رواية فقدت قلبي الفصل الأول 1 بقلم فاطمة جمال
رواية فقدت قلبي الجزء الأول
رواية فقدت قلبي البارت الأول
رواية فقدت قلبي الحلقة الأولى
*هتعمل الماسك يعني هتعمل
_مش عامل يا حور هو كل ما تجيبي ماسك تجربيه فيا حد قالك اني فار تجارب
*يعني يرضيك اختك حبيبتك تحطه علي وشها من قبل ماتجربو عليك ووشي يبوظ انا بقي
_اه يرضيني يعني وشي انا اللي يبوظ بالحجات المنتنه اللي بتروحي تجيبيها دي
*انت مش اخويا انا عارفه وبعدين دا غالي مش زي كل مره متخافش
_ الحمدالله انك عرفتي سبيني اغور بقي عايز انام علشان عندي محاضرات الصبح بدري
*لا هتحط الماسك الاول
_مش حاطط
*هتحط
_لا
after 5 minutes later
_يا حور حرام عليكي بيحرق اوي هيتشال امتي دا
*استني بس شويه عدي خمس دقايق فاضل عشر دقايق
_اقعدي انتي بس اطفحي وسيباني انا وشي بيحرقني
*اعملك اي انا يعني انفخلك فيه هههه
_ينعل ابو تقل دمك يا شيخه لا جربي فيا بس واحرقي ليا وشي
*كدا عدي ربع ساعه قوم اغسله ونشوف النتيجه
_انا وشي بيحرقني اوي هاتي مرايه كدا انا اشوف وشي
*مراية اي بس يا حبيبي وشك بينور بينور كدا
_بينور مش مرتحالك هقوم اشوف انا
*استر يارب اروح ان بقي لماما لحسن لو قعدت كمان دقيقه مش هيطلع عليا الصبح وهي بتكلم نفسها سمعته بيصوت باسمها
_يا حووووور والله لوريكي يا حور
*عاااا الحقيني يا ماما وطلعت تجري
_انا تعملي فيا كدا وتقوليلي متخافش دا نوع غالي مش زي كل مره
*والله غالي مش عارفه عمل كدا ليه وفلك كانت قايلالي عليه دا حلو ماشي اما اشوفك يا فلك الكلب هوريكي
_يعني فلك تقولك حلو تجبيه وتجربي فيا اروح الجامعه بكره ازاي دلوقت منك لله والله لوريكي وطلع يجري وراها
امها :في اي يا ولاد اي الدوشه اللي انتو عاملينها دي بسم الله الرحمن الرحيم اي اللي عمل في وشك كدا يا ياسين
_بنتك يا ست ماما
=الام بضحك هي عملت فيك زي كل مره
*والله يا ماما انا معرفش هو عمل كدا ليه
_انا هعرفك تعالي
=بااس تعالي احطلك تلج علي وشك يهدي شويه
امه حطتله تلج علي وشو وحور كانت عماله تحطله هي كمان
_منك لله يا حور
*ماخلاص بقي يا شبح الله مش هقولك تعالي انا احطلك تاني
_احسن بردو
وفي صباح يوم جديد استيقظت حور وياسين كل واحد خد شاور وصلو ونزلو للفطار
*صباح الخير يا ماما
=صباح الخير يا حبيبتي امال فين اخوكي
*نازل اهو
_صباح الخير يا ماما
=صباح الخير يا حبيبي يا لا اقعد افطر
_لا انا متأخر يدوب الحق امشي علشان المحاضره يالا يا حور
*ماشي سلام ياماما
_____________________
ملحوظه حور وياسين توأم وفي اخر سنه من كليه طب وفلك البيست فريند ل حور
_____________________
*معلش يا ياسو والنبي هنعدي علي فلك ناخدها في طريقنا
_ماشي بس اتصلي عليها وقليلها متتأخرش
*ماشي واتصلت عليها حور وقالتلها تنزل ومتتأخرش
نزلت فلك
&صباح الخير يا حور صباح الخير يا ياسين
حور وياسين ردو عليها مع بعض صباح الخير
*اركبي اخلصي لحسن يسيبنا انا وانتي ويمشي
ضحكت فلك وركبت ووصلو الجامعه
_حور خلصي محاضرات واستني علشان نمشي مع بعض
*ماشي يا حبيبي بس بقولك ايدك علي ميتنايه علشان نسيت اجيب فلوس
_ماشي خدي ياكش يطمر
*هيطمر وخدتها منه حور وباسته في خده اخويا حبيبي تعيش وتديني
_ماشي يا ختي يالاعلي محاضراتك
مشيت حور وفلك علي محاضرتهم
وخلصو المحاضرات وطلعو
بس في واحد وقف حور
~انسه حور ممكن كلمه
*اتفضل
~بصراحه انا معجب بيكي وعايز اخد رقمك ونتعرف علي بعض
*لا معلش اسفه مليش انا في الجو دا
واول ماشافت ياسين جريت عليه خلصت بدري يبقي تغديني بقي قبل ما تروح
_لا انا عايز اروح مش قادر خليها مره تاني
*علشان خاطري علشان خاطري والنبي
_خلاص بلاش زن هوديكي
حضنته وباسته يا سو حبيبي كدا كدا
ياسين كان لسه هيرد بس اتفاجئ ب اللي بيقولها ايوه مبتديش ارقامك لحد بس بتحضني وتبوسي بس وعملالي فيها انا الخضره الشريفه
_انتي بتكلم مين كدا يا حيوان انت
~بكلمها اللي عامله فيها الخضره الشريفه
_بتكلمها ياروح امك دا انا هوريك ازاي تكلمها كدا وتقول عليها كدا
ونزل فيه ضرب وحور كانت واقفه بتعيط وفلك اول ما شافتها جريت عليها حضنتها
ياسين فضل يضرب في الولد كان هيموته ومحدش كان عارف يبعده عنو من كتر عصبيته وغضبه
حور طلعت من حضن فلك وراحت لياسين وحضنته وقالتله كفايه ياياسين هتموته
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية فقدت قلبي)
