 |
| اسكريبت قصة حياة الحلقة الثانية 2 والأخيرة بقلم مريم صميدة |
اسكريبت قصة حياة الحلقة الثانية 2 والأخيرة بقلم مريم صميدة
مكنتش مصدقة نفسي وحسيت ان الحياة هتضحكلي بعد العذاب ده كله.. لكن مش ديما الانسان بينجى من افعال الماضي.. وقت ما نحجت ماما وبابا كانوا اول مرة يكلموني وقالولي مبروك ياميادة حقيقي كانت احلي مباركة هو طبعا بابا كان باصص للارض وهو بيباركلي وماما كانت مبتسمة بانكسار لكن مع الوقت انا قولت كل ما انجح هقدر اعوضهم ولو شوية بس عن ال حصل … رجعت السوشيال ميدا تاني عشان الكلية ووعدت نفسي وأهلي أنها هتكون للدراسة فعلا وبس وكنت وفيت بوعدي لحد ما غلطت ونزلت صورتي مع زميلة عرفتها م الكلية كتهنئة يوم ميلادها ف لقيت مسدج ف الازر بكل صوري مع الحيوان ال اسمه اسلام لما كنا بنتكلم فيديو ولما كنا مع بعض ف بيته ولما كنت ببعتله صور ولما كنا نخرج ونتصور مع بعض تقريبا كان مصور كل لحظة وهددني اني لو مروحتش للشخص ده بيته هيشير الصور دي وهيفضحني من تاني م بعد ما الناس بدأت تنساني شوية.. قفلت وفضلت اعيط واصلي واقول لربنا انا توبت يارب وعمري ما هعمل كدا تاني كانت غلطة ومش هكررها يارب استرني وابعده عني يارب نجيني يااارب ولقيت ماما دخلت عليا الاوضة
– مالك ياميادة بتعيطي ليه انا صحيت ع صوتك
= بصيتلها بكسرة ومش عارفة اقول إيه مش عايزة اكسرهم تاني
– متخبيش واتكلمي يابنتي محدش ف الدنيا هيخاف عليكي ادي
= قررت اتكلم .. ماما مش انتي عارفة اني توبت من اللي حصل
– بصيت ف الارض ورديت بحزن.. ايوة ياميادة حصل اي تاني عمتلي حاجه
= لأ والله ياماما انا لسه عند وعدي بس انا مش عارفة لي بيحصل كدا وبدأت اعيط اكتر ودي كانت اول مرة ماما تاخدني ف حضنها من سنين
– وانا مصدقاكي ياميادة انا واثقة انك مش هتكسرينا تاني بس احكيلي اي اللي حصل
= بصي ياامي انا لما كنت مع اسلام كنا بنتصور وكدا و..
– قاطعتني ماما امم اممم رجعلك بالصور دي تاني مش كدا؟!
= مش هو ده حد تاني وبيهددني اني اروحله البيت
– سابتني م حضنها وقالتلي بحزم ردي عليه زي ماهقولك
= ماما انا خايفة ومش..
-قاطعتني وقالتلي رديي ياميادة عليه
= حاضر ياماما
– قوليله ينشر الصور دي وقوليله يعمل اللي هو عايزه وأنك مش هتروحي ف مكان لحد
= بعتله فعلا كدا واتفاجئت رغم الوقت المتأخر إنه فتح ورد عليا.. قالي
~ايدا ايدا هي القطة طلعلها ضوافر وبتخربش كمان ههههه ياعسل طب استني الناس تعرف المحترمة دي مين ياسكرر
= الحقي ياماما ده هينشرها فعلا ماما هعمل إيه
-كانت بتتمتم بحاجه انا مش عارفه اسمعها ورديت عليا قالتلي سبيه يعمل اللي هو عايزه مش انا عرفت هتخافي من إيه تاني
= رديت بكسرة وعيني ف الارض .. ماما بس انا مش عايزة اللي حصل يحصل تاني انا ماصدقت انكم هتبدأوا تكلموني والناس تنساني شوية
~ ي قطة يامخربشة مش خايفة لا مامي وبابي يعرفوا ها ????
=ماما بعت بعت تاني
– ردي وقوليله اللي ف ايدك اعمله واهلي مش مخبية حاجه عليهم واعمليله حظر متستنيش رده
=عملت زي ماما ما قالتلي.. وبعدين يااماما هعمل إيه
– اقفلي فونك ونامي عشان محاضراتك بكرا
= ماما طب لو..
– قاطعتني لو حصل ونشر حاجه متقلقيش ومتخافيش وبلاش تبرري وتحكي لحد مش انا عرفت يبقي متهتميش لحد
=طب وبابا..
– بابا انا هعرفه وطول مانتي معرفانا كل حاجه متخافيش من حد ولا من حاجه احنا ف ضهرك ياميادة حتي لو غلط كفاية إنك مكملتيش الغلط بغلط اكبر وخبيتي يلا نامي تصبحي ع خير وسابتني وقفلت الباب وراها
صحيت تاني يوم وخايفة انزل الكلية ليكون عمل حاجه خايفة اوي بس هعمل زي ماما ما قالتلي ومش ههتم لحد اصل اهلي عرفوا.. جهزت نفسي ولسه بفتح باب البيت عشان انزل..
– ميادة
=بابا..!
– تعالي عايزك ف حاجه
= حااضر ي بابا
– ماما حكتلي ع اللي حصل
= بصيت للارض وعيني دمعت
– لا مش عايزك ضعيفة وارفعي راسك الإنسان بيغلط عادي وانتي اتعلمتي من غلطك “وخير الخطائين التوابين” “والتائب من الذنب كمن لا ذنب له” وانتي توبتي وربنا قبل توبتك ومتنسيش ان المرة دي انا وماما عارفين ف مفيش حاجه تكسرك تاني دي غلطة وده تمنها بس التمن المرة دي احنا على علم بيه ف انزلي ومتخافيش إحنا وراكي وف ضهرك
=بصيتله وانا فرحانة انه بيدعمني وبصيت للارض بابتسامة بسيطة ولقيته حضني جامد ونزلت للكلية
…..
-ازيك ياشيرين اي يابنتي برن عليكي مش بتردي ليه ومشغول ع طول
= لوسمحت متكلمنيش تاني ياميادة وانسي اني اعرفك تاني
– حصل إيه بس
= بصيتلي بقرف ومشيت
انا فهمت انها عملت بلوك وممكن تكون عرفت حاجه مهتمتش وروحت للمدرج واول مادخلت لقيت كل العيون بصالي بإشمئزاز ومش طايقين وجودي ومحدش راضي يقعدني جنبه والدكتور شاورلي ف روحتله واتكلم بصوت واطي محدش يسمعه غيري
د.: ولما انتي كدا مجتينيش من بدري ليه ياجميل ينفع استاذك يبقي تعبان وتسيبيه بردو يادكتورة
= مش فاهمة حضرتك ولما انت تعبان ماتكشف برا او تروح لأي دكتور انا لسه طالبة
د.: لا مانا عايزك انتي تكشفي عليا يا بطاية ياحلوة
= حضرتك تقصد إيه
د.: أقصد لو مجتيش مكتبي”وغمز” مش هتعدي من المادة ياشريفة هانم.. ادخلي اعدي عشان نكمل المحاضرة
دخلت اعدت وطبعًا بعيد عن زمايلي لأن كلهم بعدوا عني والمحاضرة خلصت ومحدش مكلمني وانا مش فاهمة هما عرفوا اي بالظبط لحد وقفت بنت ملتزمة جدا كنت عارفاها معرفة سطحية
-لوسمحت متسيبينيش وتمشي لوسمحت مش هطول والله بس انتو متغيرين كدا لي انا عملت إيه
= اتكلمت وهي بعيد شوية وباصه للارض.. افتحي جروب الدفعة الكبير مش الصغير وانتي تعرفي.. عن اذنك ومشيت
وفتحت فعلا الجروب لقيته شير كل حاجه بعتهالي فيديوهات وصور وشات وفويسات وكل حاجه وهددني بيها فعلا وطبعا معانا الدكاترة وعميد الكلية وكلهم عرفوا ومن هنا فهمت الدكتور كان قصده إيه بكلامه وبُعد زمايلي .. ولقيت العميد باعتلي لمكتبه وروحتله
ع.: ميادة طبعا انتي شايفة اللي حصل وده مش قليل علي بنت زيك وطبعا سمعة الكلية هتبقي ف الارض بسببك وانا مش هقبل حد يشيلني من منصبي عشان غلطك ده ف أنا هتضطر أفصلك
=بصيت للارض وبكيت ومش رديت وفعلا اتفصلت
روحت منهارة ومش عارفة اودي وشي فين من الناس ومش عارفة اقولهم إي تاني ف البيت قابلتني ماما
– مالك ياميادة؟؟
= انا بعياط عمل بتهديده ياماما واتفصلت من الكلية
– متزعليش ربنا هيعوضك انتي توبتي وربنا بيطهرك من ذنوبك وده تمن غلطك اتحمليه
= …..
