رواية نعم احببت حياتي البارت الثاني 2 بقلم جهاد عبدالرحمن
 |
| رواية نعم احببت حياتي البارت الثاني 2 بقلم جهاد عبدالرحمن |
رواية نعم احببت حياتي البارت الثاني 2 بقلم جهاد عبدالرحمن
كمال: متخفش ياسالم دي كدبه بيضه وبعدين دي امي اساسا كانت بتقول ان هيا عايزة تشوف عمتي وكانت هتجلكم كده كده يعني
سالم : طيب لما مرات خالي تجي عندنا وتلاقي امي كويسه ومش تعبانه هيكون انا شكلي ايه قدامهم
كمال: يعم متخفش انتا مالك طري كده ليه ياض انتا انشف كده قولهم ان امي وحشتكم ومجتش عندكم من زمان وقولت تعمل فيها المقلب ده علشان تجي بس كده
سالم : ماشي ياعم أمري لله بس انتا عايز تمشي امك من البيت ليه
كمال : وانتا مالك مش وعدتك اني هخليك تشتغل معايا واعلمك النجاره بدل قعدتك في البيت زي الولايه كده
سالم : ماشي ياعم بس اكيد هتشغلني معاك
كمال : عيب عليك ياض اكيد طبعا
سالم : ماشي خلاص هقولها بكره سلام
كمال : سلام
_________
عند ادم
ادم: بعصبيه عارف الست دي حتي وهيا ميته مش سيباني في حالي انا مليت من حياتي دي اووووف
ادم راح اخد دوش ولبس ترنج اسود وحاول ينام معرفش فضل سهران منمش الا الصبح
__________
عند حياه
حياه قامت من النوم علي صوت المنبه
حياه مسكت الفون وقفلت المنبه وقامت اخدت شور واتوضت وصلت فرضها ولبست درس بسيط من اللون الوردي يتماشا مع بشرتها الرقيقه ولبست حجابها لتصبح مثل الحوريه في حجابها وراحت حضرت الفطار
حياه بتخبط علي اوضت خالتها
حياه : خالتو يخالتو
ناديه : نعم يحياه ادخلي يابنتي
حياه :انا حضرت الفطار يخالتو يلا نفطر علشان تخدي دواكي وانا هروح المستشفي ورايا مناوبه النهارده هبات هناك لان هتاخر لبعد العشاء
ناديه : ماشي يابنتي
ناديه وحياه قعدين بيفطرو والباب خبط
حياه قامت تفتح لقت كمال جاي يفطر
حياه : يادي الوشوش العكره الي علي الصبح
كمال : ليه كده ياموزه بس ايه العسل ده
ناديه : مين يحياه
حياه ده كمال يخالتو جاي يفطر
كمال دخل باس ايد امه وقعد يفطر
حياه في نفسها بالسم الهاري
حياه : طيب انا هنزل بقا يخالتو علشان متاخرش علي المستشفي
ناديه : مش تكملي فطارك يابنتي هوا انتي اكلتي حاجه
حياه: لا يخالتو انا اكلت الحمد الله خدي بس انتي دواكي اهوه وانا هنزل بقا سلام
حياه نزلت راحت المستشفي
____________
عند ادم
ادم بيكلم أسر في الفون
ادم : ايوه ياأسر انا لسه صاحي هلبس وهاجي
أسر: خلاص ماشي سلام
ادم : سلام
قام ادم اخد شور ولبس بنطلون اسود وتيشرت ابيض وسرح شعره الكثيف لتتمرد احدي خصلاته وتنزل علي جبينه ورش عطره واخد نظارته الشمسيه لتحجب ضوء الشمس عن عيونه الزرقاء الساحرة ونزل
داده فاطمه: ادم بيه مش هتفطر
أدم: لا مش جايلي نفس انا مسافر ورايا شويه شغل هوا مجتش ممرضه جديدة ياداده لبابا النهارده
داده فاطمه : لا سهير كانت بتقول انها هتمشي النهارده بليل لما الممرضه الجديدة تستلم مكانها
ادم : تمام لما الممرضه الجديده تيجي بلغيني ياداده
داده فاطمه: ماشي ياادم بيه
ادم خرج من القصر والحارس بيفتح الباب علشان يركب فونه رن ادم بيشوف لقي أسر
ادم : ايه يبني ايه الزن ده مش قولت جاي مره
ممرضه : لا حضرتك صاحب التليفون عامل حادثه عندنا هنا في المستشفي والرقم ده اخر رقم المريض كلمه
ادم بخوف : طيب انا جاي حالا مستشفي ايه
الممرضه : مستشفي #####
ادم : تمام انا جاي حالا
وركب العربيه
ادم : اطلع علي مستشفي ####
الحارس: تمام ياادم بيه
أدم: بسرعه
____________
عند ناديه خالة حياه
ناديه : مين الي بيرن يا كمال علي تليفوني
كمال : ده سالم ابن عمتي يما
نادية : طيب هات كده يابني اما اشوفه عايز ايه
ناديه : ايوه ازيك يسالم يابني عامل ايه
سالم : الحمد الله يخالتي انتي عامله ايه
ناديه : الحمد الله يبني امك واختك عاملين ايه يابني
سالم : امي تعبانه يخالتي خالص وعايز تشوفك ضروري
ناديه: مالها يابني الف سلامه عليها
سالم : لازم تيجي يامرات خالي امي بتقول عايزه تشوفك قبل ماتموت
ناديه : بعد الشر يابني عليها هاجي اشوفها طبعا ربنا يخلهالكم يابني
سالم : ماشي يخالتي هاجي اخدك بعد الضهر كده
ناديه : بس يابني حياه هسبها واجي البلد هستني لما تيجي علشان وراها مناوبه واجي انا وهيا بكره
كمال اخد الفون من ناديه
كمال : ايوه ياسالم تعال خدها يابني هنستنوك هتيجي امتا
سالم : بعد الضهر كده علي موصل
كمال : ماشي والله كنت اجبها انا بس انتا عارف ملزوم بشغل وكده ولازم اسلم العماره النهارده واكيد هاجي اشوف عمتي
سالم : طيب سلام
كمال : سلام
طبعا كمال مش بيبرر لسالم بيقول كده علشان ناديه تقتنع ليه هوا مش هيروح معاها
ناديه : طيب وحياه يكمال هسبها ازاي ومينفعش اسبها كده وامشي
كمال : يما حياه وراها مناوبه النهارده يعني هتبات في المستشفي يعني مش هتجي البيت هنا وانا موجود متخفيش وانتي كمان روحي اطمني علي عمتي وباتي النهارده بس وتعالي بكره وحياه هتكون خلصت الورديه بتعتها علي المغرب كده تكوني انتي جيتي
ناديه : ماشي يابني هتصل عليها واقولها اني مسافره البلد
كمال : مش وقته هبقا اتصل عليها انا واقولها متشغليش بالك متشغليش بالك انتي بحياه
حضري انتي الزياره بتاعت خالتي وانا هروح الشغل اعمل حاجه مستعجله كده واجي اطمن ان سالم جه وخدك وابقي ارجع الشغل تاني
ناديه : ماشي يابني ربنا يخليك ليا وميحرمنيش منك
كمال : ولا منك يما هروح الشغل انا بقا سلام
ناديه : سلام
______________
في مستشفي####
ادم : في هنا مريض عندكم أسر عمل حادثه من شويه هوا فين
موظفه الاستقبال: ايوه اتفضل الدور التاني الاوضه رقم ١٢
أدم: ماشي
موظفه الاستقبال : ايه الموز ده يخربيت حلوتو ده
دنيا : انتي يابت فين حياه
موظفه الاستقبال : في جيبي اهيه تعالي خوديها
دنيا: انتي يابت الله يخربيتك الحاجه زينب تعبانه وعايزه حياه
وحياه اكتر وحده عارفه حالتها ودكتور شريف في العمليات
موظفه الاستقبال: شيفاها لسه طلعه فوق الدور التاني روحيلها ياختي
دنيا : لسه هروحلها هاتي التيلفون ده اتصل بيها
دنيا: حياه تعالي بسرعه عند الحجه زينب تعبانه
حياه بخوف : طيب انا جايه حالا
دنيا : ماشي
حياه بتجري نزله الدور الأول وهيا خايفه علي زينب خبتت في ادم وهوا ماشي
حياه : اسفه اسفه معلش
ادم : ايه الغباء ده انتي متخلفه مش شايفه البسي نضاره ياحيوانه انتي
حياه : انتا يبني ادم انتا أتاسفتلك وخلصنا انتا انسان حيوان ومستفز
ادم : انتي اتجننتي مين ده الي حيوان يازباله انتي
حياه زقته وقالت وهيا مشيه اوعا ياعم كده مش فاضيه لغبائك ده اصل هيا نقصاك انتا كمان
ادم مسكها من ايديها وهيا مشيه
ادم : انتي ازاي تتجراي وتتكلمي معايا بالطريقه دي يازباله انتي مش عارفه ادم البنهاوي
حياه : ايه التخلف ده انتا انسان مستفز وحقير مش عايزه اعرف مين ادم نيله ولا يشرفني اساسا
وزقت ايه ومشت
ادم بعصبيه : الحيوانه دي ازاي تتكلم معايا كده ده انا هوريها
ادم مشي راح لصاحبه وهوا متعصب ومدايق عندو حق طبعا اصل دي اول مره حد يتعامل معاه بالطريقه دي مهوا ادم البنهاوي بسلامته اه نرجعو للروايه بتعتنا
____________
عند ناديه خالة حياه
كمال : يلا يما سالم مستني تحت
ناديه : ماشي يبني خد مفضلش غير ده نزله العربيه وانا جايه وراك
كمال نزل عند سالم
كمال : زي ماقولتلك ياسالم اعمل ومتعوكش الدنيا امي تعرف ان خالتي مش تعبانه اما توصلو قبل كده لا
سالم : ياعم خلاص والله متخفش
كمال : ماشي
ناديه : يلا ياسالم يابني انا جيت اهوه
سالم : يلا يامرات خالي
ناديه : كمال ابقا قول لحياه بقا متنساش
كمال : حاضر يما متخفيش ابقي طمنيني اما توصلي
ناديه : ماشي يبني مع السلامه
كمال : مع السلامه يما
ناديه ركبت التاكسي مع سالم ومشيو راحو بلدها
كمال لنفسه واخيرا يحياه هتكوني ليا لوحدي ومش هتقدري ترفضيني بعد الي هعمله فيكي النهارده مقداميش خيار تاني انتي الي اجبرتيني علي كده
______________
عند حياه وادم في المستشفي
حياه : انا والله خايفه علي الحجه زينب اوي يادنيا
دنيا : ربنا معاها بقا ياحياه
حياه : يارب انا هروح اشوف حاله اسلام هشوفو عامل ايه
دنيا : اهوا الولد الصغير ده الي صعبان عليا
حياه : ربنا يشفيه لااهله هروح انا
دنيا : ماشي
____________
عند ادم
ادم : هوا عامل ايه يادكتور
دكتور اشرف : عندو كسر في رجله اليمين وفي عنده نزيف بس الحمد الله عرفنا نوقفه وشويه جروح سطحيه هوا دلوقتي كويس متخفش ياادم بيه
أدم: الحمد الله طيب بالنسبه الممرضه الي المفروض تجي لبابا
دكتور شريف : ان شاء الله هتجي ياادم بيه بكره لأنها النهارده وراها مانوبه هنا
ادم : مش فاضي اكلمك دلوقتي انتا اتأخرت كان المفروض تيجي النهارده بليل بس هروح اشوف أسر وأما اشوف اخرت الممرضين بتوعك دول وده اخر تحذير
دكتور شريف: ماشي ياادم بيه
ادم دخل لصاحبه وشافه واطمن عليه وفضل قاعد معاه
___________
عند حياه
حياه: الزفت ده بيرن عليا ليه ده معندوش دم فعلا مش هرد عليه لا بس أفرض خالتي يكون حصلها حاجه هرد واشوفه عايز ايه
حياه : الو عايز ايه يازفت انتا
كمال : حياه امي تعبانه ومش عارف اعمل ايه تعالي بسرعه انا مش عارف هيا مالها
حياه برعب: طيب انا جايه حالا
حياه طلعت زي المجنونه من المستشفي تجري علي البيت هيا بتحب خلتها جدا هيا الي معوضاها عن حنان امها و ابوها الي افتقدته بدري ومتقدرش تتخيل انها تعيش من غير خلتها
حياه بعياط وخوف ركبت تاكسي وراحت البيت وصلت البيت وطلعت زي المجنونه علي الشقه وخبطت
كمال : ادخلي
حياه: دخلت تجري علي اوضته خلتها علشان تطمن عليها
كمال قفل الباب بالمفتاح ودخل وراها
حياه بعدم فهم : هيا خالتي فين وبعدين انتا قفلت الباب بالمفتاح ليه………
يتبع..
لقراءة البارت الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية خطأ أفقدني عذريتي للكاتبة سمسمة سيد
