رواية رفقا بالقوارير الفصل التاسع والعشرون 29 بقلم ميادة مأمون
 |
| رواية رفقا بالقوارير الفصل التاسع والعشرون 29 بقلم ميادة مأمون |
رواية رفقا بالقوارير الفصل التاسع والعشرون 29 بقلم ميادة مأمون
رجعت معاه علي ڤيلته وكان لسه ثاير من اللي حصله
قعدت تطهر ليه جروحه وهي زي ماتكون شمتانه فيه
عصام: اه ما براحة يا غبية انتي كمان
ندي: انا غبية الله يسامحك يعني الحق عليا اني بطهرلك جروحك دي
عصام: بطلي لك وخلصي بسرعة يلا
ندي: طب بص انت تمسك الحاجة كلها اهيه معاك واتفضل بقي عالج نفسك عشان انا مش فضيالك
عصام بسخرية: ليه وراكي الديوان
ندي بغضب: لاء يا عصام طالعه احضر شنطتي عشان مسافرة دلوقتي
عصام:لاء مافيش سفر الا لما انا أقول هنسافر امتي
ندي:انا ماقولتش ليك تعالي معايا انا هاسافر لوحدي
عصام: وده ليه بقي انشاء الله
ندي:عشان قاسم طلب مني كده
اول ما سمع اسمي ثار واتجنن عليها وفضل يضرب فيها
عصام: اه يا رخيصة حنيتي ليه تاني اول ما شاور ليكي سمعتي كلامه
ندي: ااااااه ماحصلش والله هو قالي لازم بكره تكوني علي مكتبك لأنه عايزني ارجع شغلي
عصام : واشمعني بقي ولا البيه مش عارف يمشي شغله من غيرك
ندي: طبعا لاني شايفله شغله كله ولا انت ناسي اني سكرتيرة شاطرة وكمان هو بيقول انه داخل علي مشروع كبير ومحتاج معاه سكرتيرة
قعد يفكر بمكر : مشروع ايه ده اللي ظهرله فجأه كده
ندي: اه أيدك تقيلة اوي لسة طبعا ماعرفش حاجة بس اكيد بكرة هاعرف
عصام :طب اطلعي حضري الشنط بسرعة عشان هانسافر دلوقتي
////////////////////////////////
فضلت نايم علي ظهري في السرير واني جافل عليها بيدي وباليد التانية بلعب في خصل شعرها الاحمر الناعم
قاسم
روحه
انت ليه زعجت في دينا اكدة وزعلتها
ماكنتش اقصد طبعا وهي جات وقفت قصادي واني متعصب
طب اطلبها واعتذر ليها بجي اني عمالة اطلبها وهي مش بترد عليا
واحنا في ايه ولا في ايه يا بت دلوك سيبك من اي حد ومتفكريش غير فيا اني وبس
لاه اطلبها عشان خاطرى
اديني بطلبها اههه ومش بترد
خلاص اطلب رامي واسألو عليها
طيب يا ختي عندك حلول انتي لكل حاجة مش اكده
الو ايوة يا رامي
الو يا قاسم خير في حاجة تاني
هي دينا معاك
وانت عايز دينا ليه بعد ما كلمتها بالاسلوب ده
رامي بص انا عارف انك زعلان من اللي حصل بس مش مهم انت دلوقتي خالص
واديني دينا اكلمها لو معاك عشان هي لا عايزة ترد عليا ولا علي وعد
مش مهم انا يا واطي ماشي يا خويا هي بقي بتقولك مش عايزة تعرفك تاني
خلص يا زفت وادهاني بقي
الو نعم يا قاسم بيه خير في حاجه
اهلا دينا هانم بتكلمني بنفسها ازي حضرتك يا أوزعه
بطل سخافة
ههههههههههه طب حقك عليا يا دينا ماتزعليش مني
انا كنت متعصب وانتي عارفة ده كويس
عارفه ايه حضرتك تقريبا كدة طردتني ولا مش واخد بالك
لاء واخد بالي حضرتك بس عارف ان اختي الصغيرة هاتستحملني وتلتمس ليا العزر
اختك دلوقتي بتقول عليا كده تهزقني وتقولي اختك مش كده
طبعا اومال هما الاخوات مش بيبقي بينهم فرح وزعل وفسح وتهزيق كمان
بقي كدة يا قاسم طب وانا بقي مش قابلة اعتذارك ومش عايزة اعرفك تاني
مش مهم انا عايز اعرفك ووعد كمان عايزة تعرفك
وعد اه لكن انت لاء
احسن بردو خدي كلمي صاحبتك بقي عشان انا زهقت منك ومن قمصتك دي
ايوة يا دينا
وعد حبيبتي عامله ايه
كويسة اوي الحمد لله حقك عليا انا ماتزعليش من قاسم
امممممم شكله كدة الواد ده عرف ياكل بعقلك حلاوة واتصالحتو
هي حلاوة بس ههههههه
دينا بفرحه وحب ليهم وهي بتبص لرامي
ربنا يهنيكو يا حبيبتي بس كنتي قرصتي عليه شوية وتقلتي يا عبيطة
قالت الكلمتين دول وماكنتش تعرف اني اخدت منها التليفون
بقي كدة بتحرضيها عليا يا سوهنه يا أوزعه
حدفت التليفون لرامي وهي بتضحك بكسوف
الله انت قولتلها ايه ياض
هو انا لسه هاقول دانا هانزل اكسرلك دماغها الحيزبونه القصيرة دي
هههههههه مش هاتلحق احنا خلاص مشينا من الفندق ورايحين علي المطار
والله طب توصلوا بالسلامة سلام يا رامي
مع السلامة
//////////////////////////////////
الكل سافر وفضلنا أنا وهي لوحدنا قضينا احلي اسبوع في حياتنا احنا الاتنين اسبوع كله حب وبس
وعد جومي يا بت بجي بقينا الضحي
بكفايك بجي اني تعبت انت مش بتشبع ابدا
هههههههه لاه اني عمري مااشبع منك ياجلبي بس دلوك جومي عشان خلاص هانسافر
رفعت راسها من علي صدري بزعل
انت مش جولت اننا هانقعد اهنه شهر جاي بعد اسبوع تجولي هانرجع
معلش يا جلبي هعوضهالك كل سفرية ليا بعد اكدة هاخدك معايا
طب وليه غيرت رأيك فجاه
عشان شغلي يا حبيبتي المشروع الجديد ده عايز مني وقت ومجهود كبير جوي
هو مشروع ايه ده يا قاسم
فندق كبير علي احدث طراز هابنيه علي النيل
وهايتكلف ملايين ولازم طبعا اباشر كل حاجة بنفسي
وده ليه علاقة يعني بمدير الفندق اللي عمال يرحب بيك في الداخله والخارجة ده
طبعا دا هو اللي قالي علي المشروع وهو اللي جايب العميل الاجنبي
اه عشان كدة لازقلك بس هو ايه مصلحته في الموضوع ده
طبعا ليه مصلحة اولا هياخد عمولة كويسة ثانيا حاطط امل علي أدارة الفندق بعد كدة
يلا بقي قومي يا حبيبتي حضري الشنط
حاضر اديني قومت اهو
//////////////////////////////////
رجعنا القاهرة وكل حاجة رجعت زي الاول وانشغلت انا في الشركة اوي
وهي كانت قاعدة مستنية النتيجة بتاعتها ويأما بتكلم دينا يأما بتتكلم مع اصحابها البنات
كنت راجع من شغلي متأخر وتعبان قالع چاكت بدلتي وحاطه علي كتفي
لاقتها ماسكة تليفونها وقاعدة بتكلم حد فيه
والله يا بنتي مش عارفة
انا اصلا ماعرفش اذا كان قاسم هايوافق ولا لاء
بتكلمي مين يا وعد
قاسم انت جيت طب سلام انتو دلوقتي
اه جيت انتي بقي كنتي بتتكلمي مع مين
دول اصحابي متفقين مع بعض انهم يخرجو بكره
وكانو عايزني اخرج معاهم وانا قولتلهم ماعرفش انت هاتوافق ولا لاء
لاء طبعا
زعلت وقامت من قصادي
كنت عارفة علي فكره
طب كويس انك عارفه
بس انا زهقت من حبستي دي وبس عايزة اخرج زي ما كل البنات بيخرجو
لما افضي هابقي اخرجك لكن انا دلوقتي مش فاضي حتي ارتاح
طيب
رايحة فين وسيباني واقف كدة هو انا مش بكلمك
هو انت مش خلصت كلامك وبتقول عايز ترتاح
عايز مني ايه بقي
عايز اتعشي هنام جعان يعني
اوف طيب هاروح اخليهم يحضرو العشي
وخليهم يطلعو هنا عشان مش قادر انزل تاني
طيب
///////////////////////
حضرتلي العشي وطلعت بيه لقتني غيرت هدومي وروحت في النوم وانا قاعد من كتر التعب
قاسم قاسم
ها
اصحي عشان تتعشي
لاء خلاص مش جعان تعالي نامي في حضني
اجي فين انت نايم وانت قاعد
ياه انا نمت صدقتي بقي اني تعبان
طب عشان خاطري قوم اتعشي وبعدين نام
حاضر يا حبيبتي
قعدنا نتعشي وهي بتحاول تفتح الموضوع تاني
عشان خاطري يا قاسم خليني اخرج مع صحباتي
وعد وبعدين قولت لاء
يوة بقي
مش فاهم يعني انتي ليه مصممة تخلينا نتخانق
انا مش عايزة اتخانق علي فكره بس زهقت انت من ساعة ما رجعنا من السفر وانت مضغوط في شغلك
وانا محبوسه هنا لا بشوف حد ولا حد بيشوفني
سابتني وقامت من علي الاكل وراحت نامت وهي عطياني ظهرها
قومت انا كمان وانا بستغفر ربنا
نمت جانبها وعدلتها علي صدري
انا مش حابسك علي فكرة بس خايف عليكي
ماتخفش ماهما اصحابي هايبقو معايا
طب هاتروحو فين
هانخرج نشتري لبس وحاجات وقالولي انهم هايروحو بيوتي سنتر كبير يعملو شعرهم ويعرفوني عليه عشان ابقي اروحه
ماشي بس هابعت معاكي سواق بعربية وواحد من الحراسه يفضلو معاكي لحد ما ترجعي
يعني موافق يا حبيبي يا قاسم
//////////////////////////
صحيت تاني يوم ونزلت شغلي ونبهت علي واحد من الحرس انه يفضل معاها ويبقي تحت امرها هو والسواق
وخرجت وعد من الڤيلا لوحدها راحت علي مول كبير و معروف
ودخلت علي كافيه وقفت تدور علي صحابها اللي جاية تشوفهم
وعد تعالي انا هنا
ندي ازيك عامله ايه
