رواية لقاء الحلقة الثانية 2 بقلم دعاء عرقوب
 |
| رواية لقاء الحلقة الثانية 2 بقلم دعاء عرقوب |
رواية لقاء الحلقة الثانية 2 بقلم دعاء عرقوب
لقاء بدموع :والله مكنت اقصد ي بيه هي وقعت من ايدي
آسر وهو يحاول أن يسيطر ع غضبه: انتي عارفه انتي عملتي ايه تعب اسبوع كامل راح ع الارض وهضطر اعمله تاني
لقاء ومازالت تبكي : بالله عليك ي بيه متقول للست الهانم وتمشيني من هنا دا أول يوم ليا ومصدقت لاقيت شغل بالله عليك ي بيه
آسر:طب بطلي عياط مش هقول لحد بس ياريت تاخدي بالك المره الجايه
لقاء بفرحه: بجد يببه! حاضر هأخد بالي والله المره الجايه
آسر: بطلي كلمه بيه دى والا هرجع في كلامي
لقاء:اومال اناديك بايه يبه
آسر: بيه تاني ..اسمى آسر وانا بحب اسمي ناديني بيه
لقاء:لا ميصحش أنا خدامه هنا
آسر: طب يستي كلها شهور وابقي مهندس رسمي يمشي بشمهندس
لقاء:حاضر ي بشمهندس ..
آسر:اسمك ايه ؟
لقاء:لقاء
آسر:طب ياريت فنجان قهوه بدل الي وقع دا
لقاء:تؤمر ي بشمهندس ثواني وهجيبه
خرجت من الاوضه وانا عندي احساس براحه غريب اهاا كنت مرعوبه لما اتعصب بس كنت في نفس الوقت مطمنه الي هو مش عارفه اذاي بس كنت مرتاحه للكلام معاه كأني اعرفه من زمان
كنت هنزل بس سمعت صوت طالع من الاوضه الي جنبها كان صوت واحده بتنادي ع حد الباب كان متوارب فتحت براحه ودخلت لاقيت واحده نايمه ع السرير وبتتحرك كأنها بتحلم بكابوس قربت منها وأول مامسكت ايدها لاقيتها قامت من النوم وهو بتنادي باسم أريج ساعتها قمت من جنبها بسرعه خفت اكون ارتكبت غلط تاني اني دخلت من غير مااستأذن
بس غريبه الست دي مبحلقه في عنياا كدا ليه
لقاء:أنا اسفه ي هانم دخلت من غير ماستأذن بس
سمعتك بتنادي …انا لقاء الخدامه الجديده
سماح:ولا يهمك يبنتي ..بس هتيلي كوبايه مايه من جنبك
لقاء:حاضر ي هانم ….اتفضلي
سماح: لون عينك حلو اوي ي لقاء
لقاء:تسلمي يست هانم …معلش انا عارفه ان مليش الحق اسالك يعني بس كان شكلك بتحلمي بكابوس حضرتك كويسه
سماح: كوابيس الحياه اصعب من الكوابيس الي بنشفها في الحلم يبنتي وانا عندي كابوس هيفضل ملازمني لاخر يوم في عمري
لقاء:………
سماح: ههه اكيد مفهمتيش حاجه من كلامي ..
لقاء :للصراحه ي هانم مش فاهمه حاجه
سماح: من زمان فقدت حته مني كانت بنتي ومن يومها وبقي يجيلي كابوس انها بتروح مني
لقاء :اسمها اريج صح كنتي بتنادي باسمها وانتي نايمه
سماح:ايواا اريج كانت ذي الملايكه
لقاء:مش بنت حضرتك اذاي مش هتكون ملاك
سماح:هههههه بس يبكاشه
لقاء: والله داانتي ذي القمر ي هانم
سماح: طب يسيدي شكرا هههه …انتي كنتي رايحه فين
لقاء بتذكر:يخبر !!
سماح:ايه حصل ايه
لقاء: آسر بيه ..لا لا آسر البشمهندس طلب قهوه ونسيت اودهاله
سماح وهي تكتم ضحكاتها:يخبر دا انتي صعبتي عليا من الي هيتعمل فيكي كنتي بتقولي النهارده أول يوم صح
لقاء:ايوا ي هانم
سماح:وهيبقى آخر يوم ي حبيبتي
لقاء:ربنا يطمنك ي هانم
سماح:هههههه ههههه لا اطمني ابني قلبه طيب مش هيعمل حاجه بس اجري اديله القهوه
لقاء:أنا قلت انه ابنك قمر ذيك بالظبط ي هانم
سماح:أحم ..احم انا ابني بيتعاكس قدامي
لقاء:هااا..انا هروح..القهوه
سماح:ههههه امشي براحه هتوقعي هههه
في غرفه آسر
آسر:اتفضل ..
لقاء:القهوه ي بشمهندس
آسر: حطيها ع المكتب
لقاء:……
آسر: واقفه ليه ؟!
لقاء: من خوفي نسيت اشكر حضرتك إن يعني رغم اني عارفه الي عملته سببلك مشاكل اكيد ومع ذالك مهنتنيش
آسر:انتي قلتي مكنش قصدك حصل خير
لقاء:طب حضرتك مش محتاج اي مساعده
آسر:هههههه وهتسعديني اذاي بقى
لقاء:هو علشان احنا غلابه مش هنكون بنفهم ذيكوا
آسر:لا والله مش قصدي اقلل منك ….طب انتي تعليمك ايه ؟
لقاء: اقولك بس يفضل سر بينا
آسر:ههههه قولي
لقاء:الحقيقه الي الكل عارفها اني سايبه التعليم من تانيه اعدادي اهلي طلعوني من المدرسه علشان المصاريف ذادت وخلوني انزل ابيع مناديل معاهم لكن السر بقى اني كملت ودخلت ثانوي عام كمان
آسر:ودا اذاي بقى
لقاء:مهو انا كنت بطلع من الصبح من البيت كنت بروح المدرسه وبعدين اطلع ابيع المناديل ولحد دلوقتي محدش عرف
آسر: ودخلتي كليه ايه بقى بعد الثانويه
لقاء:ماانا مدخلتش تالته محمد كان عليه ضغوطات كتير ومكنتش عاوزه اتقل عليه اكتر من كدا
آسر :محمد مين ؟
لقاء:هو أنا محكتلكش ع محمد
آسر:لا محكتيش
لقاء:محمد دا يبقى اخو صاحبتي تسنيم هو اكبر مننا لما عرف بالي حصل وان اهلي مش راضين يخلوني اتعلم قالي هنعمل خطه وهي إني أروح المدرسة الصبح أنا وتسنيم وهو هيبيع مناديل مكاني ولما ارجع اروح ابيع اني وكنت بحوش فلوس مع نفسي علشان الكتب والمصاريف ،حتي في تالته اعدادي مكنتش باخد دروس بس هو كان بيذاكرلي ويديني دروس وجبت مجموع ودخلنا ثانوي عام أنا وتسنيم اهاا كنت بعدي بالعافيه بس كنت عاوزه ادخل تالته ثانوي وكنت هذاكر علشان اجيب مجموع وادخل كليه تجاره ذي محمد مهو محمد في كليه تجاره و اتخرج السنادي بس الحلو مبيكملش في آخر تانيه تسنيم تعبت جامد وجالها سخنيه واثرت ع العضم وفضل جنبها ويلف بيها ع المستشفيات دا غير دراسته وكل دا عاوز مصاريف وهو ع قد حاله مافيش حد يساعده ابوه وامه ماتوا وهو وتسنيم ملهمش غير بعض يعني فيه الي مكيفه مش هروح اذيدها أنا كمان عليه وللصراحه أنا اتحرجت اطلب منه حاجه فقعدت من المدرسه و….آسر بيه انت نمت
آسر:هااا…لا أنا سامعك اهو
لقاء:لحظه هو أنا حكيت كل دا وحضرتك سمعت ..والله انا كلامي قليل و..
آسر:لا ماهو واضح اهو هههه
لقاء: أنا شكلي عكيت ولا ايه
آسر:ولا عكيتي ولا حاجه انتي فعلا ساعدتيني كلامك شجعني ع المذاكره انتي كنتي محتاجه فرصه بس علشان نفسك تكملي تعليمك وانا كل الفرص متاحه ليا المفروض ان اشكر ربنا واجتهد واذاكر
لقاء:اي خدمه ي بشمهندس ربنا هيفوقك إن شاء الله
آسر:يارب امتحانات الفاينل قربت ومحتاج دعوات كتيييير ههههه
ايه الالفه الغريبه الي بحس بيها اتجاه البت دي وايه كميه الراحه الي بحس بيها لما بتكلم معاها لسه عارفها من ساعات بس بحس اني اعرفها من زمان اوي وغريبه اذاي لما شوفت دموعها وهي بتعيط حسيت بوجع في قلبي بس الأغرب لما زعقتلهاش لما وقعت القهوه ع الورق مع اني بثور لو حد جيه جنب حاجاتي ليه بحس ان عيونها مش غريبه عليااا واني شايفهم قبل كدا؟!!
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية شمس للكاتب حمدي قدري.
