روايات

رواية ظلام الرعد الحلقة التاسعة والعشرون 29 بقلم فاطمة عيد

رواية ظلام الرعد الحلقة التاسعة والعشرون 29 بقلم فاطمة عيد

رواية ظلام الرعد الحلقة التاسعة والعشرون 29 بقلم فاطمة عيد

رواية ظلام الرعد الحلقة التاسعة والعشرون 29 بقلم فاطمة عيد

مرت ثلاثه ايام دون أي أحداث جديده فكان الحزن هو سيد الموقف ..

في ڤيلا الرعد..

كيان:-

رعد مش هنروح لجدو

رعد:-

مش قادر ياكيان ..مش قادر اروح هناك الشريط كله بيتعاد قدامي مش عايز وجعي يزيد

انهمرت دموعه وسط كلماته لا يستطيع التماسك أكثر من ذلك

اتجهت إليه وهي تعانقه بقوه وهي تقول:-

حبيبي هي ف مكان احسن دلوقتي

رعد:-

بس راحت بطريقه وحشه اوي مقدرناش نعمل حاجه

كيان:-

المشكله الاساسيه أنها وثقت فيه بمنتهي السهوله رغم أنها عارفه أنه بقي شخص قاسي وعنيف وجشع وتجرد من كل المشاعر الانسانيه …مشكلتنا أما بنحب حد وبيتغير للوحش بنفضل نبرر ونستني بيأذينا وبنفضل مكملين ناس كتير اوي اتأذت زيها ناس كتير ماتت بالحياه بسبب ثقه مش ف محلها …فكرت انها هنا مقيده وراحت للنهايه بايدها

رعد:-

كل ده صح ..كان شئ متوقع أنها تتأذي ..بس كان أقصي توقعاتي أنه يخذلها وبس مش يقتلها

كيان:-

انت بتتعذب وهي حاسه بيك واكيد مش مرتاحه لازم تصلي وتدعيلها كتير قوم يارعد معايا تعالي نصلي ونفضل ندعيلها ونقرألها قرآن عشان تبقي مرتاحه

أومأ لها بالموافقه

——

في الشركه

ظلت تعبث بيدها علي مكتبه كان ذلك يسبب صوتاً مزعجاً بالنسبه له ليقول:-

يقين اهدي شويه

يقين:-

معتز انا عمري ما شوفتك كده

معتز:-

واديكي شوفتي…عارفه اول ما روحت اجيبها كان الموضوع بالنسبالي عادي مكنتش حاسس بأي حاجه يمكن عشان كان عندي امل ان كل ده كدب أو مجرد فخ بس اما بدأت استوعب ادمرت نفسياً ازاي يأذي قلب حبه واختاره وساب دنيته عشانه وازاي عرف يأذي ولاده ليه كل ده

يقين:-

ربنا وحده اللي يعلم ليه كل ده وبعدين متنساش احنا هنا ف اختبار كبير اوي ..اختبار لازمله حكمه وصبر وقلب صافي أو بيقاوم شره عشان يصفي ..الخير والشر موجودين جوه كل واحد فينا عقله قادر يتلغب علي حاجه منهم والتانيه بتفضل توجهه طول عمره في ناس شرها كان متمثل ف شويه حقد وفي ناس شرها كله اتمثل ف حب المال وناس شرها اتمثل في حب المحرمات ومش بس كده لا دول بيفتخرو باي حاجه حرام بيعملوها ..مش هياخد حاجه معاه فالاخر غير سيئاته وبس هو عمل كتير اوي ويستحق العقاب فالدنيا والاخره

——-

في القصر

دلف الجد برفقه زوجها إليها ليقول الجد:-

اعقلي ياورد

ورد:-

سيبوني ياجدو عشان خاطري

سيد:-

حابسه نفسك ف اوضتها ليه..هي اللي اختارت والعقاب ده رد فعل لاختيارها عقاب للكل كلنا متأثرين بغيابها لكن لازم كلكم تتقبلوه جوزك لو استحمل دلوقتي مش هيستحمل بعدين وانتي مقصره ف حقه اوي

نظرت لادهم بعتاب لتقول:-

انا ياادهم

أدهم:-

ياورد انا مقدر حزنك لكن دلعك الزياده مش لصالحنا طول الوقت بعاملك علي انك طفله عشان مبقدرش ازعلك لكن جه الوقت اللي تكبري فيه بقا وتبقي مسؤوله

سيد:-

أدهم بيحبك ياورد ..ودي المشكله مشكلتك بتدلعي وتاخدي راحتك عشان ضامنه حبه ليكي لكن بلاش تبعدي اوي وتفضلي ضامنه مكانتك المشاعر بتتغير مع الوقت أو بمعني اصح كل فتره بتتجدد لصالحك أو ضدك ..كلنا هنموت وكلنا زعلانين لكن لازم نكمل لان دي اراده ربنا وأمره ..قدرنا اننا نكمل لحد ما يجي معادنا ولحد معادك لازم تكوني قويه ياورد

——–

في ڤيلا الرعد

رعد بدون مقدمات:-

تفتكري لو خلفنا هكون اب كويس

كيان:-

ليه بتسأل السؤال ده دلوقتي

رعد بجديه:-

السؤال ده المفروض كل اب وام يسألوه لنفسهم دايما ..في مجتمعنا هنا بنتعامل علي أن الأطفال دول كماله من كماليات الجواز زي الشقه والعفش فالاول كده بعد الجواز الناس تبدأ تسأل وهما يستعجلو عشان يكون عندهم طفل وبس ..ناس كتير بتبقي عايزه كده ومش فاهمه ليه ناس كتير مش بتحب الاطفال لكن شايفه انها لازم تخلف عشان تبقي زي باقي الناس وبس ..تقدري تقولي الخلفه بقت من ضمن العادات والتقاليد…ميعرفوش أن الطفل انسان لي حقوق وواجبات كتير اوي …مجتمعنا مركز علي بر الوالدين .. طب فين حقوق الطفل فالتربيه السويه اللي بتكون شخصيته ..السؤال ده ياكيان وراه تفكير ملهوش نهايه..متأكد أن ابويا لو سأله لنفسه وعرف الاجابه مكنتش هبقي معاكي دلوقتي

كيان:-

اديك قولت مكنتش هتبقي معايا دلوقتي وانا بقا عايزاك معايا …وكمان انت هتبقي أعظم اب فالدنيا ..انا واثقه فيك وعارفه انك مش شبهه

يتبع..

لقراءة الحلقة الثلاثون : اضغط هنا

لقراءة باقي حلقات الرواية : اضغط هنا

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى