Uncategorized

رواية الاتفـاق الحلقة الثانية 2 بقلم ميشو محمد

 رواية الاتفـاق الحلقة الثانية 2 بقلم ميشو محمد 

رواية الاتفـاق الحلقة الثانية 2 بقلم ميشو محمد 

رواية الاتفـاق الحلقة الثانية 2 بقلم ميشو محمد 

تالي يوم ✨????
رهف مشت لتانويه طبعاا 
فهد فاق 
نصيب مشت لكليتها 
… 
فهد يشوف ف الهاتف: ياربي يتصل الفضائي اليوم نبي نعرف منو قبل ماندير اي شي 
فهد داره ف كاشف الارقام طلعله فوف والعسل و حبقلبي وروفه 
فهد تعصب: فوف وعسل وحبقلبي وروفه تي ولد ولا بنت هدا الصبر بس ????????‍♂️
فهد حفظ الرقم ف عقله واتصل برقم الارضي متع الشقه لكن رنن ومافي حد يرد 
فهد ذكي هلباااا ???? ورهف اذكى ???? 
رهف ف تانويه والهاتف ف الحوش وصامت 
فهد رن هلباا:خيره مايردش النممم 
فهد:لكن واضحه انه صاحب الرقم ان كان ولد اوبنت صايع درجه اولى فوف وروفه يعني روفه رؤوف او رافت او بنت روفه رفال رفيف وووووواك وطلع 
رهف كملت ورجعت للحوش ع رجلها وخشت للجنان كان جدها مقعمز ف الجنان:صباح خير جدي
منصور مايحبش البنات :خير 
رهف تجاهلاته وخش لحوشهم وقربعت الباب:ماما .حول السبيدرو.مااااامااا
ام عايده:عطك بكشه خيرك 
رهف:جيعانه بنموت 
عايده: غيري تو انديرلك 
رهف اتجهت لغرفتها تجري وخشت ع طول شافت الهاتف واتصلت بـ فهد وشغلت صوت الفضائي
فهد ف السيارة يسوق: اهلا روفه 
رهف خافت شغلت صوت الفضائي: اهلا اهلا بلفهد طبعاا انت شاك فيا وداير رقمي ف الكاشف (فهد وقف السيارة ع جنب ) وطبعاا اتصلت بيا بارقام غريبه اني يا فهد مش غبية حطها ف راسك هادي تمام؟
فهد ضحك:انتي بنت ومن كلامك واضحه 
رهف مشغله صوت الفضائي:هوووب هوووب انت عرفت انه اني بنت لاني قتلك كلمت غبية الكلمه هادي مجرد تشتيت معلومات لا اكتر واني نتكلم بطبعا شاب وبطبعي بنوتة المهم خلينا ف موضوعنا 
طق طق طق 
رهف تكدب بصوت الفضائي:ادخل 
فهد سمع صوت الباب يطقطق وقال مع روحه  عنده وهي قالت ادخل يعني هدا شاب ومدير او شنو تي ولد ولا بنت النممم.ضرب الدومان
رهف دارت الهاتف ف الكتم وخدت من امها السندوتش وصكرت الباب ورجعت تكلم فيه 
رهف بصوت الفضائي:انت معاي؟
فهد: اني مانبيش مساعدتك اخطاني 
رهف بصوت الفضائي: تمام انت رفضت مساعدتي لكن اعرف انك رح اطيح ف حفرة ومستحيل تقدر تطلع منها بروحك صدقني بدون مساعده مني مستحيل تنجح 
فهد:لعرفته ومتاكد منه ميا بلميا انك شخص تعرف جدي وعز المعرفه وحاسس انك تنتقم من جدي صح؟
رهف بصوت الفضائي:ف حاجه هكي 
فهد: شنو يتبتلي انك معاي ومش ضدي؟
رهف بصوت الفضائي: اممم مع الوقت تعرف وانت حر تبيني معاك او ترفض مساعدتي
فهد:تمام شنو الحفرة لقدامي 
رهف بصوت الفضائي: مدامك وافقت ع مساعدتي اوتق انك مستحيل انك اطيح ف ولاا حفرة 
فهد ضحك:اقل شي نبي اسمك بس 
رهف بصوت فضائي: تقدر تناديني فضائي او اي شي انت ترتاحله المهم مانبيش نكدب ومش من طبعي الكدب ولف ودوران 
فهد: نتعامل مع شخص مانعرفش حتى اسمه؟ اوكي فضائي 
رهف بصوت فضائي:لو صار جديد تحكيلي ولا عرفت جديد نتواصلو..صكرت ف وجها ????????????
فهد: يتذكى عليا رح نعرفو من الذكي..وولع ومشي وهو ف الطريق اتصل بجده 
فهد:ايووه منصور  
منصور ساكت
فهد:اني جايك ف الطريق 
منصور بيتكلم
فهد صكر الخط وزاد ف السرعه:رح تشوف يافايز اني مانخاف من حد 

عايدة من المطبخ:رههههف نصيبب
رهف نزلت:هاا
عايده مدتلها:هدا غدي جدك 
رهف لبسة وشاحه وطلعت وصفره ف ايدها ونزلت لحوش جدها جدها كان ف الجنان 
رهف:جدي غداك 
جدها متعصب:اقلبي وجهك فوق شن نزلك ارقي 
رهف حطت الغدي وتلفتت بتمشي 
منصور: تعالي جاي ارفعي السم هدا مانبيش نتغدى خوديه 
رهف خدت السفرة 
محمود:شن صاير خيرك يابوي
منصور:فهد اتصل بيا قالي بيجي هني توا 
رهف سمعتها سرعت خطواتها دخلت السفرة وتتكلم بسرعه:ماما جدي مايبيش 
عايده:علااش؟
رهف لغرفتها تجري خدت الهاتف واتصلت بيه شغلت تغيير الصوت لفضائي 
فهد:ايووه 
بصوت الفضائي:قدامك ف حفرة كبيرة وهي حوش جدك ارجععع
فهد شد فرينوو:انت كيف مني ف خمسه دقايق عرفت انه ماشي لجدي كيف ادوي كيف 
رهف بصوت الفضائي: الحفرة قدامك افتح عيونك وياسر جهل انت غبي 
فهد موقف سيارته ف نص الطريق وسيارات وراى يكلكسو:انتتتتت منييي
رهف تسمع ف صوت السيارات يتفاوتو وعرفت انه ف طريق السريع بصوت الفضائي:انت توا ف السيارة ومضايق سيارات الناس يكلكسولك ارجع اني قتلك ف قدامك حفرة ارجع 
فهد ولع ومشي وهو زايد ف السرعه:مستحيل نرجع قولي انت مني نرجع 
رهف بصوت الفضائي: رح تندم اني نحكي جد قدامك حفرة 
فهد بصوت حاد:انت مني نرجع 
رهف بصوت الفضائي:اوووووف اووووف ارجع انت غبي 
فهد: اني وصلت 
رهف بصوت الفضائي: ارجع او رح تخسر كل شي رح يضحكو عليك ياغبي 
فهد:توا اني بنصكر بااااااي 
رهف ضربت الطاولة بيدها بصوت الفضائي: اوكي انت حر 
… 
نصيب ف الصالة تكلم ف خطيبها وصكرت منه وطلعت لغرفتها لقتها مصكرة: رهف افتحي 
رهف فتحت وهي تبكي 
نصيب: رهف خييرك 
رهف تبكي فتحت شباك وهي تشوف من وراى الستار: نصيب هو جي 
نصيب قربت من الستار: فهد ‼️
فهد بصوت عالي: منصووووورر 
رهف مسحت دموعها: خلاص هدا غبي اني معادش نقدر ندير شي يحسابني قوية وبنحميه غبيي 
نصيب.: شن تقولي مافهمت شي هو شن جابه 
رهف: جدي مايعرفش لكن عمي محمود وبابا و عمي عثمان هما ليبو ياخدو منه الورته وهما بسبب انه صغير صدقيني جدي مغلول ومتعصب منه هلبااا هما مستعدين يهدادوه باامه وجدي مايعرفش انه ولاده الاتلاته يلعبوو بلفلوس و ممتلاكات جدي كلها بحح ف القمار وجدي مايعرف شي وفي ديون ع بابا وعمامي عثمان ومحمود ولو مادفعو الديون مهدادينهم يخطفوهم…..قاطعتها نصيب 
نصيب: انتي شن لتقولي فيه بابا وعمامي يسكروو صح لكن قمار لاااا انتي تكدبي 
رهف: نصيب اني مرة سهرت ولم سهرت الضي هرب وطلع للبلاكونه وبابا وعمامي رجعو سكرانين ويحكو هكي اني قلت اكيد سكرانين مايعرفوش شن يحكو لكن تاكدت لم عرفت انهم بدو يطالبو ف فهد بفلوسه 
… 
منصور: اهلا بلفهد وينك كبرت مشالله
فهد: اي مشالله 
منصور:كبرت لكن اني الكبير فاهم ولا
فهد: كبر بلا عقل الكبير ربي لا اني ولا انت 
منصور تعفلق: مشالله صاير حكيم 
فهد: لوك لوك متعك هلبا اختصر شن تبي مني 
منصور: نص لخديته ملكي اني 
فهد: هه ليك طالب بيه اشكي فيا ف المحاكم وخود حقك وزايد ولو عندك عندي دينار تاخدهم مني الف ونتصافو 
منصور: اني كتبت حاجات بأسم بوك وبوك كتبهم بأسمك 
فهد: وانت قلتها كتبهم بأسمي 
منصور: انت راسك كبر ويبي تكسر 
فهد: مش اني لراسي يتكسر 
منصور تعصب: نشوفو مني لراسه يتكسر 
فهد: شنو ليكم خمسه سنين تقولولي تعالى وفي النهاية ماتعرفوش ترحبو بضيوفكم هكي بتخليني واقف ف جنان 
منصور تلفتت: الحقني 
ف الصالة محمود وولاده بهاء وايهاب وعثمان وولده فايز وجابر (بو رهف ونصيب) 
فهد قعمز:عمامي متجمعين ع شاني ياسلام تتجمعو عند الرسول نشالله 
جابر:مشالله ممضمض فمه بلميةوزهر شكله 
فهد:فوتو المية والعسل توا واختصرو شن تبو مني 
عثمان:نص بنص 
جابر:لسمعته 
محمود: وحصت امك بروحها 
فهد وقف:اول ماخشيت وانتم تقولو عليا مشالله لا الحق اني بنقول عليكم مشالله خايف عليكم من العين اني الحفيد الكبير للعيله ومن خمسه سنوات ماشفت حد فيكم و وبوي وخديتو امي باش تضغطو عليا اكتر لكن لعند حني وبس اليوم يانرجع لشقتي وانتم راضيين بطيب يااااااا نرجع وزي جيتي زي رجعتي 
عثمان:يا ماترجعش 
فهد قعمز:اي مرات مانرجعش بليبي نقولها لكم اني مستحيل يتاكل حقي تمام وصلت المعلومه قرش مني اني مستحيل ولللهي يجيني واحد فيكم ويقولي محتاج لمبلغ نعطيه واني مانرجعش حد لكن تجوني وتقولولي بننصبو ع حقك عيني عينك هكي شن سايبه هي لووو جيتوني قلتولي نبو مبلغ او تبو حتى مني ايي مبلغ كبير او صغير مستحيل نرجع حد ونعطيه المبلغ وبزياده لكن انتم تتهزو عليا ومش معبي عينكم وقدام بوي قلتو انه فهد العيل توا تفرجو العيل هدا شن رح يدير قرش غضبنا عني مستحيل يطلع ولو عطيتكم رح نعطيكم برضاي وبس 
بهاء دخل سفرة العصير كلهم خدو عصير مزال كوب واحد بس 
منصور:خود كوبك 
فهد وقف:انتم ماتبوش تتدوو اني عندي خدمه غيركم 
فايز:قعمز يافهد وماتطلع غير راضي 
فهد قعمز وادور ف راسه كلمه الحفرة ع اي حفرة تحكي الموضوع هادي 
جاته رساله من الفضائي(شن صاير عندك)
فهد بتعلها(فضائي اني عندهم وهاديين مافي شي)
الفضائي بعتله (يضحكو عليك هدا الهدؤ قبل العاصفه)
فهد قفل الهاتف 
فايز مدله عصير:اشرب 
فهد:لا 
منصور:مانسممش ف احفادي 
فايز خدي رشفه من كوب:اهو شربتلك منه مافي شي اشرب 
فهد: زي العواويل اني مانشربش ف العصاير 
منصور شاف بهاء:قللهم يدرو شاهي 
بهاء طلع 
فهد شاف فايز:
يسمعوو ف صوت عياط ف حوش جابر
كلهم سمعو العياط وقفو  فهد الوحيد قعد مقعمز 
بهاء خش يتكلم بسرعه: ياعمي بنتك داخت قتلي عمتي عايده 
جابر طلع وطلعو وراه كلهم فهد طلع مش فاهم شي 
..
رهف:الحل الوحيد هكي او رح يدمروه 
نصيب:وكان تموتي انتي هبلتي 
رهف:مانموتش اني نعرف كيف اني رح نصب المادة ف عيوني وصدقيني مش رح يصير شي رح تنوجع بس وعمامي وجدي وبوي رح ياخدوني للمسشفي ومافي حد رح يفضى بموضوع فهد ولو سالوك تقوليلهم المادة تبزعت عليا من فوق الدولاب وجت ع عيوني 
نصيب تبكي وترجففف:غبيه تموتي صدقيني توجع هلباااا 
رهف تبكي بصوت حاد:مايصير شي لو انتي ف مكاني رح ادير زيني وتنقدي لتحبيه طول عمرك وهو مايعرفش عمامك رح يقتلوه لو مباش يوقع او يخطفوه مستحيل افهميني 
نصيب تبيكي نهرت ع السرير رجلها معادش حملوها: المادة تعميك يارهف صدقيني 
رهف خدت كاشيك من بودرة…..( البودرا هادي موجوده ف كل حوش وطبعاا اني مانبيش نقول اسم البودرة هادي عشان ماتتعلموش حاجات مش كويسه وف بنوتات صغيرات يقرو ف الوراية)
رهف وقفت بكي وخدت البودره ودارتها ف كوب وحركتها كويس وبزعتها ع وجها وبدت تعيط 
جابر خش يجري:ياساتر خيرها رهف 
عايده تعيط وتنوح وتندب 
رهف مغمضه عيونها بقوة من الوجع وتعيط بـ اقووووه صوت 
فهد واقف ف الجنان فتح هاتف شاف رسالة من الفضائي(ضيفوك عصير كوبك انت فيه منوم كانو رح ياخدو بصمة صبعك افتح هاتفك ياغبي)
فهد يدور ف فايز بعيونه:فايز شرب من العصير..جت عينه ع جابر منزل بنت ف حضنه جابر حط بنته ف الجنان:افتحي عيونك ف الشمس تي شن صاااار افتحييي عيونككككك
منصور:اهدى ياجابر 
فهد يتفرج من بعيد 
جابر قرب يفتحلها ف عيونها:هياا بنتي افتحي عيونك افتحي بشوية مافي شي افتححححي 
رهف مسطحينها ع الارض ف الجنان مغمضه عيونها وتبكي:مانقدرش مانقدررررش 
فهد:تي شن هلعيله لطحت فها وفايز وين هرب..تلفتت وخش لصالة وشاف فايز راقد ف الصالة 
فهد طلع من الصالة متعفلق ووقرب ع منصور وعمامه لمتجمعين فوق رهف:دايرلي منوم ف الكوب يامنصور الله يبارك وللهي 
رهف سمعت صوت فهد تمسكت ف العشب 
جابر يقعمز ف رهف: تي البنت نعمت يابوي 
فهد نزل راسه شاف رهف وهي ع لارض قعمز ع الارض:هاتوو شاش ومية نضيفه 
منصور تعصب:قيمو البنت للمستشفى 
فهد:لازم تنضفوو عيون البنت هاتووو لقلته
جابر نهد ع البنت مش قادر يقيمها رجليه مش قايمينه:مانقدرش نقيمها 
رهف مغمضه عيونها وتعيط: لاااا مانبيش لاااا ماحد يقيمني غير بوي 
فهد جت عينه ع خرطوم ف الجنان ناض فتحه بسرعه وجاب المية ف ايده وغسل وجه رهف:اسمعي ماتفتحيش عيونك لم نقولك افتحي تفتحي تمام 
منصور:بهاء قيم بنت عمك 
رهف مغمضه عيونها:لااااا لاااا (ودف ف اي شخص يقرب منها ) ماحد يقيممنييي 
فهد نضفلها وجها من المادة:اسمعي افتحي عيونك شوووي شووي ببطئ ماتخافيش 
رهف تبكي: نقدرررش توجع 
فهد شاف جابر:اسمع مني اني دكتور جيب فكس المرهم متع الزكمه او جيبلي بصل المهم مادة تخلي العين تدمع تحرك 
جابر ركب لحوشه
فهد:قعمزي انتي ونزلي راسك خلي الدموع تنزل عشان عيونك وتطلع المادة قبل ماتجف ف عيونك 
رهف دموعها ينزلو 
نصيب نزلت وهي لابسه عبايتها وشاحها وعدلت وشاح رهف ولبستها عبايتها 
نصيب تبكي :اوقفي 
رهف شدت ايد نصيب ووقفت وهي ترجف: نبي نغسل وجهي 
فهد قرب الخرطوم:خودها لمستشفى…. هو كويس ورح يهتمو بها 
#بااختصاص  
ف الستشفى دارولها تنظيف وغطولها عيونها بشاش ابيض وبداخله قطنه معقمه 
الدكتور: مش كويسه لها تقابل الشمس وريح وياريت تقعد ف المستشفى لفترة هادي لانه حالته تبي اهتماما عميق خصوصا انهم عيون وهدا عضو مهم هلباا وهي صغيرة الفترة هادي تقعد عندنا ????.. ومشي 
الحلقة الجايه فهد رح يشك ف الفضائي ليش معادش اتصل ابدا ورح تكتر الاحداث فهد بيبدا يركز اكتر من قبل ????????

يتبع… 

 لقراءة الحلقة الثالثة : اضغط هنا

لقراءة باقي حلقات الرواية : اضغط هنا

 نرشح لك أيضاً رواية أدوار وهمية للكاتبة أروى طاهر المسلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى