روايات

رواية أول مايو الفصل الرابع 4 بقلم هبة النحاس

رواية أول مايو الفصل الرابع 4 بقلم هبة النحاس

رواية أول مايو الجزء الرابع

رواية أول مايو البارت الرابع

رواية أول مايو الحلقة الرابعة

#رواية_أول_مايو
#الحلقة_الرابعة
شهد : هو رامى ابن عمك نازل إمتى ؟
بسنت :آخر السنة بس مامتها قالت لها مش هيتخطبوا غير اما تتخرج
شهد : طب قولى لمامتك انى جايالها الجمعة دى عشان عايزاها ….. يالا بقا عشان انا تعبت اوى النهاردة … عربيتك فين يا بسنت. ؟
بسنت: ع الباب يا قلبي

مر الأسبوع والكل يحضر محاضراته .. ويوم الخميس تأتى رضوى فى بيت والدتها أما مروى فتخرج كل خميس مع شلتها لتقضي اليوم فى الديسكوهات والكافيهات
فى بيت خالة شهد
هناء: مالك يا رضوى وشك أصفر كده ليه؟
رضوى : معدتى تعبانى يا ماما مش عارفة فيا ايه
شهد : ايه يا رورو شهد جاية فى الطريق ولا ايه ؟
رضوى: (بضيق وحيرة) والله ما عارفة يا شهد .. ربنا يستر وميكونش حمل.
شهد: مالك يا رضوى زعلانة مع وليد ولا ايه ؟
رضوى : والله يا شهد وليد مبيزعلنيش خالص بالعكس ده حنية الدنيا فيه
شهد : برضو حاسة أن الموضوع يخص وليد
رضوى : هو أنتى ازاى بتحسي بيا كده ؟
شهد : ههههههههههههه أختى ولازم أحس بيها … احكى لى بقا
رضوى : (تنظر لمامتها) طب تعالى نخش الأوضة بتاعتى يا شهد
هناء : هادخل أعملكم عشا
شهد : ماشي يا خالتو … تعبينك معانا واحنا فى الأوضة هنقول كلمتين

يدخلا الأوضة. وتقف هناء فى المطبخ ولا تحضر عشا فقط لتتركهم وحدهم فهى تعلم أن أسرارهم مع بعض
شهد : احكى يا رضوى فيه ايه قلقتينى
رضوى : والله وليد عنده مشاكل كبيرة أوى فى الشغل
شهد : خير يارب .. مشاكل إيه احكى لى
رضوى : أنتى عارفة فلوس الحكومة مبتقضيش حاجة … ورافض طبعا أنى أشتغل عشان مازن ….. وأصحابه عاملين له مشاكل عشان اترقي … تخيلي يا شهد مدير إدارة حسابات مكافأته 500 جنيه ….. ويقعد لحد 8 بليل
شهد :(تنظر لها باستغراب) وكنتى مستنية ايه عشان تحكى لى … هى أجازة وليد امتى بقا ؟
رضوى : السبت … ليه ؟
شهد تمسك موبايلها وتتصل برقم
شهد : الو .. سلام عليكم … ازيك يا دكتور اشرف . انا الحمد لله تمام … اه خلاص انتظمت من اول الاسبوع …… ههههههههه بسنت .. انت لسه فاكرها .. معايا فى اعلام …. عنيا أسلم لك عليها حاضر .. هو انا كان ليا طلب … مين ماسك الحسابات عندنا فى المستشفى … طب هاستأذنك أستاذ وليد جوز مدام رضوى بنت خالتى اسمه وليد طاهر حدد له ميعاد معاه يوم السبت على 11 الصبح كده عشان يشتغل معانا فى الحسابات … وأنا هابلغ بابا وأخليه يقولك التفاصيل بكرة .. سلام …
تغلق شهد الموبايل ورضوى تنظر لها باندهاش
شهد : خلاص يا ستى
رضوى : أنتى مجنونة وحياة ربنا … هاقوله إيه لما ييجي
وليد : متقلقيش … انا اللى هاقول …. تعالى بقا عشان زمان خالتك واقفة فى المطبخ ولا عملت لنا شاى حتى
يضحكوا ويخرجوا وتنادى رضوى على مامتها … وتأتى
هناء : خلصتوا ؟!!!
شهد : آه يا خالتو تمام .. المهم انتى خلصتى؟
هناء : (باندهاش) خلصت إيه ؟

ينفجر شهد ورضوى فى الضحك ، تفتح مروى الباب بمفتاحها وتدخل دون أن تنطق وتنظر لرضوى وشهد بقرف
رضوى : انتى ايه … مش ترمى السلام
هناء : مش تسلمى على اختك يا مروى
مروى : وهى جيالى أنا … دى جاية لحبيبتها ياختى
شهد : (بإحراج) أنا هادخل أبص على مازن ليصحى
رضوى :(بزعيق) استنى يا شهد … انتى ايه يا بت مالك سايقة العوج كده ليه من ساعة ما أبوكى مات مبقاش حد عارف يلمك … وايه لبسك الزفت ده ومستقوية على أمك خروج وسهر .. والشلة البايظة اللى ملمومة عليها … وشهد اللى مش عاجباكى دى لولا فلوس مامتها مكنتيش لبستى اللبس ده ولا حطيتى الميكب ده … أنتى مش ناوية تتلمى غير لما تحصلك مصيبة وتفضحينا
مروى : (تصرخ) ايه اللى أنتى بتقوليه ده أنتى اتجننتى … لو بابا لسه عايش مكنتيش قدرتى تكلمينى كده … حرام عليكم عايزين منى ايه
تجرى على غرفتها وهى تبكى
شهد : براحة يا رضوى شوية .. مش الطريقة دى اللى هتجيب نتيجة معاها
رضوى : لا يا شهد دى محتاجة تفوق … ملمومة على شلة بايظة وخالتك دى غلبانة وبتضحك عليها بشوية الدموع دى .. وانتى فاكررة أن وليد مش واخد باله
جرس الباب يرن
شهد : خلاص قفلى على الموضوع .. أكيد ده وليد .. وأنتى يا خالتو حضرى العشا عشان احنا موتنا من الجوع وبقالك ساعة معشمانا بالعشا
تفتح رضوى الباب ليدخل وليد وترحب به شهد
تمسك شهد الموبايل لتكتب لبسنت على الواتس أب : كلمينى حالا … هاقوللك كلام مش هتفهميه .. هاكلمك آخر الليل افهمك
تترك شهد التليفون وترن بسنت
شهد : آلو … أهلا يا دكتور .. بابا مش بيرد ؟ … لا مش عارفة طب خير انا هاكلمه كمان ساعتين كده .. مشكلة ايه فى الحسابات … امممممم مش عارفة ممكن ابعت لك مين تبعى …. استنى ثواني يا دكتور … وليد عندنا مشكلة فى الحسابات فى المستشفي ممكن تروح يوم اجازتك تشوفهالى ولا مينفعش

وليد : طبعا .. أنتى مش محتاجة تسألينى .. بعد بكرة اكون هناك
شهد : طب يا دكتور خلاص استاذ وليد طاهر قريبي هيكون عندك السبت على الساعة 11 الصبح .. سلام
بسنت : سلام يا مجنونة وسلمى لى عليهم … مع انى شكلى فهمت انتى بتعملى ايه
تبتسم شهد ورضوى تشكرها بعينها ويقوموا يتعشوا كلهم

فى بيت لينا بالسيدة زينب
وتانى يوم شهد وبسنت مع لينا ومامتها. .. تشير شهد لبسنت لكى تأخذ لينا وتتركها مع مامتها
شهد : أزيك يا طنطى
أم لينا : أهلين حبيبتى ..قولى اللى بدك إياه مع انى عارفة شو بدك منى
شهد : طب شو بدى منك يا طنطى ؟
أم لينا : موضوع لينا مع رامى
شهد : طنط أنا عارفة إن حضرتك قلقانة عليها بس رامى ده حب عمرها
أم لينا : يا بنتى ده بده يكمل بالجيش وانتى شايفة الحالة عندينا والحرب اللى ما نعرف مين العدو بالحبيب … ولينا ممكن يجيلها حد تانى أحسن
شهد : طنط أرجوكى … لينا لو سمعتك بتقولى الكلام ده تموت فيها … بنتك حلوة وشباب مصر ما هيصدقوا … أنا عارفة أنك بتحبينى وليا خاطر عندك ومش هتنزلينى مكسورة
أم لينا : طبعا حبيبتى ولولا أبوكى ما كنا هنبقي هون … الله يستره ويخليه إلك أنتى والدكتورة
شهد: أنا بنتك يا طنط متقوليش كده. … طيب رامى نازل على أجازة نص السنة إن شاء الله يلبسوا الدبل .. ولو إحتاجوا أى حاجة أنا هاجيبهالهم … وحفلة الخطوبة عندنا فى الفيلا
أم لينا : يا بنتى ما بدنا نتعبك
شهد : اتعبينى يا طنط ميهمكيش … يا لولو
تأتى لينا ومعها بسنت
شهد : (وهى راسمة الحزن على وشها ) يالا يا بسنت هنمشي احنا
لينا : (بقلق) ليه كده
تنظر شهد فى الأرض وتبدأ لينا قى البكاء
شهد : (تصرخ بفرحة) الخطوبة فى أجازة نص السنة عندنا فى الفيلا
وتجرى لينا لتحضن شهد وتبوسها وكذلك بسنت

ينزلوا وتصل بسنت الى فيلتها لتجد حفلة كبيرة وصافي أمها على ترابيزة تلعب قمار مع رجال وستات … تتفاجأ بسنت وتدخل بسرعة عشان تطلع أوضتها … تمسكها صافى وبيدها التانية كاس ويسكى …..
صافي : تعالى يا بسبوسة اقعدى معانا … تعالى أعرفك على صحابي
تمشي معها بسنت وهى مخضوضة

توقعاتكم
وايه هيحصل لبسنت
وهل بسنت هتوافق امها
وفرح لينا هيتم ولا لأ

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية أول مايو)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى