رواية خطة رنا الفصل الثاني 2 بقلم روني محمد
رواية خطة رنا الفصل الثاني 2 بقلم روني محمد |
رواية خطة رنا الفصل الثاني 2 بقلم روني محمد
رنا بخوف : بص .. بص انا بص هقولك .
أمجد : تقولي ايه وزفت ايه بس ..
حمادة : في ايه يا باشمهندس في حاجه ولا ايه
أمجد بغيظ : انت تخرس خالص
رنا : لا بردو ميصحش ده حماده تعب معايا من كتر اللف مينفعش تقوله كده
أمجد : مانتي متجوزه خروف عشان مش عملالي اعتبار وتمشي مع شحط زي ده ومتسمعيش كلامي
رنا : انا مش هرد عليك ، يلا يا حماده ساعدني اطلع الحاجات دي فوق…
مسكني من قفايا
امجد : يطلع فين ياختي
رنا : أحم… طب بالسلامة انت يا حمادة زوجي وقره عيني هيساعدني..
حماده : بس انا…
أمجد سابني ولسه هيبص لحماده ، واكيد هينفخ النار حالا ويحرقه…. انا بقى اخدت بعضي ويا فكيييك جريت على فوق …..
أول ما رنيت الجرس ، ريم فتحت و تقريبا كانت شيفاني من البلكونة ، جريت على أوضتي قبل أبو لهب ما يحصلني
ريم : ها انجزي ايه حصل
رنا : استني شويه وانتي هتلاقي عربيه المطافي جايه وتعرفك ايه الي حصل
-: لا بجد انا مسمعتش امجد كان بيقول ايه
مكملناش كلامنا ولقيت في صوت زعيق برا طلعت من اوضتي انا وريم ، ولقيت أمجد واقف يشتكي لبابا اني مسمعتش كلامه ورحت مع حماده ، اخدت نفس بعد ماريم زقتني باتجاهم و، وقررت بقى اني اخد حقي وبابا واقف اكيد مش هيعرف يعملي حاجه
_: انا طلعت قلتله يابابا يجي معايا وهو رفض عشان مش فاضي اصله كان بيلعب بالموبيل …
خطة رنا…… روني محمد
امجد بغضب : بس افتكري ان قولتلك حماده زفت ده متروحيش معاه في حته…
رنا ببرود : يعني كنت عاوزني اسقط مثلا انا عندي امتحان بكرة وكنت محتاجه اشتري حاجتي عشان الامتحان…
أمجد : متسقطي ولا تتزفتي بردو متروحيش معاه
الاب : لا بردو يا امجد مينفعش الي انت بتقوله ده وبعدين حماده ده من سن كريم ومتربي معاها زي اخوها…
أمجد : عمييييي متعصبنيش انت مش شايف شكله عامل ازاي بعضلاته الي نافخها دي ده ولا جون سينا
رنا : قول بقى انك متغاظ من عضلاته
اترعبت ورجعت لورا لما لقيته بيضغط على سنانه وبيبرقلي
-: اده انت هتكولني ولا ايه
_: اخفي من وشي عشان كلمة كمان وهكسرلك دماغك..
الاب : انا مش عارف ولله انتم هتعقلوا امتى ؟
امجد : بنتك الي مستفزه
رنا : انا مش هرد عليك عشان انت في مقام جوزي
طلعت لساني كنت قاصدة اني اغيطه وجريت على اوضتي..
بعد وقت
ريم : ابتدينا اول خطوه واهي نجحت..
رنا : نجحت ايه انتي مش شيفاه كان عامل ازاي ده كان هيمص دمي شبه مصاصين الدماء…
ريم : دي الغيرة يا رورو الغيره هيييييييح
رنا : ولله انا خايفة توديني في داهية بأفكارك دي
ريم : امشي ورايا بس مش هتندمي…
رنا : لما اشوف اخرتها معاكي ايه ها ناويه على ايه تاني..
-: خالد ابن خالتك رجع من يومين من السعوديه
-: يا شيخه ولله ده كان واحشني اوي
-:ايواااا اثبتي على موقفك كده وخليه واحشك لغايه لما نعزمه ويجي يتغدى معانا بكرة…
-: اده بجد انا نفسي اشوفه اوي..
-: اسمعيني بقي وخليني اكمل الخطة
-: سامعتك لما نشوف
-: احنا هنعزم خالد وكمان أمجد عالغدا
-: ها وبعدين
-: انتي بقى تستني الوقت الي أمجد يكون موجود فيه وتدخلي تسلمي على خالد
_: طب وايه يعني منا بسلم عليه عادي قدام امجد
-: لا يا غبيه انا عاوزاكي تاخديه بالحضن
-: استغفر الله العظيم لا طبعا ده حرام
-: انتي يا بت واكله فول ايه الغباء ده ، هو مش خالد يكون اخوكي فالرضاعة
-: اه
-: يبقى مش حرام
-: طب وأمجد ده ممكن يقتلني انا وخالد
_: سيبك من أمجد ولا هيقدر يعمل حاجة وابوكي موجود…
-: تفتكري ؟
-: اه
-: انا لو مت وصيتك العيال يا ريم
-: مش لما تتجوزي الأول تبقى تفكري فالعيال…
في اليوم التالي
ريم : يلا يا رنا اطلعي يالا سلمي عليه
رنا : انا خايفة
ريم : انجزي وحاولي تكوني رقيقه بدل صوتك الي شبه جعفر أفندي ده
رنا : طيب ربنا يستر
……
رنا برقه : أزيك يا لودي
ريم بهمس : الله يخربتك انتي بدلعيه قدام جوزك.. بتجودي من عندك يا رنا….
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي