتغل مع بنات وانا حاولت امسك نفسي عشانك واتكلمت بطريقه حلوه معاها عشانك لكن انا مراتي تزعل وتعيط وهي السبب ده ليه يعني ! والكل يشهد ف الشغل وعم محمد إني مديتهاش وش حتي بشمهندس عمرو لما تسمع الريكورد ده مش عاوزك تقولي معلش يامؤمن انا مش عايزك تجيبلي اي سيره جنس اخر هتشتغل معاك دي تاني وتخلي البت دي مشوفش وشها واخر حاجه اعذرني لو كلامي فيه عصبيه بس انا حاولت اتحكم ف نفسي ف اسلوبي معاها عشانك انت ف لو فضلت ساكت ومطلعتش اللي جوايا هنفجر تمام .
“بيبعت الريكورد”..
_خلاص يا مؤمن .
=خلاص ايه !
_اهدي عشان متتعبش
=ما انا هادي خالص اهو مفيش حاجه
_انا هروح عند اهلي يومين نفسيتي ترتاح .
=بردو! طب قسما بالله ما هتروحي عند حد ويارب نهدى بقي شويه .
_بتكلمني كده ليه !
=عشان انتي عارفه اني بحبك وعارفه اني عمري ما خليت دمعه تنزل من عيونك عشاني ودايما معزز دموعك ..الاقيكي دلوقتي بتعيطي وانا السبب وكمان عايزه تسيبيني وتروحي عند اهلك !!
_طب اهدي يامؤمن صوتك عالي ..خلاص مش همشي
=ده كده كده
_عافيه يعني
=اه عافيه،مش هتسيبيني عافيه انا زي العاجز من غيرك ياليل انا بحبك .
_وانا كمان بحبك .
=قوليها تاني
_بحبك
“بيفتح شنطتها ..إذا كان كده هرُصلك هدومك دي ف الدولاب وعالله تحُطيها تاني فِ الشنطه وتقولي هتسبيني دي .
= حاضر ..
“بعد مرور ساعه بيحطلها هدومها ف الدولاب “.
_تسلم إيدك،مش هتنام عشان خلاص الصبح جيه وانت وراك شغل.
=بيقرب منها بغزل”: ياواد يامسكر إنت أسيبك بردو وأروح الشغل!
_ أمال هتعمل إيه!
= هنسافر
_هنسافر!
=إيه رأيك!
_انت إتجننت!
=أه هربانه مني ..المهم تعالي نعيد شهر العسل قبل ما بطنك تكبر ومنعرفش نتحرك!
_وعائشه وتيتا فاطمه!
=هنسيبهم هنا مع أهلنا
_مش هيهون عليا اتفسح وبنتي هنا سيباها وكمان تيتا فاطمه محتاجه رعايه
=حبيبتي تيتا فاطمه مش هتقدر تتحرك كتير وعشان متزعلناش هتقول روحوا إنتو فاهمه.
_فاهمه بس قلبي مش هيطاوعني اسيبهم.
=طب بصي نامي وبعدين الصبح نقترح عليهم الفكره ونشوف رد فعلهم إيه رأيك!
_ خلاص ماشي
=زعلانه!
_شويه صغيرين .
=لأ مش عاوزك تزعلي خالص
_ماشي
=أيوه أفهم من كده إيه!
_ مش زعلانه يامؤمن.
=بتحبيني .
_أه بحبك .
“بتيجي نتوفكيشن علي الواتساب”
=”بتضيق عينيها وبنظره شك”ها مين !
_هنبتدي نشُك بقي ولا إيه!..ده بشمهندس عمرو استني نشوف باعت ايه .
“بيفتح الريكورد وبيتكلم بصوت غالبه النعاس” ..هي صباح الخير بتاعتك ياعم ماشي ومش هتكلم علي طريقتك لإن عارف انت بتحب مراتك إزاي أما البنت دي عقابها إني هبعت الكلام لمينا خالها وهو يتصرف ومفيش أي مكان هيجمعك بيها تاني وخلي المدام متزعلش وصباح الفُل
_بصي الكُل عارف إني بحبك يا ظالمه يامُفتريه
=أه مفتريه لو انا واحد قالي وحشتيني هتعمل إيه.
“بصلها بحِده وبعيون كُلها شَر طب إهدى ها عشان قسمًا بالله إللي يفكر يقولهالك ما هيعيش يوم تاني بعدها .
_يبقي أنا كمان أروح أجيبها من شعرها وأموتهالك!
=قلبك أبيض بقي خلاص ..يلا نامي ياحبيبتي.
_حاضر.
“بيبعت مسدج ل عمرو ..متزعلش غصب عني اتعصبت لما شوفتها بتعيط “
“قفل الموبايل قرب علي حضن ليل ..وقال بدلال: إلعبيلي ف شعري عشان أنام.
_وتدفع كام!
=هسفرك سفريه حلوه
_إذا كان كِده ماشي .
“بتملِس علي شعروا بلُطف ” .
“بيروح فِ النوم ..”.
______________
بعد مرور فتره من الزمن ..
علي صلاه الضهر..
___________
تيتا فاطمه بتقوم تدخل الحمام وتتوضى
_________
عائشه بتقوم وبتفرك فِ عينيها ..
وبصوت غالبه النعاس.
_تيتا صحيتي .
=اه ياقلب تيتا يلا إغسلي سنانك ووشك وأنا هصلي ونحضر الفطار سوا..وناكل .
_ماشي ياتيتا
“بتدخل الحمام بتغسل سنانها ووشها ..بتخرج برا تلاقي تيتا فاطمه لسه بتصلي بتروح علي اوضه ليل ومؤمن بتخبط خبطه بسيطه بتقول بهدوء بابا ماما
ليل بتفتح عيونها ب هدوء
“عائشه بتخبط “
بابا ماما يلا عشان تصلوا.
_ليل:حاضر ياحبيبتي هنقوم أهو
=ماشي يامامتي
“بتحُط إيديها علي وش مؤمن بلُطف “..حبيبي ..مؤمن
_اممم بيفتح عيونه ببطأ..”وبصوت غالبهُ النُعاس”نعم ياحبيبتي “
=يلا عشان نفطر سوا.
_طب هنام 10د بس.
=لأ يلا قوم عشان نصلي ونفطر سوا .
_هاتي سُكر وأنا أقوم طيب.
=”باستهُ من خَدو ” أهو يلا قوم .
_أنا جوزك علي فكره مش إبنك.
=لأ كده حلو اوي قُبله خاليه من الفِتن
_طب يلا يا أم فِتن
=هقوم أهو
“بتقوم وبتحضر الفطار بيتجمعوا علي السُفرة”
_مامي كنتي بتزعقي انتي وبابا ليه بليل!
“ليل ومؤمن بصوا لبعض بخجل إن صوتهم كان عالي “
_تيتا فاطمه حاولت تداري الموقف:حبيبتي مش قولتلك مش بيزعقوا!ممكن نفطر !
=حاضر ياتيتا.
_تيتا كنت عاوز اخد رايك ف موضوع.
=قول ياحبيبي
_كنت عاوز أخد ليل ونقضي أسبوع كده ف إسكندريه.
=طب يابني ربنا يوسع رزقك يارب إتفسحوا وغيروا جو.
_طب خلاص جهزي نفسك كده عشان هتطلعي معانا .
=أنا ..!إن شالله يباركلك يابني ده انا بقوم ادخل الحمام بالعافيه إعفيني يابني وروحوا سافروا إنتو.
_ليل:مش هيهون عليا أسيبك وأسافر مش هعرف.
=ياحبيبتي أنا لو سافرت والله هتعبكم جدًا ده غير إن كل شويه من التعب هقولكم إنزلوا إنتو ف هضطروا تقعدوا معايا ومتسوبنيش لوحدي والسفر هيبوظ عشاني وانا هتضايق ف إنتو سافروا وأقعدوا براحتكم وسيبولي عائشه السُكر دي
_لا ياتيتا هروح مع بابي ومامي.
=هتقعدي معايا وهنطلع كل يوم فوق السطوح وبابي ومامي مش هيتأخروا علينا.
_ليل:لأ هناخدها معانا تتفسح.
=ياحبيبتي لازم تقضوا يومين حلوين لوحدكم وعلي فكره فِ متجوزين مش كل خروجه بياخدوا أولادهم ف فتره بيكونوا محتاجين يتكلموا لوحدهم وهكذا ..ف لما ترجعوا فسحوها ف المكان إللي إنتو عاوزينهُ صح ياعائشه !”بتغمزلها”
_صح ياتيتا أنا مش عاوزه اسافر خالص واصلا هقعد أذاكر.
“بيضحكوا علي طريقتها “
_تيتا فاطمه:شاطره ياحبيبتي.
=مؤمن:لما نيجي أنا ومامي هنفسحك ونوديكي دريم بارك ونوديكي ف كل حته إنتي وتيتا فاطمه.
_ماشي يابابي.
=ليل:طب بصي ياتيتا أنا هوديكي عند ماما تقعدي عندها لحد ما ارجع.
_لا لا مش ده بيتي! انا هقعد هنا انا وعائشه انا كده كده كنت بخدم نفسي مفيش غير لما جيت هنا بقيتو تدلعوني
=ياتيتا بس..
_من غير بس ياليل واكيد الجماعه هيفضلوا طالعين نازلين علينا سافروا إنتو ياحبيبتي ومتشغلوش بالكم ب أي حاجه.
=مؤمن:هنشغل بالنا بمين بس لو مش هننشغل بيكم
_إسمع بس إنتَ الكلام خد مراتك وإتفسحوا وغيروا جو شويه بدل الروتين اليومي دة.
=بس ..
_من غير بس ياليل إسمعوا الكلام حضروا شنطتكم ويلا سافروا النهارده
=النهارده!
_خلاص ياليل إيه المشكله لما نسافر النهارده ..كده كده شقتنا هناك يعني مفيش حاجه تمنعنا يلا حضري شنطتك وجهزيلي هدومي انا كمان.
=بس يابني انا ف حاجات عاوزه أجيبها.
_عارف هنزل انا اجيب طلبات البيت هنا عشان تيتا فاطمه وعائشه وف الوقت ده إنتي جهزي الشُنط
=حاضر ..بس اشرب الشاي الاول
“بتلم الاكل اللي علي السفره وبتعمل الشاي ..
مؤمن بينزل يجيب الطلبات وبيعرف أهله إنهم مسافرين وانهم من الوقت للتاني يشوفوا تيتا فاطمه وعائشه لو إحتاجوا أي حاجه “
“بيطلع وبيغسل الخضار ويرصوا ف التلاجه ..
ليل بتكلم ساره وحور إنهم من وقت للتاني يشوفوا تيتا فاطمه لو محتاجه أي حاجه ..”
مؤمن بيدخل يلبس هو وليل ..وكانوا مبسوطين لإنهم ولإول مره بعد وقت طويل هيكونوا لوحدهم ..
_______________
علي الجانب الأخر
_______________
_”ببكاء” ياخالو انا غصب عني والله انا اسفه.
=”بعصبيه” أسفه إيه ياعايده! مكنتش متوقع منك إنك تعملي كده إنتي عارفه لو أمك عرفت هتعمل ايه !
_خلاص ياخالو انا اسفه مش هتتكرر انا معرفش عملت كده إزاي بس إنجذبت ليِه غصب عني مش بإيدي
=لأ بإيدك تتحكمي ف مشاعرك اولاً إخواتنا المسلمين إللي بينا كل ود وإحترام وإحنا إخوات ف الشده والمواقف الجواز لأ يابنتي ..تاني حاجه بشمهندس عمرو قالي هو متجوز وعندو بنت وأكيد لاحظتي من الدبله
_خلاص ياخالو انا غلط واتعلمت من غلطي والله.
=اتصلي بيه واعتذريله واعتذري لمراته والموضوع ده ميتكررش تاني..
_حاضر ياخالو ،انت مش زعلان مني !
=انتي بنتي ومقدرش ازعل منك بس متتكررش تاني.
_حاضر مش هتتكرر تاني خالص
=يلا إتصلي إعتذري وكلميني عملتي ايه.
_حاضر ياخالو.
“بتمسح دموعها جابت رقم مؤمن اتوترت لكن حاولت تتماسك ..يارب ما يكسفني يارب .
“بتتصل بيه “.
_______________
علي الجانب الأخر فِ “غرفه ليل ومؤمن”
_مؤمن تليفونك بيرن.
=طب ردي ياحبيبي بلبس القميص
_ده رقم غريب.
=طب افتحي ومترديش لو راجل هاتيه.
_ولو ست انفخك!.
=طب ردي يامجنونه .
“بترد وبتفتح الإسبيكر “
عايده:الو .
“ليل بترفع حاجبيها لمؤمن ..مؤمن بيبص لِ ليل بذهول من مرايه التسريحه وهو بيعدل ف القميص ..والله م اعرف مين قولي مين طيب.
=ليل بعصبيه:ايوه مين!!
_حضرتك مرات بشمهندس مؤمن .
=ما شاء الله نبيها وبتفهمي مين بقي ياكتكوته!
_انا عايده .
“مؤمن بيقرب علي ليل ولسه هيمسك الموبايل ويزعق قاطع عصبيته صوت عايده بنبره ندم:انا اتصلت مخصوص عشانك أنا أسفه عارفه إني غِلط ومعنديش مبرر للي عملتهُ أنا غلطانه وحقك تعملي اي حاجه بس عشان أكون برأت زمِتي بشمهندس مؤمن متجاوزش حدودهُ معايا بل بالعكس عينه مكنتش بتيجي فِ عيني انا اسفه ليكي وبتمني تسامحيني حقك عليا واسفه لو وجعت قلبك إمبارح وكنت سبب فِ كسرة نفسك .
_ليل إبتسمت-خلاص ياحبيبتي مفيش حاجه حصل خير المهم إنك إتعلمتي من غلطك.
=أه والله إتعلمت ومش هيتكرر تاني ..وإعتذري لبشمهندس مؤمن بالنيابه عني
_حاضر يوصل .
=وانا هقفل معاكي واوعدك الرقم هيتمسح ومش هقرب منهُ تاني نهائى
_وأنا مصدقاكي ،انا كمان حابه أشكرك رغم زعلي وعياطي بس إنتي كنتي سبب ف إنِ انا وجوزي هنتجمع تاني لوحدنا بعد فتره طويله.
=”بفرحه “بجد فرحتيني أوي انا حاسه إن دلوقتي ضميري مرتاح الحمدلله ..بعتذرلك تاني انا اسفه والله لو زعلتك .
_حصل خير ومتعيطيش تاني ومفيش حاجه.
=شكرًا جدا لحضرتك ..
_العفو ياقمر .
=”بصوت مليان فرحه بعد كسره ” ..والله انتي اللي قمر شكرا تاني وحبيتك جدا ..انا هقفل عشان ماما بتنادي عاوزه حاجه!
_تسلمي ياجميله ..عاوزه سلامتك مع السلامه.
=الله يسلمك ..باي .
“بتقفل”.
“مؤمن بيقرب علي ليل بيبوسها من كف ايديها” ربنا رزقني ب أحن زوجه ف الدنيا.
= البنت باين عليها كويسه ممكن تكون نزوه منها واتعلمت انا لو لاقيتها بجحه ومش مُعترفه بغلطها كنت رديت عليها بطريقه وحشه بس انت سمعت طريقتها.
= ماشي ياحبيبتي .
“تليفونه بيرن ..”بشمهندس عمرو”.
=عامل ايه يامؤمن.
_كويس يابشمهندس .
=البنت كلمتك!
_أه كلمت مراتي وإعتذرت.
=طب مراتك قبلت إعتذارها!
_أه الحمدلله مفيش أي حاجه.
=طب الحمدلله ،بكره عندنا شغل ف..
_لا انا مش هشتغل الاسبوع ده
=ليه انت لسه زعلان.
_لا حابب اخد هدنه من الشغل واقعد مع مراتي شويه.
=حقك،ربنا يسعدك يارب لما تحب ترجع ف اي وقت عرفني.
_حاضر ان شاء الله.
=ان شاء الله ،عايز حاجه!
_لا سلامتك.
= الله يسلمك ،سلام.
_سلام.
_مش هنحضر اكل طيب لتيتا وعائشه !
=انا جايب مشاوي وهنتغدي معاهم قبل م نمشي
_ماشي ياحبيبي انت خلصت لبس كده صح!
=اه هسرح شعري بس مش دلوقتي انا هطلع برا وانتي خلصي لبسك براحتك
_خلاص ماشي
____________
“بيخرج الصاله”
_ايه ده ايه ده !لميس بنفسها هنا
=شوفت بقي!عامل ايه ياواد
_واد !يابت اتلمي انا كويس وجوزك عامل ايه
=كويس
_مجاش معاكي ليه!
=شادين انا وهو وقولت اسيبله البيت وامشي
_ليه كده!
=متشغلش بالك انت بس ،انت هتسافر انت وليل فين!
_اسكندريه
=طب كويس عرفت انك مش هتاخد عائشه وتيتا فاطمه
_تيتا فاطمه أصرت إننا نكون لوحدنا .
=اه غيروا جو يومين كده
_طب ايه رايك ما تقعدي معاهم !
=والله فكره انا كده كده قالبه عليهم
_طب عاملالهم اكل !
=اه ف اكل ف البيت انت هتقعد قد ايه!
_اسبوع
=ف اكل يقضي يومين وهو لما يخلص هيعرف يتصرف وكده كده محمد بيحب اكل برا.
_ايوه ايوه عشان مبتعرفيش تطبخي
=شكرًا يامحترم
_طب خلاص خليكي قاعده ولما نرجع هصالحك عليه.
=ياشيخ بلا قرف اهو ارتاح شويه بدل وقفتي ف المطبخ مش ملاحقه علي كرشو ..كرشو ده فاتح علي كارفور مبيفصلش
_هتحسدي الراجل يابنتي .
=خليه يتحسد عشان يهدى شويه ويبطل يزعلني.
_ده انتي مفتريه والله معتز غلبان
=غلبان وطيب بس بيزعلني.
_كل البيوت فيها مشاكل .
=ماشي بس هو مبيغلطش نفسه وبيزعقلي ومببقاش عامله حاجه وكذا مره يقولي كلام يجرحني وبسكت.
_زي ايه !
=يعني مثلا ببقي جايبه طقم جديد واقوله ايه رايك يقولي عجله اوي فيه ايه القرف ده زوقك وحش طب شوفتي صاحبتك اللي كانت معاكي ف الفرح زوقها حلو بحاول اخد الكلام بهزار بس مره علي مره بقيت بحس ان الكلام بيجرح فيا ده الكلمه الطيبه صدقه بفضل أعدي وأقول عادي ما انا بفضل اهزر معاه واقوله ياكرشو وبتاع مره علي مره بقيت بصدق انه بيقوله بجد مش بضحك.
_انتي هبله اوي والله لان معتز مش خبيث وانتي عارفه بيحب ينكشك ده علي كده لو بياخد علي كلامك كان زمانه انتحر
=مش عارفه يامؤمن يمكن حاجات كتير وضغط وروتين الحياه الممل كله مع بعضه قفلني وخلاني عاوزه ابعد فاهم
_طب خلاص ارتاحي هنا ولما نرجع انا وليل نخرج كلنا سوا إيه رأيك!
=إن شاء الله ..
“ليل بتخرج وهي ماسكه الشنط “.
_انا خلصت “بصت بدهشه ل لميس” إيه ده !لميس عامله ايه ياحبيبتي “بتحضنها ” مالك شكلك زعلانه
=لا مش زعلانه ياحبيبتي ،انا مؤمن كلمني وقالي تعالي اقعدي مع تيتا وعائشه ف متقلقيش عليهم .
“بتبص لمؤمن وتغمزله ف اللحظه اللي ليل بصت فيها علي عائشه بمعني انها مش عايزه تحسس ليل انها جايه وزعلانه .. ليل بصت لِ لميس بفرحه :بجد طب كويس ،كتر خيرك ياحبيبتي .
“ليل بتقرب علي عائشه بتحضنها جامد وعيونها بتدمع بتبص لعائشه وبتحضن وشها بين كفوفها ” مش هتأخر عليكي
_متعيطيش يامامي انا هقعد مع عمتو وتيتا وهلعب مع انس ورودينا علي فكره انا كبيره وبابي لما يجي هيفسحني
=ياروح قلب مامي هنفسحك كتير بس متغلبيش تيتا وعمتو اتفقنا!
_اتفقنا يامامي
“بتقرب علي باباها وبتحضنهُ..خلي بالك من مامي ورحيم يابابي “
=حاضر ياحبيبتي ،وانتي كلي كويس واحنا هنكلمك فيديو كل يوم من عند عمو يوسف
_ماشي يابابي
“بيودعوهم بيمشوا “..
______________
علي الجانب الأخر.
_______________
عمر بلهفه: مى كل ده مكلمتكيش ياأيات !
_لأ وممكن تهدى هي حتي لو مرتحالك مش هتقولك علي طول كده علي الأقل هتتقل شويه
= هتتقل ليه!لو متقلِتش هقول ايه عليها يعني !
_ياحبيبي لازم تعمل كده ولازم تحس انك تعبت عشان توصلها
=هو مينفعش تبقي كل حاجه سهله وبسيطه!
_ إهدى بس ياحبيبي وكل حاجه هتبقي تمام متقلقش
=يارب ،طب شوفيها اونلاين كده!
_استني اشوف .
“بتفتح الواتساب بتلاقيها قافله منذ خمس دقايق “
_طب ما خلاص قدام فاتحه مردتش عليكي ليه
=ياعمر ف ايه براحه مش كده
_ماجد:ياحبيبي إهدى عي من حقها تاخد وقتها ..
=هي ممكن متوافقش عشان عيني.
_اسيل:بص ياعمر من كلام البنت لا استحاله ترفض عشان كده وغير كده مينفعش تحسس أي حد إنك أقل منهُ .
=غصب عني ياأسيل والله.
_ياعمر عارفه بس إنت لازم تتقبل فكره ان ده قضاء ربنا ومتحسسش نفسك بالنقص
=هحاول والله .
_فؤاد:انت سيد الرجاله وأي واحده تتمناك
=بجد ياعمي
_أه والله ياحبيبي
=ربنا يباركلنا فيك.
_يارب ياحبيبي
_____________
علي الجانب الاخر
_سمير:بتعملي ايه ف المطبخ ياست الكُل!
=بعمل شاي للجماعه برا
_وإيه الكيك الجميل ده !
=اهو نشربوا مع الشاي ،لبني فين وسميه وسعد
_لبني قاعده برا وسميه وسعد قاعدين ف اوضتهم فوق .
=ماشي يابني ربنا يهديهم علي بعض،طب وام سميه!
_يارب،ام سميه غالبًا نامت لإنها بتنام بدري
=بس احنا المغرب معقول تكون نامت
_اه عشان بتصحي بدري
=طب يلا طلع طبق الكيك ده وانا جايه وراك بالشاي
_حاضر
=متعرفش حاجه عن ابوك!
_إختفت إبتسامته_ لا معرفش
= عاوزه أروح أزوروا
_ليه ياأمي!
=العِشره يابني غصب عني بحنله
_حاضر هعرف معاد الزيارات وهخليكي تشوفيه
=ماشي يابني
“بتخرج برا هي وسمير”
_ماجد:الله الله ايه الدلع ده كله بجد!تسلم ايدك
=ده حاجه بسيطه ياحبيبي
_فؤاد:تسلم ايدك يامرات اخويا
=تسلم من كل شر،امال فين عمر يااسيل!
_جوا مع الممرضه متقلقيش
=طب ياحبيبتي ربنا يشفيه ويفرحك بيه
_يارب يامرات عمي
“بيكملوا سهرتهم”
___________
علي الجانب الأخر ف غرفه سميه وسعد
_طب ليه ياسعد مش عاوز دكتور!
=ده برد بسيط ياحبيبتي وهيروح
_انت جسمك كله بيترعش
=انا خدت الدوا وهكون كويس متقلقيش
_ طب استني هنزل اعملك حاجه سخنه
=طب دي هتبقي الكوبايه العشرين ..انا خلاص والله هنام وهكون كويس بس تعالي نيميني ف حضنك.
_بس يكون ف علمك انت لو مخُفتش لحد الصبح هتكشف
=حاضر،بس اوعي تكوني قولتي لامي حاجه عشان متقلقش
_لا متخافش انا قولتلها لما سألتني عليك إنك حابب نقضي اليوم فوق النهارده
=ماشي ياحبيبتي يلا عشان تنام.
_حاضر
“بينام علي كتفها وبتدعيله ف سرها يارب إشفيه يارب ومشوفش فيه حاجه وحشه يارب”
_______________
علي الجانب الاخر ف غرفه مي
_حلمت بيه ياندى اني كنت واقعه ومش قادره اتحرك والناس كلها رايحه جايه ومش شايفاني وبقول ب أعلي صوت إلحقوني ومحدش سامعني ولاقيت عمر كان جاي من بعيد من كتر العياط كنت شايفاه بصوره مشوشه وفضل يقرب عليا وهو مبتسم وقومني وقعدني علي كرسي ونفض هدومي ولف رجلي بشاش وكان ف ايدو عصير اداهوني وفضل يضحكلي لحد ما قومت تفتكري كده هو خير ليا!
_اكيد خير ليكي دي رساله من ربنا من وسط كل الناس هو اللي جيه وساعدك
=طب تفتكري اديله فرصه ولا ادي نفسي فرصه ف التفكير
_بصي احنا نستني شويه وافضلي صلي وادعي ان ربنا يبعتلك ف اشارات انه فعلا خير ليكي ولا لا واكيد ربنا مش هيخذلك،وكمان ميحسوش انك مدلوقه
=عندك حق ياندى هعمل كده
_ربنا يكتبلك اللي ف الخير يارب ياحبيبتي بصي مضطره اقفل حسام بيرن .
=يارب ياحبيبتي،خلاص اقفلي باي
_باي ياحبيبتي .
“بتقفل مع ندى ..وبتقوم تصلي “
بترفع إيديها وبتدعي من كل قلبها ..يارب لو عمر خير ليا قربه مني وإديني إشاره إنه كويس ومش هيوجعني ولو شر يارب متخلنيش أفكر فيه أو أنشغل بالتفكير انه خير ولا شر “بتشيل المصليه وبتخرج برا مع أهلها تقعد معاهم
_________________
علي الجانب الاخر
اثناء مكالمه ندى وحسام
_طب هي اقتنعت بكلامك !
=اه واهم حاجه حسيت إنها مرتاحه
_طب الحمدلله
=المهم انت عامل ايه وسهيله وماما كويسين!
_اه الحمدلله كويسين
_مالك!
=ماليش
_مالك ياحسام!
=مشاكل ف الشغل بس هتتحل ان شاء الله
_طب احكيلي!
=معنديش طاقه احكي بس كل حاجه هتبقي تمام
_مش هتحكيلي ياحسام!
=يابنتي مفيش حاجه انا هبقي كويس مشكله وهتعدي
_ان شاء الله،خلاص متزعلش نفسك
=حاضر ..كلتي
_اه كلت وانت
=كلت الحمدلله .
_بالهنا والشفا،طب انا هقفل عشان احضر العشا
=بمشاكسه:عقبال ما تحضريه ف بيتنا
_ضحكت بخجل:ان شاء الله
=يلا اقفلي ولما تخلصي كلميني
_حاضر .
“بيقفلوا “.
“سهيله بتخبط”
_ممكن ادخل
=اه طبعا ادخلي
_عامل ايه !
=الحمدلله ياحبيبتي وانتي عامله ايه ف شغلك
_الحمدلله كويسه ،انت عامل ايه مع ندى
=زي الفل الحمدلله
_طب الحمدلله ،الولاد وحشوني اوي ايه رايك نخرجهم بكره ونجيب ندى معانا!
=طب قولتي ليوسف!
_يوسف مش هيقول حاجه انا قولت اشوفك الاول واشوف ظروف شغلك.
= كده كده بكره اجازتي ف عادي موافق
_طب حلو جدا وندى!
=مش عارف بس هكلمها كمان شويه واشوف
_خلاص ماشي .
=ماما اتعشت ونامت!
_اه ياحبيبي الحمدلله شربت شوربه وفراخ مسلوقه ونامت احطلك تتعشى!
=لا انا جعان نوم ..هنام ولما أصحي هبقي أكل اي حاجه
_ماشي ياحبيبي ،تصبح علي خير
=سهيله
_نعم ياحبيبي !
=مش ناويه تتجوزي ليه بترفضي كل فرصه حلوه بتجيلك!
_مش اتكلمنا ف الموضوع ده قبل كده وقولتلك اني خلاص مش حابه اتجوز واني عايزه افضل ف نظر ولادي كبيره محدش يشاركني فيهم! انا حابه حياتي كده
=بس يوسف كمل حياته
_حسام خلاص لو سمحت ،ربنا يسعدو ف حياته انا ماليش دعوه هو عمل ايه
=لسه بتحنيلهُ صح !
_بنبره تحذير:حسام خلاص لو سمحت
=عاوزك تتكلمي وتطلعي كل الكلام إللي جواكي وكتماه انتي اه كنتي بتحبي مؤمن بس مع العشره وبعد تغيرك اكيد حنيتي لأيام يوسف وخصوصًا انه شخص كويس معاكي بس انتي مقدرتيش ده غير بعد ما فوقتي ورافضه تخلي حد يجي بعدو
_كلامك قاسي وانا ما بصدق انسي
=مقصدش اكون قاسي بكلامي ،بس حقيقي عايزك تتكلمي مينفعش تفضلي كاتمه جواكي
_مش كاتمه جوايا حاجه ،انا هروح انام.
“سابته وخرجت وكإنها بتهرب من كلام حسام الكلام اللي كانت مع الوقت بتحاول تدفنهُ جواها ..
خرجت وقعدت ف اوضتها بتعاتب نفسها ..انا ليه زعلانه الله يسامحك ياحسام ،جددت جرح فيا كنت بحاول اداويه ..انا فعلا ندمت ..ندمت اني محافظتش عليه وعلي بيتي ندمت اني كنت وحشه ..ندمت اني كنت بحقد علي مؤمن وليل ..بزعل ف كل مره بشوفه مع ساره لكن مينفعش ابين زعلي لان مش من حقي هو حبها هي واختارها وده حقهُ ندمي وزعلي ده ليا مينفعش أكون أنانيه وأبينلهُ ده
“مسحت دموعها”خلاص خلاص بطلي عياط كله هيعدى ..اهم حاجه ولادك دلوقتي ياسهيله ..ايوه ولادي اهم حاجه ..
“خدت هدنه طويله واتوضت وصلت ..وفضلت تدعى ان ربنا يخفف عنها ويباركلها ف اولادها “
________________
علي الجانب الأخر ..
_______________
_يلا العشا ياتيتا فاطمه.
=غلبتي نفسك يالميس
_يالهوي هو انا كده تعبت او غلبتيني !ده انا مبخرجش من المطبخ ف بيتي بسبب معتز .
“بتضحك” ..ربنا يخليهولك يارب.
_يارب ويهديه ..مؤمن كلمني دلوقتي وقالي انه وصل بس مكلمش عائشه عشان الشبكه وحشه يادوب سمعت انهم وصلوا بالعافيه.
_طب الحمدلله .
=يلا ياحبيبة عمتو عشان تاكلي .
_حاضر ياعمتو.
=ياروحي علي الرقه وهي بتقول عمتو سكر ياناس وعاوزه تتاكل كده
“بتبوسها” لازم تخلصي أكلك كلهُ إتفقنا !
=حاضر ياعمتو.
______________
علي الجانب الاخر
______________
_شقه اسكندريه كانت وحشاني اوي ،احساس جميل اننا نفتح البلكونه نلاقي البحر ف وشنا وحبيبي معايا ونِسمه الهوا مع كوبايه النسكافيه وصوت الموج وهو بيخبط ف الصخور ..الناس البسيطه اللي ماشيه بالفريسكا ..الاولاد الصغيرين اللي ماسكين غزل البنات وبلالين ..ضحكه اتنين بيحبوا بعض ماشين سوا وف إيديهم تِرمس وأيس كريم ..كل الحاجات البسيطه دي انا شايفاها وانا واقفه ف البلكونه ومعاك وانت جمبي احساس جميل بشكل .
