رواية كنت لي عوض الفصل الثاني 2 بقلم رنا محمد

خلصت منه شغلها وكانت ساعه 8 وهيا ماشيه كان ف مجموعه شباب ماشيه وراها وهيا كانت بتحاول تمد ف خطوتها والخوف اتملكها

الشاب الاول:اي يقمر ماشي لوحدك ليه

التاني:اي يعسل بتجري كدا ليه دا احنا عاوزين نسليكي ونتسلي

وحوطوهااا وهيا غمضت عنيها بخوف وفضلت تدعي ربنا ينقذها م الموقف دا وعيطت

وكان لسه حد م الشباب دي هيلمسها بس ف ايد مسكته وقعد يضرب فيه وضرب التاني واخر واحد خاف وجري

ومنه لسه مغمضه عنيها وبتعيط وقرب عليها 

انتي كويسه حد عملك حاجه

فتحت منه عينها ولقت حازم ف وشها

منه بعياط:اا..شكرا انك انقذتني منهم انا كنت خايفه اوي

قرب منها حازم ومسح دموعها ب ايده وبص ف عيونها جامد

حازم:متخافيش طول م انا جمبك متخافيش م اي حاجه

منه:احم..شكرا مره تانيه عن اذنك انا لازم امشي

حازم:اتفضلي معايا اوصلك للبيت..مش ناقصين حاجه تانيه تحصل اتفضلي

منه فكرت ل ثواني وبعدين ركبت العريبه وطول الطريق ساكته

حازم قطع السكوت دا وقال:انتي ف كليه اي ي منه تسمحيلي اقولك منه عادي

منه:عادي..انا ف كليه تجاره ي استاذ حازم 

حازم:احم..مبلاش استاذ حازم دي خليها حازم ع طول

منه:بس مينفعش انا شغاله عند حضرتك

حازم:لا انتي مش شغاله عندي انتي طول م انتي ف بيت عندنا يبقي انتي واحده مننا وعمرنا م هنعاملك ع اساس انك شغاله عندنا ي منه

منه بإمتنان:متشكره جدا بجد..تمم انا وصلت شكرا تاني مره ع ال عملته معايا 

حازم:العفو دا واجبي ي منه هنستناكي بكرا باي

منه:باي

وطلعت منه وفتحت الباب لقت احمد قاعد وعينه بطلع شرار وقام وقف وقرب عليها وضربها ب القلم ومسكها م طرحتها

احمد:أنتِ كنتي فين كل دا اهاا مصدقتي تنزلي وتصيعي ف الشوارع

منه ب عياط:حرام عليك بقاا م انت ال نزلتني عشان اجبلك فلوس ارحمني بقا كفايه

احمد ورمها ع الارض ودماغها اتعورت ونزلت دم وبوقها كمان كان بينزل دم 

احمد:غوري م وشي وقولي ل الي انتي شغاله عندهم انك محتاجه فلوس ف اقرب وقت

منه بوجع وعياط:ط..طيب،وكالعاده قامت ودخلت غيرت هدومها وصلت وفضلت تعيط وتدعي ربنا زي كل يوم

وعدي شهر وكل يوم ع حال دا ضرب وإهانه وع شغلها ف بيت حازم وهو وإياد وكريمه بيعاملوها كويس جدا كأنها بجد واحده منهم وإياد بقي زي اخوها وهيا تقريبا بقت متعلقه ب حازم واعجبت بيه وكريمه بقت زي مامتها وبقت تحكلها كل حاجه بتحصل معاها وف يوم وهيا بتحكيلها ال حصل معاها كان حازم واقف وسمع كلامهاا

حازم بزعيق:ازاي اب يعمل كدا ف بنته هو اي مفيش رحمه..انا مستحيل اسكت انا هوريه ازاي يتعامل معاكي كدا

منه بعياط:حازم ارجوك بلاش تعمل حاجه انا اصلا اتعودت ع كدا عشان خاطري بلاش تعمل حاجه

حازم:منه تتجوزيني

كريمه ومنه اتصدموا

منه بصدمه:ايه الي انت بتقوله دا ي حازم لا طبعا

حازم:اقنعيها ي ماما كريمه وانا رايح مشوار وجاي وسابهم ومشي

منه اترمت ف حضن كريمه وفضلت تعيط وكريمه تطبطب عليها

منه:ليه كدا يارب ونبي اقف معايا وساعدني

كريمه:اهدي يحبيبتي بقاا وافقي ع جوازك م حازم يبنتي حازم كويس وعمره م هيفكر يأذيكي ب اي حاجه

منه بعياط:ي داده انا عارفه دا كويس بس يوم م احب شخص واتمني يكون هو كمان يحبني يعرض عليا جواز عشان شفقه 

كريمه:وافقي يحبيبتي وان شاء الله الي فيه الخير ربنا يقدمه 

وراحت منه تصلي وقررت انها م هتروح البيت انهارده وهتبات هنا مع كريمه ف الاوضه

نروح ف الشركه عند حازم وإياد

إياد:طب وبعدين يحازم هنعمل ايي وتفتكر منه هتوافق ع جوازك منها دا وهيا مفكره انه شفقه

حازم:بس دي مش شفقه ي إياد انا بحب منه بجد..ولازم انقذها م ابوها دا

إياد:بس هيا متعرفش انك بتحبها

حازم:انا هتصرف..انا هكمل شغل بدالك وانت روح اعمل ال قولتلك عليه 

إياد:تمم ي حازم يلا باي

حازم:خد بالك ع نفسك ولو ف اي حاجه كلمني عطول باي

راح إياد يعمل ال حازم قاله عليه وراح بيت منه

وصل إياد بيت منه وأتفاجئ ب عربيه إسعاف واقفه تحت بيت منه فكر ابوها عملها حاجه وإتصل ع حازم

إياد:حازم تعالي بسرعه ع بيت منه شكل ابوها عملها حاجه ف عربيه إسعاف موجوده تحت بيتهم

حازم بصدمه:ايه الِ انتَ بتقوله دا ي إياد اقفل انا جاي بسرعه وقفل حازم مع إياد واتصل ع كريمه

حازم:ماما كريمه البسي وتعالي بسرعه ع مستشفي ابو منه شكله عملها حاجه وإياد راح ع مستشفي وانا رايحلوه

كريمه ب استغراب:لا يبني منه قعده قدامي اهيه ايه الِ بتقوله ده

حازم ب استغراب:طب اقفلي ي ماما دلوقتي

يتبع..