رواية أسيرة الماضي الفصل الأول 1 بقلم كاتبة الروايات

رواية أسيرة الماضي الجزء الأول

رواية أسيرة الماضي البارت الأول

رواية أسيرة الماضي الحلقة الأولى

بداية مشهدنا ببنت زي القمر واقفة قدام المرايا لابسة فستان سواريه لونه أسود تضع ميكب خفيف جدا لإنها حورية بمعني الكلمة من غير ميكب يأتي من ورائها صوت طفلة صغيرة: مامي ليه مش ينفع أروح معاكي المكان الجميل ده
نور: يا روحي مش هينفع إحنا اتفقنا دلوقتي هتسمعي كلام تيتا نونا ومش هتضايقيها لحد ماجي ماشي يا ميرو
ميرو بحزن مصطنع: يعني انتي ومرمر وعمو أحمد خارجين وأنا ونونا لأ
نور: يا روحي مش هنأخر
يدخل أحمد بصفير: ايه القمر ده والله خايف أحسدك أصل أنا عيني وحشة بعيد عنك
نور: يا ريت تلم نفسك يا جرجيرة علشان الليلة دي تعدي علي خير
تدخل مروة وتحاول أن تهدأ الجو: انتوا هتتخانقوا ولا ابه وفجأة تبص علي نور اوباااااااا ايه ده يا بت ده انتي هتبقي أجمل من العروسة نفسها
نور بإبتسامة مرمر بلاش أوڤورة يا ماما أنا أصلا مشحاطة ميكب غير خفيف خالص
مروة: بس برده زي القمر
تدخل عليهم نونا والدة مروة وأحمد إيه يا ولاد متنسوش إنكم علي سفر لازم تمشوا بدري علشان توصلوا القاعة بدري ربنا يحميكم من العين ايه القمر ده بصت لنور يلا يا قلبي أكيد مستنيينك
مروة: لا لا لا مستنيين مين دي نور عاملالهم مفاجأة علشان تروح تحضر فرح حبيبها وتخطفه من العروسة انا عارفاها خطافة الرجالة دي 😂
أحمد: 🤨لمي نفسك يا بت انتي متقوليش كدة علي نور
نور: اهو شوفتي جرجيرة رد عليكي حرام عليكي يا شيخة يلا علشان هنتأخر….. ميرو ممكن تسمعي كلام تيتا نونا…… أنا آسفة والله يا نونا بس انتي عارفة ان ميرو بتتعب من السفر جامد فمش هعرف آخدها
نونا: انتي بتقولي ايه يا بنتي دي قلبي ملكيش دعوة بينا يلا انتي بس ……. دعواتي معاكم يا ولاد ربنا يحرصكم وتوصلوا بألف سلامة
أحمد: بصي بقا يا بت منك ليها معاكم دقيقة دقيقة وثانية همشي وأسيبكم يلا
مشيوا وأحمد كان عامل فرح في العربية وهما قاعدين يسقفوا ويغنوا مع الاغاني وجو جميل لحد ماوصلوا القاعدة ونزلوا من العربية تحت زهول من الجميع علي جمال نور وفستانها والأنيق وهي طلعت تجري حضنت العريس بفرحة كبيرة قوي وتتفاجأ بإن العريس صفعها بالقلم علي وشها كنت عارف انك هتيجي يا وسخة حتي وانا مش عازمك ايه البجاحة دي هنا الدي جي وقف والناس كلها ركزت علي اللي بيحصل
نور باستغراب: انت مجنون يا ابني ايه اللي انت بتقوله ده أنا أختك يا حبيبي عملت ايه علشان تعمل كدة ايه اللي حصل لسة بتكمل لقت والدها مسكها من الطرحة جامد لدرجة ان شعرها بدأ يبان من الطرحة جامد هنا نزلت صورة لنور وهي ماسكة ايد واحد غريب وهو حاضنها
والدها انا غفرتلك مرة وقولت حد ضحك عليكي لكن ده لا…. ده برضاكي يا بت الكلب ومسك المايك وقال لكل الناس أنا متبري من الحيوانة دي دي ولا بنتي ولا أعرفها ضحكت عليا مرة وصدقتها لكن المرة دي انا مش مغفل علشان أصدقها نادي علي الأمن ارمي الزبالة دي برة احنا منعرفش ناس زبالة
الناس كلها فضلت باصة لنور بذهول اللي يقول دي طلعت ماية من تحت تبن واللي يقول واللي يقول المهم الأمن جه وخرجها وأحمد حاول يتكلم مع والدها وأخوها إزاي تصدقوا فيها كدة إزاي وقالوا للأمن ياخدوه معاهم هو كمان
ماشيين بالعربية مروحين مروة بتحاول تهديها بس نور في عالم تاني خالص اكنها مش هنا أصلا سرحانة في كل حاجة حصلت في حياتها ليه يا دنيا كتبتيلي المر والشقي والتعب وكرهتيلي الحب والفرح والسعادة عملت ايه في حياتي أنا علشان تعملي فيا كدة ليه يا دنيا أذيتك في ايه علشان تئذيني
وصلوا ونور متكلمتش ولا كلمة اكتفت انها دخلت أوضتها ونامت حتي بفستانها اختارت تنعزل عن العالم للمرة التانية وتنتكس مرة تاني بس المرة دي النكسة كانت أشد نور قعدت تلات ايام مش بتكلم حد ولا عايزة تسمع صوت حد كله بيكلمها وهي رافضة انها تحس بوجودهم حتي بنتها اللي كانوا بيحاولوا يخففوا عنها ان امها مش بترد عليها ولا معاها أصلا كل اللي بتعمله باصة في نقطة وهمية حواليها
مروة: يا نور علشان خاطري طيب حتي كولي فاكهة بس لو بتحبيني بلاش لو بتحبيني علشان ميرو يرضيكي كدة مبتهتميش بصحتك علشانها خرجت مروة وفضلت تعيط مش عارفة تعمل ايه حاسة بالعجز وفجأة عيون نور جت علي السكينة اللي في الأوضة هنا ابتسمت نور وأخدت السكينة وحاولت تنتحر لكن المحاولة فشلت بسبب دخول أحمد المفاجئ وأخذ السكينة علي آخر لحظة
أحمد قومي معايا وشدها جامد من ايدها ونزلت معاه مسلوبة الإرادة ركبوا العربية وساق بسرعة جنونية لحد ما وصلوا لمكان ساكت تماما شبه مهجور ونزلها وقالها عيطي واصرخي وطلعي اللي جواكي كله متخليش حاجه يا نور يلا وبدأ يصرخ تشجيعا انها متخافش وتجرب تطلع اللي جواها فضلت تصرخ جامد قوي لحد ما وقعت علي الأرض وانهارت وفضلت تقول كلام كتير حرام عليه منه لله ما اكتفاش انه يعيشني في عذاب أنا وأهلي لأ كمان خلا أهلي يتخلوا عني ويتبروا مني كسر فرحتي وطفاني منه لله منه لله وفضلت تصرخ تاني وتعيط
أحمد: مين هو وأنا أجيبهولك راكع تحت رجليكي بس قوليلي مين ليه بتخبي عليا لحد دلوقتي يا نور ليه
نور من كتر الصراخ تعبت جامد خصوصا انها ارهقت نفسها وهي اصلا مش آكلة ولا شاربة اي حاجة بقالها كام يوم اخدها للمستشفي وهناك كتبولها محاليل والدكتور اتكلم معاه وقاله طبعا إنت دكتور وفاهم الانهيار اللي حصلها ده والإكتئاب اللي وصلتله
أحمد للدكتور فاهم طبعا
الدكتور: هتحتاجك قوي الفترة اللي جاية
احمد: وأنا أكيد هكون جنبها متشغلش بالك بجد شكرا علي تعبك ووقفتك جنبي
الدكتور انت عبيط ولا ايه يا أحمد إنت صاحب عمري وأنا عمري متأخر عليك
في الأوضة كل الذكريات عدت قدامها زي الفيلم بالضبط وافتكرت يوم ما أخوها راح يتقدم ل مراته ولما سألوها علي بنتها وقالتلهم انها مش متجوزة قبل كدة وافتكرت قد ايه هي تعبت جامد علشان الجوازة دي تتم أصلا
يوم ما راح يتقدملها اتعرفوا عليهم كلهم وجم عند ميرو وسألوا نور هو باباها فين فقالتلهم مش موجود
أم ملك (أم العروسة): أكيد مشغول جامد
نور: لا هو صراحة
محمد أخو نور (العريس): منفصلين
أم ملك: يا ساتر يا رب يعني انتي مطلقة
نور: لا مش مطلقة أنا متجوزتش أصلا وهنا الكل اتصدم من ردها
أم ملك: نعمممممممم😳 يعني ايه بقا ان شاء الله
نور: هفهم حضرتك يا طنط…..