Uncategorized

رواية وحدة شغف الحلقة الخامسة والعشرون والأخيرة 25 بقلم ندى

 رواية وحدة شغف الحلقة الخامسة والعشرون والأخيرة 25 بقلم ندى

رواية وحدة شغف الحلقة الخامسة والعشرون والأخيرة 25 بقلم ندى

رواية وحدة شغف الحلقة الخامسة والعشرون والأخيرة 25 بقلم ندى

دخل احمد بهدوء الاوضة واتفاجئ بشغف نايمة علي كنبة وجاسر في حضنها كانت لابسه فستان قصير ابيض مليان الوان واقعة عليه بعشوائية.. وموسيقى هادية شغالة .

بص حوالياها واندهش بعالم اخر خاص بشغف مكانش يعرف عنه حاجة كان حواليها رسومات كتيرة جدا ولوحات مختلفة في كل مكان والوان في كل حته 

حتي الحيطان مليانة الوان ورسومات كتيرة 

اندهش اكتر بركن جذب انتباهه كذا رسمة ليه لوحده بأدق التفاصيل واخيرا لوحة كبيرة كان هو وهي وجاسر . 

قرب بنظرات حب ليها وهزها براحة – شغف، حببتي .. شغف 

فتحت شغف عيونها مبتسمة و رايحة في نوم عميق = احمد هتيجي امتي بقي 

ضحك احمد عليها ولعب في شعرها بخفة- اصحي انا جيت خلاص 

قامت شغف بلهفة وخضة ومسكت احمد = احمد .. انت جيت بجد .. يعني مش بتخيل 

حضنها احمد بشوق – وحشتيني 

شغف بعدت عنه وبصلته بحزن = انا اسفة انا عارفة اني بعمل تصرفات غريبة بس انا اتضايقت اوي انك كدبت عليا بس انا مش هزعلك تاني 

احمد بحزن – انا بعشقك يا شغف صدقيني ..مش عارف ازاي صدقتي اني اسيب ابني واتخلي عنه وصدقتي كلامها وكدبتيني 

شغف بدموع = انا اسفة والله بس مكنتش اقصد اتصرف كدة معاك بس انت عرفت منين 

احمد – انا روحتلها وعرفت كل حاجة بمأنك مش عايزة تحكي معايا … انتي هبلة عشان تصدقي الكلمتين اللي قالتهوملك 

شغف سندت علي كتفه ودموعها نازلة = يعني هان عليك تبعد كل ده عشان زعلان مني 

احمد- سامحيني كنت محتاج ابعد شوية زي ما انتي اخدتي فرصة في البعد 

شغف باسته بحب = انا اسفة والله مكانش قصدي انا حسيت كل مشاعري اتلغبطت كنت غيرانه وكنت زعلانة وكان نفسي اجيب بيبي الاول .. انت وحشتني جدا

احمد اخدها في حضنه وقال – بس انا لسه زعلان علفكرة 

شغف = والله اسفة حقك عليا انا واثقة فيك بس قولتلك مشاعري هي اللي حركتني وقتها وغضبت جدا

احمد بابتسامة – لا انا زعلان عشان مورتنيش الاوضة الجميلة دي … يعني ترسميني بالشكل ده ومعرفش 

خجلت شغف = ماهو انا كنت هعملك مفاجأة وكدة 

احمد بمشاكسة- بس منهم لوحة عليها تاريخ قديم شوية … كنتي بتحبني من زمان علي كدة 

شغف بكسوف = لا ..اه .. يوووه ايوة يعني كنت بحبك من زمان من اول مرة شوفتك فيها بصراحة. 

شالها احمد بحنية ودخل اوضتهم وحطها براحة عالسرير ورجع جاب جاسر و اخدهم في حضنه ونام . 

——–

بعد اسبوع في اسكندرية 

عمر = شهد حببتي معلش انزلي افتحي الباب 

شهد باستغراب- اشمعني ما تنزل انت 

عمر = انزلي بس ده حد تبعك مهم 

نزلت شهد وهي مش فاهمه حاجة. 

شهد – جايه .. براحة هتكسر الباب 

احمد وشغف برة بيضحكوا عليها 

فتحت شهد ونطت في حضن أخوها وسلمت علي شغف وقضوا اليوم سوا 

شهد- انتوا هيعيشوا هنا ولا هترجعوا

شغف بحب = هنعيش هنا 

شهد بسعادة- اخيرااا .. مقالكيش كان فين طول الشهر ده 

شغف بحيرة = لا .. سألته وقتها بس محبتش احسسه اني شاكة فيه .. بس هيكون كان فين يعني ممكن يكون قعد في شقته مثلا 

شهد بفضول – هموت واعرف كان فين بردو . اصل شهر كامل كدة وعادي ..

شغف = بت بطلي تشككيني بقي انا مصدقت نسينا الموضوع 

شهد -طايب متزوقيش 

———-

عند عُدي ومنة 

منة واقفة جوة الاوضة قصاد عمر اللي قاعد في البلكونة  باصة في الفون بانبهار – يالهوي انا مش مصدقة 

عُدي قاعد باصصلها مش عارف هي مالها 

كانت بتلف بسعادة حوالين نفسها وفرحانة جدا – الحمدلله ، شكرا يا رب اخيرا اتأكدت .

عُدي رفع حاجبه كدة = انتي يا مجنونة .. هتقعي من كتير اللف 

منة وقفت بسعادة وراحتله ومسكته من ايديه وشدته لاوضة الاطفال – ايه رأيك 

عدي بمشاكسة  = حلوة بس ليه يعني الهيصة دي كلها بلالين و هدوم اطفال و حاجات كتير كدة ،، هي مرات احمد هتولد هنا ولا ايه 

منة بغيظ – يعني انا تعبت في كل ده عشان تفهم كدة في الاخر ..انت حمار صحيح 

عُدي بهزار = انا حمار …طااايب ..

.بسرعة قرب منها وشالها ولسه هيرميها علي السرير بغيظ. 

منة بخوف علي البيبي – انا حااااامل  استني يخربيتك 

عُدي بصدمة = حامل  

منة  وهي متشاله- اه حامل اومال انا عاملة كل ده ليه وكنت مستنية اتاكد من نتيجة التحليل اتبعتتلي من شوية  ، نزلني بقي هدوخ 

عُدي بسرعة نزلها براحة وبقلق = انتي حاسه بتعب او حاجة 

منة بابتسامة وحب – لا كويسه متخافش

عُدي بفرحة = انا مش مصدق والله .. انتي حامل بجد يعني فيه نونو جاي وكدة 

منة بضحك – ايوة 

حضنها عُدي بسعادة ونسيبهم بقي علي كدة المجانين دول .???? 

——-

شغف قاعدة بتعب وحاسه مودها كل شوية بيتقلب وبتكلم نفسها – انا زهقانة اوي .. لا لا مش زهقانة انا مبسوطة جدا عادي ، بس انا عايزة اعيط والله … انا هقوم اكل وخلاص 

ضحك احمد بصوت عالي = بتكلمي نفسك علي اخر الزمن 

شغف بدموع – احمد انا طخينة صح 

ضحك احمد = يالهوي عليا ، مش كنتي لسه هتأكلي دلوقتي  هتزيدي امتي يعني وبعدين انتي قمر والله 

شغف بدموع – لما كنت بروح لبيت عمي كانت رنا بنته بتقول عليا طخينة جدا .. انا لازم اخس صح 

احمد مسح دموعها بايديه وباسها بحب وقال بمشاكسة = انا حبيتك زي ما انتي وبعدين انتي كل ما تزيدي بتحلوي خدي بالك و خليني ساكت احسن 

شغف بضحك – بس بقي ، بس بردو انا بفكر اخس 

احمد = انتي قمر في كل الحالات لو حابه تخسي مثلا مع اني مش شايف اي وزن زيادة .. استني بعد الولادة لو لقيتي نفسك محتاجة تخسي عشانك انتي مش عشان اي حد يبقي خسي .. انتي براحتك واعملي اللي عايزاه بس بلاش دموعك دي تاني .

شغف – ماشي 

احمد = قوليلي صح انتي لسه مسألتيش كل ده عن نصيبك من بيت جدتك وكدة 

شغف – منا تنازلت عنه اساسا يعني مليش حاجة

احمد = بس انا جبتلك حقك علفكرة

شغف باندهاش – امتي ده 

احمد= من زمان جدا لما سجنت عمك خليته يمضي علي تنازل لكل حاجة ليكي 

شغف – ليه عملت كدة افرض بناته بقي عملولي مشاكل وعايزين حقهم 

احمد باطمئنان = متخافيش ، انا بدي لكل واحد حقه 

شغف بسعادة- يعني بيت تيتة بقي بتاعي 

احمد = اها 

شغف – انا عايزة اعمله ملجأ عشان تيتة تاخد ثواب 

احمد = فكرة حلوة .. نبقي نظبطها سوا 

شغف – ربنا يخليك ليا 

———

بعد 6 شهور ونص 

شغف بزن – احمد بالله عليك نروح بقي انا عايزة اقضي وقت هناك بليز مع جدو محمد وحشني جدا 

احمد بغيرة = وحشك .. طب مش رايحين 

شغف – انت بس اللي بتوحشني بس عايزة اقعد معاه شوية .. من زمان مسافرتش عنده 

احمد = يارب صبرني .. هتسافري يوم كامل ازاي لاسوان وانتي كدى افرضي هتولدي فاجأة 

شغف – يوووه  كل حاجة ترفض كدة .. انا عايزة اسافر اسوان ابقي مليش دعوة

احمد بقلة حيلة = ماشي يا حببتي هنسافر بكرة 

شغف بسعادة- حبيبي ياناااس .. يعني الحق عليا عايزة نقضي ايام اجازتك في مكان جديد 

احمد = لا خالص بس السفر هيتعبك مش اكتر 

شغف – متقلقش عليا هبقي كويسه 

——–

صحت شغف بتعب الصبح وحاسه انها هتولد فعلا بس بردو صممت عالسفر 

كان يوم طويل والسفر كان متعب لشغف ولجاسر ولاحمد 

وصلوا لبيت جدو محمد 

اول ما دخلت شغف البيت و بتسلم عليهم بدأت تصوت 

احمد جري عليها وكان شايل جاسر كمان – شغف مالك 

شغف بصويت و عياط = انا هولد يا احمد عاااااا 

احمد عطي لبنت عم محمد جاسر بسرعة وشالها – يخربيتك يا شغف قولتلك.. انا كنت حاسس والله .

وهوب راح المستشفي 

احمد واقف خايف عليها جدا 

عم محمد – متقلقش هقوم بالسلامة 

احمد = والله حاولت معاهاوهي صمتت تسافر مجنونة والله هتشلني

عم محمد بضحك- هي دايما كدة ، هي حامل في بنت ولا ولد 

احمد = مش عارف محبناش نعرف قبلها 

سمعوا صوت عياط كتير 

خرجت الممرضة وقالت – بنوتة زي القمر شبه مامتها

شالها احمد بحب كلها ملامح شغف .. قرب منه عم محمد – ربنا يخليهالكوا وتشوفوها عروسة 

بعد شوية

دخل احمد لشغف وكان شايل البنت ..شغف بغيرة – انت هتفضل شايلها كدة من اولها.

ضحك احمد علي جنانها 

-مبروك يا قلب احمد .. هنسميها ايه 

=الله يبارك فيك ، مش عارفة اممم مفكرتش يعني حبيت نشوف اسم في وقتها بدل ما نحتار 

دخل عم محمد 

شغف بسعادة – جدو .. اختار انت اسم ليها 

ضحك وقال مينفعش خلي جوزك يختار 

شغف – احنا مش عارفين نسميها ايه .. قول انت وبعدين مش انت اللي اختارت اسمي لما اتفقت مع تيتة ان اول بنت تبقي شغف 

احمد.بهزار – قول يا عم محمد خلينا نخلص 

عم محمد بضحك= هسميها قمر 

شغف بصت لاحمد بحب وهو كمان بصلها بعشق 

-حلو قمر جميل جدا 

احمد بحب = اكيد .. قمر شبه مامتها

———

قضوا اسبوعين كاملين في أسوان وزادت فرحتهم ببنتهم قمر و جاسر .. 

اهتمام شغف بجاسر خلي احمد يعشق شغف اكتر وحس فعلا ان اختياره لشغف تكمل معاه باقي عمره صح وعوض من ربنا ليه 

شغف فكرت كتير تعمل معرض ليها لرسوماتها وبتفكر تعمل حاجات تانية كتير مع احمد وقمر وجاسر .. حبت حياتها جدا من اول ما احمد دخل حياتها . 

—–

الساعة 4 الفجر وقمر صاحية وجاسر وشغف وطبعا احمد مش عارف ينام 

شغف بتفكير – انا بفكر اخس تاني 

احمد هيشد في شعره من جنانها = ياااارب صبرني … شغف خدي العيال وبرة

انا عندي شغل كمان ساعتين اتقي الله .

شغف ببرائة- هو انا عملت حاجة 

احمد عض المخدة بغيظ = هيحصلي حاجة بسببك في يوم من الأيام والله 

ضحكت شغف بخفة – بعد الشر يا حبيبي . 

تمت

لقراءة باقي حلقات الرواية : اضغط هنا

نرشح لك أيضاً رواية مكانك في قلبي للكاتبة زينب علي. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى