رواية عودة بعد غياب الفصل الأول 1 بقلم حنين الماضي
رواية عودة بعد غياب الجزء الأول
رواية عودة بعد غياب البارت الأول
رواية عودة بعد غياب الحلقة الأولى
مراد : هه عقلى مش قادر ينسى ايام الطفولة ولا البيت اللى اتربيت فية ولا اخواتى
فلاااااااااش باااااااك
—————-
الام : اصحى يا كرم يالا قوم على ما اصحى اخواتك البنات يالا قوموا عشان متتأخروش على المدرسة ،يالا قوموا لحد ما اخلى نعمة ( الشغالة) تعملكوا ساندوتشات المدرسة
البنات : هنقوم اهو يا ماما
مراد : ماما انا كدة صحيت زيهم اعمل ايه بقى
الام : لا انت مش هتروح انهاردة المدرسة عشان نقعد نذاكر ونخلص اللى ورانا
كرم : صباح الخير ،اومال بابا فين
الام : نايم ،روح صحية خلية ينزل يروح الشغل بدل ما يقعد ينكد علينا
مراد : سيبية يا ماما انا بحب اقعد العب مع بابا ومش بشوفة خالص
الام : ادخل على اوضتك واقعد ساكت
مراد : كل حاجة اقعد ساكت اشمعنى كرم هو اللى بتسمعى كلامة وانا لاة
الام : قولت اسمع الكلام وادخل اوضتك
كرم : فى ايه يا ماما انتوا اتخانقتوا تانى
الام : عادتة ولا هيشتريها ،شوف كان فين امبارح وراجع متأخر ومش عاجبة كمان انى بسألة
كرم : طيب هدخل اصحية، بابا بابا هتقوم عشان الشغل
الاب : لا وروح قولها انى مش نازل وقاعد
كرم : حاضر
مراد : بابا بابا
الاب : اهلا اهلا بالصغير اخر العنقود
مراد : وطى صوتك يا بابا عشان انا اتسحبت وجيتلك علشان ماما متزعقليش
الاب : ههههه بتعمل خطة يعنى
مراد : ايوة زى الفيلم الظابط عمل خطة وفضل مستنى الوقت عشان يعدى من غير الشرير ما يشوفة وانا عملت زية
الاب : ههههههه ومروحتش مدرستك لية زى اخواتك
مراد : ماما قالتلى خليك عشان تذاكرلى
الاب : مممم طيب يالا يا حلو انت روح خلى نادية تفطرك وخليها تحضرلى الحمام عشان اخد دش
مراد : حاضر
الام : انت ايه اللى جابك هنا يا مراد
مراد : جيت اقعد مع بابا شوية
الام : يالا على اوضتك وخليت نادية تحطلك الفطار على مكتبك
مراد : حاضر
الاب : لو جاية تتخانقى ماليش مزاج خليها مرة تانية
الام : انت هتفضل لحد امتى مستهتر كدة ورامى كل حاجة فالبيت عليا وانت عمال تتنطط برة يمين و شمال ،حتى مفكرتش تشوف مذاكرة عيالك
الاب : مش بقولك موشح كل يوم
الام : هو انا بكلمك فى حاجة غريبة هما دوول ولادى لوحدى ولا ولادك انت كمان
الاب : انا واثق فيكى خليكى مركزة معاهم وشيلينى من دماغك عشان مش هتكسبى حاجة من الخناق
الام : بس انا زهقت من العيشة دى ،زهقت انى اقوم بدور الام والاب ولا كأنك موجود
الاب : عاوزانى اقعد اعملك ايه ها ،مذاكرة عيال ،لا ماليش فيها ، اوديهم المدرسة واجيبهم عندك فى عربية بتاخدهم وتجيبهم وشغل البيت معاكى نادية ،يعمى مذاكرة العيال هى اللى تقيلة عليكى ، ما ستات كتير غيرك بيعملوا كل دة واجوازتهم برة طول اليوم
الام : مافيش فايدة طول ما انت انانى ومش شايف غير نزواتك عمرك ما هتحس لا ببيت ولا بعيال
الاب : نااااادية حضرتى الحمام
نادية : اة اة حضرتك اتفضل
————
كرم : مالك يا ماما معقولة قاعدة كدة من ساعة ما نزلنا المدرسة
الام : كرم انا عاوزاك تذاكر كويس وتاخد شهادتك وانت متفوق
كرم : ما انا بذاكر يا ماما وان شاء الله اجيب مجموع وادخل كلية من كليات القمة
الام : يارب يا حبيبى يوفقك انت واخواتك
كرم : بردوا مقولتليش مالك
الام : زهقت يا كرم من تصرفات ابوك وعدم المسئولية وعلى طول يتخانق على اى حاجة عشان ينزل ويعمل اللى على مزاجة ومقولوش كنت فين
كرم : معلش يا ماما متزعليش انا مش عارف هو بيعمل كدة لية
الام : بس انا عندى شك ان فى واحدة اليومين دوول لاعبة علية وهو مش مفهوم وعلى طول هربان من البيت
كرم : المفروض بعد اخر جوازة عرفى عرفناها ميعملش حاجة تانى
الام : دة طبع وهو بيحب الستات ومهما عملت مش هيبطل يجرى وراهم
كرم : يمكن تكونى غلطانة المرادى
الام : ياريت بس انا احساسى ميكدبش عليا ، دة انا الصبح لسة بقولة شيل معايا البيت شوية ،قعد يتخانق ويزعق حتى اخوك مراد كان جنبة وبسببة خلانى اتنرفزت على اخوك ومن ساعتها وهو فى اوضتة مخرجش ،معرفش بيذاكر ولا بيعمل ايه
كرم : طيب متزعليش انا هدخل اشوفة واذا كان على بابا انتى عارفة مهما خبا بنعرف بعد كدة .
الام : ربنا يسامحة بقى
كرم : هدخل اشوف مراد
🚶🏻♂️🚶🏻♂️🚶🏻♂️🚶🏻♂️🚶🏻♂️🚶🏻♂️🚶🏻♂️
كرم : عامل ايه يا صغير
مراد : انا هفضل لحد امتى صغير يا كرم
كرم : هههههه وانت عاوز تكبر لية
مراد : عشان ماما تتكلم معايا زى ما بتتكلم معاك
كرم : بس دة كلام كبار وانت اكيد لما تكبر هتتكلم معاك
مراد : لا ماما بتحبك اكتر منى وبتحب اخواتى كلهم لكن انا لا وبتفرق فالمعاملة
كرم : لا طبعا انت غلطان ،بس عشان احنا اكبر منك ،طبيعى تتكلم معانا احنا مش هتسيب الكبار وتتكلم مع اصغر واحد
مراد : انا عارف هى هتفضل متحبنيش عشان بابا بيحبنى اكتر منكوا
كرم : ههههه طيب قولى مسألتش بابا هو كان فين امبارح واتأخر كدة ؟
مراد : لا ومش هسأله ابدا
كرم : لية بقى
مراد : عشان انا مش هعمل حاجه بابا يزعل منى فيها ،انا بحبة ومش عاوز ازعلة زى ماما ،عشان ماما بتحب تتخانق معاة
كرم : وهى ماما بتزعل مع بابا لية ؟ ماهو عشانا عشان هى عاوزاة يكون قاعد معانا
مراد : ماهو عندة شغل وهى قاعدة فالبيت
كرم : شوفت بقى ان فى حاجات متنفعش تتكلم فيها غير لما تكبر
مراد : خلاص محدش بقى يجى يتكلم معايا لحد ما اكبر وانا هقعد اذاكر
كرم : هههه
الام : انت قاعد عمال ترغى ومبتذاكرش لية
مراد : كرم جة اتكلم معايا
الام : انت اصلا مش بتاع مذاكرة وانا هقول لابوك انت بترد عليا ومش واخد بالك من مذاكرتك .
———–
الام : بقولك اية انت دلعت مراد عالاخر ولازم يتشد علية
الاب : عمل ايه
الام : لازم يتعاقب مبيسمعش الكلام وبيرد عليا
الاب : بيرد عليكى لا فعلا لازم يتعاقب
الام : اضربة بالحزام خلية يفهم انك مش متساهل معاة
الاب : روحى هاتية وهقفل باب الاوضة وهضربة واياك حد يتكلم
مراد : نعم يا بابا
الاب : 😡 اخرجوا برة كلكوا وسيبوة معايا انا هربية وهياخد علقة مش هينساها طول عمرة ..
الاب : كلهم خرجوا خلاص وانا قفلت الباب
مراد بخوف: والله يا بابا انا معملتش حاجة
الاب : عارف يا حبيبى بس ماما زعلانة منى وعاوزة تشوف اى حاجة تتخانق عليها، بص انا هضرب السرير بالحزام وانت صرخ بصوت عالى اوعى تضحك عشان يصدقوا انى بضربك
مراد : هههه حاضر
الاب وهو بيضرب السرير : انت قليل الادب ولازم تسمع الكلام
مراد : خلاص انا اسف يا بابا ااااة ااااة
مواقف كتير حصلت بين مراد وباباة ،خلت مراد بالرغم من سلبيات باباة لكن كان متعلق بية وكان بيحبة لانة الوحيد اللى كان بيطبطب علية
—————–
عدت الايام والشهور وجت اجازة الصيف وطبعا الام واولادها متعودين يروحوا زيارات عائلية .
الاب : ناااادية اعمليلى شاى
نادية : حاضر
الاب : محدش قالك هيرجعوا امتى
نادية : على الليل حضرتك
الاب : تعالى اقولك
نادية : نعم
الاب : تعرفى انك شاطرة كست بيت
نادية:ازاى حضرتك
الاب : يعنى تنضفى وتطبخى وعمرى ما شوفتك بتشتكى
نادية: انا فى خدمتكم حضرتك
الاب : تعالى اقعدى هنا
نادية: ميصحش
الاب شدها من ايديها وقعدها جنبة
نادية : انا مش عارفة اقول حاجة
الاب وهو بيلمس شعرها : شعرك حلو وريحتة حلوة
نادية : ربنا يخليك
الاب : قربى
نادية: ميصحش
الاب : هتقربى ولا اشدك انا
نادية : طيب هقول لحضرتك حاجة
الاب : بقولك اية الجسم دة عجبنى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عودة بعد غياب)
تعليق واحد