رواية ابن العم الفصل الثاني 2 بقلم مريم سرور

رواية ابن العم البارت الثاني

رواية ابن العم الجزء الثاني

رواية ابن العم الجزء الثانية

_ايه اسيل نطت من البلكونه؟؟؟!!
جريت ع البيت عشان انقل اسيل للمستشفى لحسن الحظ كنا ساكنين ف الدور الاول فاتكسرت فايدها ورجلها بس كنت واقف انا وابويا وامي واسيل جوا محجوزة ف المستشفى بصيت لبابا
_مازلت مقتنع او العلاج نفسي عيب !؟
_ي بني انا مكنتش متوقع انه للدرجة …وبعدين كنت عايز الناس تقول على بنت عمك مجنونة!
_ومبسوط والناس راحه جاية تسال انتحرت ليه ؟! والناس اهم ولا بنت اخوك …
بصت امي ليا بعياط
_طب ما تريحها وتجوزها وخلاص مش لازم…
_كفااية ايييه ؟مش فاهمين ان هي كده المرض بيزيد فكركم لو اتجوزتها هتخف لا هيزيد لغاية م تموت نفسها بجد ..
بابا قعد على الكرسي وتنهد بعمق وقعد يفكر
_خلاص يا بني خدها معاك وانت مسافر عالجها برا اهو تتعالج ومحدش يمسها بكلمة
كانت فكره مش بطاله خاصة اني اعرف واحد صاحبي من برا شاطر ف العلاج النفسي .
دخلت على اسيل بعد ما فاقت
_ايه الاخبار ي اسو؟
مردتش عليا عرفت انها زعلانه مني …
_تعرفي بابا هيسفرك معايا
بصيت عليها وافتكرت اسيل ايام ما كان اهلها عايشين كانت من اشطر الطلبة ف دفعتها وكانت مرحه وواثقه ف نفسها وكانت واحده للاسف اتدمرت بسبب مجتمع مريض …لو كانت اتعالجت كان زمانها عايشه من زمان مرتاحه .
قعدت على السرير وبصيت لها
_اسيل انا اسف اني ضربتك بس كنت معتقد اني كده بفوقك من اللي انتي فيه حقك عليا
عيطت من غير م تتكلم ادتها كتاب ف ايدها
_عايزك ترجعي اسيل بتاعة زمان ي اسو .
خرجت وسبتها وانا بكلم صاحبي مراد اني هاجي انا واسيل وكنت بحكي له الحالة بتاعتها .
فتحت الرسايل لقيت رساله من البنت اللي بحبها وكنت هخطبها منار اتصلت بيها مردتش عليا اول مرتين والمرة التالته
_انت خدعتني متكلمنيش تاني
_منار استني …انا في حاجات حصلت والله
_بعد ما عرفتني انك جاي تتقدم متردش عليا لمدة اربع ايام !!!!
_حقك عليا انا ف المستشفي حصل مشاكل ف البيت واسيل انتحرت وو.
_طيب احكي لي اللي حصل
حكيت لها اللي حصل بس رد فعلها كان غريب
_والله ؟؟وانت قاعد معاها وهي بتحبك كده عادي!!
_منار افهمي دي بنت عمي واختي وهي تعببانه واول م تتعالج هتشوفني ابن عمها عادي….بعدين دي اصغر مني بكتير ف ايه!
_ماشي ي زياد. براحتك .
قفلت الخط ….زهقت من كوني غير مفهوم لو بس الناس تصدقني وتسمع كلامي .
جه اليوم اللي هسافر فيه مع اسيل لبرا كانت ماما بتحضنها وبتودعها من كل قلبها ماما بتحبها كانها بنتها بالظبط
_خلي بالك منها دي لسه صغيرة ي زياد
_في عيني ي ماما
_زياد انا هاجي معاكم مينفعش بنت عمك تسافر معاك لوحدك
_بابا؟!
_اه فكرت مينفعش لازم محرم ييجي معاكم .
سافرنا كلنا واول ما وصلنا المانيا كانت مبسوطه اووي بالمكان لقتها بتبص للمكان بفرحه ولهفه .
_مبسوطة ي اسيل ؟!
_اووي اووي ي زياد
روحنا البيت بابا دخل ينام انا اسيل معرفتش تنام وفضلت تلف وتدور تدور ع اي حاجه تعملها .
تاني يوم خدتها وروحت لمراد
_اسيل استني هنا هجيب حاجه بسرعه واجي
_ماشي
زياد مشى وسابني المستفى هنا غير الناس غير سمعت حد بيتكلم مصري من ورايا بصيت لقيت ولد بس مش لابس لبس دكاتره بس جه ف بالي انه الدكتور مراد
_انت مراد!!
بصلي وهو بيغمز
_ابقا مراد عشانك
_اه يعني انت مراد ولا لا ؟
_عايزة مراد ليه ي قمر ي مصري انت ؟
_هيكشف عليا
بعد عني وكشر فجاه
_انتي مجنونه!!!!
معرفش بس اول ما سمعته بيقول كده اتجننت انا مش مجنونه ليه الكل معتقد اني مجنونه
_انا مش مجنونه ي متخلف انت
وفجاه اسيل شدته من شعره وقعدت تعضه وهو بيصرخ. تحت أيدها
_خلاص ي بنت المجانين
_انا م مجنونه ي عره انت،
_,انا عرة؟ده واضح انك جاية من زبالة مصر …
جه زياد شد اسيل من على الولد وهو بيعتذر له
_بتعتذر له ليه هو الغلطان …
_اخرسي…حقك عليا ي آسر
اسيل قعدت تعيط عشان زياد زعق لها .
_خلاص مفيش داعي تزعق انا. اللي غلطان
آسر صعبت عليه اسيل وهو شايفها بتعيط فراح مطلع منديل واعطاه ليها
_انا آسف ي …
_اسيل
_انا اسف ي اسيل
اسيل دخلت للدكتور وهي مرعوبه ورجلها بتخبط ف بعضها
مراد ابتسم لها
_اتفضلي ي اسيل زياد كلمني عنك …بس المره دي عايزك انتي تكلميني عنك
_انا ….انا ..
_متخافيش
اسيل قعدت تعيط وهي بتحكي له حياتها كلها بلخبطه وبتترعش وعنيها بتزوغ يمين وشمال والكلام بدا يتهته
_خلاص كفايه ي اسيل متتعبيش نفسك …انا كل اللي عايزك تعرفيه انهارده ان انا صديق مش بطلع اسرار وان سرك ف بير معايا …وعايزك تعملي شوية تمارين معينه وتقراي كام كتاب وهديكي شوية اسئله عايزك تجاوبي عليها ف ورقه وتجيبيها المره الجايه
_حاضر
وهي خارجه من عند مراد خبطت ف آسر
_آسر !
_اه آسر ….
_طب ما انت مجنون انت كمان
_اه فعلا تخيلي .
مراد بص لآسر باستغراب
_انتو تعرفو بعض ؟!
آسر شاور على خربشه ف وشه وهو بيضحك
_هي اللي مخربشاني
اسيل عيطت وهي بتعتذر
_آسفه والله …
مراد قالها تمشي وحصل خير
_مالها دي كنت بهزر !
_الناس اللي بتبقا منهاره نفسيا بيبقو حساسين جدا وبيخافو من اي حاجه
_هي حالتها صعبه؟!
_يعني لو كانت جت ابدر من كده كان ممكن تتعالج ف وقت اقل من كده .
زياد كان واقف مع منار قدام المستشفى
_انا متاكده ي زياد انها لا تعبانه ولا نيله وأنها بتمثل عشان تيجي هنا
_يعني انا عبيط يعني عشان مفرقش بين واحده سليمه وتعبانه !!!
_ما يمكن عجباك!!
_منار بطلي غباء ابوس رجلك انا مستحيل ابص.ليها دي اختي وانا اللي مربيها غير كده دي تعبانه يعني مفيش حرج عليها …..دي جاية تتعالج وهي هنا عشان كده وبس …مش عشان ميت فيها !
زياد بص وراه لقى اسيل بتبص ليه وهي بتعيط
_اسيل ..استني …
اسيل طلعت تجري وهي بتعيط فضلت تجري وهي مش عارفه تجري فين ؟
وقفت فجاه وهي مش عارفه تاخد نفسها
_معقوله انا مريضه…انا مش طبيعيه ….انا بتعالج ….يعني ايه ؟!! يعني ايه؟؟ليه محدش بيحبني …طب هو ….هو…انا مخي تعبان ..
قعدت على الارض وهي بتعيط وبتحاول تستوعب اللي بيحصل بس دماغها وجعتها وقعدت تفتكر موت اهلها وتفكر ايه اللي خلاها كده
_لا انا مش مريضه …انا كويسه
حست بناس حواليها كان في ناس بتبص ليها باستغراب وكان في ناس بتتكلم ومكانتش فاهمه حاجه عشان بيتكلمو الماني
قامت عشان ترجع بس هي كانت نست الطريق
فضلت تمشي وهي بتعيط ومش عارفه تروح فين حتى موبايلها مش معاها
فجاه لقت شباب سكرانه قدامها وبيتكلمو كلام مش مفهوم
_زياد هيموتكو …ابعدو
الشباب بصو ليها باستغراب وواحد حاول يمسكها من دراعها وحاول يخلعها الحجاب