Uncategorized

رواية المؤامرة الحلقة الثانية 2 بقلم منة محسن

 رواية المؤامرة الحلقة الثانية 2 بقلم منة محسن

رواية المؤامرة الحلقة الثانية 2 بقلم منة محسن

رواية المؤامرة الحلقة الثانية 2 بقلم منة محسن

روسندا جريت على تحت بسرعه وراحت لئوضه عزام واللى جاى منها الصوت دخلت بسرعه لقت عزام قاعد على الكرسى وبيهولوا وهو وشه احمر ومش قادر ياخد نفسه
روسندا جريت ومسكته بلهفه: هو ماله فى ايه؟؟ 
فاطمه بحزن وقلق: هو تعب شكلها نوبه قلب.. 
روسندا  بصتله بقلق: قولى طيب فين الدوا وانا هجبهولك
عايده من غير متبصلها :الدوا ف الدولاب
روسندا راحت بسرعه وجابته مسكت كبايه ميه وجات تدهولو
عزام  بعدها عنه وكأنه بيقولها مش عايز منك حاجه ورافض ياخده منها.
روسندا نفخت بضيق وبأنزعاج: ممكن تبطل عند بقى وتاخد الدوا 
عزام غمض عيونه وبتنفس بعمق وهو حاطت ايده على قلبه
عايده:هاتى الدوا انا هدهوله
روسندا:لا مش هياخده غير منى انا..
مسكت بؤه وادتهولو بالعافيه وهو بصلها بغضب وزعل
روسندا  ابتسمت وهى فاهمه انه لسه زعلان منها: متقلقوش شويه وهيبقى زى الاسد
عايده بقرف ومن غير متبصلها : امشى بس انتى من وشه وهو هيبقى كويس
روسندا  بصتلها ببرود: هو تعب وانتى معاه مظنش انى السبب
عايده بصتلها بغضب وقرف 
روسندا مسكت ايد عزام: تعالى يلا ارتاح على السرير
عزام بعد ايدها 
روسندا  مسكت ايده تانى وعضته: اسمع الكلام
فاطمه  بتكتم ضحكتها على طريقتهم مع بعض
روسندا  سندته هى وفاطمه لحد منام على السرير 
روسندا  قعدت جانبه: لسه تعبان؟؟ 
عزام بصلها واتنهد بعمق وبعد نظرن عنها: الحمدالله. 
انجى بتمثل الرقه: روسندا  انتى عارفه انه بيتعب لما بيزعل وانتى مكنتيش لازم تزعليه
روسندا وقفت بعصبيه وبصتلها: يا ريت اللى عنده كلمه يوفرها لو كنتى خايفه على تعبه اوى ليه مجرتيش جبتى الدوا قبل مانزل ؟؟؟ 
انجى رفعت حواجبها وربعت ايدها لصدرها: قصدك انى مش خايفه عليه؟؟.. روسندا ده خالى ودمه من دمى. 
فاطمه: استاذه انجى روسندا هانم مش وقته النقاش ف المواضيع دى.. عزام بيه تعبان
روسندا  بعدت نظرها عن انجى وبصت لعزام
عزام: انا كويس يلا كل واحد يروح على اوضته
عايده: انا بقول نجيبلك دكتور يبقى معاك هنا وياخد باله من صحتك. 
عزام:لا انا بقيت كويس يلا روحوا ناموا.. 
انجى مشيت وعايده بصت لروسندا بغل وراحت وراها
فاطمه: عزام بيه لو احتجت اى حاجه نادينى
عزام  هز راسه  بإيجاب وهى مشيت
روسندا  بصتله بأبتسامه مناغشه ونطت جانبه على السرير: تعرف سريرك مريح اوى احسن من سريرى
عزام من غير ميبصلها: روحى على اوضتك انا مش عايز حد جانبى وخصوصآ انتى. 
روسندا  حضنته وغمض عيونها: انا بقى عايزه انام هنا غلاسه. 
عزام بصلها ورفع حاجب واحد
روسندا  بصتله وابتسمت: هو فى جوز ام حلو كده
عزام  بيحاول يسيطر على ابتسامته بكل الطرق وبيحاول يبين زعله منها اكتر ويكون صرم ف طريقته معاها: امم.. وهو لو كنتى بتحبينى كنتى هتعصى اوامرى كده!!؟؟ 
روسندا: متوهش ف الموضوع وتاخدنى ف دوكه عشان تخفى عيونك الزرق انا فهماك كويس
عزام ضحك ودور وشه للجهه التانيه
روسندا  ابتسمت ومسكت ايده: يلا نام انا هفضل جانبك لحد متنام انا عرفاك بتخاف من الاشباح
عزام  ابتسمت بخفه وباس راسها وحضنها: لو تسمعى الكلام بس كنت هقدر اعتمد عليكى ف حاجات كتير وتثبتيلى انى اقدر اموت وانا مطمن عليكى
روسندا  بصت قدامها وعيونها اتملكوهم الحزن والتفكير
عزام بيملس على شعرها: انا كل مبشوفك بتسهرى وبشوف صحابك الشباب والبنات كمان وترجعيلى الصبح سكرانه ولبسك كل ده يرضى ربنا يا روسندا؟؟؟… انا ببقى خايف لموت ف اى لحظه وانتى مش هتقدرى تعتمدى على نفسك ولا تعيشى حياتك صح.. انتى دمرتى حياتك وتصرفاتك وحتى شخصيتك اتغيرت بعد وفاه امك انا عارف انى مش بنفس معزتها وعارف انى مليش حجم كبير من الحب ف قلبك بس لو موت وخسرتينى انا كمان.. وقتها هتعملى ايه؟؟.. روسندا اعقلى بقى كفايه تتهربى من حزنك اللى لازم تواجهيه وتنهيه 
روسندا  صوت نفسها علي ومثلت النوم
عزام بعد عنها شويه وبصلها اتنهد بعمق وضيق لما شافها نايمه: ولا كأنى قولت حاجه.. ربنا يهديكى مش هقول اكتر من كده.. 
غطاها ونام وهى فتحت عيونها ببطئ وبصتله  وبتفكر ف اللى قاله
فى اليوم التالى
عزام خرج برا أوضته وفاطمه راحتله بسرعه:صباح الخير يا عزام بيه أحضر لحضرتك الفطار؟؟
عزام:فين روسندا؟؟
فاطمه الحزن واليأس اتكلموا ملامحها:هى خرجت ..
عزام غمض عيونه بأسف:مفيش فايده…حضريلى الفطار لحد ماروح اخد دوش واتوضه واصلى الظهر قبل مايفوتنى
فاطمه:امرك يا عزام بيه
وتروح للمطبخ
فى الديسكوا عند روسندا
شمس:يعنى ضمنتى أنه مش هيجيلك حد؟؟؟
روسندا:يا بنتى انا امبارح خدته بحنيه وانا متأكدة أنه مش هيكرر غلطته ويجبلى حارس تانى هو هيخاف
شاهيناز والسيجاره ف أيدها وبتضحك:واللهى على حسب معرفتي بجوز امك ف هو جبروت ومش هيسكت الا لما يمشيكى زى ماهو عايز
روسندا صبت كاس من الخمره:اه يعدلنى اصلى معووجه..هو يعمل اللى ف دماغه وانا اقعدلوا أغنى ظلمونى
شهيناز ضحكت :متخيله شكلك تحفه .
روسندا ضحكت :فكك بقى انا عايزه اهيص النهارده واخيرا قدرت انتصر على عزام بيه..اد ايه انا بطل
شهيناذ ضحكت:طب يلا يا بطل قوم عشان نرقص لحسن انا حاسه انك هتاخد مقلب النهارده بشكلك الحلو دا..(بصت لشمس اللى قاعده بتاكل ومش معاهم خالص)ولا ايه ياشمس..نفسى مره مره واحده بس اشوف بؤك مبيتحركش يا بت هتطخنى ايه اكتر من كده؟؟؟
شمس وهى بتاكل :البنت اللى معندهاش كرش متسواش قرش
روسندا ضحكت:ده ف عهد مين
شاهيناز:قلبتى المثل يا روحى وبوظتى الدنيا..
مصطفى وسوسن وكريم قاعدين بيفطروا
سوسن:حبيبى كل خضار كتير لازم تكون صحتك كويسه انت بتتعب ف الشغل ومبترجعش غير باليل
كريم ابتسم بلطف وهز رأسه بأيجاب وباله شارد 
سوسن بصت لمصطفى وسندت ذقنها على أيدها :الا قولى يا مصطفى بنت اخوك روسندا ايه اخبارها ؟؟…مرجعتش لابوها؟؟؟
كريم بصلهم وانتبهلهم ده كان متعلق بأللى بيفكر فيه
مصطفى بصلها وشكله باين عليه الزعل لما جابت سيرتها:ابوها هو اللى مش عايزها تعيش معاه انا مضايق عشان البنت دى امها ماتت وأبوها حتى مفكرش يعطف عليها وياخدها تعيش معاه
سوسن:انا شايفه أن ابوها عندو حق ف نقطه..يعنى انت بص البنت شوف لبسها وطريقتها وسهرها كل يوم والتانى واصحابها الشباب هو ليه حق مياخدهاش تعيش معاه دى تعره
مصطفى اتعصب:يعنى هو الصح أنه يسيبها كده عايشه مع جوز امها وأبوها عايش؟؟؟..هو لوكان خادها من الاول عاشت معاه مكنش هيبقى ده حالها لو كان قلها ده صح وده غلط مكنتش هتبقى كده ومكنش عيارها هيفلت
سوسن:وهو انت معاها ولا مع اخوك؟؟
مصطفى:المسئله مش مسئله اخوك وابنك ..المسئله الصح والغلط
كريم:انا شايف كلام بابا صح..
سوسن بصتله:حبيبى كل خضار وملكش دعوه بالمواضيع دى
كريم:كلت خضار وهقوم اروح الشغل
سوسن:انت مكملتش طبقك اكيد الاكل مش عاجبك انا هروح اهزق الطباخ اللى عمله (وتنادى بزعيق)محمد الزفت انت..
كريم:ماما الاكل جميل وكل حاجه انا اللى شبعت
عم محمد(الطباخ) راحلهم:امرك يا سوسن هانم
سوسن بتتكلم وهى رافعه وشها لفوق ومن طرف عينها:عدل أكلك وإلا هيتخصملك نص المرتب مفهوم
عم محمد بلهجه ضعيفه:وماله الاكل يا هانم؟؟!!!؟
سوسن بزعيق :انت تقول حاضر وبس يا زفت انت فاهم
عم محمد بص ف الأرض وهز رأسه بإيجاب:امرك يا هانم
كريم اتنهد بعمق وخاد جاكيته وشنطته:انا ماشى سلام..
ويبوس خد سوسن
سوسن ابتسمت:خلى بالك من نفسك يا عمرى وماتكلش مع حد من صحابك الاكل بتاع برا بيبقى ملوث
كريم بتريقه:حاضر حاضر وهغسل ايدى قبل ماكل..وكمان هجيب البامبرز هبعت سكرتيرى يهجبهولى.
سوسن ضربته على كتفه بهزار:انا بتكلم بجد
كريم ابتسم : يلا بااى
ويمشى 
مصطفى:بقولك ايه يا سوسن انا بفكر فى حاجه كده…
سوسن بصتله:ايه هى!؟
مصطفى:اجوز روسندا لكريم..
سوسن بصتله وبرقت بصدمه:what!!!؟؟؟؟؟
مصطفى:انا بتكلم بجد اهى تلاقى اللى يحكمها وكريم بتاع مسئوليه وهيرتاحوا مع بعض هى مش هتعارض لو انا فاتحتها ف الموضوع
سوسن:لاتفاتحها ولا تفاتحه انا ابنى ميتجوزش البنت دى ابنى تجيله ست الستات مش واحده زى دى
مصطفى: روسندا كويسه بس هى محتاجه اللى يوجهها للطريق الصح.
سوسن:مش يمكن هى اللى تاخده لطريقها؟؟
مصطفى :ومين قالك بقى عرفتى الغيب؟؟
سوسن:مصطفى الموضوع مرفوض حتى لو هو وافق انا مامته واعرف عن المواضيع دى اكتر منه ف بليز متكبرش دماغ كريم وخليه ف شغله احسن انا اللى هخترلو عروسه على ذوقى
مصطفى:يبقى عمره مهيتجوز 
سوسن:احسن بردو خليه قاعد معايا
مصطفى وقف وبصلها بضيق:انا هروح الشغل
سوسن بعدت نظرها عنه:مع الف سلامه
انجى ماشيه ف الشارع وهى ماسكه المستندات اللى هتوديها للشركه وباصه ف تليفونها بتبعت رسائل لصاحب الشركه المنافسه ليهم واللى هتوديله المستندات..سمعت صوت شباب وراها بيعاكسوها ومتابعينها ف المشى..
…….:يا بطل ايه الحلاوه دى غزاااااال..
انجى ماشيه وبتتجنبهم تماما
صادفت ف نفس الشارع كرم ماشى وكان بكامل شياكته لابس النضارة وبيتكلم مع رحيم اللى ماشى معاه
رحيم بص لانجى :الموظفه دى معايا ف الشركه
كرم بصله وبص لانجى
رحيم:الواضح أن هما بيضايقوها..
٭٭٭٭٭٭شدها من أيدها :استنى بس
انجى بتحاول تسحب أيدها بغضب ممزوج بخوف وتوتر:انت بتعمل ايه سيب ايدى 
………:ماتحن علينا بقى يا ابو الكرم وتيجى ولا احنا مش قد المقام
رحيم بص لكرم وبيسخنه عشان يتدخل:اوبااااااا..غلطوا فيك يا معلم
كرم بصله وبصلهم بغضب وراحلهم
رحيم كتم ضحكته وحط أيده على بؤه:وها هو بركان الغضب ينفجر.
كرم وقف معاهم:لحظه واحده بس..
انجى بصتله والشباب انتبهولوا
كرم:انتوا قلتوا ايه من شويه؟؟
…………زأه بعنف:وانت مال اهلك
رحيم برق:اوبااااا..
كرم خلع نضارتها وحطها ف جيبه وهو بيضم شفايفه بغض :مال اهلى..
لكم الشاب بعنف وانجى كانت مبهوره بأللى بيعمله…اتلمت عليه مجموعه من الشباب ورحيم بصلهم لما لقى عددهم زاد وكرم بيضربهم لكن العدد دا كله مكنش هيقدر عليه لوحده وعلى رأى المثل القوه بتغلب الشجاعه..
رحيم شمر أيده وهو باصصلهم:جايلك يا خويا اموت بطل احسن ماموت عيل
جى يقرب لقى شاب من اللى كرم بيضربهم وقع تحت رجله
رحيم بصله 
الشاب مسك رجله:انت واقف عندك بتعمل ايه ارجوك ساعدنا اعمل حاجه
رحيم :اضرب مين؟؟؟؟
الشاب شاور على كرم ووشه مليان جروح:اهو..
رحيم ضحك:وانا اللى رايح اساعده!!
بعد ماخلص كرم خناقه وكان هو اللى بيضرب ويصد ماهو التمارين والجيم اللى بيروحو مش من فراغ..
رحيم:بس ايه ده يا جدع ده انا كنت رايح اساعدك واللهى صعبت عليا العيال 
كرم بيظبط هدومه وبصله من طرف عينه:بتتريق!!
رحيم بضحك:معاش ولا كان اللى يتريق عليك ياابو الكرم..بقولك ايه انا هسبقك على قصر عزام بيه أبلغه انك جاى وأكلمه كلمتين انت معاك العنوان وانا هكون قدام القصر مستنيك
كرم شاوله بأيده يمشى
خديجه :ماما انا هروح اشترى الخضار اللى ناقصك والأكل من السوق عايزه حاجه تانى؟
سميره:لا يا خديجه بس متأخريش وملكيش دعوه بحد.
خديجه:حااااضر يلا سلام.
وتمشى من البيت..بعد ماوصلوا لمكان وقوف الميكروباص شافته بيمشى.
خديجه جريت ورا الميكروباص:هااااااااى استنى…عم سلامه استنانى..
الميكروباص وقف وهى طلعت بسرعه وركبت :بقى كده يا عم سلامه تسيبنى وتمشى انت مش عارف ان كل جمعه بطلع ف المعاد دا عشان اروح السوق
سلامه:معلش يا بنتى واللهى مخدت بالى..
مؤمن طلع على الميكروباص:اطلع ياسطا
سلامه طلع بالميكروباص
مؤمن بيدخل الميكروباص بالعافيه عشان يوصل لخديجه وكان اتعفص عقبال ماوصلها من عدد الناس المأهول
مؤمن بضيق وهو واقف قدام خديجه وماسك ف السناده اللى فوقيه وسايب مكان بينه وبينها بالعافيه عشان محدش يقف معاها ويضايقها
مؤمن:قولتلك ميت مرا لما تلاقى الميكروباص زحمه متركبيهوش
خديجه:اعمل ايه يعنى اجيلهم باليل ماهو دايمآ زاحمه
مؤمن:وبعدين خدى كده..هو انا مش قايلك مليون مره لما اللى اسمه وليد ده يجيلكوا ماتقعديش معاهم؟..وانتى ماشاء الله عليكى كنتى شويه وهتروحى تبوسيه.
خديجه ضربته على دراعه :اتلم بقى.
………:مين هيلم الاجره؟؟؟
سلامه:لمى الاجره انتى يا خديجه.
خديجه بتخبط على ايدها:يلا كل واحد يطلع الاجره كده
………بلهجه صعيديه:ممعييش فكه.
