رواية حين التقيتك الفصل الثالث 3 بقلم هبة حامد
رواية حين التقيتك البارت الثالث
رواية حين التقيتك الجزء الثالث
رواية حين التقيتك الحلقة الثالثة
ـ ها ياست ليال هتشربي ايه؟
ـ هاخد سموزي انانس وكيوي
ـ وانا ايس كوفي لوتس …
عارفه ياليال انا جبتك هنا ليه
سألتها وانا بشرب ـ ليه؟
ـ بصي حوليكي علي البنات كدا
بصيت وهزيت راسي بعدم فهم
كملت ـ بصي علي البنات اللي لابسه بنطلون وتشرت ضيق ومطلعه نص شعرها واللي لابسه طرحه شفافه واللي لابسها نفسو شفاف، بصي علي اللي لابسه جيبه ورجليهاباينه وبصي علي اللي لابسه فستان مقسم عليها واللي حاطه ميكاب مخبي جمالها الحقيقي
لو بصيتي كويس هتلاقي ان تفصيل جسمهم متحدده لدرجه ملفته لنظر
وبعدين الشباب ف الزمن دا عارفه اي اللي تحت البس كويس ف احنا بنحدد ليهم اللي هما عايزين يعرفوه
عارفه ياليال ان ربنا لعن المتشبهات من النساء بالرجال ولعن النامصه والمتنامصه والمغيرات لخلق الله والتبرج
دا النبي ﷺقال أنهم من أهل النار
” ونساء كاسيات عاريات مائلات مميلات رؤوسهن كأسنمة البخت المائلة لا يدخلن الجنة ولا يجدن ريحها
وقال تعالي” ولا تبرجن تبرج الجاهليه الاولي ”
تخيلي ان البنات بتتخلي عن رحمة ربنا والجنه عشان يمشو وراء الهواء والموضه
المشكله ان كل اب وام هيتحاسبو علي دا
الناس بقت عايشه حره لدرجة انها ناسية ان ليها رب وهتتحاسب وان ربنا امر النساء بلبس الشرعي
-{ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ}
وكمان قال ف سورة الاحزاب
-{ يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ }
يعني امر من الملك واحنا بنعمل زي ابليس سمعنا وعصينا يالله
تعرفي البس الشرعي لازم يكون فضفاض لايصف ولا يشف
لازم كمسلمه تعززي نفسك وتعرفي ان جسمك غالي وان الحلاوه بتتغلف عشان متبقاش عرضه للحشرات والتلوث
دموعي نزلت وبصيت علي شكلي انا افرق ايه عنهم انا ببيع الجنه عشان هوا الدنيا
هفضل لحتي امتي اسمع امر ربنا واعصي واستخف بالذنب وبعذاب الاخره انا لازم افوق كفايه العمر اللي ضياعته وانا بقلد غيري كفايه حريه، انا امة الله انا مش حره انا مكاني مش هنا انا مكاني لجنه ولازم اعمل عشانها
ـ طيب انا معنديش لبس واسع، انا كل لبسي ميرضيش ربنا ياسلمي
مسحت دموعي ـ متعيطيش انا معاكي وهنروح دلوقت نجيب لبس واول فستان وخمار هديه مني يستي، واقولك علي حاجه كمان ، هقولك علي روتين بشرتي ومنتجات وافتكسات تخليها تنور من غير ميكاب وبتاع
فرحت من كلمها اوي ونزلنا اشترينا البس ورجعنا بيتهم جبت فستان وهي جبتلي واحد ولان الفستان كان واسع قالتلي هنجيب طرحه كبيره ونلفها زي الخمار
ـ بصي ياستي هنبداء بالطرحه الكبيره دا عشان ناخد الخطوه بالتدريج لانك هتسمعي كلام زي السم من اقرب الناس ليكي علي شكلك بالخمار وطلما الفستان واسع، مفيش مشكله ف الطرحه الكبيره
بفرحه ـ بجد ياسلمي انا اول مره احب نفسي من غير ميكاب وبفستان
ـ ربنا مش بيخلق حد وحش، وانتي ملامحك جميله ولازم تتقبلي نفسك كدا وتحبيها وهتلاقي الكل بيحبك،تعالي اوريكي لماما هتفرح بيكي اوي
ـ ماما اي رايك ف ليال؟
ـ ماشاءالله طلع زي الملاك ربنا يحميكي يبنتي ويثبتك يارب
ـ يارب ياطنط،انا هستأذن بقا متحمسه اوي ان ماما كمان تشوفني، عن اذنكم
نزله علي السلم وانا فرحانه جدا ومتحمسه لقيت ادم ف وشي ، اتكسفت اوي وبصيت علي الارض ومشيت بسرعه
حياتي بدأت تتغير تدريجيا، سلمي بقت تصحيني لصلاة الفجر وكل صلاه تبعتلي رساله تسألني
كنت بقراء اذكار الصباح والمساء، وحتي اذكار بعد الصلاه والنوم
لبسي الحمدلله بقا واسع، واخد خطوة الخمار، قبلت انتقاض وتنمر كتير من العيله وصحابي بس سلمي كانت بتدعمني وجنبي ودايما بتفكرني سبب لبسي وهو رضا ربنا سبحانه وتعالي والفوز بالجنه، عملت بلانر كانت من تصميم سلمي طبعا عشان اقدر احافظ علي صلاتي والاذكار وورد الذكر وورد القران والمهام اليوميه
مسحت كل الاغاني والفديوهات، لان فعلا الاغاني والقران مش بيجتمعو فقلب واحد نزلت شيوخ حبيت صوتهم ف القران واناشيد جميله، وبقيت اسمع دروس لشيخ حازم شومان وامير منير ومحمد الغليظ واحمد عامر و وهاله سمير وبودكسات وعي وايه المشكله ، حتي صحابي غيرتهم لصحبه صالحه وفي منهم اللي اخد الخطوه بسببي
ـ بقولك اي ياسلمي، انا نفسي احفظ القران
ـ سهله يستي ادم بيحفظني، تعالي واهو نحفظ سوا
ـ ادم! لا انا اكسف انا عايزه معلمه
ـ لا ماهو مش هيبقي في كسوف بعد كدا
ـ مش فاهمه
ـ بقولك اي ياليال من الاخر كدا ادم عايز يتقدملك
ـ ايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حين التقيتك)
جميل جميل جميل والله