رواية صغيرتي الفصل الثاني 2 بقلم غادة صلاح

الاتنين بصوت واحد:لا لا مش وقته

فهد:هنعمل اي في البلوه دي

حور:مش عارفه، يارب بس هو احنا ناقصين

فهد:افضلي انتي معاها

حور: نعم افضل مع مين انت اتجننت؟عندي شغل واجتماع مهم دا المدير يطردني خدها انت

فهد:نعم،هو اي اللي خدها معاك انتي بتهزري

حور بقله حيله:طب هنعمل اي مش هينفع نسيبها هنا

فهد:نوديها لحد من الجيران ولما نرجع ناخدها

حور:هتقلهم اي

فهد:بنتنا

حور:وجبتها ازاي معلش واحنا لسه متجوزين من 3شهور

صوت الصريخ والعياط بيذيد ويملي المكان،فهد بيتسحب واحده واحده من ورا حور، ويطلع يجري

فهد:اتصرفي انتي

حور بخضه:فهد انت اتجننت استني

كان فهد ركب العربيه ومشي،بصت ليها حور بضيق وراحت شالتها وركبت العربيه ومشيت.

كانت سايقه العربيه وشيلاها وبتتكلم في الفون

حور:جايه في الطريق 5دقاق واكون عندك……..، طب اهدي بس هما وصلوا ولا لسه……،جهزتي الورق……5دقايق بس

وبصت ل روز، م تسكتي بقاااا……لا لا مش انتي والله بكلم روز…..هفهمك لما اوصل

بعد عشر دقايق بتجري في الشركه وماسكه ورق في ايدها وشايله روز علي كتفها وكله بيتفرج عليها ومستغرب، وصلت المكتب

هبه:اخيرا جيتي، مستر محمود علي اخره،الله اي دي مين دي؟

حور بتاخد نفسها بصعوبه:شيليها بس وهاتي الورق

ادتها روز وخدت الورق وطلعت تجري

هبه:حور استني يخربيتك اي دي

بصت هبه للطفله:شكلك جعانه ي حبيبتي تعالي اشتريلك لبن 

خدتها للكافيتريا تشتريلها لبن

في قاعه الاجتماع تدخل حور بسرعه وهي بتنهج يبصلها الكل ومستر محمود يبصلها بعصبيه ويجز بسنانه حور بتقرب منه.

محمود:اجتماعنا الساعه كام

حور:احم 9

محمود: ودلوقتي الساعه كام

حور:احم احم 10الاتلت

برق محمود ليها:فين ورق الصفقه

حور:معايا

محمود:لو خسرت الصفقه دي هطلع عنيكي

حور: اطمن هبدا دلوقتي

بدأت حور كلام وتشرح للعميل كل حاجه بخصوص الشغل

بعد 10دقايق صوت عياط شديد وصريخ، تخش هبه قاعه الاجتماع وهي شايله روز بالعافيه وتصرخ في وش حور

هبه بزعيق:امسكاااااااااااااي مبتفصلش عياط دماغي انفجرت

حور وشها احمر وبصت ل محمود وللعمله وحاولت تهدي روز، وهي بتعيط اكتر وتصوت  محمود اتعصب وقام ناحيه حور والعملاء وقفوا كلهم يبصوا ل بعض.

محمود:انتو اتجننتوا، اي دي سكتيها

حور:بحاول بحاول

جريت هبه من القاعه ومحمود اتعصب اكتر وزعق في وش حور وصوته رج المكان وبعدها بص ل روز

محمود:اخرسي بقا يابلوه انتي  اي صداع مبتفصليش 

ومد ايده بسرعه عشان يشدها بقوه

سكتت روز وبصتله وعنيها كلها دموع وماسكه في بلوزه حور بخوف

اتعصبت حور وبعدت روز عنه واتكلمت بزعيق جهنمي وعنيها احمر ومدت صباعها قدام عينه:اخرس انت، اياك تكلم بنتي بالطريقه دي والا هقطعلك لسانك قطع وايدك دي متلمسهاش ،ملعون ابو الشغل اللي يهين بنتي، وميشرفنيش اشتغل مع واحد ذيك دقيقه واحده واستقالتي هتكون علي مكتبك، وكملت بصوت اعلي، واحد حيوان 

طلعت حور من القاعه في صدمه الكل محدش عارف ينطق ومحمود ف1ل باصص بزهول من كلامها.

طلعت حور بنرفزه وهي شايله حور خدت شنطتها وطلعت ركب العربيه وساقتها، حطت روز في الكرسي اللي جنبها وساقت العربيه ،اتصلت ب فهد

حور بنرفزه وصوت مخنوق:فهد

فهد:حور مالك في اي صوتك ماله انتي كويسه، الصفقه تمت ولا لا

حور:لا سبتهم ومشيت وقدمت استقالتي

فهد:اي اللي حصل

حكت حور اللي حصل

فهد:بنتك مين؟

حور:روز ي فهد،مقدرتش استحمل كلامه معاها مش يزعقلها انا قلبي ولع لما شفتها ماسكه فيا وخايفه منه اتخضيت عليها كنت حاسه انه بياخد روحي في ايده

فهد:اللي عملتيه صح واهدي كدا وكلها ساعتين واشوفك في البيت

حور:ماشي، سلام

قفلت حور التليفون وبصت ل روز، لقتها فاتحه بقها وعنيها بتلمع وكاأنها بتبتسم بفرحه، ابتسمت حور لضحكتها وشالتها بسرعه حضنتها وباستها من خدودها وروز ضحكت اكتر ،حور هديت وقلبها ارتاح لما شافت روز كدا

حور:انتي بنتي القمر مستحيل اسمح لحد يأذيكي طول منا موجوده هفضل احميكي

ضحكت روز وميلت راسها علي كتف حور،حور ضحكت وحضنتها.