Uncategorized

رواية كان لي سنداً الفصل الثاني 2 بقلم مريم أبو شامة

 رواية كان لي سنداً الفصل الثاني 2 بقلم مريم أبو شامة

رواية كان لي سنداً الفصل الثاني 2 بقلم مريم أبو شامة

رواية كان لي سنداً الفصل الثاني 2 بقلم مريم أبو شامة

لقيت ياسين واقف قدامي وبيبصلي بخبث حقيقي مكنتش عايزه اتكلم معاه واتجاهله وامشي بس لقيت نفسي ببتسمله وبقوله 
_ الف مبروك  ..  حقيقي فرحتلك جدا  ..  واه خطيبتك كلها ذوق 
قرب مني وقال 
= الله يبارك فيكي ي  …  ي ندوش 
زهقت من دلعه ليا هو مش م حقه يدلعني قولتله ونا متعصبه 
_ ندوش ف عينك…  اي ندوش دي  انسه ندي 
ضحك بسخريه وقرب وهمس ف وداني وناا وقتها قلبي الغبي دا دق ما انا لسه بحبه باين 
= من شهر واحد بس  كنتي بتقوليلي ي ياسو  وبقولك ي ندوش اي الل تغير 
لسه هتكلم لقيت الله يبشرها بالخير شمس بتشده من قفاه وهي بتزعق فيه  سفعته كف خماسي  ..  والله وبالله انا كنت عايزه ابوسها ع شجاعتها دي 
كان هيمد ايدو عليها بس الكليه كلها اتقلبت طبعا وشافوه وهو هيمد ايده ع بنت  
الشباب زعقو فيه ومعيد الكليه جه وروحنا هناك دخلت انا وهو وشمس كل دا ونا مشوفتش محمد لا هو دافع عني ولا انا شوفته اصلا 
كنت خايفه اوي لان ياسين دا باباه كبير ف البلد وكدا 
_ عايز اعرف اي المسخره الل حصلت م شويه دي هو انتو اطفال 
اتكلمت شمس بهمجيه وصوت عالي 
= اسأل الاستاذ المشمحترم الل بيتحرش ببنات الناس 
هو اه كان معاها حق بس اسلوبها ف الكلام هيودينا الحبس بإذن الله 
اتكلمت بهدوء وقولتله 
** انا هشرح لحضرتك كل حاجه 
كان هو واقف بيتفرج علينا واكنه بيتفرج ع فيلم كوميدي ومش هامه حاجه زيي ما يكون واثق ان باباه ورا ضهره طبعا ومش هيأثر عليه حاجه 
** بص حضرتك انا كنت خارجه انا وزميلتي م المحاضره وفجأة الاستاذ وقف قدامنا وقطع طريقنا  ..  انا عارفه ان خطوبته انهارده فحبيت اباركله ف هو قل ادبه معايا ودا مش من حقه حتي كمان قرب مني جدا زميلتي طبعا ضربته قلم عشان يفوق لان دا غلط وهو بسلامته كان حابب انو يمد ايده عليها.  بس ووالله هو دا الل حصل 
بصلي شويه وبعدين قالي 
_ تمام يبنتي تقدرو تتفضلو وخليك انت ي استاذ 
خرجت انا وشمس فعلا لقينا كل العيون علينا وطيت راسي ف الارض ومشيت لحد ما وصلت الباب عشان اخرج لقيت الل بيناديلي 
_ انسه ندي 
اي دا دا محمد كنت فين يخويا وناا بتهان  .. وقفت وشمس قالتلي انها هتمشي 
= احم اتفضل 
مسك ايدي…  ايتا ايتا لا ميصحش اكده يولدي احنا صعايده والعار ولا التار… احم سوري التار ولا العار ????
وزيي ما قولت مسك. ايدي وشدني وراه وناا مزهوله م الموقف والحمد لله اننا كنا برا عشان كلام البنات 
ركبت معاه العربيه م قدام وهو فضل سايق  ..  كان وشه احمر تقريبا الجو حر  
