روايات

رواية لعبة الحياه الفصل الأول 1 بقلم حنين الماضي

رواية لعبة الحياه الفصل الأول 1 بقلم حنين الماضي

رواية لعبة الحياه الجزء الأول

رواية لعبة الحياه البارت الأول

رواية لعبة الحياه الحلقة الأولى

فى منطقة شعبية فى مصر قصتنا هتبتدى ، وكل بيت فية باب مقفول ،وراة قصة وحكاية مدارية وهموم وحيرة وقلوب بتحب وقلوب بتكره وناس تتمنالك الخير وغيرهم يتمنولك الأذى ، ناس عايشة تجاهد وتبنى حياتها وناس تانية بتهد حياتها بإيهديها ، قصتنا هى توعية لينا كلنا جميعا كأم واب وزوج وزوجة وبنات وشباب ،قصة لكل بيت ولكل الأجيال ، خلينا نشوف حصل اية 👇👇 …
فاطمة : عارفة يا امى انا جيالك لية النهاردة ؟
الحجة : اياك تكونى جاية تشتكى من جوزك تانى !؟
فاطمة : كنتوا عاوزين تخلصوا منى وانا زى الهبلة وافقت اتجوزة
الحجة : كل ما هتجيلى زيارة يا بنتى هتقعدى تقوليلى كدة
فاطمة : ماهو انا تعبت من العيشة معاة ومن انانيتة واهمالة
الحجة : مبقاش ينفع الكلام دة ،بقى عندك عيال استحملى زى ما كلنا استحملنا
فاطمة : لحد امتى ها ،لحد امتى هفضل مستحملة قرفة
الحجة : عملك أية تانى مزعلك منة كدة

 

 

فاطمة : هو مبيعملش غير كل حاجة تضايقنى وبقيت اندم على اليوم اللى شوفتة فية ،انسان انانى
الحجة : منع عنك الفلوس بردوا
فاطمة : هى كل حاجة فلوس عندك ، دة مانع عنى الحياة كلها لدرجة أن حتى ولادة زهقت منهم
الحجة : يعنى الناس بتستحمل عشان ولادها وانتى تقوليلى زهقتى منهم
فاطمة ببكاء: 😭 ايوة زهقت عشان منة
الحجة : طب استهدى بالله وقومى روحى بيتك بدل ما يرجع من شغلة ميلاقكيش ويعملنا مشاكل وفضايح مش ناقصين
فاطمة : الله يسامحك يا بابا ،وافقت على دة ازاى
الحجة : النصيب محدش يتكلم فية
فاطمة : انا قايمة ارجع للسجن تانى عشان انضف واعمل اكل والبس واحمى واغير ولا الخدامة لية هو وعيالة وخلية مالوش شخصية قدام اهلة كدة وأخوة هو اللى بيتحكم فينا وغصب عنى مضطرة استحمل وأحط جزمة فى بوقى .
الحجة : كلنا عملنا كدة ،دى سنة الحياة ، أهدى كدة وقومى على بيتك
فاطمة : هقوم بس لعلمك انا مش هقدر استحمل القرف دة كتير
الحجة : ربنا يحلها من عندة
فاطمة : ربنا ياخدة واخلص منة عشان اعرف اشم نفسى عشان اكتر من كدة روحى هتطلع طول ما انا فى بيتة.
الحجة : ابقى سلمى على عيالك وبخرى بيتك
فاطمة : ابخر 😏 طيب سلام
____________
فاطمة نزلت من زيارة مامتها وفى طريقها لبيتها وهى عمالة تلعن اليوم اللى شافت طارق جوزها فية وهى ماشية فى طريقها قابلها حد من الجيران فالشارع كانت اتعرفت علية قبل كدة.
حسام : اااااييية مالك كدة واخدة فى وشك ولا شايفة قدامك
فاطمة بفرحة : حسام 😍
حسام : اة يا عسل حسام كل دة فوق عند امك
فاطمة : من همى يا حسام
حسام : مالك بس هو عملك حاجة تانى
فاطمة : هو هيتغير يعنى 😏 عشم ابليس فالجنة
حسام : طيب متزعليش ،انتى مش عارفة انى بضايق لما اشوفك مكشرة كدة ولا عاوزانى اروح اضربهولك واريحك
فاطمة : لالا اخاف عليك دة ميستاهلش
حسام : خايفة عليا
فاطمة : طبعا ، انا معرفش عقلى كان فين لما اتجوزتة وازاى جبت منة بنت وولد
حسام : ولادك دوول ولادى وحبهم فى قلبى من حبى ليكى
فاطمة : كلامك حلو يا بخت مراتك بيك

 

 

حسام : ههه مراتى دى ولا بقيت احب اشوفها ولا اقرب منها من يوم يا جميل ما عرفتك
فاطمة : هههه شكلك زهقان منها زى حالتى بالظبط
حسام : سيبك منهم وعاوز ابقى اشوفك تانى عشان روحى بترد فيا لما بتكونى قدامى والا مكنتش مشيت وراكى وجيت لحد هنا ولا العيال اللى فى ثانوى هههه
فاطمة : وانا كمان عاوزة اشوفك على طول بس همشى دلوقتى عشان مش عاوزة اروح الاقية رجع وادخل فى س و ج
حسام : ماشى يا عسلية خلى بالك من نفسك
فاطمة : حاضر سلام
🙂🙂🙂🙂🙂🙂🙂🙂
فاطمة حست أن حسام هو المنقذ ليها وهو اللى بيهون عليها عيشتها مع طارق جوزها وكل حاجة كانت بتحصل بينها وبين طارق كانت تجرى على طول لحسام وتقولة عليها 🙂
____________________
طارق : كنتى فين يا هانم وسايبة عيالك لوحدهم كل دة ؟
فاطمة : اعوذ بالله من الشيطان الرجيم
طارق : شوفتى ابليس ولا أية
فاطمة : كنت عند امى ولا ممنوع
طارق : ومختيش ولادك معاكى لية
فاطمة : اخدهم اعمل بيهم أية ،خليهملك
طارق : ونبى انتى أم انتى ؟
فاطمة : لا حوش قال يعنى انت اللى اب ، دة انت لا محصل اب ولا زوج انت قاعد فالبيت بركة
طارق : تصدقى انك فعلا قليلة الرباية ومحتاجة تتربى
فاطمة : لو مديت ايدك همد ايدى عليك وهقطعهالك
طارق : طب تعالى بقى ورينى هتقطعيها ازاى وخلى الناس تتفرج عليكى يا عديمة الرباية
🙂🙂🙂🙂🙂🙂
شهد طفلة عندها اربع سنين ومحمد اخوها سنتين ، لما شافوا امهم وابوهم بيضربوا بعض خافوا وجريوا استخبوا فالاوضة وضربات قلبهم من الخوف كأن الواحد سامع رعد فالسماء 🙂
طارق : شهد شهد
شهد بخوف : نعم يا بابا
طارق : تعالى حبيبتى متخافيش تعالى يا محمد ، انا كنت بربيها
شهد بعياط: أنا خايفة يا بابا
طارق : متخافيش يا حبيبتى
فاطمة 😡: اشبع بيهم انا لا عاوزاك ولا عاوزاهم انت راجل معندكش احساس روح شوف الرجالة اللى بجد بتعمل اية فى بيوتها بدل ما انت قليل الحيلة وشخصيتك ماشية بشخصية اخوك .

 

 

طارق : انا كدة إن كان عجبك
فاطمة : لا مش عاجبني والخيانة فيك حلال بقى
طارق : انا هرميكى كدة زى ال كلبة وهنزل العيال تحت عند عمهم وخليكى ولعى فى نفسك وانا هنزل اشوف واحدة تروق عليا القرف اللى انتى معيشانى فية.
فاطمة : 😏😡😏 يوم الهنا يوم ما تفضل برة ابقى ورينى مين دى اللى تبصلك عشان اقولها ابوس ايدك خودية وخلصينى منة .
طارق : مقعدك هنا بمزاجى عشان العيال غير كدة كنت رميتك وانا مستنى الوقت المناسب وارميكى
فاطمة : ما نخلص دلوقتى
طارق سابها ونزل
🙂🙂🙂🙂🙂🙂🙂🙂
طارق لشهد : بصى يا شهد اقعدى مع عمك لحد ما اجى انتى واخوكى وهجيبلكوا حاجة حلوة معايا وانا جاى والعبى مع ولاد عمك ماشى
شهد : ماشى يا بابا
🙂🙂🙂🙂🙂🙂🙂🙂
فاطمة طبعا جريت على التليفون تكلم حسام تشتكيلة
حسام : هو ضربك
فاطمة : 😭😭انا خلاص تعبت منة مش قادرة استحمل
حسام : لا كدة قلقتينى عليكى لازم اشوفك دلوقتى
فاطمة : يا ريت يا حسام ياريت
حسام : خلاص تعالى دلوقتى اقابلك فالشارع بتاع المرة اللى اتقابلنا فية قبل كدة .
فاطمة : هنزل ازاى ، دة حتى العيال نزلهم تحت عند عمهم وهو نزل
حسام : اتصرفى لازم اشوفك مش مطمن عليكى كدة
فاطمة : حبيبى يا حسام ،انت بقيت احلى حاجة فى حياتى
حسام : وانتى متعرفيش انتى مهمة عندى ازاى وهو مش مقدر الست اللى معاة ،حد يبقى معاة جوهرة ويعمل كدة ،انا هتجنن !؟
فاطمة : يا ريتنى كنت شوفتك قبلة كنت زمانى اسعد واحدة فالدنيا بس هعمل أية بقى حظى كدة
حسام : يالا متضيعيش الوقت كمان نص ساعة هكون هناك وكل حتة مد ايدة عليكى فيها انا هطبطب عليها .
فاطمة : حاضر جاية واللى يحصل يحصل
حسام : يالا مستنيكى من دلوقتى مع السلامة يا جميل .
🙂🙂🙂🙂🙂🙂🙂🙂

 

 

فاطمة قعدت تفكر ازاى تنزل وآية السبب اللى هتقولة ،لحد ما فكرت تعدى على سلفتها اللى تحتيها، وتاخد شهد بنتها .
عم الولاد : مين بيخبط
فاطمة : انا يا حج
العم : اهلا يا ام شهد خير
فاطمة : عاوزة شهد هنزل اجيب حاجات وقولت اخدها معايا
العم : ماشى
فاطمة : يالا يا شهد تعالى
شهد بخوف : حاضر يا ماما
فاطمة خدت شهد ونزلت وكانت عمالة تجرى عشان تلحق تقابل حسام .
فاطمة : انا خدتك معايا لكن لو عرفت انك قولتى حاجة لابوكى ولا اى حد مش هتعدى من تحت أيدى فاهمة
شهد بخوف : حاضر يا ماما والله مش هقول حاجة خالص ، بس احنا رايحين فين ؟
فاطمة : مالكيش دعوة وخليكى ساكتة
حسام : اهلاااا انا كنت خايف متجيش وافضل واقف قلقان عليكى
فاطمة : مقدرش ،انا كمان كنت محتاجة اشوفك
حسام : وبعدين هنفضل نتقابل فالشارع كدة
فاطمة : طب اعمل اية ،انا كمان خدت البت معايا عشان محدش يلاحظ حاجة وساعتها مش هعرف اشوفك خالص
حسام : بس البنت مش شبهك خالص
فاطمة : شبة ابوها هى واخوها عشان كدة مبحبهمش بيفكرونى بحظى الاسود
حسام : انا مش عاوزك تبقى كدة ،عاوزك تسيبية حر واحنا اهو مع بعض
فاطمة : هو دة اللى مصبرنى
حسام : هو يتلكك على خناقة معاكى طوعية عشان يخللنا الجو يا عسلية ههه
فاطمة : عندك حق بس كل مرة اتخانق معاة فيها ببقى بقول خلاص دى نهايتة .
حسام : لالا أهدى كدة وخليكى عاقلة ، هو اكيد لافف على واحدة تانية .
فاطمة : لالا دة مش بتاع كدة دة اهم حاجة عندة ينفذ كلام إخوة ، مراتك صوتها عالى قولها وطى صوتك ،مراتك لبسها ضيق قولها توسعة ، لما خلاص اتخنقت ولا كأنى متجوزة أخوة .
حسام : عندك حق فعلا دة راجل ازاى كدة ، لالا انا احب كلمتى بس اللى تمشى على مراتى .
فاطمة : انت راجل اوى يا حسام .
حسام : وانتى ست الستات
فاطمة : مبعرفش اشبع من كلامى معاك والوقت بيعدى بسرعة
حسام: بعد كدة نبقى نفكر نعمل ايه عشان نقعد وقت اكتر مع بعض .
فاطمة : خلاص ماشى
حسام : مضطر امشى عشان عندى مشوار مهم بس قولت اطمن عليكى الاول .
فاطمة : ربنا يخليك ليا ماشى مع السلامة
🙂🙂🙂🙂🙂🙂🙂🙂

 

 

فاطمة شدت ايد شهد ومشيت بسرعة ترجع على بيتها واول لما رجعت ،حمدت ربنا أن طارق مكنش فالبيت لأنها مشتريتش حاجة خالص ولكن حصلت مفاجأة 🙈
______________________________
لااااااايك وكومنت علشان نعرف المفاجأة اللى حصلت لما فاطمة رجعت 🙈🙈

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية لعبة الحياه)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى