رواية النصيب الفصل الثاني 2 بقلم ياسمين الشريف
 |
| رواية النصيب الفصل الثاني 2 بقلم ياسمين الشريف |
رواية النصيب الفصل الثاني 2 بقلم ياسمين الشريف
خرجت ماما بلغتهم بموافقتي
ولما خرجت وراها شوفت نظره الصدمة ف عنين عبدالله
ولقيته بيقول
نور انتي بجد موافقة على مصطفى
قلتلو اه موافقه يا عبدالله
عبدالله : طب الف مبروك يا نور
ع العموم فرحي يوم الخميس الجاي ان شاء الله
زعلت جدا من جوايا قلبي بيتقطع عليه هو مبيحبنيش ليه دا انا قدامه ليا سنين
بينت ليه عكس اللي جوايا وقلتلو
الف مبروك ربنا يتمم بخير ان شاء الله
قالي ان شاء الله
وبص ل مصطفى وقاله هستناك يا دوك تيجي تباركلي ف الفرح
مصطفى : حبيبي مش محتاج عزومه انا بقيت من العيله خلاص
عبدالله : اه صح عندك حق عن اذنكوا بقا هروح بقا علشان اشوف شيماء
ومشي وقفل الباب
وانا دخلت اوضتي وسبت مصطفى مع ماما
وبعدها بشوية لقيت ماما داخله عليا وبتقول
متأكده يا بنتي انك مش هتظلمي مصطفى
قولتلها
ماما بجد متقلقيش مصطفى كويس واكيد مع الوقت هتشوفي ب عينك
قالتلي
ماشي يا بنتي اللي تشوفيه
وسابتني وخرجت وسط حيرتي ووجعي و وسط كميه تفكير ملهاش اخر
وجه معاد فرح عبدالله
ماما راحت من بدري علشان خالتي وانا قعدت ف البيت هلبس وهيعدي عليا مصطفى بالعربيه ياخدني
لبست فستان احمر وعليه طرحه وايت
وحطيت روج احمر جريئ
ونزلت ل مصطفى وصل تحت وكان مستنيني برا العربيه علشان يفتحلي الباب
اول ما شافني تنح وقال يلهووي اي القمر دا
ضحكت على شكله وهو باصصلي شكلو يضحك اووي
فصلنا واقفين وهو واقف باصصلي مشالش عنيه من عليا
احممم
وسع كدا بقا انا هقعد ف العربيه وخليك انت واقف كدا
ضحك على طريقتي وفتحلي باب العربية وطلع
قلتلو
مصطفى ممكن نروح نقعد شويه عالكورنيش وبعدين نروح الفرح
قالي يلا يستي
وروحنا قعدنا نتكلم ونضحك ونهزر
وقومنا علشان نروح الفرح
ولما دخلت القاعه والناس اللي ف القاعه كلهم كانو باصيين عليا
خطفت نظر الكل حتى العريس والعروسة
طلعنا انا وخطيبي باركنا ل عبدالله وشيماء
اه انا كنت مبسوطه مع مصطفى من شويه
بس قلبي مع عبدالله قلبي واجعني عليه بغباء
وجع قلبي بينزل دموعي حتى لو مش عايزاها تنزل
لقيت مصطفى بيقولي
مالك يا نور فيكي حاجه
لالا مفيش يا مصطفى عيني دخل فيها ناموسه بس
وريني كدا وبدأ يبص ف عنيا وانا شايفه ف عنيه نظره الحب اللي بجد
عيني جات بالغلط على عبدالله لقيته جاي علينا وسايب عروسته وبيقول انت بتعمل ايه
وقف مصطفى وقاله
كنت بشوف عنيها تقريبا دخلت ناموسه
وبعدين دي خطيبتي يا عبدالله فيه اي
افتكر عبدالله انه ف فرحه كان ناسي باين ????
ورجع ل شيماء
وخلص الفرح وروحو وروحني مصطفى انا وماما
لقيت ماما بتقولي حقيقي مبسوطه جدا من تعاملك مع مصطفى
ماما مصطفى كويس صدقيني لو هو وحش مكنتش وافقت عليه
وببص ف الفون لقيته هو تلقائيا كدا ابتسمت
بصتلي ماما وقالت يلا يروحي هسيبك تكلميه
خرجت ماما وسابتني بكلم مصطفى
خلص كلام مع مصطفى ونمت وصحيت تاني يوم لقيت ماما بتقولي البسي علشان هنروح مع خالتك ل ابن خالتك النهارده الصباحيه
قولتلها روحي انتي انا خارجه مع مصطفى النهارده قالتلي ماشي يا بنتي ربنا يسعدك
وخرجت هي
وكلمت انا مصطفى
ألوو اي فينك
مصطفي: انا ف المستشفى يا حبيبتي بخلص شغل وجاي
خلاص تمام هستناك
فاكره يا نور
فاكره ايام ما كنتي تصحى تلاقيني نايم جمبك مع اني الدكتور بتاعك كنت ساعتها
اة فاكره يا حبيبي
طب بص خلص اللي ف ايدك وتعالي علشان انا قربت اجهز
خلاص تمام يا حبيبتي
وجهزت وبعدها ب خمس دقايق جه مصطفى بالعربيه تحت نزلتله
هاا هتروحي فين يا ست البنات
امممم مش عارفه شوف انت هتاخدني فين
اشطا يلا
يلا
عند ماما وخالتي
اهلا اهلا يا حبيبتي عامله ايه النهارده
ماما:بخير الحمد لله يا حبيبتي
اي مش هتروحي للعريس ولا اي
رايحه يا حبيبتي مستنياكي بس
امال فين نور
نور راحت مع خطيبها يا ستي قالت انهم خارجين
ربنا يسعدها يا رب
يا رب يا روحي
عند نور ومصطفى
قوليلي بقا عجبك المكان
حلو اووي يا مصطفى اي الجمال دا
علشان تعرفي بس
نينينيني
مجنونه وهتجننيني مفيش مفر منك خالص يا بنتي
قولي بقا اي اللي شدك ليا بالطريقه دي
بصي انا مش عارف بس هو اتشديت ليكي وخلاص المهم انك معايا
عند ماما وخالتي
يلا بقا رني الجرس
حاضر اهوو
فتح عبدالله الباب ورحب بيهم جدا ودخلهم
و شويتين وطلعت شيماء وقعدو مع بعض وضايفتهم
عبدالله : امال فين نور ي خالتي مجاتتش ليه
نور ي حبيبي خارجه مع مصطفى النهارده
عبد الله بصوت واطي مسموع
اي دا هو ازاي مقاليش انه هيخرجها
بتقول حاجه يبني
لا يخالتي دا انا بقول ربنا يسعدها يعني
دخل عبدالله مسك الفون ورن عليه
مصطفى شاف الاسم وقفل الفون ومرضيش يرد
اي يا مصطفى ما ترد
لا يا حبيبتي مش مهم
وبدأنا نهزر ونضحك ونجري ورا بعض
وانا بجري لقيت نفسي ف حضن عبدالله
عبدالله النهارده الصباحية بتاعتك انت اتجننت
يتبع……
لقراءة الفصل الثالث والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية غرام الوتين للكاتبة سمسم
جميلة أوى