يعني مش زهقان تؤتؤ  ..  الجو حر 
سايق بسرعه كبيره جدا وناا همووت وقوله 
_ عندكوووو شامبووووو  ..  احم بهزر 
هموت وقوله  _ براحه اللهي يسترك 
بس الحمد لله وقف بس ايتا مش البيت كان واقف قدام الكورنيش وه وهيجبلي حمص الشام بقاا وكدا 
_ انزلي 
= اهو نزلت ف اي بقاا وجايبني هنا لي 
_ مين دا 
اتلفت حواليا ونا مستغربه وبقوله 
= هو مين…  فين دا 
بزعيق وصووت عالي سيكا رد عليا وقالي 
_ ما تستعبطيش ي ندي  ..  مين الل كان تقريبا هيبوسك دا 
ك رد فعل تلقائي حطيت ايدي ع شفايفي وناا بضرب بحركه مشهوره وبقول 
= يفضحتشي منا قولت التار ولا العار 
مسك شعره وجز ع اسنانه لحد ما سنانه طلعت صوت اي دا مزيكا.   ميوزك محمد الريس.  ( احم مش وقت هزار) 
بصلي وعيونه حمرا  ( انا قولت مصاص دماء مصدقتونيش) وقالي 
_ مين الل عمل معاكي مشكله ي ندي 
= ايتا هو انا بتاع مشاكل يبني انت تعرف عني كدا 
انا مكنتش عايزه ااقوله حاجه لاني تكه وهنفجر ف العياط  ..  ااقوله دا الشخص الوحيد الل حبيته وسابني  ..  ااقوله ان خطوبته انهارده وانا لسه بحبه 
لو اتكلمت هعيط بجد وناا مش جاهزه انو حد يشوف دموعي ويقول عليا ضعيفه ناا قويه  .. ايو قويه انا الل قادره ع التحدي والمواجهه  .. طب عافيه زوق الله.
قرب مني وناا رجعت لورا گ رد فعل  لسه هيفتح بوقه يتكلم قفله تاني وهي بيضم ايده لحد ما عروق ايده بانت ومفاصله ابيضت 
خلااص كدا وصلت بيتي اهرب بقاا لسه هفتح الباب وانزل لقيته بيقولي 
_ ندي 
= نعم 
_ اعملي حسابك انك جايه معايا خطوبة انهارده ومش عايز اعتراض
مدنيش فرصه ارد اصلا ونزل م العربيه وسابني 
نزلت جري وراه وانا بنادي عليه
_ انت ياااض طب ياااض ي انت … الله هو انا كلبه ولا كلبه 
لحقته  عند الاسانسير وحطيت رجلي زيي ما بشوف ف الافلام بيحطوها عشان الباب ميتقفلش بس اي دا كأن طور داس عليها 
الاسانسير كان تكه ويشلهالي دخلت لقيته بيضحك عليا بس من غير صووت 
الله م انت بتضحك حلو اهو اومال لي احمد العوضي بتاع طول اليوم دا 
وقفت وقولتله 
_ خطوبة اي دي الل هجيها معاك وبمناسبه اي وبعدين انا مالي ما تاخد بنت خالتك انا عندي مشوار بالليل 
= طيب تمام براحتك انا بس قولتلك وطالما انتي موافقتيش اخد فاطمه وروحي انتي مشوارك 
فاطمه مين دي الل ياخدها معاه دا انا كنت اعيط والله طب اي  … تلقائي رديت وقولتله 
_ الساعه كام الخطوبه يبني 
خرج وهو بيضحك وقالي 
= ثمانيه ونص ي  ..  ف الوقت دا بصلي وغمزلي وكمل كلامه 
=  ي فراشتي 
يااااااااااه اي الحلم دا قلبي الصغير لا يحتمل والله…
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عنيد غير حياتي للكاتبة لبنى عبدالعزيز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى