Uncategorized

رواية بصير قلبي الفصل الثاني 2 بقلم اماني محمد

 رواية بصير قلبي الفصل الثاني 2 بقلم اماني محمد

رواية بصير قلبي الفصل الثاني 2 بقلم اماني محمد

رواية بصير قلبي الفصل الثاني 2 بقلم اماني محمد

أداااااااااام…. 
جريت بسرعه عليه، لقيته رجع لورا، بس بسبب تهوري شديته جامد، فدب، وقعت انا وهو حتة وقعه يفخري…. 
أدم=اااااه يضهري… مش تنقذيني بالراحه…. كنت هموت من الوقعه والله… 
طبعاً انا كنت مفرشحه على الارض، وقعه ثلاثية الأبعاد بعيد عنك كسرت الفقرات العصعصيه… 
شفاء وهي بتعدل فهدومها ومش باصه ناحيته=ما انا بنادي عليك اي ال موديك ناحية العربيات….هاااا كنت هتموت دلوقتي….بتبصله فجأة…
لا لا لا،لا كده احيييه بجد…..
ووقعت على الأرض،
ادم=شفاء شفاء انتي حصلك حاجه،شفاء وقعتي على دماغك طيب ولا اي،
ميل لتحت كده…شفاء قومي،يخربيتك هتجيبيلي مصيبه،شفاااااااااااااء….
قومت مفزوعه…
شفاء=لا والنبي،قلبي لن يتحمل…
يعني تبقا ضحكتك وعنيك،ياااخي حسبي الله ونعم الوكيل فيك…
ادم =يخربيتك انا عملت اي…
شفاء الجردل =عينيك قمر،اي ده امك كانت بتتوحم على حشيش…
ادم بضحك =حشيش!؟؟؟
استوعبت الل قولته…
قومت من قعدة القرفصاء الل كنت قعداها على الأرض وقومته…
شفاء=قصدي أن عنيك خضرة أوي،يترا هي كده ولا لابس لينسز….
قول والنبي انها لنسز عشان هحبك والله بالطريقه دي …
ادم بضحك=شفاء انتي بتقولي اي انا مش سامع غير برطمه….
شفاء فاقت =بقولك يببلاوي،دي عيونك ولا لينسز…..
أدم بفخر =دي عيوني الحقيقيه…
شفاء بتسرع =يعني لونها ده كان السبب فأنك تعمي…
لقيته بص بحزن بسيط كده بس حاول ميبينوش،لكن أنا كنت غبية فسؤالي…
أدم=لا،انا اصلا كنت مولود بشوف عادي،انا فقدت بصري من أربع سنين بس….
والسبب هو أني تعبت فترة كده وكنت بحس بزغلله كتير،وفيوم أغمي عليا،ولما فتحت مقدرتش أشوف اي حاجه…
والدكتور قال أنها جلطه تسببت بالعمي…..وانهم قدرو ينقذوني بالعافيه….بس فقدت نظري…
كنت هعيط،هعيط اي بس دا انا حاليا بشهق من كلامه…
ادم=يخربيتك،شفاء انتي بتعيطي!!!انا سامع صوت…
شفاء بدموع =بالله ما تتضايق من سؤالي،انا أسفه…
ادم =مضايقتش والله،بس بطلي عياط…
شفاء=طيب معاك منديل….
ادم=اااه خدي…
شفاء بدأت تمسح دموعها…وراحت عملت صوت كده بمنخيرها….
ادم=يمعفنه.!!!طيب بالراحه،
شفاء بعصبيه =انت الل خلتني اعيط ومنخيري بتنزل مايا لما اعيط…
ادم =بس بس اسكتي،مش عايز اعرف قصة حياة منخايرك بالله…
ضحكت…ماشي يااخويا….
مش هتقولي مستني مين…
=مستني أحمد أو سيف أخواتي،ييجو يأخدوني…وأنتي..
شفاء =لا انا اصلا مش من هنا بس جاية ادور على أي شغل…انت عارف ان مش الكل بيلاقي شغل بعد التخرج..وانا اقنعت سعاد ونور الدين بالعافيه…
ادم =مين دول؟!
شفاء=بابتي ومامتي…
ادم =ااه،طيب لقيتي شغل؟!
شفاء بتذكر =يلاهوي،معاد الشغل الل كنت جايه أحضره عدى…
ادم باسف=انا أسف انا الل اخرتك،
كمل بسرعه =بس انا اقدر اوفرلك شغل،انتي كنتي جاية تشتغلي اي…
شفاء=بص انا أروبه فالكمبيوتر،فأي حاجه تبعه انا هسد فيها…
ادم بفرح=حلوووو اوي ده….احنا عندنا شركه محتاجين فيها حد اروب زيك كده….خليكي واقفه معايا وانا هكلملك احمد..
شفاء=لا يعم،ليقو اني طمعانه فيك….!!
ادم بضحك=طمعانة فيا؟!!اسكتي يشفاء بالله عليكي،شكل الوقعه مأثرة على نفوخك…
شفاء=اااه والله نفوخي اتفشفش هو والعصعصيه….
قعد يضحك جامد..
شفاء بضيق=بقولك اي متضحكش وانت حلو كده…
ادم لسه بيضحك
ادم=شفاء انتي عارفه انك زي جردل ولا لا 
شفاء =انا عارفه اني زي الجردل ااه بس عمري ما اروح اقول،وبعدين في واحد راقي يقول لمزة واقفه جمبه انها جردل…
ادم بضحك =ااه فعلاً انا أسف….
سكتو شوية،بس شفاء مش بتسكت اكتر من خمس دجايج اصلا….
شفاء=سؤال فضولي…
ادم=أسألي يست الفضولية..
شفاء=انت لابس نضارة سودة ليه،عنيك حلوة أوي..
ادم=هقولك،انا لابسها عشان الفتنه…
شفاء بعدم فهم=نعممممم…
ادم =غبيه والله،هكون لابس النضارة لي،عيوني بتوجعني من الشمس…..فبلبسها….
شفاء بللاهة =اااه قول كده،بس والله كويس اهو محدش يقدر يشوفهم وهم حلوين كده…
ادم بضحك=شفاء انتي ملاحظه انك بتعاكسي فيا من الصبح ولا لا…
شفاء=اعملك ايه،انا اعمل اي طيب،ما انت الل موقفني جمبك بقالي ساعة مستنين اخوك…
أدم =زي بعضو استحملي…
على فكرة يشفاء انا كنت عارف اني متجه ناحية العربيات…بس كنت عايز اعرف انتي موجودة حواليا ولا لا،فمكنش ليها داعي الوقعه الل وقعتهالي فشفشة ضهري دي….
شفاء=ياااااابن ال…
ادم=اي!!اي!!هتشتمي ولا اي…
عيب يااانسة تشتمي…
شفاء=يعني انا اكسر ضهري وفقراتي عشان انقذك وتطلع انت بتعمل كده عشان تشوف انا لسه موجوده ولا لا!
ادم بضحك =اااه…
شفاء بغيظ=طيب ولو مكنتش موجوده!!كنت هتموت على فكرة كان في عربية جاية نحيتك جامد…
أدم =ومموتش انتي كنتي جمبي…
شفاء بكسوف =عد الجمايل بقا…
ادم بضحك=هعدها حاضر….
شفاء لفت وشها الناحية التانية وتمتمت “هيفضل كل ما أكلمه يضحك كده لحد ما اروح ابوسه وهيقولو الل متربتش اهي،الله يخربيتك يشيخ”
ادم=سمعتك على فكرة…
شفاء بخضه =قول والمصحف…
ادم =مش انتي بتمتمي وتشتمي عليا!!؟
اشتم عليك اي لا يعم كنت بدعي اخوك ييجي عشان جاتلي تسلخات فوشي من الشمس والله…
ادم =تسلخات فوشك!!!جاتك القرف يشيخه…
شفاء=يارب ييجي اخوه بقا دا شلني…
فجأة عربية وقفت قدامهم بالظبط ونزل منها شاب عمري حوالي 24 سنة كده،كان قمحي اللون،عيونه ملونين عسلي وطويل….
جري على ادم بسرعه…
ادم انا اسف اسف اسف…
انا قولت لاحمد ييجي يجيبك عشان مش فاضي وقالي ماشي،والمشكله انه جاله شغل ورن عليا قالي انه مجالكش…
هو لو قالي من الأول والله كنت جتلك على طول…..
ادم =يوسف حبيبي متشغلش بالك،انا كويس وبعدين انا كان معايا رفيقه،شوف شفاء….
يشفاء….
شفاء =اااه ازيك انا شفاء…
مد ايده سلم عليا…
شكراً يا أنسه انك وقفتي معاه….
أدم =على فكره شفاء هتشتغل بالشركة بتاعتنا،لانها كانت جاية تحضر معاد شغل وانا ضيعته عليها وهي شاطرة بالحاسوب..
يوسف =تمام اوي مفيش مشاكل،تيجي تشتغل من بكرة لو حابه…
شفاء بتسرع =لا عايزة اشتغل النهارده…
ادم=ليه استريحي وتعالي بكرة…
شفاء =أصل انا!!!
أدم =في اي يشفاء قولي…
شفاء =بص الشغل الل انا كنت جايه امسكه ده كان هيوفرلي سكن بما اني مغتربه وكده….وحاليا الشغل ضاع…
ادم =يبقا السكن كمان ضاع…
شفاء بضحك =اي ده شاطر عرفتها لوحدك يعفريت…
ادم بضحك =اااه عرفتها لوحدي وعرفت انك مش عارفه هتسكني فين حاليا يمتشرده!
شفاء =بقا كده يااادم،بتذلني،والله المرة الجاية ما هنقذك….
يوسف بضحك =والله العظيم انتو الاتنين مشكله،هو انتو اول مرة تقابلو بعض انا حاسس انكم صحاب من زمان…
أدم وشفاء بصوت واحد=لا أول يوم نتقابل فيه….
يوسف بضحك=اااه،واضح…. 
طيب يلا يا أدم نمشي عشان  ماما مستنيانا…. 
ادم =يلااا… 
مشيو ركبو العربيه… 
شفاء  طلعت شفايفها  لبرة =يلاهوي دول هيسيبو بنت قمر زيي لوحدها،اعمل ايه  دلوقتي، هو انا نكرة للدرجة سايبيني وماشين
… كان يوسف شغل العربيه وطلع بيها مسافة متر لقدام… ورجع بيها تاني قدام شفاء  بالظبط….. 
أدم بصوت عالي ليوسف =شوفها كده هي بتعيط ولا لا؟!
يوسف بضحك =هي غالباً بتفكر… 
ادم=شفاااااااااااااء،اركبي يبابا،يلا..
شفاء ميلت على العربية =اركب فين يبابا انت،قولو كده بقا انتو عازين تاخدوني لحم لحم وترموني عضم عضم…
ادم بص ليوسف=اطلع ييوسف،اطلع خليها تقعد هنا لوحدها…
اي ده هيسبوني لوحدي،!!!!؟
شفاء بصوت عالي=الرجولة مش بالكلام فعلاً…..
رجعو وقفو قدامها بالعربيه…
ادم =هتركبي ولا….
شفاء =هركب هركب،متبقاش قفوش كده يدومي…
يوسف بضحك=دومي،بقيت دومي ياادم…
شفاء ركبت ورا…واتحركو لبيتهم…
ادم بغيظ =اي دومي دي يشفاء…؟!
شفاء =دلعك يجميل…
أدم =بقا كده؟!!!!
شفاء =ااه كده يدومي…
أدم =ماشي يشيفو..
شفاء=مين دي،واي الدلع النتن ده؟!
ادم بضحك=دلعك يحببتي…
شفاء سكتت فسرها =دا بيقول حبيبتك،يخي روح ربنا يجبر بخاطرك “واقعه واقعه” ????????‍♀️
وصلو البيت،كان كبير اوي وقصاده جنينه جميلة جداً….
شفاء=اي تا اي تا اي تا،انتو طلعتو اغنيه يدومي…
ادم =الله اكبر،قل اعوذ برب الفلق…
شفاء=حكم والله،انا معجبه مش بحسد….
قاطعهم صوت ست كبيرة….وال كانت بتتكلم بعصبيه….
الست بغضب=ادم،انت مين الل جايبها معاك دي،خلاص بقيت ترمرم من الشارع!!!!!….
أدم =……….

يتبع….

لقراءة الفصل الثالث : اضغط هنا

لقراءة باقي فصول الرواية : اضغط هنا

نرشح لك أيضاً رواية حين التقينا للكاتبة شيماء جمعة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى