رواية عائلات راقية بفسادها الحلقة التاسعة والعشرون 29 بقلم أروى طاهر المسلاتي
 |
| رواية عائلات راقية بفسادها الحلقة التاسعة والعشرون 29 بقلم أروى طاهر المسلاتي |
رواية عائلات راقية بفسادها الحلقة التاسعة والعشرون 29 بقلم أروى طاهر المسلاتي
ليلى:تأكدت ان مفيش حد في الدور الثاني وخشت على اريج
يلي كانت مش قادره تتحرك ابدا????
اريج:شافت لي ليلى بخوف !!
ليلى:اسمعيني كويس يافرخه انتي
بنخليك في حوشي مش شفقه ولا رحمه لان يلي زيك حرام الشفقه عليهم
خليتك لان عمك هوا يلي اصر ع الشي هاذا
المهم توا …مش موضوعي هاذا كله
يمين بالله لو حاولتي حتى انك تقربي ع ولدي صدقيني رح نقتلك بيدي خلي اسلام في حاله ضحكتي عليه مره يكفي
اريج:استتجمعت قوتها وخذت نفس عشان تحكي كلمتين….بس انا حبيته????مضحكتش عليه
ليلى:نقطعهولك لسانك من وين ما نبت لو مزال تعاوديها الكلمه هاذي يافاسده
مريتلك حب لما اهلك لوحونا في الشارع
محاولتيش تساعديه بي ولا شي
اريج:اءء انا…..
ليلى:قاطعتها…….فمك سكرررريه معش نبي نسمع منك حس
وردي بالك تنزليلي لوطه وجهك منبيش نشوفه لين نلقى حل وتنتلفي من عليا …وطلعت وسكرت الباب
______________________________
استغربت لما شافت يد يوسف مقربه ع وجها قدام الناس!!
يوسف:حط يدها تحت خشمها وقربها ع عيونه!!….دم؟؟!
خيرك تنزفي؟
رؤى:اءء م منعرفش
يوسف:قعد ساكت يشوفلها
رؤى:تمسح في خشمها بتوتر ويديها يرجفو وتلخبطت عليها
والدم تلبز في وجها كله ومعش فهمت كيف تتصرف
يوسف:جابلها شيشة اميه
وخدي كلينكس بله بيها ومدهولها…امسحي هكي افضل
رؤى:شش شكرا تعبتك ….وبدت تمسح
يوسف؛شاف يمين ويسار
مكانش فيه لا ارسولان ولا بوها !
استغل الفرصه عشان يحكي معاها ويقول الكلمتين يلي داسهم قداش ليه
يوسف:انتي شايفتيني قبل صح؟!
رؤى:نزلت عيونها بتوتر…..لااا لا وين بنشوفك
يوسف:تنهد….متخافيش مني
عارف قبل صار سوء تفاهم وحتى جبتك لي استراحه ع اساس في بنت تبيك تزينيها وقصص البنات هذيكا
رؤى:خدت نفس وهيا مستسلمه
يوسف:لو نقول انك مش انتي يلي خنبتي الشنطه يلي فيها15الالف
ليش هذاك اليوم طلعتي تجري وخايفه وبعدها انا معش لقيت الشنطه؟
رؤى:قامت عيونها…..كنت متزوجه !
راجلي كان سيئ هلبااا واكتشفت اني حامل للمره الثانيه غصب عليا نجهض بحجة ان معنداش من وين يصرف ع زوز اطفال ووقتها طاوعته
بس لما وصلت للمصحه فكرت وفكرت ومقدرتش نكمل !????
يوسف :قعد يذكر كيف رؤى كانت تجري وركبت معاه الاصنصير
طلعت وقعمزت جنبه تحاول تبين طبيعيه لكن واضح عليها التوترحط يوسف الشنطه متعه تحت الكرسي ومشي بياخد قهوا
ولما رجع لقي الشنطه مختفيه ورؤى تجري
لوح القهوا من يده وكمل يجري وراها وينادي فيها بس هيا مقدرتش توقف لين طلعت واختفت ملحقش عليها
رؤى:تابعت كلامها تحكي….بعدين خلاص !
ربي اختار ان ياخد البيبي هاذا لا بي اجهاظ ولا شي
يوسف:كان فاتح عيونه وفمه بي ذهول من الكلام يلي يسمع فيه !!
