رواية أنتي نبض قلبي الفصل السابع والعشرون 27 بقلم عائشة أحمد

مليكه روحت وحكت ليهم اللى حصل 

خالد بغضب : اياد كلم المحامى يروح لاخوك 

اياد: كلمته وبكلم عمر اشوف اى اللى بيحصل 

بعد مدة 

اياد بغضب: مصيبه اكيد فى حد عامل كدا 

مليكه بخوف : اى حصل

اياد : المريض جايب تقارير بعدم وجود كليه وان الجرح مكان العمليه من مدة قليله جدا والتقارير بتاكد انه كان فعلا فالمستشفى

مليكه بصراخ : يعنى اى 

رهف : اهدى يا حبيبتى 

مليكه : اهدى ازاى انتى مش سامعه 

سهير: اتصرف يا خالد اتصرف 

مليكه : انا عايزة اروح عند مراد 

اياد : مراد محذر عمر ان انتى متروحيش هناك 

مليكه سابتهم وطلعت فوق بتبكى 

*****************””

فى مركز الشرطه 

جلال : الكلام دة مستحيل 

ناصر : الورق بيثبت صدق المريض والتقارير كلها مع حضراتكوا ومش مزورة 

مراد : بس مش انا اللى عملت العمليه 

ناصر : الموضوع كبير جدا المريض خارب الدنيا انا احتراما ليك وللرائد عمر قدرت اخلى الموضوع بعيد عن الصحافه 

جلال باصص على مراد ومش عارف يعمل اى 

مراد بهدوء : واى اللى هيحصل حاليا

ناصر: هنحقق معاك وبكرة هتتعرض عالنيابه 

جلال : اى الجنان دة انت مش عارف هو مين دا مراد المغربى

ناصر: دكتور جلال اهدى انا عارف هو مين بس دة قانون وبيطبق 

مراد : تمام 

ناصر : بعد اذن حضرتك يا دكتور جلال اتفضل برة عشان نبدأ التحقيق 

جلال لسه هيعترض مراد بصله وطلع برة 

ناصر: اسمك وسنك وعنوانك

مراد :…..

*************”

عمر: مين بس هيكون عمل كدا 

جلال : عايز عنوان المريض 

عمر : لى 

جلال : عايزة الاول وبعدين هقلك 

عمر: حاضر 

##################

فالفيلا مساء 

الكل قاعد حزين وخايف ومليكه قاعدة بتبكى ومستنيين اخبار وبعد فترة دخل جلال وعمر 

مليكه طلعت تجرى عليهم : مراد مراد فين 

جلال بص للارض ومتكلمش مليكه راحت عند عمر 

: عمر مراد جى وراكوا مش كدا طلع الكلام دة كدب 

عمر : للاسف كل حاجه ضد مراد 

مليكه : يعنى اى الكلام دة انت عارف بتقول اى 

خالد : اهدى يا حبيبتى قولنا يا عمر اى حصل 

عمر (……….)

اياد : يعنى هيبيت فالحجز انهاردة 

عمر: اه عشان هيتعرض بكرة عالنيابه 

سهير بغضب: سبت اخوك يبيت وسط المجرمين والحراميه 

عمر: لا يا ماما هيقعد فاوضه الرائد ناصر لحد بكرة 

وبكرة هنشوف

جلال : انا رايح مشوار تقى بيتى هنا انهاردة 

تقى : رايح فين

جلال : مشوار كدا 

اياد : انا جاى معاك 

وخرجوا الاتنين وراحوا عند المريض اللى مقدم البلاغ 

جلال ؛ لو سمحت بيت عادل سمير فين

شخص : البيت دة 

جلال : شكرا 

راح وخبط عالباب وفتحت ليه ست 

جلال: لو سمحتى استاذ عادل سمير موجود 

الست : ايوة جوة اتفضلوا 

ودخلوا وبعد فترة جه عادل 

عادل : اقدر اخدمكوا باى 

جلال : اتفضل استريح يا استاذ عادل انا دكتور جلال اكون زميل دكتور مراد عايز افهم اى حصل بالظبط 

عادل بصوت غاضب: طبعا عايز ين تفهموا انا اللى عايز افهم انا داخل عشان اعمل الزايدة عملتها وبقيت كويس وجيت البيت حسيت ان جنبى هيموتنى روحت اكشف الدكتور قالى انت شلت الكليه امته 

جلال : طب مين اللى عملك العمليه

عادل : دكتور مراد 

جلال : دكتور مراد جراح دماغ مش بطنه ومش بيدخل فتخصصات غيرة انت شوفته 

عادل : لا انا الممرضين دخلوا وعطونى البنج وانا فالاوضه ومعرفش اى حاجه حصلت 

جلال بص لاياد 

اياد : لعبوها صح بس انا هوريهم 

ورجع جلال واياد البيت وكل واحد راح يريح عشان بكرة يومهم طويل 

اما مليكه فقاعدة بتدعى ربنا ان جوزها يرجعلها ويخرج من المصيبه دى وبتبكى 

اما مراد 

هو كلواللى شاغل تفكيرة نبض قلبه وخايف عليها وبيكلم نفسه : يا ترى يا مليكه عاملة اى وبيفتكر كلامها وبيضحك قال كنا هنحتفل عاليخت ادينا بنحتفل فالقسم وضحك ضحكه وناصر قاعد باصص عليه 

ناصر: البسمه دى وراها ست 

مراد ببسمه : وراه عمرى ونبض قلبى مراتى 

ناصر: ربنا يخليهالك 

مراد يارب هو انا ينفع اكلمها 

ناصر: اتفضل كلمها وانا هخرج اجيب شاى وارجع 

مراد اخد التليفون ورن عليها 

مراد : حبيبتى عامله اى 

مليكه بدموع : مراد عامل أى يا حبيبى انت كويس عايز حاجه اكلت 

مراد : اهدى اهدى انا كويس انتى عامله اى 

مليكه : بموت من غيرك يا مراد بموت 

مراد بحزن : معلش يا حبيبتى كل حاجه هتتحل وهرجعلك بس انتى بطلى عياط وخليكى قويه 

مليكه : هحاول 

مراد : مليكه بكرة الصبح عايزك تكلمى مهدى هتلاقى رقموا عالموبيل بتاعى وخلى جلال يقابله وقوليلهم يدوروا ورا الدكتورين اللى اتعينوا من فترة فالمستشفى وانتى عايزك تشوفى كاميرات المراقبه كلها 

مليكه: حاضر 

مراد : ماشى يا حبيبتى خلى بالك من نفسك 

مليكه : وانت كمان 

مراد : بحبك 

مليكه : بعشقك لااله الا الله 

مراد : محمد رسول الله 

##########$$$$$$$

صباح يوم جديد

مليكه كلمت جلال وحكت ليه اللى حصل واللى قاله مراد وبدأ يدور ورا الدكتورين دول ومليكه راحت المستشفى وكان معاها عمر 

فالمستشفى مليكه وعمر راحوا عند غرفه المراقبه 

عمر: عايزين نشوف تسجيلات الكاميرا يوم (…..)من الصبح لاخر الليل 

الحارس: حاضر ادينى ربع ساعه 

عمر : ماشى 

مليكه بتوتر : يارب يارب 

عمر: كلمتى جلال 

مليكه: لا هو قال هيخلص ويجى على هنا 

بعد مدة الحارس جه ومعاه الفيديو 

الحارس: اتفضل 

مليكه : شغله 

وشغل الفيديو

مليكه : مفيش حاجه مفيش 

عمر : استنى بصى كدا 

لقوا دكتور حازم ومعاه كام ممرضه ومعاهم مريض متبنج وواخدينوا العمليات 

مليكه : شك مراد طلع صح اكيد هو دة 

عمر: بس فى حاجه غلط هما لى مفهمين المريض ان مراد اللى هيعمل العمليه 

مليكه : مش عارفه 

عمر : لازم نمسك حازم دة ولسه هيطلعوا لقوا جلال 

جلال : وصلتوا لاى 

مليكه : فى عمليه اتعملت اليوم دة متأخر واعتقد بعد احنا ما مشينا واعتقد ان هو المريض 

جلال: ورينى الفديو

جلال : ايوة هو دة المريض 

مليكه : يبقى حازم هو اللى المفروض يكون مكان مراد 

جلال : انا بحثت عنه ووصلت لاخبار كتير واخبار هتوديه فداهيه 

عمر : انا هكلم قوة تيجى عشان تقبض عليه هو والممرضين اللى كانوا معاه بس مش عايزين حد يحس بحاجه 

وبعد مدة جت القوة 

حازم : انتوا واخدينى فين 

الشرطى : امشى وانت ساكت هتعرف كل حاجه لما تروح القسم 

مليكه : عمر مراد هيخرج مش كدا 

عمر: لما التحقيق يخلص هيجى 

مليكه : طب انا عايزة اروح معاكوا 

عمر : مش هينفع يا مليكه روحى انتى وان شاء الله هنرجع انا ومراد 

:##########

فالقسم 

ناصر: سنك وعنوانك واسمك 

حازم (…….)

ناصر: ممكن اعرف كنت بتعمل اى فغرفه العمليات الساعه ….

حازم بخوف : انا مكنتش فالعمليات 

ناصر : كل حاجه متصورة فياريت تقول الحقيقه لان عقابك هيكون ضعف لو انكرت 

حازم : حكى لهم كل ما حدث 

ناصر: ولى ذكرت اسم دكتور مراد للمربض 

حازم : عشان المريض لو اكتشف الموضوع اكون انا فالسليم ويلبسها دكتور مراد 

ناصر بغضب: ولى عملت كدا 

حازم ساكت 

ناصر صدقنى لو متكلمتش هتروح لوحدك فداهيه ومحدش هيساعدك 

حازم بخوف : دكتور سليم هو اللى طلب منى كدا هو عارف كل حاجه 

ناصر : عارف اى 

حازم : انا رحلونى من المانيا عشان كنت بشتغل شغل غير مشروع فالمستشفى زر نقل العضاء وحاجات تانى كنت هتسجن بس لانى مش من نفس البلد رحلونى ولما جيت كنت اعرف دكتور سليم وطلبت شغل وقال هيشغلنى بشرط اعمل  عمليات نقل اعضاء وشغلنى فالمستشفى وجه المريض وكان هيعمل الزايدة فلقيتها فرصه ودكتور سليم هو اللى قالى اقول ان دكتور مراد هو اللى هيعمل العمليه تمويه عشان لو المريض اكتشف الموضوع بس هو دة كل اللى حصل 

ناصر : ماشى عسكرى خدوة عالحجز 

ناصر طلع عمر وجلال ومراد راحوا عليه 

عمر: اى الاخبار 

ناصر : اعترف بس فى طرف تانى 

مراد : مين 

ناصر: دكتور سليم ولازم امشى عشان اقبض عليه 

مراد بصدمه: سليم 

جلال : طب احنا نمشى 

ناصر : لا لسه لما المحضر يتم عن اذنكوا 

ناصر راح المستشفى بس سليم لما عرف اللى حصل هرب وراح بيته بيلم حاجته عشان يهرب بس ناصر قد يوصلوا واخدوة عالقسم 

مراد : ممكن تسبنى معاه شوى يا سيادة الرائد

ناصر: ماشى بس متاخرش 

مراد بحزن : لى عملت كدا انا اذيتك فاى 

سليم : اذيتنى فاى قول اى اللى مأذتنيش فيه 

انت كنت بتاخد كل اللى نفسى فيه فالجامعه كنت محط اهتمام الكل وحتى بعد التخرج بقى ليك مستشفى لوحدك وحت البنت اللى حبيتها حبيتك انت 

مراد : انت بتقول اى 

سليم بصراخ: ايوة نور

يتبع..