رواية مالك قلبي الفصل العشرون 20 بقلم بنت الصعيد

مر يوم واستقرت حالة مي وتم نقلها الي غرفة عادية

دخل الجميع وتمني لها الصحة والعافية وبينما الجميع موجود اهلها واهل مالك وسها وأمل وكريم ويوسف وحمزة 

مالك اقترب من مي وقبل رأسها….حمدلله علي سلامتك يا قلب مالك …

مي ابتعدت عنه ولاحظ الجميع ذلك واندهشوا

مالك…مي يا حبيبتي فيكي ايه انتي تعبانة؟؟!!

مي …استجمعت كل قواها وقالت بصوت ضعيف نوعا ما 

مي……طلقني يا مالك….بدت الصدمة علي وجوه الجميع والكل بدأ يتسأل 

مالك…بابتسامة تملؤها الدهشة ..مي انتي بتقولي ايه

مليكة بدعابة….مي حبيبتي هما عملولك عملية في قلبك ولا غيروه مش فاهمة ….مش دا مالك اللي انتي كنتي بتتنفسي عشانه ايه اللي غيرك 

سارة والدة مي …كلام اختك مظبوط يا مي ايه اللي جرالك فهمينا

مالك…يا جماعة ممكن تسبونا لوحدنا شوية لو سمحتوا

مي قاطعته …لا محدش يخرج لازم كلهم يعرفوا كدبك وغشك وانك انسان مخادع

العمدة ……ما تحترمي نفسك يا بت الأصول … والله لو ماكنتي تعبانة لكنت عرفتك تمن غلطك ده ايه ماحدش مالي عينك ولا ايه

مي بدأت تبكي ….أنا عملت لكو ايه عشان تكدبوا عليا

حسام ….بحدة …ماتتكلمي علي طول انتي لسة هتقولي ألغاز …ايه اللي حصل احكي علي طول

مي…بصوت ضعيف جدا……الدكتور مالك السيوفي طلع متجوز بنت عمه ياسمين…وانا عبارة عن نزوة ف حياته داكان بيديني حبوب منع الحمل عشان مش عايز حاجة تربطه بيا لما يطلقني 

الجميع انصدم وبدأ الكل يهمس …..مش ممكن ..مستحيل

حسام…نظر كالصقر ل مالك .. .الكلام دا صحيح

مالك….لم يعقب ..ولكن وجه كلامه ل مي…. مي حبيبتي اديني فرصة اشرحلك الموضوع كله

الدكتور ..يوسف….يا جماعة لو سمحتوا كده مش كويس علشانها ازاي امبارح أجرت عملية قلب ودلوقتي تخلوها تعيط كده انتوا عايزين تموتوها يعني .

سارة بصدمة…..اطلع برا انت مش شايف بنتي بتعيط ازاي اطلع برا يلا 

ادهم …يلا يا مالك يا بني مش وقت كلام سيبها ترتاح

العمدة ….لم يعقب ولكن نظر بشر ل حسام الذي لو بيده لكان فرغ مسدسه ف رأسه 

ركدت سها وأمل واحتضنوا صديقتهم وخرج الجميع 

_______________________________

خارج غرفة مي

مالك ….شوفت شورتك ودتني لفين يا جدي اللي كنت خايف منه حصل خلاص ..اتصرف كيف اني دلوجتي

ادهم …..اهدا يا مالك كل حاجة هتبقي كويسة إن شاء الله بس الصبر(ملحوظة ادهم مش بيتكلم صعيدي)

العمدة…بقلة حيلة ..اني نازل البلد المحافظ كلمني عشان مشرع المستشفي اللي انت عاوز تبنيها واني عزمته بكره ع الغدا لازم اعاود البلد …حل امورك بالراحة ..واوعي توطي رأسك ولا تنحني حتي لو وصلت تطلجها طلجها وما تترددش …المهم تفضل مالك السيوفي فاهمني 

مالك….نظر ل جده وكأنه مصدوم من كلامه 

ادهم …اجي اوصلك يا أبويا 

العمدة بقرف….مش عاوز من وشك حاجة جاتك داهية خليت  الواد زيك مش مفكر غير في الحب والكلام الفاضي ده الله يرحمك يا سليم يا والدي أنا هعاود مع السواج بتاعي خليك مع ولدك 

ادهم ….. مالك يا ابني اوعي تسمع كلام جدك دا..دا تقريبا نفس الكلام اللي قاله لي وبسببه طلقت والدتك …وانت عارف اني أنا عمري ما نسيت نادية لحظة وعارف كمان اني لا قدرت اسعد فاطمة الله يرحمها ولا قدرت اعيش سعيد يا ابني فكر كويس قبل اي خطوة ولو بتحبها بجد حارب عشان ترجعلك اعمل كل اللي تقدر عليه عشان ماتخسرهاش وتعيش زي والدك عايش ومش عايش ..سكت لحظة ثم تابع … يلا يا مالك تعالي معايا ع الڤلة بتاعتي مش هينفع تقعد لوحدك ف شقتك بالحالة دي يلا يا ابني

_______________________________

في منزل سها

عادت سها من المستشفي

سها….ماما فين عمرو

والدتها…عمرو جوه من امبارح وهو حابس نفسه ف اوضتوا ومش راضي ياكل ..هو اكيد زعلان عشان خطوبتك اللي ما تمتش والفضايح اللي عملها حمزة

سها…ماما يا حبيبتي..فضايح ايه بس عادي بتحصل مع اي حد …وبعدين أنا عارفة عمرو زعلان من ايه أنا هاروحله

_____________________________

في غرفة عمرو 

كان يقف في الشرفة  شارد ساند علي الحائط

سها….بمشاكسة ….ايه الجو القديم دا لسة بتبص للبت ندا يا ابني ما اجيبلك رقمها اسهل

عمرو….بضيق…..عايزة ايه يا سها

سها…احتضنته ….أنا آسفة يا عمرو…آسفة لاني جرحتك من غير ما اقصد بس والله غصب عني

عمرو …أحتضنها هو الآخر…أنا بس مستغرب انتي ليه حسيتي الاحساس دا   أنه بابا بيحبني اكتر منك .واني عشان ولد اعمل اللي انا عايزه وانتي لا

سها تنهدت…أنا هحكيلك تعالي اقعد…جلسوا ع السرير

سها …أنا كنت بحب حمزة من ايام ما كنا ف الثانوية 

وكنا بناخد دروس مع بعض طبعا حمزة كان مقطع السمكة ودلها ..كل يومين مع بنت جديدة ولا حاسس بيا ولا واخد باله مني اصلا ..وكل ما أصحابه يقولوا عيب كده وماينفعش 

يقولهم أنا ولد واعمل اللي انا عايزه

عمرو بهزار …قومتي طلعتي عقدة حمزة عليا أنا وهو عادي حبتيه واتخطبتوا وانا اللي دفعت التمن 

سها ضحكت …لا يا معلم دا انا عاقبته عقاب شديد مش كفاية عايشة ف دور واحد صاحبه معاه … هههههههه

عمرو …… هههههههه تصدقي صح انتي جعفر ..ضربته سها بقبضتها وظلوا يضحكوا…وفجأة احتضنته وقالت ..ربنا ما يحرمني منك ابدا يا عموري

عمرو …..ولا منك يا قلب عموري ..علي فكرة بابا جاي الاسبوع اللي جاي 

سها ..بجد هيييييييه دا واحشني اوي

_______________________________

في اليوم التالي 

في الصباح الباكر

دخل غرفتها وجدها نائمة ظل واقفا واضعا يديه في جيوب بنطاله وكان ينظر إليها لحظات الي أن استيقظت

مي ……تفرك عينيها …..كريم  صباح الخير 

كريم ….صباح الفل ..ايه الاخبار انهاردة 

مي بحزن…..كويسة…سكتت لحظة ثم تابعت…كريم أنا عايزة اذاكر أنا ضيعت محاضرات كتير ممكن تساعدني

كريم…ياااه هو أنا اطول اشرح للقمر دا 

مي ….امممم يا سلام ..أنا اللي ليا الشرف اني الاول مكرر ع الدفعة يشرحلي…اكيد هفهم وش

كريم اقترب منها وامسك يدها التي حاولت مرارا أن تفلتها منه قبضته

كريم…….اهدي متخافيش انتي اختي …اوعي تزعلي بكرة هتنسيه اكيد الحياة مش بتقف علي حد

اثناء حديثه وهو ممسك بيد مي إذا ب مليكة تدخل وتنصدم من وجود كريم بهذا الوقت المبكر وتنصدم أكثر من قربه الشديد ل مي وأنه ممسك يدها 

مليكة …..كريم ؟؟؟؟!!!!!!!!

________________________________

في الصعيد

وصل العمدة محمود السيوفي الي قصره

استقبلته ياسمين بلهفة لتعرف اخر التطورات عن حالة مي

ياسمين ….حمدالله علي سلامتك يا جدي

العمدة ….الله يسلمك يا ام زين

ياسمين….ايه اخبار مي

العمدة …بشك…انتي جلتي حاجة لمرت مالك يا ياسمين

ياسمين بدهشة….حاجة زي ايه يا جدي

العمدة …يعني زي انك مرات مالك

ياسمين ….لم تتحكم في انفعالها فقد وصلت لزروة غضبها من مالك وجدها…..واااه يا جدي افرض جلت هو أنا مش مرته ياناس ولا ايه وبعدين انتوا كل شوية تشكوا فيا وتتهموني بحاجات أنا معملتهاش ما تجتلوني احسن ..

.كان العمدة يستمع لها بصدمة فهو لم يعتد علي أن صوت ياسمين يعلوا وتابعت هي  ببكاء ….اني خلاص مابجيتش جادرة استحمل اكتر من أكده ايه الغلط اللي غلطه وبتعاجب عليه من الكل ….ذنبي الوحيد أنه جوزي مات ومن وجتها وانتوا بتحدفوني لبعض اني لو كانوا اهلي عايشين ماكنتش بجيت لعبة ف يد مالك وف يدك …نظرت بصدمة عندما وجدت جدها  العمدة يمسك قلبه ويتنفس بالكاد

ياسمين ركدت نحوه …جددددددي 

________________________________

في المستشفي …

كريم يجلس علي كرسي بجوار سرير مي يشرح لها وهي تنصت اليه جيدا ..ومليكة تتابع المشهد في صمت والحزن مخيم علي ملامحها

_____________

امام الغرفة 

حضر مالك وهم بالدخول وإذا بحارسين يمنعونه من الدخول لها

مالك…انتوا مجانين ازاي تمنعوني اني ادخل لمراتي 

احد الحراس…دي أوامر حسام بيه يا حضرت روح اتكلم معاه هو احنا مالناش دخل 

مالك بغضب وقد امسك الحارس من تلابيب قميصه …أنا لا بيهمني حسام بتاعك ده ولا حتي اللي اعلي منه وانا داخل يعني داخل ….وهم بالدخول فإذا بيد توقفه

يوسف…ممكن نتكلم شوية

مالك هز رأسه بالموافقة 

يوسف….لو سمحت يا دكتور مالك مي وضعها ما يسمحش انك تتكلم معاها في أي موضوع اجل اي حاجة لما تتعافي تماما وتخرج من المستشفي لو سمحت

مالك …..بتفهم …وانا ماعنديش اغلي منها اخاف عليه تمام أنا ماشي

_________________________

في الصعيد

حضر الطبيب وفحص العمدة

الطبيب …ما تقلقيش يا ست ياسمين العمدة بقا كويس دلوقتي بس لو سمحتي ما يتعرضش لاي ضغط حاولي تريحيه علي قد ما تقدري

ياسمين …اكيد هنريحو شكرا يا داكتور …وجهت كلامها للسائق … عم حسن وصل الداكتور

_______________________________

 في قسم الشرطة

دخل مالك مندفعا 

حسام …باستهزاء…..اهلا بابونسب

مالك ….انت مش من حقك تمنعني اني اشوف مراتي …أنا بس لولا أنها تعبانة كنت طربقتها علي دماغك انت وشوية العيال اللي موقفهم قدام الاوضة ..وانت عارف اني قد كلامي 

حسام بجدية …طلقها…طلقها بهدوء ومن غير مشاكل عشان انت عارف أنه موقفك ضعيف جدا لو رفعنا قضية 

مالك هب واقفا ..وتكلم بصوت كفحيح الافعي …طلاق مش هطلق واعلي ما خيلك اركبه ..ومي هعرف ازاي ارجعها

قال كلمته وانصرف نحو الباب

حسام ببرود….شرفت 

______________________________

في المستشفي 

خرجت سها وأمل من بعد زيارة دامت ثلاث ساعات مع مي وإذا بهم يلتقوا ب مايا أمامهم آتية لزيارة مي 

نظرت لها سها باحتقار وكذلك أمل ولم يتحدثوا معها

وهموا بالذهاب ولكن أوقفهم صوت مايا

مايا…مبروك لانك جيتي علي كرامتك و رجعتي تاني لحمزة الخاين

سها ….نظرت لها ببرود وقالت بغرور…الله يبارك فيكي أصله حمزة قالي أنه النوع الرخيص دا يمشي معاه شوية بس انا اللي في القلب وانا اللي شايفها ام لأولاده ف المستقبل 

وابتسمت لها وغادروا …لكن مايا لم يظهر عليها أي ملامح ضيق ..دلفت الي غرفة مي

____________________________

في غرفة مي

مايا ….عاملة ايه يا مي أنا سمعت من الجامعة البنات كانوا بيتكلموا عنك فسألت كريم وعرفت منه اللي حصل

مي …..كان عندك حق يا مايا لما قلتي الرجالة كلهم خاينين ..شفتي مالك عمل فيا ايه مالك طلع حقيقي متجوز مش إشاعة 

مايا ….ببرود اعصاب…….. كنت عارفة 

مي نظرت ل مايا بصدمة…………