اسكريبت الأميرة وحراسها الثلاثة الجزء الثاني 2 بقلم إيمان عبدالرؤوف

ضحكت_وكنت بتفكر فياا ليه بقاا

ضحك وشاور على قلبه وقال_مش انا اللي بفكر ده اللي منساكيش.

_كلامك حلو وييتوه ونساني انا جايه ليه

ابتسم _طب تعالي اقعدي وقولي جايه ليه بقاا ياست هانم وهعرف اساعدك؟

ابتسمت_لا المره دي هتعرف تساعدني بحق وحقيقي.

_طب احكي يا شهرزاد

حكيتله كل حاجه لقيته ساب كل حاجه قولتها وقال…

_مين ده اللي جاي يتجوزك يا هانم وازاي كان ييعاكسك ومقولتليش..

قلبي دق للمره التالته  وضحكت عليه كان شكله بيضحك وهو متعصب.

_وحضرتك سيبت الناس اللي قتلوا اهلي وعاوزين يقتلوا اخواتي وجاي على دي..

_اها جيت على اللي يهمني…

_طب هتعرف تساعدني

لقيته حط ايده على قلبه وقال…

_انتي تؤمري بس وانا انفذ ياست البنات….

ضحكت_طب انا مروحه بقاا

لقيته قام وقف وقال_طب يلا عشان همشي وراكي اصلي لازم اعرف بيتك فين..

_وعاوز تعرفه ليه بقااا

_يمكن اكون عاوز اشرب شاي أو قهوه من ايدك.

_ليه حد قالك اننا فاتحين قهوة.

_طب امشي امشي يلا وانتي غبيه كده..

روحت البيت وطلعت بصيت عليه زي ما قالي لقيته ضحك وبعدين مشي بس فضل يبص ويبتسم كان هيدخل في حمار بس ربنا ستر فضلت اضحك عليه جامد لقيته قرب تاني وقال… 

_ادخلي جوه طب بدل ماطلع ادخلك اي عاوزه الناس تسمع صوت ضحكتك وتقع في حبك زيي ولا اي اتحشمي  ياست.. 

بصيت حوليا ودخلت بصمت كانت خدودي حمرا من الكسوف يعني اي هو وقع في حبي؟  طب يعني هو وقع في حبي؟ طب يعني هو وقع في حبيي؟ هيييييييح

دخلت صليت وبعدين نمت صحيت على صوت اتصال على الموبايل رديت.. 

_الو 

_رايحه تبلغي عني ياست ريهام طب استني وشوفي اللي هيحصل.. 

قلقت _مصطفى مصطفى استنى 

لقيته قفل في وشي قومت بسرعه.. 

_جدي اخواتي فين مش لقياهم.. 

_طلعوا برا بيعملوا سباق خيل.. 

حاولت اتصل بيهم كتيير محدش بيرد فضلت اعيط يارب يارب استر يارب  لقيت الباب بيخبط طلعت اجري يارب هما فتحت لقيت الظابط على قدامي لسه هرد اقوله مصطفى عرف لقيته بيقولي… 

_زين يزن عدي ماتوااا البقاء لله 

_اااااايييييي

_ريهااااام ياريهااااااااام

صحيت لقيت نفسي في حلم ولقيت التلاته بيرشوا عليا مايه  قومت بسرعه حضنتهم.. 

_انتوا كويسين صح قولولي فضلت اعيط انتوا عايشين مش كده؟ 

زين _مالك يا ريهام اي اللي حصلك.

يزن_مالك يا ريمو بتعيطي ليه بس.. 

عدي _بالله ما تعيطي مالك يا ريهام.. 

_انا بحبكم اوووي. 

_واحنا بنحبك اصلا.. 

عدي اسبوع وانا معرفش عنه حاجه هو ومصطفى  وانا مبسيبش اخواتي يطلعوا برا البيت وعرفت اني نجحت وبقيت دكتوره والنهارده حفله التكريم…. 

_الف مبروك يا دكتوره 

_الله يبارك فيكم.. 

كرموني كنت مبسوطه اووي بفرحه جدي ليا واخواتي كانوا واقفين ورايا هما التلاته حراسي التلاته زي ما سميتهم انا مليش غيرهم اصلا. كل ده ومكنتش اعرف حاجه  عن مصطفى وعلى  بعيدا ان جدي كل يوم يقولي وافقت عليه ولا لا واخواتي اللي كل يوم يقولولي فيكي حاجه غريبه ايوه للأسف انا حبيته حبيت الظابط على….. او علوة ذي ما بيحب

لقيت رساله جايه على الموبايل…. 

_الف مبروك يا دكتوره يا ترى دكتوره مع ظابط حلو ولا لا بقولك ايه انا مش عاوز رأيك هو حلو ولو مش حلو نخليه حلو اي يعني يا ترى بقاا دكتورتنا بتعرف تعمل قهوة سكر ذياده؟.. 

ضحكت وكتبت _ليه. 

لقيته طلع من اللا مكان وبيقول_اصلي عرفت انكم فتحتوا قهوه اصلا 

_اصلا 

ضحك_اصلا

_صحيح مقولتليش عملت اي وكنت مختفي ليه.. 

_عشان دورنا على اللي اسمه مصطفى ده طلع بيتاجر في المخدرات وطلع وراه بلاوي عشان كدا كنت بدور وراه لقيته قاتل اهلك عشان 

وقتها لقيت وشه حمر واتعصب جامد وقال.. 

_الاستاز بيحبك وبيعشقك عنده مرض اسمه ريهام عارفه بيته كله صورك؛ وأهلك طلبك منهم وموافقوش قام قتلهم الحيوان ابن******

كنت قاعده بعيط _يعني هما ماتوا بسببي 

_متقوليش كده ده نصيبهم.. 

_طب ممكن متقولش لجدي او اخواتي اي حاجه.. 

_اكيد طالما عاوزه كده.. 

اخدت نفس لقيت اخواتي جوم عندي وفضلوا يحضنوا فيا ويباركولي ضحكت علي علي لما لقيته بقولهم.. 

_اوعي كده يااخ انت وهو بعيدها في اي هي وكاله من غير بواب؟ 

زين _وانت مين اصلا. 

يزن _ايوه فعلا وانت مين اصلا. 

عدي_بسرعه كده قول انت مين اصلا. 

ضحكت عليهم هيفضلوا طول عمرهم كده.. 

_انا اللي جاي أتقدم لاختكم

التلاته _نععععمممم

الجد_انا موافق وهو طلبها مني وقالي على كل حاجه 

بصيت على جدي لقيته ابتسملي 

لقيت التلاته قالولي_انتي موافقه ولا اي انتي كمان. 

بصيت بخجل وقولت _اللي تشوفوه.. 

لقيت على زعق وقال… 

_نععععممممم

_اي اللي يشوفوه ما هما اصلا موافقين ولا اي.. 

_زين _مش موافق

يزن_مش موافق

_عدي_مش موفق

عملت نفسي زعلانه وقولت_طيباللي تشوفوه 

لقيتهم بصوله وقالوله بصوت واحد _مش موافقين غير لما تقولها انك بتحبها.. 

لقيته قرب عليا وقال.. 

_يااااه انا مش بحبها انا بموت فيها بالله. 

كنت مكسوفه اووي لقيته بيقول… 

_هتعرفي تساعديني انتي المره دي. 

استغربت_اساعدك في اي. 

_انك تجيبي تلات تؤام ذي دول هتعرفي؟

ضحكت وبصيت فوق وقولت… 

_كله بأمره لو هو عاوز كده هيدينا.. 

_بس تعرفي فستانك شكله حلو وكلك حلوه اخدتي قلبي بشكلك ده امتى بس هتكوني مراتي ياست البنات .. 

ضحكت ووقتها قلبي دق للمره الرابعه… 

ويا من تسلك طريق الحب كيف عرفت الطريق إلى قلبي♥️

#ايمان_عبدالرؤف♥️