اسكريبت أحببته في مهمة الجزء الثاني 2 بقلم أسماء ابراهيم
 |
| اسكريبت أحببته في مهمة الجزء الثاني 2 بقلم أسماء ابراهيم |
اسكريبت أحببته في مهمة الجزء الثاني 2 بقلم أسماء ابراهيم
انتي بتعملي اي عندك…
ورد بتوتر.. داده حليمه خضتيني..
حليمه.. اي دخلك مكتب البيه انطقي بدل ما اقوله انا اصلا مش مرتاحه لوجودك في البيت..
ورد.. أبداً يا داده كنت بدور علي ورقه عشان اكتب جواب لاهلي في البلد.. منتي عارفه اني مش معايا رقم حد من البلد زاي ما قولتلك عشان كده هبعت جواب لماما..
حليمه بشك.. متاكده من كلامك ده..
ورد.. اه طبعا ويلا عشان هموت و انام..
حليمه.. امممم طب و الورقه..
ورد.. هااا اه اخدتها اهي يلااا تصبحي على خير..
فلت منها الحمدلله كويس انها مسمعتش ولا شافتني..
*********
تاني يوم صحيت اتوضيت وصليت.. نزلت تحت كان قاعد كالعاده قاعد علي السفره ومستني الفطار مغرور اووووي..
لقيت الا مسكت ايدي.. صباح الخير يا ورد..
ورد ببتسامه لطيفه.. صباح الهنا علي اجمل ندي.. صحيتي بدري ليه..
ندي.. حلمت حلم وحش وخوفت منه.. ممكن تبقي تنامي معايا عشان بابي مش بيرضاا ينام معايا..
ورد حضنتها.. من عيوني حبيبتي هنام معاكي وهكيلك حدوته كمان
ندي.. انا بحبك اووي يا ورد..
ورد بحب.. و انا بحبك اكتر.. يلا عشان نفطر في الجنينه..
ندي.. لاااا بابي مش بيرضاا..
ورد.. متخفيش يلا بس..
كان شايف كل حاجه وشايف قد اي بنته مبسوطه..
كنت متوتره وانا بقرب منه خايف يزعقلي بس اتكلمت..
ورد.. عدنان بيه ممكن اخد ندي و نفطر برا في الجنينه..
عدنان.. امممم ماشي بس خلي بالك منها
ورد.. يلا بينا يا ندي..
طلعت انا و ندي عينه كانت علينا.. هو حلوه و جنتل كده في نفسه.. بس مغرور بردو.. اي يا ورد انتي نسيتي انتي هنا ليه ركزي في شغلك وبس.. وبعدين دا لو عرف حقيقتك هيعمل منك بطاطس محمره..
فضلت العب مع ندي لحد ما جالي اتصال.. ايوه يا فندم كل حاجه تمام و الورقه معايا.. تمام يا فندم هكون عند حضرتك.. فجأه سمعت صوت ورايا
عدنان.. بتكلمي مين..
ورد بارتباك.. هاا أبداً يا بيه دا الدكتور بتاعي اصل كنت تعبانه قبل ما اجي هنا والنهارده الاستشارة بتاعتي..
عدنان بشك.. اممممم و اسمه اي الدكتور ده..
ورد.. اسمه.. اسمه احمد عادل يا بيه..
عدنان.. طب يلا عشان اوصلك.. انا رايح الشركه..
ورد.. لا يا بيه تقدر تروح انت اتفضل..
عدنان بعصبيه.. بقولك يلا انا مستني في العربيه..
خوفت منه و من صوته حاسه انه هيعمل فيا حاجه.. روحت معاه و ركبت العربيه و فضل ساكت لحد ما انا قطعت الصمت ده..
ورد.. هو حضرتك ساكت كده علي طول..
عدنان….
ورد.. طب رد عليا يا بيه محنا زاي بعض بردو..
عدنان.. اسكتي بقااا افصلي شويا..
ورد.. طب براحه يا اخويا لا يطقلك عرق..
عدنان وقف بالعربية مره واحده… انتي قولتي اي انطقي..
ورد بخوف.. لساني الا يتشال هو الا قال مش انا يا بيه صدقني ينقطع لساني ياارب..
اي ده دا ضحك يا جماعه هو سخون ولا اي….. اي ده اي ده انت بتضحك زاينا و كده فكرت انك مش عندك أسنان والله… لا بس الصراحه ضحكتك حلوه اخدت ق….
عدنان.. خلصتي يلا انزلي وصلنا..
ورد.. ماشي يا قمر يا ابو ضحكه جنان انت..
عدنان.. وررررد..
ورد.. خلاص يا بيه انا غلطانه اصلا اني بعاكس.. طريق السلامه يا بيه..
عدنان ضحك علي عفويتها.. ومشيه بالعربية..
**********
ورد… ادخل قوله ورد بس وهو عارف..
دخل العسكري وطلع بعدها.. اتفضلي ادخلي..
*اي الاخبار يا حضرت الظابط نور.. ولا نقول ورد
رفعت ايدي وقولت التحيه.. تمام يا فندم..
