رواية قلب لا يقبل الهزيمة البارت الثامن والعشرون 28 بقلم دودو محمد

فى المشفى 

بدأ رحيم يفتح عينه ويغلقها عدة مرات حتى تعود على ضوء الغرفه شعر بيد ممسكه يده نظر بجواره وجد اسماء نائمه وممسكه بيده شعر بسعاده كبيره وابتسم بألم وتحدث بصوت هزيل جدآ قائلا

رحيم :- اسماء يا اسماء ولكنها لم تسمعه من شدة انخفاض الصوت ظل ينظر لها بأشتياق وهى نائمه وحرك يده عدة مرات حتى تشعر به اسماء وتفيق 

اسماء :- شعرت بحركة يد رحيم ولكنها كذبت نفسها واعتقدت أنها تتخيل ولكنها شعرت بحركة يده مره اخرى فتحت عينها ونظرت إلى رحيم وجدته ينظر لها انهمرت الدموع من عيناها وقالت ر.ر.رحيم واقتربت منه وحركت يدها على وجهه وقالت ا.ا.انت فاتح عينك بجد صح انا مش بحلم رد عليا يا رحيم انت فؤقت مش كده 

رحيم :- بصوت ضعيف تستمع له اسماء بصعوبه قال أهدى يا اسماء علشان خاطرى بلاش دموعك دى 

اسماء :- انا مش مصدقه نفسى يا رحيم انت بتتكلم معايا دلوقتى بجد واحشتنى اوى أوى يا رحيم ياااااه كنت هموت واسمع صوتك 

رحيم :- بعد الشر عليكى يا اسماء من الموت متقوليش كده تانى 

اسماء :- بدموع الحمدالله يارب احمدك واشكر فضلك 

رحيم :- هو ايه اللى حصل 

اسماء :- هقولك كل حاجه بس لازم اروح ابلغ الدكتور انك فؤقت وابلغهم بره 

رحيم :- تبلغيهم! اللى هما مين 

اسماء :- كلهم يا رحيم مستنين بره خبر رجوعك ونهضت وقالت انا مش هغيب جايه بسرعه وهنتكلم كتيرررر اوى لحد ما تزهق منى 

رحيم :- انا عمرى ما ازهق منك يا اسماء انا نفسى تفضلى جمبى العمر كله 

اسماء :- هيحصل ومن هنا ورايح مش هسيبك ثانيه واحده وتركته وذهبت إلى الخارج حتى تطمئن الجميع على رحيم 

رحيم :- وضع يده بألم شديد عند المعده وجد جرح حرك أصابعه ببطئ على الجرح وأدرك أنه تمت له العمليه الجراحيه تنهد واغلق عينه وحاول أن يتذكر اخر شئ حدث له تذكر عندما كان فى دوار جده يتحدث مع أسماء وشعر بألم، ففر هاربا قبل أن تكتشف أمر مرضه الخطير وفى ذلك الوقت فتح عينه على صوت الطبيب يتحدث معه قائلا 

الطبيب :- حمدالله على السلامه يا استاذ رحيم عامل ايه دلوقتى 

رحيم :- بصوت منخفض الحمدالله بس حاسس بألم شديد هنا وأشار إلى جرح العمليه وأكمل كلامه قائلا وكمان ريقى ناشف جدآ وحاسس بصداع جامد اوى 

الطبيب :- مطمئنن له قائلا كل ده طبيعى انت فى غيبوبه بقالك ست ايام لازم هتحس بكل ده المهم دلوقتى نطمن على كل حاجه وعلى اخبار العمليه 

رحيم :- اتفضل يا دكتور 

الطبيب :- بدء الفحص 

اسماء :- توترت وقالت ط.ط.طيب انا هستنى بره وركضت إلى الخارج 

الطبيب :-نظر لها بأستغراب وقال هى مش مراتك 

رحيم :- لاء 

الطبيب :- اااااه اصل انا فكرتها مراتك لأنها صممت تقعد معاك هنا فى الاوضه وبقالها تلت ايام مخرجتش من عندك 

رحيم :- ابتسم له بحب وقال اه ما هى خطيبتى 

الطبيب :- تمام ربنا يسعدكم نبدء الفحص وبدا الطبيب يفحص رحيم وبعد عدة دقائق نظر إلى رحيم وقال الحمدالله كل حاجه تمام ولكن هتفضل هنا تمانيه وأربعين ساعه تحت الملاحظه الطبيه

رحيم :- طيب الحاجه دى هتفضل كده فى جسمى 

الطبيب :- فيه حاجات هتتشال وحاجات هتفضل موجوده بس نطمن عليك وبعد كده هنشيل كل ده 

رحيم :- ماشى شكرآ يا دكتور 

الطبيب:- العفو عن اذنك وخرج الطبيب وطمن الجميع على رحيم وابلغهم ممنوع الزياره حتى تمر الساعات القادمه ولكنه سمح لوالدته أن تدخل له عندما وجد حالتها تسوء أكثر 

صباح :- دخلت الغرفه عند رحيم ونظرت له بأشتياق والدموع انهمرت من عيناها عندما رأت وضعه هكذا اقتربت منه وجلست على المقعد وظلت تنظر له بمشاعر مختلفه 

رحيم :- نظر لها بأشتياق وقال بصوت متعب منخفض ايه يا ماما مش عايزه تخدينى فى حضنك 

صباح :- ظلت تبكى واقتربت منه وأخذته فى حضنها وقالت ااااااه يا ابنى واحشتنى واحشتنى كلمة ماما منك واحشنى صوتك ياريت اللى فيك كان جه فيا وانت لاء يا حبيبى واحشتنى يا ابنى واحشتنى وظلت تقبله بحنان الام 

رحيم :- بدموع واحشتينى اوى يا ماما حاسس ان بقالى سنين كتير اوى مشوفتكيش سامحينى يا امى علشان وجعة قلبك وكنت سبب فى دموعك 

صباح :- قلبى وربى راضين عليك ربنا يسترك دنيا واخره يا حبيبى

رحيم :- قبل يدها وقال ببكاء ربنا يخليكى ليا يا اغلى ما عندى يارب يا امى انتى جزمتك فوق راسى والله   

صباح :- يلا يا حبيبى شد حيلك وارجع بسرعه علشان يتلم شملك انت وأسماء من جديد البت بتحبك وفضلت جمبك لحد ما رجعت تانى لينا 

رحيم :- انا مش هستنى لما اخرج من المستشفى يا امى انا هخلى جدى يرجعنا تانى لبعض بس لما ينقلونى فى اوضه عادى 

صباح :- وانا معاك فى القرار ده يا ابنى انتوا الاتنين تعبتوا كتير ولازم ترتاحوا بقى 

رحيم :- أن شاءالله يا امى هى فين صحيح 

صباح :- بره الدكتور مانع عنك الزياره بس طبعآ اسماء مسكتتش واتحايلت عليه لحد ما وافق أنها تقعد معاك 

رحيم :- ابتسم بحب وقال انا فرحان اوى يا امى أن أسماء حبتنى زى ما انا بحبها 

صباح :- ربنا يسعدكم يا حبيبى هخرج انا بقى وابعتها ليك 

رحيم :- خليكى معايا شويه يا امى 

صباح :- انا لو عليا اقعد معاك علطول ومبعدش عنك لحظه واحده بس فيه ناس تانيه هى أولى دلوقتى بالقاعدة دى يا حبيبى 

رحيم :- الدنيا كلها فى كافه وانتى لوحدك فى كافه تانيه يا حبيبتى انتى الخير والبركه يا امى 

صباح :- قبلة رأسه وقالت ربنا يبارك ليا فيك يا ابنى ونهضت وقالت انا هبقى ادخل ليك اطمن عليك تانى ماشى يا حبيبى وخرجت من الغرفه ونظرت لأسماء وقالت ادخلى يا بنتى رحيم مستنيكى جوه 

اسماء :- بفرحه حاضر ودلفت الغرفه وأغلقت الباب خلفها واتجهت إليه وجلست على المقعد أمامه وقالت حمدالله على السلامه انا فرحانه اوى انك فؤقت ورجعت تانى لينا 

رحيم :- نظر لها بحب وقال واحشتينى اوى رغم انك مغبتيش ثانيه واحده عنى كنتى معايا طول الوقت نظرة عيونك ليا كنت بشوفها علطول كانت بتقوينى وبتدينى دافع اتمسك بالدنيا ونظر لها بترجى وقال اوعى تبعدى عنى وتسيبى ايدى وتمشى يا اسماء 

اسماء :- دمعه فرت من عيناها ونظرت له وقالت انا اسفه يا رحيم كنتى غبيه ومقدرتش حبك ليا عرفت ده متأخر اوى 

رحيم :- ششش متتأسفيش يا اسماء كفايه عليا انك كنتى جمبى فى أصعب وقت فى حياتى واقفتى جمبى وكنتى قوتى وقت ضعفى ومد يده ومسح بأصابعه الدمعه من على خدها وقال الوش ده ربنا خلقه فى احسن صوره علشان نتأمل فيه ويترسم بي احلى لوحه فى الكون كله اتخلق علشان تترسم البسمه على شفايفك طول الوقت لكن الدموع دى مش ليكى يا سمسمه 

اسماء :- انت جميل اوى يا رحيم اوى 

رحيم :- اسماء تتجوزينى 

اسماء :- ابتسمت بحب و امأت برأسها بالموافقه قائله طبعآ موافقه وصمتت ثوانى واكملت حديثها بحب قائله انا بحبك بحبك اوى يا رحيم 

رحيم :- نظر لها وهو لا يصدق ما سمعه قائلا انتى قولتى ايه يا اسماء 

اسماء :- بدموع بحبك 

رحيم :- بدموع يااااااه يا اسماء عيشت عمرى كله احلم بالكلمه دى منك انا مش مصدق نفسى حاسس نفسى بحلم قوليها تانى يا اسماء نفسى اسمعها منك كتير اوووووى 

اسماء :- بحبك ،انت نعمه كبيره من عند ربنا بعتها ليا وعرفت قيمتها متأخر اوى بس وعد منى هعوض ليا وليك كل اللى فات ما بينا فى البعد ومسكت يده قائله انا اللى بطلب منك انك تتجوزنى دلوقتى قبل كمان شويه 

رحيم :- ببكاء انا مش مصدق نفسى معقول يكون ده كله حقيقى 

اسماء :- مدت يدها ومسحت دموعه بأصابعها قائله لو بتحبنى بجد اوعى تنزل دموعك دى تانى لا علشانى ولا علشان اى حاجه مهما كانت ماشى 

رحيم :- تنهد بحب وقال بحبك يا اسماء بعشقك وبعشق كل ما فيكى واول ما اخرج من الأوضه دى هتجوزك ومش هسيبك تبعدى عن حضنى لحظه واحده تانى 

اسماء :- أومأت برأسها بالموافقه قائله وانا مستحيل اسيبك تانى مهما حصل ونظرت له بحب وظلوا يتحدثوا مع بعض دون أن يشعروا بالوقت 

&&&&&&&&&&&&&&&&&&&&&&

مر يومين وانتقل رحيم إلى غرفه أخرى بعد تحسن الوضع وطلب رحيم من جده سويلم يد اسماء مره اخرى ووافق سويلم بعد ما أتأكد من موافقة اسماء وجاء المأذون وعقد قران رحيم وأسماء بوجود الجميع وكان والى الأمر لها منصور هو من وضع يده بيد رحيم أثناء عقد القران والسعاده تغمره لشعوره بالمسؤولية اتجاه بناته وتمنى أن تسامحه رضوى ويكون هو والى أمرها فى عقد قرانها يومآ ما..

منصور :- مبروك يا بنتى ربنا يسعدكم يارب 

اسماء :- بفرحه الله يبارك فيك يا بابا ويخليك لينا يارب 

منال :- مبروك يا بنتى 

اسماء :- الله يبارك فيكى يا ماما 

سويلم :- اتمنى انكم تتمسكوا ببعض كويس واللى حصل قبل كده ميحصلش تانى رغم محدش فينا عارف سبب الطلاق ايه 

رحيم :- خلاص يا جدى اللى فات ده صفحه قديمه اترمت فى سلة المهملات ودلوقتى احنا بنبدء بصفحه بيضه من اول وجديد 

صباح :- ربنا يسعد ايامكم يارب يا حبيبى 

رحيم :- ربنا يخليكى يا امى 

هشام :- هترجعى تنورى بيتك يا بنتى والله ربنا يهنيكم يارب 

اسماء :- ربنا يخليك يا عمى البيت منور بيكم..

نسرين :- وانا مش هنور البيت ولا ايه يا خالى 

هشام :- هتنوريه طبعآ يا حبيبتى بس مش عارف احمد هيعمل ايه هيسيبك فى الصعيد ولا هيرجعك علشان الحمل يا بنتى 

نسرين :- لاء هرجع الفيلا مليش دعوه ولا ايه يا احمد 

احمد :- انا كنت بقول خليكى فى الصعيد احسن علشان عمتى تخلى بالها منك بس لو عايزه ترجعى معنديش مشكله بس متتحركيش من على السرير فاهمه 

نسرين :- فاهمه واوعدك من هتحرك أبدآ من على السرير أنا اوضى واحشتنى اوى 

احمد :- وانتى واحشه الأوضه اوى وغمز لها 

جاسر :- ها وانتى ايه ظروفك يا مى الأوضه مش واحشتك ولا ايه 

مى :- لاء طبعآ انا هرجع الصعيد مع ماما 

جاسر :- برضه يا بنتى ما تتعلمى من اختك شويه 

مى :- مليش دعوه بأختى كل واحد حر فى حياته وانا مش هرجع الفيلا غير لما اولد علشان انزل الشغل 

جاسر :- ايه رأيك يا عمتى فى كلام بنتك ينفع اللى هى بتعمله ده 

خديجه :- والله ما عجبنى يا ابنى بس اقول لازم نستحملها لحد ما تولد 

سويلم :- مى هترجع معاك يا جاسر 

جاسر :- ايوه كده ينصر دينك يا جدى 

مى :- يا جدى انا الحمل تعبنى وهو بيبقى طول النهار فى الشغل ومفيش حد ياخد باله منى لو عايزنى ارجع معاه يبقى تخلى ماما تيجى معانا 

خديجه :- يا حبيبتى مينفعش مقدرش أقعد معاكى كل ده واسيب ابوكى انا ممكن اجيلك كل فتره اطمن عليكى وارجع تانى لكن اقعد كل ده مقدرش 

مى :- يبقى خلاص هرجع معاكى مليش دعوه 

سويلم :- وانا قولت انك هترجعى مع جوزك يا مى 

مى :- بدموع يا جدى 

سويلم :- قاطع حديثها وقال خلاص يا مى 

اشرف :- يا حبيبتى تعالى معانا وانا هجبلك واحده تاخد بالها منك لحد ما تولدى 

مى :- انا مش عايزه حد انا عايزه ماما 

نسرين :- يا بنتى اعقلى شويه بقى انتى عامله الحمل حجه لكن انتى مش عايزه تبعدى عن ماما علشان متعلقه بيها لكن دى سنة الحياة طيب ما انا بحب ماما ولو عليا مش عايزه ابعد عنها ثانيه واحده بس برضه لازم اهتم ببيتى وبجوزى واخليه يحس بوجودى فى حياته 

احمد :- يا عاقل انت يا راسى وانا بموت فيكى من شويه 

نسرين :- احم يا عم أهدى احنا مش فى البيت 

اشرف :- بضحك ربنا يسعدكم 

جاسر :- نظر إلى مى وتنهد بحزن وتركهم وخرج من الغرفه 

نسرين :- خلى عندك دم وروحى وراه جوزك جاسر شكله زعل 

مى :- انا معملتش حاجه ليه علشان يزعل ومش هروح وراه حد 

نسرين :- غبيه براحتك بقى 

منصور :- ساكته ليه كده يا بنتى 

رضوى :- هقول ايه ما انتوا بتتكلموا 

خديجه :- وانت يا سليم ساكت ليه انت كمان 

سليم :- هقول ايه يعنى ما انا بسمعكم 

سويلم :- مش ناوين بقى تتنازلوا شويه عن عندكم وترجعوا لبعض 

سليم ورضوى :- فى وقت واحد قالوا مستحيل ده يحصل 

الجميع نظر لهم بأستغراب 

رضوى :- لو سمحتوا قفلوا على الموضوع ده علشان هو انتهى بالنسبه ليا 

سليم :- ياريت يعنى علشان ده مستحيل يحصل انا عايش كده ومرتاح اوى  

سويلم :- انتوا الاتنين عايزين كسر رقابتكم 

رضوى :- كسر رقابتى ليه أن شاءالله علشان رافضه ارجع لواحد ميستهلش ولا علشان رفض أوامرك يا جدى 

سليم :- اهو قابل ده اسلوب واحده هتكسر رقابتى علشانها ده انا فى نعمه والله يا جدى وربنا بيحبنى علشان بعدها عنى 

نهضت رضوى بعصبيه وقالت 

رضوى :- انا هغور بره اشم شوية هوا المكان بقى يخنق وتركتهم وخرجت من الغرفه 

منصور :- انا ساكت كل ده ومش بتكلم يا سليم بس مش هسمحلك تغلط فى بنتى تانى انا مرضتش اكلمك قدامها بس قسمآ عظمآ لو اللى حصل ده اتكرر تانى يا سليم ما حد هيوقف ليك غيرى انا فاهم 

اشرف :- اهدا يا منصور عارف ان من حقك تزعل واى حد مكانك كان هيتصرف زيك انا نفسى اتعصبت من طريقته وأسلوبه بس احنا عايزين نحل مش نعقد الأمور اكتر ما هى متعقده 

سليم :- بتسأل موضوع ايه ده اللى يتحل الموضوع انتهى خلاص وياريت محدش يتكلم فيه تانى لو سمحتوا عن اذنكم وخرج من الغرفه وتركهم وجد رضوى تجلس خارج المشفى نظر لها بقرف وتركها وذهب 

رضوى :- تنهدت بحزن ودمعه فرت من عينها مسحتها سريعآ قبل أن يراها احد .

&&&&&&&&&&&&&&&&&&&&&&&

خرج الجميع من الغرفه وذهبوا إلى فيلا هشام حتى يستريحوا من إرهاق دام أكثر من أسبوع فى المشفى وتبقى اسماء مع رحيم نظر رحيم إلى اسماء الجالسه على الأريكة وقال 

رحيم :- انتى قاعده بعيد كده ليه 

اسماء :- عادى هقعد فين يعنى 

رحيم :- تعالى جمبى على السرير 

اسماء :- نظرت له بصدمه وقالت ها 

رحيم :- ايه فيه ايه مصدومه كده ليه هو انا قولت حاجه غلط 

اسماء :- بتوتر ها ل.ل.لاء مقولتش حاجه غلط ب.ب بس ه.ه.هقعد فين بس على السرير م.م.ما انا قاعده اهو على الكنبه 

رحيم :- تعالى يا اسماء انا ما صدقت انك بقيتى مراتى وبمزاجك 

اسماء :- نظرت له بتوتر ونهضت واتجهت إليه ووقفت أمام السرير وقالت ا.ا.ابعد شويه 

رحيم :- ابتعد قليلا ونظر لها بحب وقال تعالى 

اسماء :- نظرت له بخجل وجلست بجواره 

رحيم :- ارفعى رجلك من على الأرض يا بنتى 

اسماء :- ها ل.ل.لاء انا مستريحه كده 

رحيم :- وانا هتكلم معاكى ازاى وضهرك ليا 

اسماء :- خ.خ.خلاص ارجع اقعد على الكنبه تانى ونهضت 

رحيم :- مسك معصم يدها ودفعها بقوه سقطت فوق السرير بجواره نظر لها فى عيناها وقال أنا قولتلك لما تبقى مراتى مش هسيبك بعيده عن حضنى ثانيه واحده 

اسماء :- بتوتر ر.ر.رحيم ا.ا احنا فى المستشفى حد يدخل علينا واحنا كده 

رحيم :- مش مهم اى حاجه المهم عندى انتى تفضلى فى حضنى 

اسماء :- احم م.م.ماشى ب.ب.بس ا.ا.ابعد شويه 

رحيم :- بمداعبه ليه 

اسماء :- ر.ر.رحيم بس بقى 

رحيم :- وانا عملتلك حاجه 

اسماء :- يوووه بقى بس يا رحيم علشان انت بتكسفنى بجد 

رحيم :- قهقه بصوت مرتفع وقال طيب ما انا عارف انك مكسوفه بس انا جوزك مش حد غريب يا عبيطه 

اسماء :- سرحت فى ضحكته ونظرت له بأعجاب وحب وقالت ضحكتك حلوه اوى ازاى مأخدش بالى منها قبل كده 

رحيم :- نظر لها بحب وقال الضحكه الحلوه بتطلع معاكى انتى و بس وانتى جمبى وفى حضنى يا اسماء 

اسماء :- ابتسمت له بحب ووضعت رأسها فوق كتفه وقالت من هنا ورايح عايزه اشوف ضحكتك دى علطول لأنها بقت إدمان بالنسبه ليا يا رحيم 

رحيم :- قبل رأسها وقال بحب يبقى خلاص خليكى فى حضنى علطول وانا اخليكى تزهقى منها بعد كده 

اسماء :- بحبك اوى يا رحيم 

رحيم :- وضع اصابعه اسفل وجهها ونظر فى عينها وقال وانا بعشقك يا اسماء ومهما اقولك انا بحبك قد ايه مش هقدر اوصلك الحب ده ونظر إلى شفتيها واغلق عينه واقترب منهم والتهمهما بشوق ولهفه 

اسماء :- وضعت يدها على صدره ودفعته بقوه بعيد عنها 

رحيم :- بألم من الجرح قال اااااه

اسماء :- بلهفه ا.ا.انا اسفه والله ما اقصد اوجعك انت كويس انا اسفه بجد 

رحيم :- أهدى يا اسماء انا كويس والله أهدى يا حبيبتى متخافيش واحتضانها وقال أهدى بقى 

اسماء :- انا اسفه يا رحيم ا.ا.انا اتكسفت وغصب عنى نسيت انك عامل عمليه وبعدك عنى من غير ما احس 

رحيم :- وانا مش زعلان انا اصلا اللى غلطان علشان اندفعت بمشاعرى ومقدرتش خجلك وكسوفك منى وقبل كتفها وقال بحبك يا اسماء وهصبر عليكى لحد ما تخدى عليا براحتك اهم حاجه أننا جمب بعض وتفضلى فى حضنى 

اسماء :- أحاطت رقابته بذراعيها واقتربت منه أكثر وقالت بحبك اوى يا رحيم اوى 

رحيم :- ضمها اكثر داخل احضانه وقال وانا بعشقك يا روح رحيم ،لو حابه تروحى تقعدى على الكنبه تانى روحى 

اسماء :- لاء هفضل قاعده جمبك وعلى قلبك 

رحيم :- وانا بقى على قلبى زى العسل وابتسم لها بحب .

&&&&&&&&&&&&&&&&&&&&&&

فى فيلا هشام 

دخل الجميع الغرف الخاصه بهم دخل منصور ومنال فى غرفه وهشام وصباح فى غرفه ونسرين وأحمد فى غرفه ومى وجاسر فى غرفه سويلم وخديجه فى غرفه وأشرف وسليم فى غرفه ورضوى فى غرفه 

فى غرفة احمد 

خرجت نسرين من المرحاض وهى ترتدى البرنس وجلست على السرير ونظرت إلى الغرفه وقالت 

نسرين :- يااااااه اوضى واحشتنى اوى 

احمد :- وانتى واحشتينى اوى اوى والأوضه كانت ضلمه اوى وانتى مش فيها 

نسرين :- بجد ولا كنت مرتاح منى 

احمد :-طول ما انتى بعيده عنى عمرى ما اعرف الراحه يا نونه 

نسرين :- بموت فيك يا روح النونه

احمد :- طيب ايه 

نسرين :- بعدم فهم تسألت ايه 

احمد :- بغمزه ايه انتى هنقضى الليل كله فى الكلام بس ولا ايه بقولك واحشتينى وغمز لها 

نسرين :- فهمت مقصده ابتسمت له وقالت لا متلاقيش انت متعبتش من اللى حصل اليومين اللى فاتوا ولا ايه انا مش مصدقه نفسى أن النهارده هنام على السرير وبراحتى بعيد عن ريحة المستشفى ودوشتها 

احمد :- لاء انا مش تعبان ولو نمتى هتعب بجد يا بت بقولك واحشتينى يا جاموسه افهمى بقى 

نسرين :- نامت على السرير وقالت يلا يا حبيبى نام ربنا يهديك يارب 

احمد :- نعم يا اختى ربنا يهدينى ليه شيفانى مجنون ولا بطلب حاجه غلط انتى مراتى يا حبيبتى علشان لو ناسيه ولا حاجه 

نسرين :- ايه ده بجد ده حصل أمته 

احمد :- اسألى اللى فى بطنك 

نسرين :- قهقهت بصوت مرتفع وقالت لالالا بجد مش قادره انت مشكله 

احمد :- اقترب منها وقال طيب بمناسبة أن انا مشكله وكده يلا بقى 

نسرين :- ابتعدت عنه وقالت لااااااا انسى تصبح على خير يا حبيبى 

احمد :- والله وانتى هتنامى بالبرنس أن شاءالله 

نسرين :- ها ا.ا اه 

احمد :- بت انتى بتلعبى بأعصابى صح 

نسرين :- قهقهت بصوت مرتفع وقالت بدلع الصراحه اه 

احمد :- ده انتى نهارك مش فايت واقترب منها و(……..)

&&&&&&&&&&&&&&&&&&&&&&

فى غرفة جاسر 

نام جاسر على السرير من غير أن يتحدث بحرف واحد نظرت له مى وجلست بجواره على السرير وقالت 

مى :- انت هتنام 

جاسر:- اه هتخمد اطفى النور 

مى :- ممكن افهم بقى مالك وايه مزعلك 

جاسر :- مفيش سبينى اتخمد بقولك اطفى النور 

مى :- لاء بقى مش هسيبك غير لما تقولى فيه ايه مالك 

جاسر :- يووووه بقى هتسبينى انام ولا اخرج واسيب ليكى الاوضه خالص 

مى :- ماشى يا جاسر خليك براحتك وتركته وذهبت إلى الأريكة ونامت عليها 

جاسر :- اطفى الزفت النور 

مى :- مش هطفى حاجه انا تعبانه وظلت تبكى 

جاسر :- زفر بضيق وقام أغلق الضوء وعاد مره أخرى إلى السرير

مى :- ظلت تبكى وبعد عدة دقائق شعرت بيد تحملها اتخضت ونظرت إلى الأعلى وقالت بدموع انت ابعد عنى ملكش دعوه بيا

جاسر :- وضعها على السرير ونام بجورها واخذها بحضنه 

مى :- بكت بحرقه ومسكت به أكثر 

جاسر :- مسح دموعها وقال شششش أهدى يا مى 

مى :-بدموع انت مبقتش تحبنى زى الاول يا جاسر 

جاسر :- بطلى هبل انتى عارفه ومتأكده أن انا بحبك بس دلعك زاد عن حده ومبقتيش تحترمنى قدام اى حد وبصراحه بقى انتى اللى مبقتيش تحبينى زى الاول بدليل انك مش حابه العيشه معايا وعايزه تقعدى مع امك طول الوقت 

مى :- ايه اللى انت بتقوله ده يا جاسر لاء طبعآ انا بحبك وبموت فيك 

جاسر :- لا يا مى اللى بيحب حد بيبقى عايز يبقى جمبه علطول مش تسيبه وتقعد عند امها بحجة الحمل طيب ما اختك نسرين حامل ومع ذلك عايزه تروح مع جوزها علشان تبقى معاه مى انتى حب عمرى ومش عايز يحصل مشاكل ما بينا فى أول حياتنا عايز الحب اللى ما بينا يزيد مش يقل 

مى :- نظرت له وقالت انا بحبك يا جاسر بس مش قادره استحمل بعد ماما عنى انت عارف انا متعلقه بماما قد ايه واليوم اللى يفوت من غير ما اشوفها بحس أن فيه حاجه نقصانى 

جاسر :- يا حبيبتى ربنا يخليها ليكى بس هى دى سنة الحياة وامك اكيد هتكون سعيده ومبسوطه لما تشوفك سعيده مع حب عمرك

مى :- عارفه كل ده بس غصب عنى اعمل ايه بقى استحملنى شويه يا جاسر لحد ما اتعود على الوضع الجديد ده 

جاسر :- اتنهد بضيق وقال ماشى يا مى هصبر عليكى بس حاولى تتغيرى شويه علشان خاطرى 

مى :- حاضر خلاص مش زعلان منى 

جاسر :- لاء خلاص مش زعلان 

مى :- بجد 

جاسر :- اقترب منها وقال بجد وتعالى بقى اثبتلك أن انا مش زعلان 

مى :- ها لاء اوعى كده 

جاسر :- اوعى ايه انتى واحشتينى اوى واقترب منها و(……)

&&&&&&&&&&&&&&&&&&&&&&

فى غرفة منال 

نامت منال على الأريكة وتنهدت بضيق ونظرت لمنصور وأعطته ظهرها نظر لها منصور وقال 

منصور :- طيب ليه تنامى على الكنبه تعالى نامى على السرير احسن 

منال :- نظرت له وقالت بتسأل وانت هتنام هنا على الكنبه 

منصور :- لاء على السرير برضه 

منال :- والله 

منصور :- وفيها ايه بس انا جوزك مش حد غريب يا منال 

منال :- سبق وقولتلك الست اللى تعيش عمرها كله تنام على السرير لوحدها مش هتيجى فى سنى ده تنام جمب راجل حتى لو كان الراجل ده جوزى 

منصور :- جلس وتنهد وقال كلامك ده بيوجعنى اوى يا منال عارف ان انا ظلمتك وكسرتك وان انا فؤقت متأخر اوى بس ادينى فرصه واحده بس اعوضكم لو جزء صغير من اللى عملته فيكم 

منال :- انا عمرى ما كرهتك يا ابن عمى بس مش هقدر اتعامل معاك دلوقتى كزوج لأن انا اخد خلاص أن أعيش وحيده وصعب اتغير دلوقتى فى سنى ده انا مسمحاك والله وربى يشهد على كلامى ده ومفيش ذرة كره فى قلبى ليك 

منصور :- ذهب لها وجلس بجوارها على الأريكة ومسك يدها وقال أنتى بجد اصيله اوى يا منال وانا كنت غبى وحمار علشان جيت عليكى وظلمتك اقسم بالله انا حبيتك اوى يا بنت عمى 

منال :- سحبت يدها من يده وقالت روح نام يا منصور علشان نقوم بدرى نروح المستشفى 

منصور :- طيب تعالى نامى على السرير 

منال :- قولتلك مش هينفع يا منصور ابوس ايدك افهمنى 

منصور :- انا اقصد تنامى انتى على السرير وانا هنام هنا على الكنبه 

منال :- نظرت له نظره مطوله ونهضت من على الأريكة وذهبت إلى السرير ونامت عليه 

منصور :- ابتسم لها ونام على الأريكة وقال تصبحى على خير يا منال 

منال :- وانت من أهله يا ابن عمى وأغلقت عيناها وبعد عدة دقائق ذهبت فى نوم عميق

&&&&&&&&&&&&&&&&&&&&&&

فى غرفة سليم وأشرف 

جلس سليم على الأريكة بعصبية ونظر إلى والده النائم فوق السرير وقال 

سليم :- أنا من الصبح هرجع اسكندريه قعدتى هنا ملهاش لازمه خلاص رحيم فاق وبقى كويس

اشرف :- انت فيه ايه مالك ايه اللى حصل وصلك لكده مش دى رضوى اللى كنت بتترجانى اروح اكلمها تفضل جمبك وتنسى موضوع الطلاق حصل ايه 

سليم :- كنت غلطان وفؤقت الحمدالله واحسن حاجه حصلت ان انا طلقة رضوى ومش زعلان ولا ندمان يا بابا 

اشرف :- متنساش انها بنت اخويا برضه يا سليم ومش هقبل بكلمه واحده عليها 

سليم :- وانا ابنك برضه والمفروض تزعل. عليا انا مش عليها هى 

اشرف :- يا حبيبى انا زعلان عليكم انتوا الاتنين انتوا كنتوا حبيته بعض ايه حصل لكل ده بس 

سليم :- كنت غلطان لما فكرت أنها بنى ادمه وتستاهل حبى بجد بس اتضح ليا أن كلهم ميستهلوش كلهم صنف واحد يا بابا والبعد عنهم راحه 

اشرف :- انا بجد مش عارف اقولك ايه ربنا يهديكم ويصلح حالكم 

سليم :- نهض وقال أنا هطلع اقعد فى الجنينه شويه وخرج وتركه وذهب إلى الحديقه وجد رضوى تجلس زفر بضيق وقبل أن يخرج سمع صوت رضوى تقول له 

رضوى :- خليك انت انا اللى همشى ونهضت ونظرت له نظره مطوله وقبل أن تتحرك 

سليم :- شايفك حزينه وزعلانه يعنى يكونش زعلانه عليا ولا حاجه 

رضوى :- انا ولا زعلانه ولا حاجه هزعل ليه مفيش حد يستاهل زعلى بس يعنى حزينه على رحيم ابن عمى وجوز اختى أصله راجل بجد ويستاهل أن الواحد يزعل عليه إنما انت كنت فتره مؤقته فى حياتى ومش فارق معايا الصراحه وجودك فى حياتى 

سليم :- سبحان الله زى بالظبط وجودك فى حياتى زى قلته ومش فارقه معايا خالص 

رضوى :- ابتسمت وقالت مش هقدر اقولك القلوب عند بعضها بس تشابه افعال مش اكتر 

سليم :- بالظبط كده بس ليا طلب عندك بليز تنفيذه 

رضوى :- نظرت له وانتظرت أن يكمل حديثه 

سليم :- مراتى وابنى عايزهم 

رضوى :- حاولت تظهر عكس ما بداخلها وقالت مقدرش أفيدك الطلب ده اطلبه من جدى مش منى 

سليم :- اصل الصراحه واحشتنى وانا قررت اسامحها واربى معاها ابنى 

رضوى :- والله بقى ده شئ ميخصنيش توحشك ولا لاء تصبح على خير يا ابن عمى وتركته وذهبت صعدت إلى غرفتها وأغلقت الباب خلفها وسندت عليه ووضعت يدها على فمها وظلت تبكى بحزن ووجع وجلست على الأرض ووضعت يدها على وجهها وظلت تبكى 

يتبع..