رواية أحببته رغم البعد الفصل الثاني 2 بقلم سارة علام
 |
| رواية أحببته رغم البعد الفصل الثاني 2 بقلم سارة علام |
رواية أحببته رغم البعد الفصل الثاني 2 بقلم سارة علام
-خرجت بسرعه اشوف اي الاصوات دي روحت عند شقه زين وخبط ع الباب، هو اللي فتحلي بس كان شكله غريب كإنه كان ف حرب وبياخد نفسه بصعوبه..لسه هتكلم زقني وخرج م البيت دخلت جوا اسأل.
-ف اي ي عمو اي اللي كسّر المكان كده، وزين ماله؟
*والله ي بنتي معرفش هو مره واحده جه م برا قعد يكسر كده زي م انتي شايفه وعلي لسانه جمله واحده(انتوا السبب، انتوا اللي بعدتوها عني.) واحنا بنحاول نهديه بس مفيش فايده لحد م انتي جيتي.. انتي تعرفي حاجه ي بنتي؟
-هه لا ي عمو بس متقلقش انا هتكلم مع زين اما يرجع
*ربنا يخليكي ي حبيبتي
-عن اذنكوا، خرجت وانا متعصبه منه هو ازاي يعمل كده، قعدت ع السلم استناه فضلت مستنيه لحد بليل، سمعت صوته ع السلم وقفت لقيته قدامي بس بنفس العصبيه، خايفه اتكلم معاه يرميني م ع السلم والله.
-زين انت كويس؟ حصل اي واي اللي انت عملته فوق ده؟
=بتسألي ليه؟ يهمك ف حاجه؟ انتي مش قولتيلي مش محتاجاك ف حياتي عايزه اي تاني! كان بيتكلم بصوت عالي وعصبيه
-رديت بنفس العصبيه:انت مجنون غلطان وبتزعق كمان! وملكش اي حق انك تتهم اهلك انهم كانوا السبب ف بُعدك عني ع شان انت اللي كنت السبب، انت اللي مكنتش متمسك بيا فااهم؟
=مش فااهم ومش عايز افهم انتي اصلا غبيه وهتفضلي طول عمرك غبيه مش بيتفهمي حاجه وسعي كده.
-سابني ع السلم وطلع الواد ده مجنون! انا اللي غبيه ومبفهمش!
طلعت بيتي وروحت اكمل نوم احسن م اروح اتخانق معاه.
صحيت جهزت نفسي ع شان اروح الجامعه خلصت وبفتح الباب لقيت المجنون واقفلي ع الباب ومبتسم! مش بقول مجنون
-خير ف حاجه؟
=مش ع الصبح كده، ع العموم ي ست انا رايح قولت اعمل فيكي ثواب و اوصلك ف طريقي يالاا
-بتتكلم بثقه كإني هاجي معاك يعني، زين انا قولتلك مش محتاجه مساعده من حد ولاا محتاجه حد ف حياتي.
=بصلي بعصبيه: تصدقي ان انا غلطان اني عايز اساعدك خليكي لوحدك وانا سيبهالك وماشي.
-مفهمتش قصده بكلمه سيبهالك وماشي غير انه نازل وانا هروح لوحدي، نزلت وروحت الجامعه عادي، خلصت وجايه اروح واحد زميلي نده عليا كان بيسألني علي واحده بيحبها وقفت معاه شويه وخرجت.. زين؟ اي اللي جابه هنا ده
-بتعمل اي هنا؟
=مين اللي كنتي واقفه معاه ده؟
-شئ ميخصكش
=ههه هو مالي حياتك لدرجه مش عايزاني ف حياتك ولا محتاجه غيره؟ للدرجادي نسيتيني
-انت بتقول اي! بتتكلم عن مين؟
=متستهبليش ي ساره انا شايفك وانتي واقفه معاه وبتضحكي.
-انا مش بستهبل بس انت فاهم غلط..وبعدين انت مالك اقف مع مين او اضحك مع مين دا ميخصكش دلوقت.
=عندك حق، ع شان كده هريحك مني تاني.
-ق..قصدك اي؟
=مسافر بكره بليل.
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية توأمان وقلب واحد للكاتبة إيمان المهدي