_”بياخدها ف حضنهُ ويكمل” ..جدو وتيتا إللي ماشين علي الكورنيش بالعكاز وضحكتهم إللي مش مفارقه ملامحهم وكإنهم بيهونوا تعب المشى والمجهود اللي بيعملوه بالضحكه ..واكيد بيحكيلها هو كان بيعمل إيه زمان أيام الشقاوه
“بتضحك”
زمانهُ بيقولها ياااه ياحجه ده انا كنت واد لعيب أرمي الجواب للواحده من هنا تيجي جري وتقولي بنسوار نهارك سعيد يا أفندى ..ف تغير عليه وهو يضحك ويقولها ياااه لسه بتغيري بعد ما سناني وقعت وشعري شاب
ليل:ف ترد عليه ب إبتسامه لطيفه وتقولهُ لسه جميل فِ عيني ياأفندي ..فاكر لما جيتلي تحت الشباك وقعدت تغنيلي وانا عملت نفسي مش واخده بالي فضلت تبعتلي ف مراسيل وانا كنت بتقل عليك عشان أشوف غلاوتي عندك ..وإنتهت حكايتنا بجمله سعيده ياهانم ممكن اكلم والدك ..وبقينا سوا بنتمشي علي الكورنيش وبنتسند علي بعض زي ما كل مره كنا مفكرين ان واحد فينا هيُقع بيتسند علي التاني ..
_مؤمن ب إبتسامه :كإننا بنحكي حكايتنا أو الكلام إللي هنقولهُ لبعض لما نبقي أجداد لو ربنا أراد وإدانا عُمر ..انا بحبك ياليل .
=انا كمان بحبك يامؤمن ..يلا ننزل نتمشي
_يلا .
“بيدخلوا من البلكونه ..بينزلوا علي الكورنيش “
بيقربوا للأجداد اللي كانوا شايفنهم من البلكونه ..
_ليل ب إبتسامه :سلام عليكم
=الجد ب إبتسامه وروح حلوه:وعليكم السلام يابنتي
_انا شقتي باصه للبحر وشوفتكم وانتو ماشين سوا قبل ما تقعدوا وكنت حابه اتصور معاكم لإني لما بحب حاجه بحب اتصور جمبها واحتفظ بيها
=الجدة ب ابتسامه:وانتي حبيتينا !
_اوي اوي .
=اذا كان كده تعالي نتصور
_ليل بفرحه _صورني يامؤمن.
“بيصورها “
_يلا تعالي اقعد جمبهم وهصورك معاهم.
“بيقعد وبيتصوروا”
_الجد:كل ما تفتكرونا ادعولنا ،ربنا ميفرقش بينا ..حتي لما نموت ف نموت سوا
=مؤمن:ربنا يديك الصحه وطولة العُمر ياجدي
_الموت جاي جاي ..ف عاوزكم تدعولنا بس لإني مش هقدر علي فراقها .
=الجده:ولا انا هقدر علي فراقك ياحاج .
“بيبتسموا لبعض “
مؤمن وليل بيمشوا.
_ليل:لسه بعد العمر ده كله خايف ان ف حاجه تفرق ما بينهم حقيقي حب نَقِي والحب باين ف نظراتهم لبعض كإنهم لسه ف بدايه حُبهم لبعض ما شاء الله عليهم.
_انا بحبك اكتر ما هما بيحبوا بعض.
=يابكاش
_لا مش بنكشك دي حقيقه ..تاكلي ترمس!
=لا انا جعانه اوي .
_طب تعالي ناكل اكله سمك ف المطعم اللي علي البحر ده.
=خلاص اتفقنا ..
“بيعدوا الطريق وبيطلعوا المطعم وبيطلبوا الاكل “
_عاوزه اطمن علي عائشه
_وانا كمان وكنت لسه بشوف ف الموبايل ف شبكه ولا لا ..بس حتي ف المطعم مفيش شبكه لما ننزل تحت نكلمها
=ماشي ياحبيبي ..
___________
علي الجانب الاخر..
_انا بكرهك يايوسف،بكرهك
=انا عملت ايه لكل ده ..كل ده عشان فاتح صوره الأولاد!
_انت مش بس فاتح صوره الاولاد ..انت فاتح صوره أمهم.
=وطي صوتك العيال لو سمعوكي هيتضايقوا منك
_ده حقي ،انت جوزي ولما ادخل عليك الاوضه والاقيك عامل زوم علي الصوره حقي اغير
=يابنتي قسما بالله عامل زووم علي الصوره كلها مش علي سهيله ..سهيله ام اولادي بس انتي حبيبتي ومراتي ..
_طلقني يايوسف
=انتي اتجننتي صح!
“رودينا بتعيط بهستيريه “
“بيفتحوا الباب بيلاقوها واقفه ومنهاره ..
يتبع..
لقراءة الفصل السادس والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