– ادخلي ريحي شوية وصلي
*بعد سنة*
-افتحي الباب بيخبط ياميادة
=حاضر ياماما
~ ازيك ياميادة
= بصدمة الحمدلله يادكتور
-مين ياميادة
= ده عميد الكلية ياماما
~ طب مش هتقوليلي اتفضل؟!
=اه اه طبعا اتفضل يادكتور.. لحظة انادي بابا وماما
/ ازي حضرتك
~الحمدلله بخير يا أبو ميادة
/ زيارة غير متوقعة بس جميلة من حضرتك.. تشرب إيه
~ ولا اي حاجه انا جاي أخد رأيكم ف موضوع لو وافقتوا يبقي خير وبركة وخير البر عاجله
/طبعا طبعا اتفضل
~ابني دكتور ف الجامعة ومش لاقي احسن من بنتك وانا جاي طالب ايدها لابني
/يابيه احنا ناس على اد حالنا ومش حمل بهدله تاني ومش ان كان ع اللي حصل…
~قاطعه ان كان ع اللي حصل ف ربنا غفور رحيم ولولا ده مكنش ابني طلب ايد بنتك بس هو مستني ردكم عشان نيجي انا وهو ووالدته قولت إيه
/طب ادونا وقت بس افهمهم وارد عليكم
~علي خيرة الله استأذن أنا
=بابا حصل إيه هو قال إيه
– اتكلم ياراجل ساكت ليه
/ جاي طالب ايد بنتك لابنه
-إيه هو جاي يعمل كدا عشان يكسر عينها تاني
=…..
/لأ انتي فهمتي غلط هو ابنه قال انه حبها وعرفها م اللي حصل ده وهو وابنه موافقين بيها وقالي إن ربنا غفور رحيم وانتي ياميادة يابنتي فكري مع نفسك وردي عليا
= افكر اي يابابا انا معرفش ابنه ده مين وبعدين يابابا بعد ال عملته انا مليش عين اقول رد الرد رد حضرتك وماما عن اذنكم رايحة أصلي
– هنعمل إيه
/ مش عارف حاولي انتي اتكلمي معاها وشوفي وخليها تصلي استخارة وتشوف فيه إيه
– انا من رأيي نوافق ده محدش جالها من ساعة اللي حصل ويوم ما جالها جالها دكتور مرة واحد ولو اني خايفة يبهدلهابس مش عارفة اتصرف انا محتارة
*بعد يومين*
= الو
– ايوة سلام عليكم
= وعليكم السلام ازيك يابو ميادة
– الحمدلله بخير يادكتور وحضراتكم عاملين إيه
= إحنا بخير والعريس مستني الموافقة ها قولتوا إيه
– والله حضرتك احنا لحد دلوقتي مش عارفين نقول إيه
= طب مانديهم فرصة الخطوبة وهي الخطوبة اتعملت ليه مش عشان يعرفوا بعض
– معاك حق
= خلاص ع الخميس الجاي بعد العشاء جايين نتفق على كل حاجه
– تشرفوا
………..
*الخميس*
=ميادة البسي وظبطي نفسك كويس وخلي عينك باستمرار ف الارض عشان تعدي الليلادي ع خير وربنا يستر
– حاضر ياأمي
…………
-امال فين عروستنا
=نادي ع ميادة يام مايادة تشوف عريسها
وجات ميادة اعدت وعينها ف الارض زي مامتها ماطلبت
– نسيب العرسان مع بعضهم شوية بقي
……….
=هتفضلي باصة للارض كدا مش هتشوفيني حتى؟!
-…
طب بصيلي!؟
= رفعت راسي واتصدمت.. انت؟!!!! إيه جاي عشان تذلني تاني!!! مش كفايا كلامك ال سمعته وقلة ادبك
– اسمعي بس انا عارف اني كنت قليل الذوق لكن السنة دي علمتيني كتير اوي انا مكنتش بصلي ومكنتش ملتزم ومكنتش انسان كويس وانتي مكنتيش بتفارقي خيالي ولما كنت اشغل نفسي كنتي بتجيني ف منامي والصدفة الغريبة إن بابا عارف انك صادقة وتوبتي وعارف انك كنتي مراهقة وانا بسببك بقيت واحد تاني خالص وكنت عارف اني لو جيت مع والدي المرة اللي فاتت مكنتيش هتوافقي حتي تقابليني اديني فرصة واحنا ف النور ومش هشوفك غير ادام اهلك ف بيتك مش هنخرج لوحدنا مش هقرب منك غير لما تكوني ع ذمتي ومع اول غلط مني سبيني وانا هبعد.. واشترطي اللي انتي عايزاه تمام
=…….سبني افكر
– واحد اتنين تلاتة اربعة خمسة خمس ثواني ها فكرتي ها هااا
=ضحكني غصب عني وبصيت للارض
وبعد مامشيوا
-ماما ممكن اسألك سؤال
=اسألي ياميادة
– طول فترة ال حصل ده وانتي بتتمتمي بحاجه انا مش سامعاها ومش سألتك عليها ممكن تقوليلي
= ولو قولتلك هتعملي بيها ؟!
– اممم طب اعرف الاول
= لا توعديني الاول
– خلاص وعد هعمل بيها
= كنت بصلي على محمد الصلاة دي الوحيدة ياميادة اللي بتتقبل بأي حال من الأحوال وربنا بيغير بيها مسار حياة وبتفتح بيها ابواب مقفولة صلي علي النبي طول الوقت وانتي دنيتك تبقي احسن ع نية إن ربنا يتصرف ويدبرك حياتك للخير وعليكي بقيام الليل ياميادة الحاجتين دول بيعملوا معجزات العقل ما يتخيلهاش
– بس ياماما انا مش واثقة ان فعلا انا يبصلي دكتور ويوافق عليا بعد اللي حصل
= قولتلك الصلاة دي بتعمل معجزات صلي معايا عليه ولو هو خير ليكي هيقربه منك ولو شر هيبعده عنك
– حاضر ياماما اللهم صلي على محمد
*بعد شهور*
= عاملة إيه هتقوليلي الحمدلله كويسة وانت؟ هقولك كويس ياقلب قلبي هتقوليلي و بعدين هقولك آسف ف خدي شوفي الحاجات دي تعجبك كدا..؟!
– مقدرش امسك نفسي من الضحك وصوتي علي..
بقولك عايزة اسألك كام سؤال كدا
=اسألي ياستي بس الاول حماتي القمر فين وحمايا السكره عايز اسلم عليهم
– جايين اهو
= طب اسألي عبال ماييجوا
– انت ليه اختارتني
= قولتلك عشان مفارقتيش خيالي ولا منامي وانتي ليكي الفضل ف تغييري.. إنتي بقي وافقتي ليه
– عايز الصراحة
= اها جدا يسطا
– يسطا فيه دكتور جامعة يقول يسطا????
= ماتخلصي يزفتة وجاوبيني
– انت بتزعقلي طب هقول لما اعاااااا ياماما
=يامجنونة انتي اششش اشش خلاص
– ايوة كدا
=طب قولي بقي وافقتي ليه
-عشان يسيدي من ساعة ما كنت عايز تشيلني المادة وباباك فصلني من الكلية انا مكنتش اعرف انكم اب وابنه بس كنت بدعي طول الوقت ده ربنا يهديك ويهدي عميد الكلية ويرجعني بس واحدة منهم بس اتحققت
= اممم يعني كنتي بتدعي إنه يهديني بس مش بحاجه تاني هاا
– احم هو الجو حرر ليه فجأة كدا
=هو احنا ف شتاء بس كسوفك هو اللي حررك كدا ههههههههه
– بصيت للارض وابتسمت بخجل
*بعد شهرين*
“بارك الله لكما وبارك عليكما وجمع بينكما في الخير”
-حضن الحلال احلي بكتير يابنت قلبي
= نعم هو كان فيه حضن حرام
– ها اي لا مين قال كدا
=????
– بسبوستي بحبك
=بعشقكك
*****
-زيااااااااد هاااايييييييي
=زييييزووووو زوزتييي
-ايه يامجنونة بتنادي على عيل تايهة
=ولاااا افرح يلااا
-ولااا يامهزءة اشجيني
=انا حامل
-ايه؟!!!حامل!!
=اهااااا ي حب
-طب اي بنت ولا ولد
=بنوتة هتسميها إيه
-هسميها حياة
=وبالمناسبة القمر دي عندي خبر قمر زييك
-قول كدا وفرحني
=اممم عميد الكلية رجعك كليتك تاني
-وااااااوو ياحياة قلبي وافراحه ولقيت ال مسكني من قفايا
هو مش قولتلك متغنيش تاني عشان صوتك بيلم الدبان
=آسف يصحبي آسف
-متجوز واحد صحبي انا متجوز صحبي
=بس صاحب قمر يصحبي
-قمر بالستر يختي
=بحبك
-بعشقكك
????????????????????????
تمت
لقراءة باقي حلقات الرواية : اضغط هنا
نرشح لك أيضاً رواية امرأة بطعم الوجع للكاتبة أماني عنان.
