رواية في قلبي أمنية الحلقة الثانية 2 بقلم إيمان فتحي
 |
| رواية في قلبي أمنية الحلقة الثانية 2 بقلم إيمان فتحي |
رواية في قلبي أمنية الحلقة الثانية 2 بقلم إيمان فتحي
مروة : شغل اي حضرتك، أنا منطلبش مني حاجة
احمد بتزعيق : هو انا مش قايلك على شوية حاجات عايزها على الكاد !! وطلبتها على اللاب النهاردة
مروة : بص يبشمهندس أحمد من غير تزعيق أنا اصلا كنت ماشية ….التعامل بتاع حضرتك صعب على شخص زيي وأنا مش مسؤولة عن ردة فعلي على اسلوبك دا بعد كدا
أحمد : وانتي فاكرة اي الشغل هزار ؟ …يعني ازاي عايزة تشتغلي ويكون ليكي مرتب وكيان من غير ماتبذلي أي مجهود ..زمايلك كلهم سلمو شغلهم و اولا : انتي جاية متأخر ومسلمتيش أي حاجة ثانيا قاعدة تفطري وتتكلمي مع ناس ولا كأنك في شهر العسل
طارق : هوب هوب هوب ..إي ي احمد انا مش ناس يعم ..ثانيا و بيبص لمروة : انا مرضتش أضيع من إيدي فرصة إني اشوف القمر الل بيطلع بالنهار
أحمد ومروة مصدومين
مروة : احم.. أستاذ أحمد ممكن اكلم حضرتك على انفراد
احمد : إبذلي شوية مجهود يمروة أنا مش بحب الاستهتار ولو على التعليم هتتعلمي ..الCV بتاعك حلو على طالبة لسة متخرجة وتقديراتك في الكلية حلوة ليه تضيعي من إيدك فرصة إنك تكوني حاجة كويسة
مروة بصت في الارض : أنا خايفة افشل يبشمهندس ..خايفة أعمل مشاكل تورطني وأنا مش ناقصة
أحمد : كفاية كلام في الفاضي ..عدي عليا الساعة 2 كدا أنا فاضي اشرحلك الل فاتك وهتكون اول وآخر مرة أعمل كدا تيجي في معادك بالدقيقة ..وادخلي لوقتي هما بدأو شغل جوا ..ودوري على مستقبلك ب ايدك يمروة، دوري واتعلمي النجاح مبيتقدمش على طبق لازم انتي الل تطبخيه
مروة : حاضر
احمد : احم…متقعديش لوحدك في الكاڤتيريا تاني
مروة : قصدك على كلام البشمهندس الطفس الل ضيع عليا كوباية الشاي دا …
احمد بابتسامة : أنا عارف طارق مش هيدايقك تاني ..سلام
راحت على القسم وقعدت تشتغل مع زمايلها أخدت منهم الحاجات الل فاتتها
خالد : بشمهندسة مروة
مروة : ايوا يبشمهندس خالد
خالد: بقولك إي إنتي الل فاتك محتاج شوية شرح ومفيش وقت لاننا خلاص هننزل نعاين وهننزل مواقع الاسبوع الجاي لو حابة اشرحلك حاجة انا موجود
خالد مهندس من دور مروة
مروة : متشكرة جدا يبشمهندس خالد مش عارفة اقولك اي خلاص تمام الساعة 12بنكون فاضيين فاضي ؟
خالد بفرحة : طبعا استناكي بكرا إن شاء الله في الكاڤتيريا
راحت لمكتب أحمد
مروة : هو فين مش قالي انه موجود هنا على الساعة 2 …لسة هتخرج أحمد جه
أحمد : محتاجة حاجة يبشمهندسة !
مروة : حضرتك كنت قولت ليا أجي على الساعة 2 تشرحلي الل فاتني النهاردة
أحمد : اه افتكرت ..بصراحة كدا أنا غيرت رأيي مفيش شرح
مروة بنفاذ صبر : اااه شغل دايخ في زمن بايخ دا أنا مبحبوش
مروة بصوت عالي: ولما حضرتك هتغير رأيك مقولتليش ليه كنت روحت مع صحابي بدل ما انا هروح لوحدى
أحمد : ليه؟ نونو مش هتعرفي تروحي لوحدك
مروة : تصدق أنا غلطانة إني ممشتش من الصبح ..عارف انت خليتني يكون ليا نفس للشغل وسديت نفسي كدا لا هعرف اشتغل ولا اكل انا ماشية
أحمد قعد يفتكر لما شافها واقفة مع خالد وبيقولها هستناكي في الكاڤتيريا …وانا مالي طيب دي حتة طالبة لسة أنا عامل واصي عليها ليه اصلا إي شغل بنت أختي دا ..اوف لاعارف ازعلها ولا عارف اكلمها وهى اصلا هبلة
مروة : أنا يتلعب عليا كدا ..ودخلت البيت وقعدت مع أهلها على الاكل
عايدة بتريقة : عملتي إي يبشمهندسة مروة …هتحرري القدس امتا
مروة بابتسامة بلاستيكية : ماما خلينا ناكل في هدوء انتي طابخة فاصوليا وبتتريقي عليا
باباها رضا : المرتب الل هتاخديه أد اي مقالوش ليكي
مروة في نفسها : مرتب إي يبابا دا انا بروح اتهزء واجي ..دا انا هاكل واقوم اكتب ورقة استقالتي الجميلة
وليد : مرتب إي يبابا دا لو فضلت في الشغلانة هى مروة بتعرف حاجة
مروة : نينيننيني …أنا قايمة اخلص الشغل الل ورايا يجماعة تصبحو على خير
عايدة : إي يوليد سدة النفس دي إنت يعني الل عدل انتو الاتنين افشل من بعض
وليد: إنتي بتقارني حتة المهندسة دي بيا انا ميكانيكي اد الدنيا
عايدة : يخويا اتوكس وانت عامل فيها بلية الحارة
عند أحمد في بيته
كمال : مساء الخير ي احمد وشك قالب كدا ليه ..ارحم نفسك من الشغل شوية
أحمد : تعال يبابا ..مش انت الل مربيني إن العمل شرف.
كمال : طب ماتاخد أجازة كدا روق على نفسك شوية اخطب اعمل أي حاجة غير الشغل
احمد افتكر مروة علطول اول ماباباه قال اخطب …لا يبابا معنديش وقت لما اخلص الكوبري الل الشركة واخده هبقا افكر في الاجازة
كمال : والخطوبة.. مامتك هتتجنن ممكن تصحى الصبح تلاقي نفسك مخطوب
أحمد بضحك : حاضر هى بس تركز مع اميرة اختي الل في ثانوية عامة وتفكها مني شوية
كمال : تصبح على خير
أحمد نام على السرير فضل باصص للسقف ..يترى مروة هتسيب الشغل فعلا ..انا اي الل خلاني زعقتلها مايمكن خالد دا عايز يديها حاجة ف الكاڤتيريا أنا غبي ومبفهمش يارب تيجي يمروة
مروة نايمة ع السرير : انا ليه موكوسة كدا ..كله بيتريق عليا هو انا فعلا فاشلة! ماهو من كتر الاحباط الل انا فيه ..افتكرت كلام احمد لما قالها دوري على نجاحك بنفسك . .. انا مليش دعوة بروح المحلل النفسي بتاعة الل اسمه احمد دا انا هشتغل واثبت نفسي واثبت إني مش فاشلة واثبت للافندي الل الجلالة واخده دا اني شاطرة ايوا انا مهندسة شاطرة لازم اكون بنت قوية واكون بنت سوبر ………بس أنا مش سوبر تصبحي على خير يدماغي يمدوخاني
تاني يوم الصبح كانت ماشية باللوح في ايديها
مروة : اليومين الل فاتو عدو بتهزيئ وتريقة وحرقة دم …يترى النهاردة التلات الجميل الل الناس كلها بتحبه هيعدي ازاي ????
وصلت الشركة على معادها
أحمد كان بيشرح وبيعدي على كل واحد يشوف شغله وصل عندها وكان بيعدل على شغلها
أحمد بصوت واطي جدا : أنا سامع إن هركليز كان هيستقيل
مروة بغضب : لو سمحت يبشمهندس إديني فرصتي إني اشوف شغلي واثبت نفسي وياريت حضرتك تبعد عني متشكرة جدا لخدماتك
أحمد : مش ماسكك ..اثبتي نفسك …وآه انا عايزك الساعة12 النهاردة
مروة : الساعة 12مش فاضية حضرتك..في واحد زميلنا هنا هيشرحلي الل فات
احمد لنفسه : بقا هو دا الل كنتي بتتفقي عليه مع خالد ..انا قولت على نفسي غبي مصدقتنيش
أحمد : لا هشرحهولك انا…الغي اتفاقك معاه
مروة : هو حضرتك بحالات!
احمد : الل قولته يتنفذ
مروة : وأنا مش هلغي اتفاقي مع حد انا وعدت الراجل عيب اوي لما اروح اقوله انا مستغنية عن مساعدتك
أحمد: ومتنسيش انك بتشتغلي عندي انتي وهو …. وبابتسامة قال : الساعة 12الاقيكي عندي خليكي كدا عقلانية وبتمنطقي الامور
مروة : أنا في روح شريرة بتطاردني أكيد.. انا الل فيه دا مش طبيعي اكيد هى الل بعتت ليا البني ءادم الل بيرازاي فيا رايح جاي دا …انا اي الل خلاني اقعد امجّد في نفسي طول الليل ..كان زماني مسلمة استقالتي وقاعدة على سريري فاتحة المسلسل بتاعى ومدفية
الساعة 12 راحت مكتبه
احمد : أهلا أهلا بالمهندسة العظيمة الل هتنافس ويليام بيكر
مروة : هو حضرتك يبشمهندس بتعامل بقيت الموظفين كدا زيي
أحمد : انتي شايفة اني بعاملك بشكل خاص
مروة : أنا محدش حسسني بفشلي قدك أنا بقيت كارهة الشغلانة بسببك….انا بفكر افتح عربية فول وابيع عليها اكرم ليا
احمد باستفزاز : بتعرفي تطبخي ؟
مروة : لا اقصد فول حيراتي …وبعدين خلينا في الل احنا فيه دا انت غريب جدا
احمد : انا اسف يمروة على الل عملته امبارح
مروة :صدقني انا عايزة اكون مهندسة شاطرة وكلامك امبارح اثر فيا اوي انا عايزة اكون حاجة في مجالي
احمد: وانا هساعدك يلا لوقتي اشرحلك الل فات
شرح ليها الل فات وكان كل شوية يخطف نظره ويقعد يبصلها …اد اي هى عفوية وجميلة انا الل مادة خام للنكد
احمد : كفاية كدا النهاردة
مروة : متشكرة اوي يبشمهندس
احمد : ماشي يستي .. مش هتروحي لوحدك اجري علشان تلحقي زمايلك
خرجت وراحت تمشي مع زمايلها
منى : إي الل بينك يمروة وبين بشمهندس احمد اي الحكاية البشمهندس احمد طول عمره كويس بس لما بيشوفك العفاريت بتركبه ليه؟
مروة : انا في المنطقة الرمادية عنده ادعولي تتحول لراية بيضا لانها لو اتحولت لسودة هترفد
روحت البيت وقعدت تفكر في قاعدتها مع احمد اد اي هو جميل وهو هادي وجنتل اوي…هو انا مسمعتش حس ماما ليه محدش يعني اتريق عليا ولا نكد عليا
دخلت اوضة مامتها لقتها قاعدة على السرير زعلانة
مروة : اي يماما رابطة دماغك ليه
عايدة : اخوكي مش عارف يسافر وابوكي حالته بتتأخر ومش عارفة اعمل اي يمروة ادعيلنا ربنا يصلح الحال
خرجت راحت اوضتها تفكر في الل مامتها قالته خلصت شغلها ونامت
تاني يوم
راحت الشركة بس كان وشها مقلوب
أحمد بعد مااخلص شرح راح ليها لقاها مبتتكلمش
احمد : انتي كويسة
مروة : كويسة
احمد : طب النهاردة الساعة 12متتأخريش
مروة : حاضر
كان مستغرب من طريقتها ومن سكوتها
بعد شوية شاف خالد واقف معاها وبتتكلم معاه وكانت بتضحك
طلعت ليه المكتب على الساعة 12
احمد : اي يبشمهندسة مروة جاية قالبة بوزك ليه ما انتي كنتي واقفة مع البشمهندس خالد تحت وهاتك يارغي ومزاجك حلو يارب ميكونش الامر شخصي معايا
مروة بانفعال : واي الل هيكون شخصي معاك انا اصلا مش ناقصاك ولا ناقصة طريقتك دي تعكنن عليا حياتي ..اسهل حاجة الواحد يبقا بيتكلم من برا ، بيبص من برا ،بيحكم من برا ..بشمهندس خالد كان بيعرض عليا يعمل شغلي لاني تعبانة مكنتش قادرة اشتغل انا اصلا مش هشتغل هنا لحظة من النهاردة مع بني ادم بيحط مكياج لاي حاجة تحصل وبيفهمها على طريقته
خرجت وروحت البيت
عايدة : راجعة بدري ليه يا مروة …تعالي عايزة اقولك على حاجة ..مرتبك مينفعش تخديه بدري الشهر دا ابوكي محتاج كشف ودوا
مروة : حاضر يماما هحاول
مروة : يادي الحوسة هو انا اصلا هرجع الشغل ازاي بعد البستفة الل عملتها في الراجل !!!
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
