رواية أسطي قلبي الفصل الثاني عشر 12 والأخير بقلم رحمة أيمن
 |
| رواية أسطي قلبي الفصل الثاني عشر 12 والأخير بقلم رحمة أيمن |
رواية أسطي قلبي الفصل الثاني عشر 12 والأخير بقلم رحمة أيمن
انتي بتقولي اي؟!
_ بقول الخلاصه، انا مش عايزه اشوف وشك هنا تاني يا بن الناس خلاص كده
_ رحمه!
كانت عينه بتوجهلي الف سوال و كانت عيني بتوجله الف لوم وعتاب
_لو سمحت يا عدى امشي دلوقتي انا مش قادره اشوفك قدامي
_ مستحيل امشي قبل ما افهم في اي، رحمه قولي في اى!
_ خلاص بدال حضرتك مش عايز تمشي انا همشي
_ رحمه متعمليش كده، رحمه خدي
جريت علي الشقه وانا حرفيا مش قادره اتنفس، لي كل حاجه معنداني كده، لي ضعفي وكسره عيني مبقدرش اسيطر عليها قدامه ولي اتهنت بشكل ده لحاجه عمرها ما كانت بإيدي، انا بجد تعبت!
“كرامتك ونفسك في كل شيئ” كلمتين عمرهم ما يتمحو من الزاكره مهما عدى عليها سنين، الكرامه اهم من كل شيئ في حياتك، اهم من الحب.. الشوق.. الخوف.. التضحيه، لازم تحمي نفسك وكرامتك من اي حاجه تمسها لانك لو اخسرتيها بسبب واحد في حياتك هتخسري حياتك كلها وهتفقدي الثقه في نفسك وتبصي لنفسك نظره سخريه قبل الناس ما تبصها ليكي، ملعون ابو الحب الي يخسرك كبريائك وعزه نفسك واذا فيه مقارنه ما بينهم حتي لو علي موتي فواثقه انى هختار الاحترام والفخر بدل الذل والعار.
بعد اربع ايام….
# في اي يا رحمه!
_ جيب يا محمد المفك الي عندك ده
# رحمه بكلمك علفكره
_ ايه انا مشغوله دلوقتي لما اخلص العربيه دي هكلمك
# امم العربيه 5 انهرده ونفس الكلمتين كل مره، لكن اقسم بالله بعد الزعيق والفضيحه الي عملتيها هنا دي فانا مش هسيبك غير ما نتكلم فهمه!
_……
# رحمه انا مبحبش كده متعصبنيش!
مسحت ايدي وقفلت باب العربيه وتنهدت بهدوء عكس الاعصار الي جوايه.
_ خلاص تعالي وبطلي زن لاني بجد دماغي هتنفجر، اتفضلي
__________
في الشقه…
_ في اي
# انتي الي في اي
_ مفيش حاجه انا كويسه عادي؟
# كويسه؟! امم بعد ما جيه اربع مرات وخناق وانا مش عايزه اشوفك وابعد عني وملكش دعوه بيا تاني ده عادي
شرب القهوه حوالي 17 مره وقله نوم وبقيتي شبه الزونبي ده عادي
خناق مع الموظفين ومواعيد قاسيه عليهم حتي مفيش وقت يريحو من هدت الحيل دي برضه عادي صح!
_ اه عادي
# رحمه انا حرفيا باقي تكه وهقوم اكسر وشك ومبهزرش لتكلمي عدل وتقولي الي عندك لقفل عليكي البيت وحبسك هنا ومبهزرش!
اتنهت بديق
_ نعم يا ايه في اي
# الحقيقه، عايزه اعرف الحقيقه
_….
flash back.
محمد: امم انتي بقي رحمه
_ اه حضرتك انا…
محمد: انا مش عايز رغي كتير اسمعي الي عندي من سُكات
_؟؟!
محمد: عايزه كام وتبعدي عن ابني؟
_ لاء يا عمو حضرتك فاهم غل…
محمد: اوعي يا بت تفتكري انى معرفش نوعيتك دي وانك بتلفي عليه عشان حاجه معينه، فيه بنات كتير من نوعيتك دي بس انتي الي قدرتي توهمي وتضحكي عليه ولاول مره افهم انه غبي
وابني انا هكلمه وعقله عشان بعد كده ميبصش لمستوى اقل منه بشكل ده وهو عارف انه ابن مين ويستحق اي ول انتي اي رئيك؟
طلع شيك من الدرج وقلم وحطهم قدامه علي المكتب وضحكت بسخريه وصدمه فوقت منها بعد ما سمعت صوت قلبي اتكسر جويا
محمد: اكتبي المبلغ الي يعجبك وانا هخرجك من الموضوع من غير احراج ومش هقله علي الاتفاق الي بينا وهخليكي الضحيه واعتبريها تذكار مني… ها قرري بسرعه كام لانه ورايه شغل؟
مقدرتش اتحكم في اعصابي دقيقه كمان وسحبت كرسي وقعدت قدامه بكل ثقه ومسكت الشيك وقطعته.
محمد: انتي مجنونه!
_ حضرتك الي قاعده قدامك دي مهندسه ميكانيكه ومش واحده فقيره وجعانه و كل الي همها فلوس حضرتك، وحده الدنيا جت عليها ولقت نفسها في شارع هي واخوها الصغير والحياه بتنهش فيها ومحدش فكر يمد ليها ايد المساعده، واحده وقفت علي رجلها عشان مش تحتاج من حد زيك كلمه او لقمه تعيش مزلوله بيها ، قامت واشتغلت وسدت ديون عالتها ودخلت اخوها احسن مدارس وعرفت انك لو مسنتش نفسك بدراعك في الحياه دي الناس هدوس عليك واحده احسن وانضف منك اووه واضح انى زودتها شويه مش كده
انا لازم امشي دلوقتي، سلام يا…. ول بلاش.
محمد:…..
_ اه وبنسبه لابن حضرتك فميهمنيش واعرف انه هو الي تعرضلي، هو الي اصر عليا وحبني وانا حبيته لكن اذا كان هيجي علي حساب إ
هانتى بشكل ده انهرده فانا مش عايزه ولو كنت اعرف اني هعيش احداث مسلسل تركي بشكل ده، انا مكنتش هوافق من الاول اصلا، وكلمه اخيره… ابن حضرتك مش صغير وميستهلش اب زيك لانك مينفعش تكون اب اصلا.. شكرا علي حسن الضيافه.
هانتى بشكل ده انهرده فانا مش عايزه ولو كنت اعرف اني هعيش احداث مسلسل تركي بشكل ده، انا مكنتش هوافق من الاول اصلا، وكلمه اخيره… ابن حضرتك مش صغير وميستهلش اب زيك لانك مينفعش تكون اب اصلا.. شكرا علي حسن الضيافه.
back
_ وبعدها جيت لقيته هنا ونهيت الكلام معاه وقلتله اني مش عايزه اشوف وشه تاني وانتي عرفه الباقي
#…..
_ في اي بصالي كده لي
# انتي رديتي عليه قلتيلو كده!
_ اه، يحمد ربنا اني مزعقتش ولميت عليه الناس وتعملت بزوق واحترام وكده ليفكرني مجنونه ول حاجه
# انتي بعد الي عملتيه ده فكرك مجنونه رسمي
_ زى رامز جلال كده
# انتي ليكي نفس تهزري يا بارده وانتي… لاء حلوه استني ههه
ابتسمت ليها وهي بتضحك بخفه وبعدها بصتلي ورجعت تاني للجد.
# انتي كويسه
_ امم
# رحممه انتي كويسه؟
_…..
مقدرتش اقاوم اكتر من كده، اربع تيام وانا عيني منزلتش دمعه، ورجعت تاني لواحده كان اخر طموحه اليومين الي فاته دول انها تعيط، تعيط بحرقه.. بس اكتشفت ان الدموع بتظهر في وجوده وبتختفي مع غيابه مش ضعف ول احتياج مني لكن اني لقيت الامان تاني في وجوده دي لوحدها كانت بتخليني اهرب لي وتخبي وتكلم معاه هو بس وخلتني اوصل لمرحله اني مقدرش اعيش من غيرو كمان، انا حبيته اجدعان.
حضنتني بحب.
# خلاص يا حبيبى والله متعيطتيش بالله
_ ميستهلش مني كل ده، لما بشوف نظره العتاب ليا وانه عايز يفهم في اي بتخليني بموت من جويا، وحشني اوي يا ايه وحشني بجد.
# طيب ما تقوليلو يا رحمه، قوليلو ان ابوه هو السبب عشان يتكلم معاه ويعرفه انه غلطان وانك مش كده.
مسحت دموع وخرجت من حضنها بهدوء.
_ لاء يا ايه، مستحيل اعمل كده.. انا مبحبش يحصل خناق بينه وبين والده بسببي، انا هبعده عني احسن وده القرار الافضل دلوقتي.
# انا عايزهم يضربه خناقه ودنيا تولع ونموت ضحك عشان ميقلش الكلام الي بيحصل في الافلام ده تاني، كنتي يا بت خدي الشيك وحطي واحد وجنبه صفر صفر صفر لعند ما توصلي مليار واصدمي يجيلو سكته قلبيه يموت
_ ههه يلا يا هبله
# بتضحكي طب والله هياخد صدمه ما خدها قرد قبل كده هييح انتي الي وش فقر ابت.. ما علينا قومي نعمل مكرونه بشمل قماار كده
_ مش جعانه
# انا الي هعملها و فيه جبنه رررومي
_ مش هضعف لاء
# وفراااخ
_ قومي دوقتي.. قومي دوقتي حالا!
اليوم التالي…
صباح الخير يا احلي مدير تنفيذي في المجره
_ صباح النور يا شمس
عملالك فطار معايا وجبت مخلل كمان عشان بتحبه
رمي الدوسيه بديق
_ طيب هو مش بين علي حضرتي خالص اني مدايق بقالي فتره، واني مبكلش وبقلك متجبيش تاني وبرضه بتجيبي.
يحبيبي فتره وهتعدي انا عرفه انك هتزعل فتره وهترجع تاني عدي الي اعرفه بتاع زمان
_ مش فاهم قصدك اي
قصدي انى بحبك
_ اووف، شمس انا مش حبيبك تمام ول بحبك واظن كفايه كده… انا هروح لاني تعبان استلمي الشغل بدالي.
طيب دقيقه الفطار، عدي.
ترن ترن ترن
=اي يا ساندي
ساندي: الو يا چو، عامل اي
= الحمد لله، اي في حاجه
ساندى: مش عارفه اوصل لعدي خالص وبابا محذرني اخرج من البيت، ممكن تشوفه فين بالله عليك
= تمام يا ساندي هشوفه والله، بس اهدي في اي
ساندى: بابا وماما اتخانقو سوى وبابا قلنا انه كلم المكانيكيه وقصده علي رحمه وكده وكانت فى قمه الانحدار وعدم الرقي و ماما عماله تعيط ومش عارقه اعمل اي
= امم عشان كده، طيب يا ساندي انتي اهدي و انا هوصلو تمام متقلقيش.
_____________
ترن ترن ترن
_ خير
= اعوز بالله! رحمه لو شافتك كده هتغير رئيها فيك بشعرك الي شبه القنفد ده
_ عايز اي يا يوسف مش فايقلك
= لاء فوق وخد دوش كده وروح عشان الدنيا مولعه في البيت
_ ازاي يعني
= اسمع يا سيدي….
ترن ترن ترن
سهير: الو
_ بابا عندك ول في شركه
سهير: عدي يبني مش عايزك تتهور انا كلمته و….
_ ماما بقلك بابا عندك ول في شركه
سهير: في الشركه.
……
_ بابا في المكتب يا صفا
السكرتيره: اه يا عدي بيه بس هيخرج لانه في اجتماع مهم
_ الغي
السكرتيره: بس…
_ سمعتي انا قلت اي بتمني يكون كلامي واضح
السكرتيره: حاضر.
في غرفه المكتب…
_ محتاج اتكلم معاك
محمد: في حد يدخل بالهمجيه دي
_ وفي حد يكلم حبيبه ابنه كده
محمد: هي قلتلك
_ للاسف مقلتش… لاسف سكتت وبعدت عني ومش عارف حتي اتكلم معاها
محمد: امم طيب ومعرفتش قالت لابوك اي وقللت منه ازاي
_ قليل، مهما قالت قليل وعارف انها خدت حقها منك وانا الي بدفع التمن دلوقتي و خسىاتها بسببك
محمد: ولد! انا بعمل كده عشان مصلحتك
_ وانا مش صغير عشان تحدد احب مين واكره بين.. انا اخترتها هي وبحبها هي ومش من حق اي حد يدخل في قراراتي.. علمتنا اننا ناخد قرارتنا في كل حاجه في حياتنا ومنخبيش عنك حا
جه وعلمتنا اننا نختار الي بنحبه وانه دي حياتنا ومنخليش حد يتحكم فيها مش ده كلامك
جه وعلمتنا اننا نختار الي بنحبه وانه دي حياتنا ومنخليش حد يتحكم فيها مش ده كلامك
محمد: ولما تخبوا عني كلكو وكاني واحد مبيفهمش واني مش هعرف ده اسمه اي
_ كنت بقناعها ومستني القرار الاخير منها عشان اقدر اجي واتكلم معاك لكن حضرتك بوظت كل حاجه
محمد: هي فعلا الي كانت رفضاك!
_ دي رحمه يا بابا! انا عارف انك مدايق منى عشان خبيت عليك بس كمان انا عارف انه مش من حقك تعمل معاها كده وبكره تعرف ده
محمد: وانا مش موافق عليها واذا كلمتها تاني انا عارف انها فتحه ورشه وممكن في مكالمه واحده اوقفها و….
_ متهددنش يا بابا، انا مش هعمل حاجه مترضكش.. لكن اعرف اني مش هحب غيرها وهتكون ليا واذا مش دلوقتي يبقي بعدين عن اذنك.
محمد:….
______________
في المدرسه..
_ فرحت اني قضيت معاك اليوم
عمر: بدال هربتي من الشغل يبقي مديقه
_ لاء يا فصعون مش مدايقه ول حاجه
عمر: رحمه انا عندي 18 سنه متقوليش يا فصعون!
_ ههه خلاص هقلك يا صغنن متزعلش
عمر: ههه بارده.. ما علينا مالك، الود الحليوه الي كان هنا ده الي مديقك صح
_ تؤ ابوه
عمر: اممم متريش حبتين ها
_ ههه لاء متريش اوي
عمر: جبتي حقنا وعرفتيه قمته ول اي ، طمنيني يا مقصوفه الرقبه
_ انا يا عمر! ول انت متاكد ان المدرسه دي خاصه ومودرن وكده
عمر: مودرن دي تبقي عمتك، المهم احكيلي
_ متلغبطه يا عمر.. قدرت ارد ونهيت كل حاجه بس معنتش لقايه نفسي وزعلت ناس كتير مني حسى بضعف وحيره وخايفه اقع وابوظ كل الي انا عملته ده
عمر: الديون والحمد لله قربت تخلص في اخر السنه دي… انا بقيلي 4 شهور وامتحن واجي اعيش معاكي وحالتنا الماديه كويسه فمتعمليش حساب لبكره بقي وعيشي انهرده وارضي الناس الي مديقه منك واهتمي بنفسك وفكري فيها شويه اما بنسبه للحليوه فلو عايزك بجد مش هيسيبك فطمني
_ امم كبرنا وبقينا نقول حكم اهو
عمر: اومااال… انا اعجبك اوي لعلمك
_ هههه انا بحبك اوي يا عمر
عمر: وانا كمان.
اليوم التالي… في الشركه
بقولوا انك عايزني في حاجه
_ اه يا شمس اقعدي
امم نعم
_ شكرا جدا لتعاونك معانا الفتره دي كلها وصفي حسابك ومتجيش الشركه تاني… اعتقد كده مهمتك معانا خلصت
عدي انت بتهزر صح!
_ لاء مبهزرش، انا اخاف علي الشركه من واحده بتنقل الكلام وبتوقع بين الناس زيك ول انتي اي رئيك
عدي انا….
_ امم انتي اي
انا عملت كده عشان بحبك وعشان عرفه انها مش مناسبه ليك
_ وانا قلتلك اني مبحبكيش وقولت عادي بلاش ناذي مشاعرها بس الانسان الي معندوش دم زي حالاتك كده لازم نوقفو عند حدو، بتمني تعيشي حياتك بقي وتبعدي عني خالص وكل حاجه بينا انتهت حتي الشراكه دي
عدي انا اسفه والله ما كان قصدي اديقك كده، بوعدك هتغير
_ نورتي الشركه يا شمس اتفضلي
“بدموع ” عدي لو سمحت
_ تحبي تخرجي لوحدك ول باسلوب تاني مش هيعجبك؟
flashback
= عدي دقيقه لسه مخلصتش كلام اقعد
_ في اي
= شمس الي قالت ل عمو محمد علي رحمه
_ شمس! ازاي ولي؟ مين الي قلك
= ساندي قالت انه بابا قال اسمها من غير قصد وهو بزعق، انا عايزك تطردها من الشركه
_ اي يا جو الي بتقولو ده!
= عدي لازم شمس تفوق ولازم تبعد عنك، انا عارف انها بتحبك وعارف انك مبتحبهاش وانا مقبلش انه قلبها يتكسر اكتر من كده بسببك او بسبب اي حد، لازم تعرف انك مش ليها وتبعد عنك شويه عشان تعرف تلاقي نفسها وحياتها وانا وماما جانبها وهنقومها بسرعه متقلقش
_ انت شايف كده يا جو
= اه بتمني تقدر موقفي وتفهم قصدي
_ متقلقش اعتبرو حصل.
back
لاء وعلي اي يا عدى بيه… عن اذنك.
________
_ مساء الفل يا شباب
العمال:…..
_ عرفه انكو مديقين مني حقكو علي راسي بجد كانت فتره وعدت ان شاء الله، وهرجع زي الاول والاحسن كمان واذا محدش استحملني غيركو هتعصب ودايق وتنرفذ علي مين مثلا
محمد: حمد لله علي السلامه يا معلمه
_ تسلم يا محمد
العمال: حمد لله علي السلامه يا معلمه رحمه
_ ههه شكرا يشباب
شاور لي محمد علي عم عبدو وغمز ورحتله عشان طبعا ارضي.
_ احم احم حرما
عبدو: جمعا يا بنتي ان شاء الله، جيبي كرسي وتعالي اقعدي جنبي
_ حاضر يا عم عبدو امرني
عبدو: بقيتي بخير يا بنتي
_ الحمد لله يا عمي، انا اسفه عشان الفتره الي فاتت دي وقله كلامي معاك واسلوبي الصعب مع العمال
عبدو: اهم حاجه تكوني بخير يا بنتي وعرفي انه الحياه هتمشي بيكي زي موج البحر ويوم ليكي ويوم عليكي ومش كلها ورديه ول كلها سياخ حديد بينهش في جتتك… الحياه ريحله طويله ويما هتشوفي يا بنتي، انا خلاص عجزت لكن معايا عيال يسند عليهم جبال ومتتهزش ولو عايزه تسيبي الورشه وتشتغلي في اي مكان تاني ومديقه قوليلي يا بنتي ومتتكسفيش
_ ينهار ابيض يا عم عبدو! ده انا اموت ول اسيبك ابدا انت الي وقفتني علي رجيلى ويرجع الفضل ليك بعد ربنا طبعا اني وصلت هنا وقدرت اكمل
وقدرت احط صباعى في عين التخين قبل الرفيع واقلهم اني مش اي حد، ربنا يخليك لينا يا بركه مستحيل نلقي غيرها ابدا
وقدرت احط صباعى في عين التخين قبل الرفيع واقلهم اني مش اي حد، ربنا يخليك لينا يا بركه مستحيل نلقي غيرها ابدا
بوست ايدو وحضني والورشه كلها كانت بتصقف فوق راسنا ول كاننا كسبنا الالومبيات… بس حقيقي حبيت اوي.
في المساء…
# مش هيجي
_ مش فهمه قصدك
# الي بقالك ساعه بتبصي في الموبيل عشانه ده مش هيجي
_ انا مبصش علي حد انا مركزه في الشغل
# واحد طردتيه اربع مرات ومسحتي بكرامته الارض يا قادره وعايزه يرجع تاني، ده انتي بارده
_ محمد ناولني الشطور كده من عندك
# لاء ونبي خلاص هسكت
_ يا ريت ها ومنفتحش الموضوع تاني … علي فوق اجري.
____________
فله السوفتي…
محمد: امم منمتيش مع ساندي لي
سهير: معروف انه الست بتغضب في اوضه بنتها يوم بس وترجع اوضتها تاني عادي والصراحه بتشغل اغاني وفديوهات وبتزعجني ومبعرفش انام
محمد: ههه وحشتني
سهير: اي يا راجل انت احنا عيال ول اي انت عندك ابن عنده 36 سنه وهتكون جد قريب
محمد: برضه وحشتيني، عارف اني زودتها معاكي وزعقت بس تنرفذت منك
سهير: لاني مقلتلكش عرفه
محمد: وبدال عرفه مبتقليش لي
سهير: لانى عرفه اكتر انك مش هتوافق وبتحب شمس وهيحصل مشاكل ولما تاكدت انها مناسبه قولنا هنقلك انا وعدي بس محددناش الفتره
محمد: امم واتاكدتي انها مناسبه ها!
سهير: اه مناسبه مهندسه مكانيكيه قد الدنيا وقمر، بنت بميت راجل وفي عز ما الحياه مرمطتها قامت علي رجليها تاني وابنك بحبها وست بيت شطره اي المشكله بقي
محمد: انها قللت من جوزك مثلا
سهير: طب بزمتك مش عجبك الموضوع، شوف بتبتسم ازاي بعين ونص شوف شوف
محمد: هه والله
سهير: سيب الود يقرر حياته بقي، يعني مش حمايه الله يرحمه كان عايز يجوزك بنت خالتك ووقفت قصاده وجوزتني ول هو حلال عليك وحرام علي ابنك مثلا
محمد: بس ده زمن غير الزمن
سهير: بس الحب واحد والتجربه واحده ول اي
محمد:…
سهير: اقلك سر… رحمه هي الي عملت الاكل اخر مره
محمد: رني علي عدي وقليلو اني وفقت كده 0102***
“يقومون بضحك”
بعد اسبوع….
# رحمه تعالي معايا
_ ابعدي عني الساعه دي لاني ورايه شغل وبعدين مش الحج موافق انك تروحي تشوفيه خلاص انا مال امي بقي
# بابا كمان قالي خدي رحمه معاكي عشان مينفعش تروحي لوحدك
_ لاء يا بت وانتي مطيعه اوي وبتسمعي الكلام
# يبنتي انا اسمي الحقيقي مطوعه
_ ههه طب يلا يا بابا من هنا
# هستناكي بره، البسي وتعالي
_ مش جايه
_________
= فكك من الشغل الي في ايدك ده وعينك الي تخزوقت من الاب ده وتيجي معايا اهو تطلع من الحُجر ده شويه
_ لي اجي امسكلكو الشجره والليمون يا خفه
= كنت هقلك رحمه ممكن تيجي بس بدالك مش راضي خلاص
_ البس الاسود ول الابيض انهي اشيك
= ههه
في السياره
# لبسين درس علي جاكت قصير ورفعين شعرنا وسرقين عربيه زبون ومعانا redmi hot ten لاء لاء كده كتشير
_ اي رئيك
# انتي رحمه بجد!
_ لازم الانثي تكون انثي في بعض الاحيان والجمال جمال الروح يا مهزقه مالك انتى ومال الحكم والاشعار
# تعالي ما اقلك حاجه في ودنك
_ لاء خلاص نبي
# يا شيخه خدي بس هتندم
في الكافيه….
# اهلا
= قلبيي
_ ولااه بطل محن يلا، قلبك في قفصك الصدري يا خويا
= اي الي جاب الاخ ده معاك
# الحج اصر عليا فجبته
_ والله يا بنت عبدو ماشي حس….
لقيت ريحه برفان من علي ابعد مسافه بعرفه… لقيت قلبي بدق بعد انطفائه من غيبته عني… لفيت علي الباب وانا بتامله… بتامل تفصيله الي وحشتني وبشبع عيني من طلته وثبوته.
_ صباح الخير
= تعالي يا شق اقعد
# لاء يقعد فين اتكلو علي الله انا عايزه اقعد معاه لوحدينا شويه
قربت من ودنها وجزيت علي سناني
_ لوحدينا اي يا بنت… هكسر وشك
_ ماشي يا ست ايه عشان خاطرك انتي بس
_….
_ اتفضلي هنخرج شويه ونرجعلهم تاني
_ بعدك
_ تمام هستناكي بره.
_ ماشي يا شويه كلاب والله لوريكو
= يا ست اجري وانتي واقعه علي نفسك كده
_ بين اوي
# اوووي ههه
_ غورو في داهيه.
= واخيرا خلصنا منهم دول لزقه، وحشتيني
# وولاه انت مش كنت عندنا امبارح ول هو محن وخلاص فعلا
=انا قلتلك متقعديش مع الاخ ده كتير مسمعتيش كلامي
# استني اما تيجي وتعرف هترنك علقه
= ههه لاء بجد وحشتني
# عايزه عصير فروله بالبن
=حسبي الله ونعمه الوكيل.
___________
امام الكافيه.
_ تحبي نمشي
_ متفرقش
_ والعربيه دي…
ابتسمت علي استغرابه ليها ورضيت بعفويه
_ سرقاها من زبون
_ هههه يا بخت الزبون
_ انا بقول يلا نمشي
…….
_ اتغيرتي
_ للاحسن ول للاسوء
_ في الحالتين بحبك وفي الحالتين ميهمنيش
_ احم، عامل اي في الشغل
_ مش كويس من غيرك
_ عدي بقي
_ وحشتي قلبه
_ اعيط طيب!
_ رفضتي تيجي لي لما بابا بعتلك دعوه وكان عايز يصلح الي بينكو
_ للانه الي حصل مش قليل ول اقدر اسامح عليه بسهوله دى
_ طب وانا
_ انت الشخص الى اقدر اخلي الي حصل ده قليل واسامح عشانه
_ دماغي عملت ايرور روحي منك لله
_ ههه وحشتني
_ اي! قولتي اى مسمعتش!
_ لاء اجمد كده ده لسه بحبك جيه بعدها ❤
_ ااه دوخت! لاء احنا نروح للحج هالحين بقي ❤
” انتظرت قوه تحميني فجأتني قلعه محمله بالاسلحه والزخيره وبها امير يسحبني بيها بكل قوته، فلا اعلم هل ضعفت لجماله القوي ام لواقعه ولا اعلم هل كانت مزدحمه ام فارغه.. كل ما اعلمه انى شعرت بالامان بين حدوده وشعرت بسعاده فوق عرشه ♥”
End
لقراءة باقى فصول الرواية : اضغط هنا
