رواية أحببت معلمة ابنتي الحلقة الثانية 2 بقلم أمل صالح
 |
| رواية أحببت معلمة ابنتي الحلقة الثانية 2 بقلم أمل صالح |
رواية أحببت معلمة ابنتي الحلقة الثانية 2 بقلم أمل صالح
وفي يوم جديد…تحديدا في المدرسة..دخلت آية قائلة :يلا يا حلوين عشان اسألكوا
رأت آية علامات الخوف على وجه الأطفال فأكملت لتزيل خوفهم :واللى هيعرف هياخد بونبوني واللى مش يعرف هياخد بنبوني برضو
تحمس الأطفال ليقول طفل ما :بسلعة يلا
آية :قولي يا عسل 3+3
الطفلة بعد مدة تفكير وهي تعد على اصابعها :6
اية :برافو..ثم التقطت شئ تعطيها اياه قائلة :خدي البونبوني دي…ثم عادت تسأل مرة أخرى :مين هيقول 2-4
بدء الأطفال برفع أيديهم للإجابة وهو يرددون :مس… مس….مس
آية :قولي يا ملاك
ملاك:2
آية :برافو… خدي
وضع طفل يده أمام صدره وقال بتذمر :انا عايز اسأل انا كمان
سألته آية لتراضيه :طب 5+2
الطفل بسرعة :6
ذهبت آية للطفل….ظن هو انها ستضربه فمد يده بسرعة…أمسكت اية يده تفردها لتعد عليها :الإجابة 7 بص… قامت بعمل اثنان على يده اليسرى وخمسة على يده اليمنى وأكملت….. عدِّ كدا
بدأ الطفل بالعد بصوت مسموع :1..2..3..4..5…6.. 7
آية :يبقى الإجابة ايه يا شاطر
الطفل :7
آية :شاطر خد دي بقى
قالتها وهي تمد يدها بقطعة حلوى
وظلت هي هكذا طوال اليوم في هذا الفصل وقد احبوها الأطفال جدا…لذالك قامت باتخاذ قرار
Aml Saleh.♥️
“في شركة مراد الشاذلي”
دخل مراد للشركة دقائق ودخلت السكرتيرة وبيدها كوب القهوة وقالت بجدية :استاذ مراد في واحده برة عايزة حضرتك
مراد :مقالتش مين يا إسراء
اسراء :لا يافندم
مراد :طب دخليها
إسراء :تمام
وخرجت….بينما دخلت فتاة قبيحة جدا “قبيحة بالنسبالي اللي هي بتحط خمسة كيلو بوية ع وشها دي ????”
مراد بدهشة :انتي…..؟!انتي ايه اللي هنا يا ملك
ملك ببرود :عايزة بنتي يا مراد بيه
مراد بسخرية :بنتك؟؟. مش دي اللي كنتي بتضربيها لما تسمعك وانتي ناوية تسرقيني
ملك :هرفع عليك قضية وهاخدها
مراد ببرود :أعلى ما في خيلك اركبيه..
ملك :ماشي هتشوف
مراد :خودي الباب في ايدك
خرجت ملك بينما اتصل مراد بشقيقه “رائد”
رائد بمرح :ايه ده وحشتك ولا ايه
مراد :لا الصراحة قرفان وانا بتصل…شوف حد يراقب ملك وكل تحركاتها
رائد بتساؤل :ليه
مراد :بعدين يا رائد..
رائد:تمام… سلام
مراد :سلام
أغلق مع رائد ثم اتصل بوالده
محمد :في حاجة يا مراد
مراد :بابا ابعت حد يجيب ملاك من الحضانه
محمد :في حاجة ولا ايه
مراد:بعدين هفهمك كل حاجة يا بابا
محمد :طيب سلام
مراد :سلام
Aml Saleh.♥️
بينما في المدرسة كانت ملاك تودع آية للمغادرة
ملاك :سلام يا ميس أية
اية :سلام يا لوكا.. ثم تسائلت….انتي هتروحي لوحدك؟
ملاك :لا انكل سامح هيوصلني
آية وهي تنظر السيارت :هو فين ده
ملاك :هيجي الوقتي
آية بقلق :طب هستني معاكي اما يجي.
ملاك :تمام
وبعد عدة دقائق
آية :هو ده
ملاك :لا
آية :بس ده بيشاورلك اهو
ملاك :بس مش هو يا ميس
آية:متأكده
ملاك :ايوة
وبعد وقت
ملاك وهي تتجه نحو احد السيارات :أهو انكل سامح
آية :هو ده
ملاك :ايوة
آية :طب سلام
ملاك :سلام
ذهبت ملاك برفقة السائق..
بينما آية ركبت سيارتها متجهة لبيتها
Aml Saleh.♥️
“في بيت الشاذلي”
اوصل السائق ملاك للبيت…
ملاك وهي تجري نحو جدها :جدو يا جدو
محمد وهو ينخفض قليلاً ليحملها:ايه بتنادي بعلو صوتك يا حاجة ليه
ملاك بحماس :عايزة احكيلك حاجة حلوة قوي حصلت معايا يا درش
محمد وهو يتجه لاحد الكراسي ويجلس ويجلسها بجانبه :ايه هي الحاجة الحلوة دي
ملاك :شوفت اللي حصل
محمد :لا يختي ما شوفتش
ملاك :الميس الوحشة مشت وايجا مكانها ميس حلوة ومش بتضرب صحابي…وشوف كمان جابتلي بونبون.. وكمان لما يوسف مش عرف الإجابة عرفته واديتوا بنبون
محمد:طب كويس الحمد لله ايه تاني
ملاك وهي تفتح قطعة الحلوة :اه وكمان كان في واحد واقف قدام ال School وبيشاورلي اركب معاه
محمد بتساؤل :غير انكل سامح
ملاك وهي تأكل البونبون بلامبالاه:اه
محمد :طب اطلعي خلي منى تساعدك وغيري هدومك
ملاك :حاضر ..
ونزلت عن الاريكة صاعدة لغرفتها
Aml Saleh.♥️
أما آية بعد وصلت وبدلت ملابسها اتصلت على رشة زميلتها لتطمئن عل والدها
آية :السلام عليكم
رشة :وعليكم السلام ورحمة الله وبركاته
آية :إزيك يا رشة عامله ايه
رشة :الحمد لله
آية :و والدك عامل ايه
رشة :الحمد لله
آية :طب يا حبيبتي انا كنت بس بطمن عليه.. اه صح كنت عايزة اقولك حاجة
رشة :ايه في حاجة يا آية
آية :…………………………………………..
رشة بصدمة:ايه؟؟…
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
