رواية نهايات توكسيك الفصل الأول 1 بقلم دنيا فوزي
رواية نهايات توكسيك الجزء الأول
رواية نهايات توكسيك البارت الأول
رواية نهايات توكسيك الحلقة الأولى
_دنيا أتجوزيني
=أنت بتهزر يا مروان يعني منزلني على مالاوشي وعمال تستعجلني أنا قولت حصل حاجة ربنا يسامحك بجد وبعدين مش بتتقال أتجوزيني أسمها ممكن تتجوزيني تقبلي تتجوزيني مش بتيجي وش كده أنت محتاج تتعلم حاجات كتير عفكرة
_أتجوزيني وعلميني بعد الجواز
=ههه مفيش فايدة بجد..أي اللى ورا ضهرك دا وريني
_دا ورد كنت جايبه لمراتي المستقبليه بس يلا حصلخير
=على فكرة أنا مرفضتش
_بس موافقتيش…دنيا أنا مقدر خوفك وعارف إنك لما قررتي تحبي وتدي لقلبك فرصة دخلتي ف علاقة أتحكم عليها بالفشل وواثق وومتأكد إن الفشل دا مكنش م ناحيتك وإنك عملتي كل اللى ف إيدك عشان العلاقه دي تنجح وعارف كمان إن أنتِ كنتي …كنتي بتحبيه بس..بس يمكن دا حصل عشان أقابلك وتبقي من نصيبي أديني وأدي لقلبك فرصة تانيه
_يعني عارف كل دا ولسه عند رأيك!..مروان أنا واثقه إنك هتبقى زوج كويس جداً بل أفضل من كويس كمان بس أنا مش عايزه أخسرك!
=ومين جاب بس سيرة الخسارة دلوقتي! وبعدين أيوا أنا لسه عند رأي مش يمكن عايز أغير رأيك ف فكرة الجواز والعلاقات عموماً يمكن لسه عندي أمل إني أخليكي تحبيني زي م أنا بحبك..دنيا أنتِ…أنتِ لسه بتحبيه؟
_…
=دنيا..!
بارك الله لكما وبارك عليكما وجمع بينكما خير
يلا ي مروان الفطار جهز
=حاااضر
_بقالك ساعة بتقول حاضر ومشوفتش حاجة
=بقاالي ساعة يبنتي دا هم ندهتين والتالته جيت أهو
_وليه منجيش من أول مرة
=بحب أسمع أسمي منك كتير
_لا بقولك أى لو أنت فاكر إنك هتثبتني بالكلمتين دول ف أنت معاك حق أنا اتثبت فعلاً
مروان بغمزه:أحنا عايزين ننول الرضا
_دنيا وهي تحاول تغيير مسار الحديث: أمم هترجع م الشغل أمتى
=هخلص ف العيادة ع5 كده تحبي أجبلك حاجة وأنا جاي
_سلامتك
=بقلنا سنة متجوزين وكل ما أسألك نفس السؤال تجاوبي بنفس الإجابة
_دا يدل إنك مش حارمني من حاجة عشان أطلبها
=يلهوي دا أنا أمي راضيه عني بقا
_دنيا بغمزه:دا من بعض ما عندكم ي مارو
= لا دا انا كده هقعد وأنا متأخر على شغلي
_ ههه لا يلا ف حفظ الله…ااه معتز نسيت فطارك
=معتز!!!قصدك مروان ي دنيا
_أنا..أسفة
=أسفة!بجد…لسه منستيهوش ي دنيا!! أنتِ متخيلة إنك بتجرحي رجولتي بانك تغلطي ف أسمي لا ومش أى اسم دا أسم حبيبك الأول هه ياشيخه دا أنتِ لو قاصدة تدوسي عليها بجزمتك مش هتعملي كده بجد!
_أنا والله ما كنت أقصد حاجة بس..بس غصب عني صدقن..
=ششش دنيا بصيلي
دنيا وهي تنظر لمروان وهي متيقنه بأن ما ستسمعه لن ينال رضاها أبدا..!
=دنيا أنا بحبك وأنتِ عارفه دا كويس وعارفه إني مستعد أعمل أى حاجة عشان أشوفك مبسوطة وترجعي تضحكي تاني وتبعدي عن الحالة اللى كنتِ فيها دي بس صدقيني مش ع حساب رجولتي مش هستحمل إني أبقى معاكي بس أنتِ مع واحد تاني!وعشان أنا مش عايز أكرهك لإن لو كملت معاكي هتضطر أكرهك وأنا مش عايز أوصل للمرحلة دي..فعشان كده دنيا…أنتِ طالق!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نهايات توكسيك)
تعليق واحد