Uncategorized

رواية سأحميها بين ضلوعي الفصل الثانى 2 بقلم شاهي أحمد

 رواية سأحميها بين ضلوعي الفصل الثانى 2 بقلم شاهي أحمد
رواية سأحميها بين ضلوعي الفصل الثانى 2 بقلم شاهي أحمد

رواية سأحميها بين ضلوعي الفصل الثانى 2 بقلم شاهي أحمد

داليدا بعصبية????: انتى مجنونة صح! و جايه ترمى بلاكي علينا انا هوديكى فى ستين داهية، انا هطلبلك البوليس 
ليلا: اهدى بس يا ست المحامية على نفسك لأحسن يطقلك عرق، صور العقد اهو
داليدا اخدت العقد و بصت فيه
ليلا: طبعاً مش محتاجة اقولك مزور و لا لأ
داليدا: اطلعي بره
ليلا: هطلع بس هستناكى تكلمينى و تبلغينى هترفعيها امتى، سلام يا ضرتى
داليدا قعدت على الكرسى و بدأت دموعها تنزل من الصدمة، محمود دخل على داليدا
محمود: استاذة داليدا انتى كويسة؟
داليدا بصريخ و بكاء????: مش عاوزة اشوف حد ادامى..بره، بره
____________________________________
فى المساء
داليدا قاعدة على الكرسي و حاطها ايديها على راسها، زين دخل
زين: ايه يا دودى مالك قاعدة كدا ليه؟
داليدا باصتله و مفيش علامات علي وشها????
زين: داليدا انتي كويسة!  فى ايه وبعدين مغيرتيش ليه
داليدا: طلقنى يا زين
زين: ايييه! 
داليدا: بكل هدوء و احترام يا زين طلقني
زين: انا مش فاهم حاجه فى ايه؟؟
داليدا اخدت عقد الجواز من جنبها 
داليدا: فيه دا
زين مسك العقد و بص فيه بذهول و باصلها بصدمة
زين بصدمة????: العقد دا وصلك ازاى
داليدا: دا اللى همك.. ارادة ربنا انه يكشفك.. انا بس عاوزة اعرف حاجه واحدة ايه، انا اذيتك فى ايه!  قصرت معاك في ايه!  عملت فيك ايه علشان تعمل فيا كدا، رفضت الخلفة رغم انك عارف و متأكد انى نفسى ابقى ام و مع ذلك مرضتش اخلف علشانك كنت بحاول اسعدك بشتى الطرق.. و قالت بدموع: عمرى ما هسامحك عمرى
زين: صدقينى يا داليدا دا جواز شغل مش اكتر 
داليدا: انت مقرف انا حقيقى ندمانة على كل ثانية قضتها معاك.. انا عند خالو، ياريت ورقتى توصلني بكل ادب و احترام
زين شدها من ايديها و قال بهيستريه: داليدا..داليدا علشان خاطرى انا اسف انتي عارفة اني مقدرش اعيش من غيرك علشان خاطرى.. طيب بصي هطلقها،هطلقها بس ساعدينى و احبسيهالى و هعمل كل اللى انتى عاوزاه بس علشان خاطرى متسبنيش
داليدا باصتله بدموع ممزوجة بالاشمئزاز: لأول مرة احس ان قرار عدم الخلفة منك دا احسن قرار فعلاً ربنا مبيعملش حاجه وحشة..  ادامك يومين يا تطلقتى يا هرفع عليك قضية
و سابته و مشت
___________________________________
فى الصباح تحديداً في ڤيلا الجبالى
عبدالله و اسرته بيفطروا
عبدالله: رشا قومى صحى داليدا
فردوس: ما تسيبها يا عبدالله 
عبدالله: قومى يا رشا
داليدا: انا صاحيه اصلاً يا خالو..  صباح الخير
عبد الله: صباح النور يا حبيبة خالو
رشا و ريم: صباح النور 
الكل: صباح النور
عبد الله: يالا يا حبيبتي اقعدي افطري 
داليدا: لا هفطر فى المكتب يا خالو معلش
عبدالله: مكتب ايه يا داليدا لازم تفطرى قبل ما تنزلى
داليدا: معلش علشان متأخرة على المحكمة
فردوس: محكمة ايه يا حبيبتي انتي هتطلقى المفروض تقعدى لحد ما جوزك يجى و يلاقيكى علشان يصالحك
عبدالله بزعيق: فردووس
داليدا: و يجى يصالحنى ليه يا طنط انا اللى طالبه الطلاق 
فردوس: الامور بتتاخد بالهداوة يا داليدا و بعدين مينفعش فى سنك دا يتقال عليكى مطلقة دا غير كلام الناس
عبدالله: انتي اتجنن…..
داليدا مقاطعة: استنى يا خالو..  و الناس هينفعوني بإيه يا طنط ها الناس هيحسوا بكسرة قلبى، الناس هيحطوا نفسهم مكانى تقدري تقوليلى انك تقبلى كدا على نفسك او علي بنتك تقبلى انك تعيشى مع واحد كان قبل ما يترمى في حضنك كان مع واحدة تانية،و قالت بحرقة:تق
بلى تعيشى معاه بعد ما حرمتى نفسك من اكتر حاجه نفسك تعمليها و هي الخلفة علشان هو مش مستعد و فى الآخر جزاءك انه يتجوز عليكى.. انتي ذات نفسك متقبليش حاجه زى دى و لا الناس اللى بتتكلمى عليهم يقبلوا حاجه زى دى
فردوس: انا ق…. 
عبدالله بمقاطعة: اكتمي بقى
داليدا: ياريت محدش بفتح معايا الموضوع دا تانى..  انا رايحة الشغل
داليدا مشت
عبد الله بقرف: و انا كمان قايم اعمليلى يا رضا القهوة 
ريم: انتى ازاى يا ماما تقولى الكلام دا لداليدا
فردوس: بس يا هبلة الست ملهاش غير بيتها جوزها و بعدين دى مبتحبكوش مش فاكرة زمان العريس اللى كان جاى يتقدم لرشا و لما شافها كان عايزها هى
رشا: ماما قفلى على الموضوع دا بقى.. انسيه
فردوس: نسيناه ياختى نسيناه و بعدين لما تطلق هتقعد فين ان شاء الله.. هنا و ابوكم يفضل مشغول بيها و ينسانا
عبدالله: احم 
فردوس بتفاجأ: عبد الله 
عبد الله: اصل نسيت النضارة بتاعتى.. رضااا يا رضااا جهزى الاوضة الكبيرة لست داليدا علشان هتعيش معانا على طول ماهو بيتها خالها الاكيد مش هرميها بره و لا حد عنده اعتراااض
ريم و رشا: لا طبعا
عبدالله: ايه يا فردوس اتكتمتى يعنى
فردوس: مفيش رأي بعد رأيك 
عبد الله: عال عال اوى
عبد الله مشى خطوة و نزل راسه ناحية فردوس و قال بتحذير: اياك..اياك يا فردوس تفكري بس مجرد تفكير انك تجرحي داليدا بالكلام زي ما حصل من شويه انا عديتها بمزاجى بس المره الجايه هتشوفى بنفسك ايه اللى هيحصلك 
____________________________________
فى مكتب داليدا
داليدا قاعدة على مكتبها 
ياسمين:دا ملب و لا يسوى يا داليدا
يحيى: عيطى يا داليدا عيطى و طلعى اللى فى قلبك
داليدا بدأت عينيها تدمع و عيطت
يحيي: يا بنتي دا كان واد ساقع و لزج و انتى عارفة انه مكنش بينزلى من زور
ياسمين: خلاص بقي مش وقته الكلام دا يا يحيى
داليدا: انا اللى قهرنى عمرى اللى ضيعته معاه، حرمانى من الخلفة كل السنين دى
ياسمين: دا خير يا حبيبتي والله انك مخلفتيش كان زمانك دلوقتى هتربطك حاجه بيه لكن دلوقتى لو عايزة تنفصلى هتعملى كدا 
داليدا: كلملى ليلا يا يحيي
يحيي: ما تقفلى بقى على الاشكال الجايفة دى بقى
داليدا: لا انا هرفعلها القضية، مينفعش أدخل حياتى الشخصية بالشغل
يحيى: بصراحة رأيى مش كدا اطلاقاً بس عامة اللى يريحك اعمليه
____________________________________
فى منزل عبد الله الجبالى
عبد الله قاعد بيقرأ قراءن
الخادمة: عبد الله بيه زين بيه بره و عاوز يقابلك
عبدالله: صدق الله العظيم..  خليه يدخل
زين: اونكل عبد الله
عبد الله بعصبية????:اسمع يابنى اذا كنت فاكر اني اديتك بنت اختى ورميتها يبقى انت بتستهبل دا انا اوديك فى ستين داهية
زين: يا اونكل عبد الله اهدى بس صدقنى الموقف اللى انا اتحطيت فيه دا كان غصب عنى
عبدالله: غصب عنم دا لما تكون كسرت طبق بالغلط لكن انت كسرت قلب بنت اختى 
زين: يا اونكل…………. 
عبدالله بمقاطعة: اخرس.. اى عذر مش هيبقى كافى
رن جرس الباب فتحت الخادمة
داليدا: خالو جوه يا رضا
الخادمة: ايوه يا هانم و معاه زين بيه
داليدا بعصبية????: زين! 
داليدا دخلت المكتب و قالت بعصبية????: انت ايه اللى كابك هنا؟ انت مبتفهمش صح
عبدالله بحزم????: داليدا اهدى
داليدا: انا بقولك اهو يا هالو البنى آدم دا انا مش عاوزاه
زين: انا مش هقدر احاسبك على اللى بتقوليه دا دلوقتى لأن عارف ان اعصابك تعبانة بس كل اللى عاوز اقرله انك لازم تفهمى………
عبد الله بمقاطعة: خلاص يا زين انتهينا
زين: يعنى! 
داليدا: يعنى تطلقتى بالزوق يا هرفع عليك قضية
زين: هي بقت كدا يا داليدا، ما تتكلم يا اونكل
عبدالله: اظن انك شايف ان دى رغبتها
زين: و انا هبقى باقى عليكى برده و هستناكى لحد ما تهدى
داليدا بنظرة تحدى: يبقي انت اللى اخترت
____________________________________
فى بيت القناوى
شاكر: كنت عندها برده يا غبى
زين: دى مراتى و بحبها
شاكر: بس متنفعناش و انت عارف كدا كريس
زين: انت السبب فى كل اللى بيحصلى دا
شاكر: ليه ياخويا كنت ضربتك على ايدك ان شاء الله علشان تروح تتجوزها هي اللى ضحكتك عليك و خليتك تتجوزها 
زين: يعنى دلوقتى انا اللى غلطان و انت معملتش حاجه
شاكر: ولد! متنساش انى ابوك و تتكلم معايا بإحترام و بعدين انا مقولتلكش اتجوزها انا قولتلك ابلفها بكلمتين اسحرها يا غبى علشان تاخد عينيها علشان تقدر تعيش فى نفس المستوى اللى انت فيه
زين: مش عاوز حاجه مش عايز فلوس و لا زفت كل اللى عاوزوه داليدا داليدا وبس
شاكر: ياختى فلقتنا بداليدا بتاعتك دى ماهى ست زى اى ست ياخويا و الستات على قفا مين يشيل.. خلينا فى المهم اعمل حسابك ان جاى بكره و طالما جاى بنفسه يبقى فيه حاجه 
و طبطب على كتفه و قال: عاوزك تركز مش عاوز غلط دا شغل و الشغل اهم منك امك شخصياً مفهوم
زين هز راسه بيأس ????و سابه و خرج
____________________________________
فى الصباح تحديداً فى شركة القناوى
زين: ايوه يا بابا..لا مش هايجى انهاردة.. اجله لبكره و قال انه لازم حضرتك تكون موجود..  ماشى 
الباب خبط
السكرتيرة: زين بيه فيه محضر برده
زين:طيب مع السلامة يا بابا دلوقتى
زين قام و علامات القلق على وشه
المحضر: اتفضل امضى هنا
زين مضى و قال بقلق????: دا مين اللى باعته
المحضر: دا الست بتاعتك رافعة عليك قضية خلع
يتبع ……
لقراءة الفصل الثالث : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى