رواية مالك قلبي الفصل السابع والعشرون 27 والأخير بقلم بنت الصعيد
 |
| رواية مالك قلبي الفصل السابع والعشرون 27 والأخير بقلم بنت الصعيد |
رواية مالك قلبي الفصل السابع والعشرون 27 والأخير بقلم بنت الصعيد
مي …بفرحة….مالك ممكن اقوم ارقص مع العرسان عشان خاطري يا مالك
مالك ….لا انتي مش هتتحركي من جمبي ولا ناسية يا هانم انك حامل
مي بغضب …..طب سيبني اروح اباركلهم
مالك …برضو لا قولتلك انتي مش ممكن تتحركي خطوة واحدة من هنا وهاتي ايدك هامسكها عشان ماتقوميش
مي …بغضب طفولي …..يوووووه اومال أنا جيت ليه هنا اصلا
مالك بضحك …..جيتي تتفرجي من بعيد لبعيد ..
مي ……بس كده مليكة و سها هيزعلوا
مالك ……اقترب منها وهمس…..ملكيش دعوة غير بزعلي انا وبس لأنك ببساطة انتي ليا أنا وبس وقلبك دا ملك لمالك السيوفي أنا مالك قلبك
مي….بغضب ……اوووووف ..انت مابقيتش مالك قلبي وبس انت بقيت كمان مالك امري
مالك….ضحك علي طريقة غضبها ….عاجبك ولا مش عاجبك
ابتسمت وقالت برومانسية …عاجبني جداااا يا مالك قلبي
في مكان آخر في الحفلة
تدخل الحفلة وتتوجه تلقاء العرسان
مايا ….احتضنت سها …مبروك يا سها أنا قلت لازم احضر فرحك قبل ما اسافر امريكا
سها ….كنت هازعل بجد لو كنتي سافرتي وما حضرتيش مش كفاية أمل الحمل تاعبها وما قدرتش تنزل مصر وتحضر الفرح
وبعدها باركت مايا لحمزة وكريم ومليكة وجلست بجوار مالك ومي علي الطاولة وأخذت تتحدث معهم طوال الفرح
____________________________
في لندن
يجلس يوسف محتضنا أمل التي هي منهارة من البكاء
يوسف ….خلاص بقا يا حبيبتي مش مي وعدتك هتبعتلك الفرح كله ع الواتس لزمتوا ايه بقا العياط دا ولا انتي مش خايفة علي الآنسة سيدرا لتزعل علي زعلك وتعيط هي كمان …يا حبيبتي انتي في شهورك الاخيرة وماكانش ينفع تنزلي مصر كنتي هتتعبي
أمل ….مازالت تبكي ….خلاص هحاول ما اعيطش ..بس بجد كان نفسي اكون هناك في وقت زي دا وكمان البنات وحشوني اوي .
يوسف ….وعد مني يا امل حياتي اول ما الست سيدرا تشرف علي طول هنسافر مصر ها مبسوطة
أمل ….ربنا ما يحرمني منك يا يوسف يا حبيبي
يوسف احتضنها …يلا نامي بقا وريحي نفسك يا حبيبتي
_____________________________
في الصعيد
علي ….همس لياسمين…..ايه زين نام
زين …..لاه اني لسة صاحي علي فكرة
ياسمين بضحك….دانا بجالي ساعة بنيم فيه
علي …..عشان انتي خايبة ..وسعي أكده وروحي اعمليلي كوباية شاي علي ما انيمه …تعالي يا زينو يا جلبي هحكيلك
حدوتة العنزة
زين …حاضر يابابا علي
ذهبت ياسمين لتعد كوبا من الشاي وعندما انتهت دلفت الغرفة فانصدمت وضحكت ..وجدت علي نائم وبجواره زين يطبطب عليه
ياسمين بضحك …ايه يا زين هو بابا علي نام ولا ايه
زين…..ايوا كان بيحكيلي حدوتة العنزة وسكت بصيت عليه لجيته نام ..هاتي غطا خلينا نغطوه وتعالي نامي ف حضني أنا احسن
ياسمين ضحكت بصوت عالي ….تصدج صح مافيش أحلي من حضنك انت يا روحي وجلبي انت .خد غطيه
________________________
نعود للحفلة
مليكة ….انهاردة بجد اسعد يوم ف حياتي اخيرا حلمي اتحقق
كريم …..بجد انا حلمك يا مليكة
مليكة ….تعرف اني بحبك من يوم ما عرفت يعني ايه حب
كريم …..قبل يدها ..اوعدك اني هعوضك عن كل لحظة حبتيني فيها وما كنتش حاسس بيكي
__________________
عند سها وحمزة
حمزة …..مش يلا كده يا وحش وخلينا نرواح عشنا لحسن أنا خلاص مش قادر استني اكتر من كده
سها …وحش لا اسحب كلامك وإلا مش جاية معاك
حمزة….ايه مش جاية دا ايه لا سحبت كلامي يا اجدع برنسيسة شفتها مش يلا بقا والنبي
سها بضحك ….لا احنا هنعقد هنا للصبح
حمزة ….وربنا اشيلك واجري بيكي ….دانا هعمل فيكي عمايل عمرك ما شوفتيها
سها ….خلاص عفونا عنك لوجه الله يلا بينا
وبالفعل انطلقت الزفة معلنة انتهاء الحفل وذهب العرسان كلا علي شقته وانصرف الجميع
_______________________
عند مالك ومي
قاد مالك بسيارته الي الفيلا
وعندما وصل كانت مي نائمة فحملها مالك وأثناء دخوله الفيلا
عم حسين البواب وهو رجل صعيدي بخت نظر إليه بسخرية وقال ….الله يرحمك يا رجولة
مالك ….بتقول حاجة ياعم حسين
حسين …..هاقول ايه يا داكتور ..الرجالة ماتت ف حرب اكتوبر
مالك ….ببراءة وتلقائية .دي نايمة والله يا عم حسين ومارضيتش تصحي وبعدين قال …وانا ببررلك ليه اصلا وانت مالك مراتي وتعبانه وشايلها انت دخلك ايه
حسين ….حجك يا باشا وهو حد جال حاجة الرجولة مواجف
مالك ….ضحك وأكمل طريقه وهمس اصحي بقا يا مي هيبتي وقعت في الأرض الله يخرب بيتك متجوز بنت اختي أنا عشان تنامي ف العربية
__________________________
كريم ومليكة
كريم …ادخلي غيري هدومك جوه يا ملوكة وانا هغير هنا
دلفت مليكة وأغلقت الباب بالمفتاح ..مرت نصف ساعة ولم تفتح الباب بعد
كريم ….يطرق علي الباب .ملوكة انتي نمتي ولا ايه …مليكة افتحي مليكة ما تستهبليش..
مليكة…..لا مش هفتح يا كريم واحسنلك تنام عندك لاني هنام أهو
كريم ….يا مليكة افتحي بقا ماتبقيش مجنونة طب يهون عليكي انام لوحدي في الصالة وانا بخاف
مليكة ….انت كداب انت مش بتخاف يلا نام تصبح علي خير
كريم …… مش انتي قولتي اني انا حلمك طب وهو فيه حد يسيب حلمه ينام ع الكنبة ….ردي عليا …طب ايه رايك بقا انا هسيبلك الشقة كلها وماشي وابقي قابليني بقا لو جالك نوم لوحدك يا خوافة
وفتح باب الشقة وبعدها اغلقه…..وبعد دقيقة بدأ يصدر اصوات مخيفة فأسرعت مليكة بخوف شديد
مليكة…..ما لهوووي انا لازم امشي من الشقة المرعبة دي بسرعة ..وفتحت باب الغرفة وكانت المفاجأة
كريم …..مسكتك يا مجنونة
مليكة صرخت ….منك لله يا كريم خضيتني
كريم …احتضنها ….وهمس….بقا عايزة تحرميني منك يا مجرمة اخص ع الندالة …(ونسيبهم بقا خلاص كده)????????
_______________________________
عند حمزة وسها
حمزة……اخيرا استفردت بيكي يا برنسيسة
سها ….بتوتر…مش بلدي اوي برنسيسة دي الكلمة دي اتلغت خلاص
حمزة …..وجذبها اليه ….وهمس….طب تحبي اقولك ايه بقا ها
سها ..ابعدته عنها …..وقالت ….انا عطشانة جدا يا حموزي ماعندكش عصير
حمزة …..اكيد فيه يا قلب حموزي تحبي اجيبلك
سها…..لا لا انا اللي هجيبه خليك مرتاح ودي تيجي برضو يا سي السيد حمزة
حمزة …..ضحك علي كلامها ….وتقوليلي برنسيسة اتلغت يا امينة …دانتي قديمة اوي
وبالفعل ذهبت سها واحضرت العصير وما ان شربه حمزة حتي ……
حمزة …….ينظر ل سها بتمعن ….هو انتي ليه بتكتري كده
سها بضحك….بكتر ازاي
حمزة ….انتوا كام واحدة …١ ٢ ٣ ٤ خم…….وبعدها نام سريعا
سها ضحكت …..احلام سعيدة يا مووووزي بقا عايز تعمل فيا انا عمايل ..اشرب بقا ….وغطته وسابته نايم في الصالة ودلفت الي غرفة النوم ونظرت الي السرير وبدأت تحدثه
سها…….ياااااا واحشتني اوي انا هتمدد عليك لوحدييييي وراحت غيرت هدومها واترمت ع السرير ونامت سريعااا من التعب
في الصباح
بدأت سها تفتح عينيها لانها احست بحركة بجوارها وشخص ما يداعب انفها بيده
سها ……سيبيني بقا يا ماما عايزة انااااام مش خلاص خلصت جامعة …وفتحت عينيها وصرخت ……..اعااااااااا
حمزة انت دخلت هنا ازاي
حمزة ….ببرود ….دخلت عادي انتي اصلا نسيتي تقفلي الباب يا روح حمزة وبعدين عضها من خدها فصرخت وقال
حمزة ….بقا انا حمزة الامير اللي ما خليت بنت فيكي يا مصر الا ومشيت معاها شوية تيجي انتي ليلة دخلتي تشربيني حاجة اسفرة واتدهول علي عيني وانام دانتي هتشوفي صباحية سودة علي دماغك يا بعيدة
سها٠٠٠٠حمزة حبيبي اهدي عيلة وغلطت الطيب احسن
حمزة ٠٠٠عيلة دانا اللي اطلعت عيل وديني مانا سايبك تعالي بقا……..(خلاص نسيبهم احنا مالنا )????????????
______________________________________
عند مالك ومي
مالك استيقظ مبكرا وظل ينظر لصغيرته النائمة كالاطفال وبعد مرور الوقت بدأ يضايقها حتي تستيقظ
مي بنوم………مالك انت ايه اللي مصحيك بدري مش انهاردة الجمعة وكمان انت صاحتني وصلينا الفجر يبقا بتصحيني ليه تاني سيبني انام بقا
مالك …….تؤ تؤ مش هسيبك تنامي ان اشتقت اسمع صوتك قومي نتكلم
مي استفاقت……انا ملاحظة انه فيه واحد من لما طلعت حامل بيدلعني ومهتم بيا زيادة عن اللزوم كله دا عشان ابنك عندي انت بتاع مصلحتك علي فكرة
مالك ضحك …..لما بقولك انتي طفلة بتزعلي صح بس فعلا طفلة قلبي …انت غيرتي قلب مالك القاسي وخليتيه يحبك ويخاف عليكي من الهوا ..انا ديما بقولك اني مالك قلبك بس ف الحقيقة انتي ملكة قلبي وعقلي وروحي كمان
مي …..ابتسمت ……قول كل الكلام الجميل اللي بيدوب قلبي لانك انت بجد مالك قلبي ????????
????????????????????????????تمت????????????????????????????????
جميله جدا جدا جدا جدا جدا جدا