رؤى:اءءء اسفه لو
منعرفش حتى ع شنو مفروض نتأسف
يوسف:ءء ل ءء لالا
معش تتأسفي لا شي
انا يلي اتهمتك وحتى مديت يدي عليك انا يلي اسف مستحيل نسامح روحي طول العمر
رؤى:لمحت بوها جاي من بعيد …يالله عن اذنك
شكرا على ال…
ال الكنينكس والميه
يوسف:ابتسم…في اي وقت❤️
________________________________
امير:كانت روحه تطلع منه لما شاف هبه راكبه في السياره مع العريس وامه????
فاتت السياره من جنب امير يلي كانت ناااار راكبه فيه
ومن جنب ارسولان يلي قاعد يحاول يفهم يلي سمعه من امير
ماريا؟؟؟!
معقوله ماريا تنخطب هكي !!
من جيها ثانيه كانت هبه مقعمزه في السياره متبيش تقيم راسها وتجي عينها في عين امير !????
ندمت في لحضه انها طلعت !!!
قاطع حرقت قلبها وتفكيرها صوت ام العريس
ريمه:ردي باااالك تتحشمي حبيبتي ردي بالك
الذبله يلي تعجبك خوديها
هبه:بصوت خفيف…..ان شاء الله
ريمه:الله غالب الوقت ضيق وانتي الصبح مدرسه والعشيه تقري مفيش الا المغرب بس تطلعي تختاري فيه
هبه:عادي مش مشكله خالتي
ريمه:خااالتي؟؟؟؟
لا ياحبيبتي من اليرم تناديني ماما ايواااه
ولا شنو رايك يا حمزه؟
حمزه:اي اي
هبه:استغربت من حمزه يلي واضح على ملامحه ان في شي !!
ممكن يكون مغصوب مثلا؟
او في شي لان مفيش في وجها اي علامة فرح او تحمس للموضوع وطول الوقت محكاش ولا كلمه مع امه
بلعكس يبي يسكتها بي كل الطرق !
______________________________
جنان:لافه عزجسمها فوطت الحمام وتعيط…..كنتتت حاااسه
ياحقيره معش لقيتي حد في الدنيا الا خوي ؟؟؟
موده:علاش ؟؟
فهميني علاش متبينيش لي خوك نحبه ويحبني
جنان:خوي حقير وواطي وميحبش وغللط يكلم وحده من صاحباتي انتي غبيه متفهميش !؟
موده:بنضرات حب….حرام عليك تغير جهاد❤️
جنان:وااااااااك ياربي واااااااك بنهبل متبيش تفهم هيا
طق طق طق طق
جنان:الكلب هادا وربي حسابه عندي …وفتحت الباب
صدام:عيونه طلعو فيها وهوا يشوفلها من فوق لعند لوطه ????
جنان:نصدمت وسكرت الباب في وجها بقوه…شافني هكي !!????
موده:تبلع في ريقها وماسكه ضحكتها بسيف ????????
????رِوَايـــــــــات بـــَـنـُـــووتِـــة الشـِــيـــْـخ????
????أروى الــــطـــاهــــر المــســلاتــــي????
القــــــروب الاصلي 400الف
الساعه11ونص في الليل:-
علاش لما تغيب الشمس وتهدا الدنيا ويجينا الليل كل الاوجاع تتفكر انها تزورنا ؟!
اليوم بذات كل الذكريات السيئه ويلي توجع القلب قررت انها تزور رؤى!!
ذكرياتها مع راجلها الاول وذكرياتها مع رعد وكيف بكل سهوله خذوه منها وطلعت مخدوعه فيه ????
كل شي خطر عليها وخلت دمعتها تنزل وهيا تشوف في بنتها يلي كانت في حضنها❤️
نفس الاوجاع بزبط قررت تزور ارسولان اليوم!!
فقد حبيبته الاولى بطريقه مفيش من ابشع منها!
وتوا بيفقد ماريا بطريقه رح يتألم بيها اكتر …علاش
رح يتألم اكتر !؟
لان ببساطه هوا عايش بحداهم والشي هاذا مستحيل يتغير !
يعني هوا مجبور يشوفها متزوجه وعندها صغار ويشوفها كل مره جايه لي اماليها مع راجلها وهوا مش قادر يحكي حرف!!
المره هاذي هوا مشارك في وجع قلبه بروحه والسبب الكبرياء متعه!!
نفس سبب وجع امير بززبط
لانه فضل يخلي الكبرياء متعه على انه يحافض ع هبه!
فضل يسمعها كلام زي السم ويحاول يقنع روحه بيه عشان ميبانش ضعيف قدامها!!
واقف ليه4ساعات كل شويه يفتح روشن غرفته ويشوف لي حوشها
هبه لعند توا مروحتش وين مشت مع واحد غريب وامه؟!
شن يلي قاعد يصير!!!
واخيرا شاف السياره درست وهبه نزلت منها وكانت ام هبه واقفه برا تستقبل فيهم بكل حب
سلمت عليهم ودخلت هبه
الليل مش عادل ابدا!!
يوجع في ناس لكنه حنين مع ناس تانيه ومعيشهم هلبا حاجات حلوه❤️
زي مثلا جنان يلي كانت مقعمزه تقرا وجنبها وجية كنتاكي كبييييره وكل مره صدام جايبلها شي حلو عشان تكمل قرايتها ❤️
مره شكلاته مره شيبس مره حضن مره بوسه❤️
وكان حنين هلبا مع موده وعوضها ع كللل البكي والقهر يلي مرت بيه في حياتها
اليوم تحاول تكتم صوت ضحكاتها متبيش امها تسمعها
لان امها فاهمه ان بنتها تقرا !
اليوم جهاد سبب ضحكت وفرحة موده بعد ماكان سبب قهرها وكسرتها !
بس ياترى الليل ميوجعهمش بعد ما عودهم ع الحنان والحاجات الحلوه هادي ؟!
ولا رح تطبق المقوله (مفيش شي دايم)؟؟
_______________________________
مكالمة فيديو تشملهم الاربعه !
موده تحل معاهم في اسئلة الكتاب وجنان معاها تبحث ع القوقل وتكتب وتحاول تفهمهم
اما ماريا تحاول تكون معاهم بس عقلها مش عليها
قاطعت هبه كلامهم بي كلمه وخلتهم مصدومين يشفولها
هبه:طلعنا اليوم اخترنا الذبل
البيان بعد الامتحانات ????
ماريا:كانت عارفه مدى حب امير ليها ….لا هبه لا
هبه:نزلت عينها وبعدين شافت لي السقف تحاول تمسح دموعها قبل ما يطيحو
موده:سكرت الكتاب وبعداته من عليها….تبصري هبه؟
هبه:هزت راسها بمعنى لا
جنان:غبيه انتي ؟؟؟؟
وامير شنو !!
هبه:تتكلم وواضح صوت رجفة البكي في صوتها….امير خلاص قال ان فلوسه رجعو ويبي وحده من ثوبهم
ماريا:قاطعتها بعنف….كدااااااب
خوي كداب وربي ما تصدقي
هبه:لا ماريا….حكاه الكلام وتفاهمنا وقرارنا صح
خوك يدور في الفلوس وانا ندور في شخص كويس ومتعلم يحترمني
امير مش صعب عليه يلقى وحاط وحده في راسه يمشيلها في عز الليل لانها استاحشاتها
وانا لقيت طلبي
ماريا:يمشيلها في عز الليل!؟
موده:بس حرام يلي صاير ع الاقل علاش موافقه انتي!
هبه:مكنتش موافقه وكان بابا ضاغط عليا بحكم اني مريضة سكر وصعب نلقا حد ياخذني
بس واضح ان بابا كان معاه حق
جنان:كانت مصدومه زي باقي البنات…..انتي كويسه؟
هبه:تحاول تبتسم برغم من الدموع يلي في عيونها ومقدرتش
سكرت اللاب توب ونهارت بي البكي????
موده:هاذي سكرت!!؟
جنان؛بكرا نتلاقو معاها
ماريا:تصبحو يابنات نيتي نسدت ع القرايا
موده:زيك وربي
جنان:خلاص سكرو
________________________________
ثاني يوم الساعه 9الصبح:-
رؤى:خذت سلة الحوايج وركبت فوق الحوش تنشر ولاهيه
كان كل تركيزها ان تكمل قضية الحوش وترتاح
بس فجآه لمحت سياره اول مره تشوفها
حطت الحوايج ع جيها وتابعت تشوف لي منو السياره!!
درست السياره ونزل منها يوسف
استغربت رؤى ….هادا شن جابه هنايا !!؟
نزل يوسف سلم ع اسلام ورؤى كل يلي شفاته انهم واقفين يحكو مع بعض!
اسلام:وينك بالله معاد ريناك
يوسف:لاهي في ها الدنيا والله…وين امير؟!
اسلام:امير طالع يوصل في اختي وبنت جرانه لامتحاناتها …تبي شي!
يوسف:نبي في موضوع اول ميروح قوله قالك يوسف دورني
اسلام:تم ياغالي
يوسف:منور حبيبي….ركب سيارته ودور عشان يطلع
شاف بنضره طووويله لي حوش ارسولان وطلع
________________________________
هدوء طووول الطريق
مفيش صوت وهبه عيونها في كتابها وواضح ع وجها ملامح التعب والبكي ليلة مبارح !
قاطع الهدوء هاذا صوت امير وهوا يسأل في ماريا
امير:بنت جاسم صاحب بوي
ماريا:شافتله بي استغراب…خيرها؟
امير:رسمي فسخة خطوبتها ؟
ماريا:اي سمعت امها هكي تحكي لي ماما علاش؟!
امير:يسوق وعيونه ع الطريق ….بالك النصيب يجمع
هبه:سكرت يدها بقبضه تحاول تتحمل
ماريا:لا اممممير
امير:علاش
ماريا:البنت اخلاقها مش تمام وسمعت انها حرفه ولسانها طويل
امير:مش موضوع البنت تتربى مرتين عادي
ماريا:سكتت وتلفتت لي هبه….
هبه:ابتسمتلها بمعنى…مش قتلك؟؟
درس امير السياره ونزلت هبه بسرعه وهيا تمسح في دموعها
اما ماريا فتحت الباب وقعدت متردده
تنزل او لا!؟
بعدين شافت لي امير
ماريا:امير يلي قاعد ادير فيه حرام وصدقني بيجيك يوم وتندم عليه الف مره
امير:فهم ان اخته تعرف كل شي…..انزلي لي امتحانك مليك علاقه بشي
ماريا:نزلت سكرت الباب وكملت مشيها
_________________________________
جنان:هوا خوي يفرحو بيه يانيه انتي؟
موده:بري وربي يهبل
جنان:ربي يشفيك وخلاص
موده:خليه يجي اليوم استاحشته
جنان:هي ياسر بلا قلة ادب مش كان سكتلكم خلاص عاااد
موده:افففف منك حماة حرفه
هبه:صباح الخير
موده؛شافت لي جنان وهما مصدومين في كمية التعب ع وجه هبه
جنان:صباح النور
ماريا :فاتت من جنب ارسولان
وارسولان غمضت عيونه ثواني لما خطكت من جنبه وهوا يشم في عطرها ❤️
رغم الزعل يلي صاير بينهم بس مش قادر ينزل عيونه من عليها !!
ماريا:قربت عليهم وعيونها ع هبه…صباح الخير
موده:اسرت لي ماريا بمعنى شنو فيه!!؟
هبه:قاطعتهم …كأن عطلنا ع الامتحان وللا
جنان:شويه اي
هبه:خدت بعضها وخشت
موده:شن صاير
ماريا:متسألينيش….وخشت وراها
_______________________________
اريج:كانت في وضع صعب!!
تحاول انها تنوض من السرير وكل ما تفشل تبكي اكتر!
لو كانت امها جنبها مستحيل تخليها بس توا مفيش حد يساعدها ومرت عمها ناقمه عليها ولو تقدر تطلق عليها الموت راهو دارتها قداش ليها !
انفتح الباب وفرحت ❤️
اخيرا ممكن يساعدها حد
اسلام:صباح الخير
اريج:بصعوبه….ص صباح النور
اسلام؛شنو اديري ؟!
اريج:اءء ن نحاول ننزل للحمام
اسلام:مسكها وهوا يحاول يساعدها بس اول ما وصل لباب الحمام نفجرت بي البكي واسلام فهم السبب!
اريج متقدرش ادير ولا شي بروحها بسبب الحادث واول شي الحمام متقدرش تخش بروحها وطبعا اسلام ميقدرش يساعدها في الشي هاذا !!
رجعها ع الصالون وطلع بي اقصى سرعته ومرجعش الا وهوا معاه ممرضه اثيوبيه عشان تعتني بيها وامه معارضتش ع الشي هاذا
________________________________
ليلى:نبي وحده تساعدني
احسان:ضحك وهوا يفطر …ريحيني خير متجيك وحده احرف من رقيه ترااا
ليلى:لا مدخليش نبي وحده
فرختك مش فاضيه امتحانات بعدين بتبدا جامعه وانا منو بيا ومنو بيساعدني هاا؟
احسان:يصير خير
ليلى:والبلوه يلي فوق ؟؟
احسان:ايااااه علينا عاد خلاص متعبتيش منها السيره هادي انتي ؟
ليلى:افففف سكتت
______________________________
زهره:نقدر نفهم شن صاير؟!
رعد:في شنو ؟!
زهره:مش ملاحض نفسك انت!!؟
من امس مش ع بعضك ومش مركز في شي من يوم ريتها واوضاعك مفركسه
رعد:من يوم ريت منو؟!
زهره:بدون استغباء رعد انت فاهم كويس ع شنو نحكي
رعد:انتي شكلا هرمونات الحمل متلخبطه عندك وانا الجو هاذا مش ليا ع الصبح ف الاحسن تفوتيني
زهره:بطلعني مجنونه اخر الوقت ومش فاهمه يلي يصير ؟؟
رعد:سيبها وطلع
زهره:ررررعد تعااالا نحكي معاك اناااا …رعددد
_______________________________
#تسريع_في_الاحداث
كملو الامتحانات !
كملو اسبوعين كاملات وهبه في وجه امير وكل واحد يتقطع اكتر من التاني
اما ارسولان كل ما يقرب خطوه لي ماريا وبيحكيلها شي حلو يرجع العلاقه بينهم يصير شي يباعده اكتر !!
اما جنان زاد الحب بينها وبين صدام❤️
وزاد غير فيها الف حاجه
وزادت احلامهم كبرت مع بعض وتوسعت اكتر!
بسرعه ما الوقت يجري
ومغيش شي تغير كل شي ع حاله
طلعت نتيجة البنات وكانت موده وهبه وماريا ساقطين في الرياضيات
والشي هاذا طبيعي بسبب عقلهم يلي مكانش معاهم
نصدمو الاهل من الخبر وهما شهاده !
نحرمو من هلبا حجات وزاد نكد ماريا وهبه اكتر واكتر !!
وزادت الخنقه عليهم????
______________________________
الساعه5ونص العشيه :-
ماريا:ماسكه المطرقه ومتجها لي جيهة مخزن ارسولان وتحكي مع نفسها….يعني بني ادم سقط خلااص!
يعاملوه زي النيجيري خدمه وبس 24ساعه شنو ها العيشه ….وحطت المطرقه وكانت بتمشي بس قلبها ضعف
شافت المخزن مفتوح وهيا عارفه ان ارسولان مهناش!
خشت وكانو عيونها مستاحشين لي كل مكان في المخزن????
تتفرج ونستعيد في ذكريات ارسولان معاها !
كيف حضنها اول مره هنايا!
قلها نحبك اول مره هنايا!
كسرها اول مره هنايا
لفت الشال عليها كويس بسبب البرد ونزلو دموعها
قالت في خاطرها …علاش كل قصه لازم تنتهي هكي !؟
لفت عشان تطلع من المخزن بس شفاته قدامها ❤️
خش وسكر الباب
ارسولان:شن اديري هنايا !؟
ماريا:كانت تعبي في عيونها بي شوفته????
ليها فتره طووويله مشفتاش عن قرب
ماريا:ك كنت ندور في اسلام …جت بتطلع بس ارسولان حط يده ع الباب ومنعها !
قامت عيونها فيه وقرب ارسولان منها ❤️
حست كويس بي نفسه الدافي وسط الجو يلي كان مصقععع
________________________________
امير:فتح الباب ووقف فتره هايم فيها لين فيقاته بصوتها
هبه:امك موجوده؟
امير:بملامح عاديه…اي داخل
هبه:شافت لي السبيدرو يلي كان ملطخ بي الطين بسبب المطر …تمام منقدرش نخش
سلم عليها وقلها قتلك هبه باش تتفضلي الخميس بياني
امير:طاحت عليه الكلمات هادي زي السم وسط قلبه!!
اكتفى ان يلومها بنضراته لا اكتر ????
اما هيا كانت تحاول تلاقي اي شي في عيونه بس ملقتش الا البرود بس !!
__________________________________
جنان:فتحت الباب وابتسمت لما شفاته❤️
قربت بتحضنه لاكن بعدها!؟
صدام:خليك بعيده جنان
جنان:ضحكت….بلا براااده صدام
وقربت
بس ها المره جديات دفها !!!
صدام:قتلك خليك بعيده خلاص معش تقربي
جنان:شن في؟
صدام:خلاص معش متحملك اكتر من هكي هاذا يلي فيه
جنان:????
___________________________
جهاد:استنى لين الخط ينفتح وبدون ما يسمع صوتها قال …غزالتي وين مترديش؟!
هناء:ياريت معش تتصل بي بنتي ولا نجي جيهتها
جهاد:…
يتبع..
لقراءة الحلقة الثلاثون : اضغط هنا
لقراءة باقي حلقات الرواية : اضغط هنا
نرشح لك أيضاً رواية أدوار وهمية للكاتبة أروى طاهر المسلاتي