خديجه:هات يا عم الحج افكلك 
…….. بلهجة صعيديه:وانا ايش ضرانى انك هترجعيلى الفكه!!
مؤمن :انتى بتكلمى مين…بقولك ايه هتجيب الاجره ولا تنزل من دلوقت؟؟
…….. بلهجه صعيديه:خلاااص خد بس على الله ماترجعش الباقى
سلامه ابتسم وهو باصص ف الطريق وسامعهم:اركب معايا انت كل يوم يا مؤمن 
مؤمن بلؤم:تدينى كام؟؟
سلامه:انت هتاخد كمان حق لمك الاجره!!
مؤمن:امال هنبح صوتى على الفاضى!!
سلامه:خليك يا مؤمن مش عايزك تركب معايا 
خديجه بتضحك عليهم
روسندا ماشيه مع شمس وشاهيناز صحابها بعد ما فطروا ف مطعم و كانوا مروحين وبيشربوا الاسبريسوا .
شمس :إلا قوليلى يا روسى لو طلعت توقعاتك غلط كده وعزام بيه فعلا جابلك حارس…هيبقى شكله عامل ازاي؟؟
روسندا بتتكلم ويتحرك أيدها وبسخريه:مبدأيآ كده ده مش هيحصل…ومن جهه التخيل ف اكيد هيبقى كحكوح وماشى على عكاز…مجايب عزام بقى..
شمس حبت تهزر:أو واحد عامل كده
وتحول وتطلع لسانها.
روسندا ضحكت:أو عامل كده
وتمثل واحد مشلول
شمس بتضحك:أو كده
وتنعكش شعرها
روسندا بتضحك جامد:أو شبه شاهيناز 
شمس ضحكت
شاهيناز:يعنى انا مستحملاكوا ومستحمله غلاستكوا وف الاخر اتشتم!!!
روسندا بدلع:شاااهى احنا كنا بنتخيل الحارس مش اكتر..والحقيقه انتى اكتر واحده ينفع يتوصف بيها.
شاهيناز:واللهى..
جات تمسكها روسندا جريت وهى بتضحك وبصالهم ف الوقت دا خبطت ف حد من غير متاخد بالها والاسبريسوا اللى ف أيدها وقع عليه..
كرم مسك قميصه بغضب وبيجز على اسنانه وبصلها:انتى عاميه انا عندى مقابله مهمه دلوقت ازاى هروح وانا متبهدل قهوه
روسندا ضحكت بسخريه:اسمو اسبريسوا..وبعدين انت قليل الذوق انا كنت ممكن اعتذر بس لا بعد قله احترامك دى انت متستحقش الاعتذار..
كرم بغضب ورفع صباعه قدامها بتحذير:انتى تعتذرى وغصب عنك غلطانه وكمان بتبجحى انتى اكيد مجنونه
روسندا رفعت صباعها قدامه هى كمان وبتحذير:نزل صباعك ومتزعقش 
كرم بعند وغضب:انا مش هنزل صباعى وازعق براحتى
روسندا جات تتكلم وكانت لسه هتبداء تستفزه لكن شاهيناز وشمس اتدخلوا بينهم وبيحاولوا يهدوا الوضع
شمس:خلاص احنا اسفين يا كابتن احنا مستعدين ندفع اى تعويض عن القميص اللى اتبهدل.
روسندا وهى بتجز على اسنانها بغل:لا مش هندقع حاجه
شاهيناز كتمت بؤها:حقيقى احنا بنعتذر يا كبتن ..
كرم بصلهم وبصلها:ربنا يشفى.
ويسيبهم ويمشى
روسندا بعدت ايد شاهيناز بأنزعاج:شوفتى قليل الادب
شاهيناز ضحكت:قليل الادب مين بس أنا اللى قليله الادب رايحه تتخانقى مع ده يا جاحده ملقتيش غير الهضبه ده وتتخانقى معاه..
روسندا ابتسمت وكملت بطريقتها :انجيتى للحق ف هو قمر..
شمس شاركتهم بأبتسامه:ولا عضلاته..
شاهيناز بصوت عالى وعايزه ترجعله بس روسندا مسكاهه:يا كبتن تعالى انضفلك الجاكيت ف بيتى طب بوسه طيب
روسندا كتمت بؤها وبتضحك:يا بت انتى اسكتى 
شمس بتضحك
شاهيناز بعدت ايد روسندا بيأس وحزن:يا خساره مكنش هيتعوض
روسندا ضحكت :طب بوسه طيب على أساس أن البوسه هى اللى مش هتخليه يمشى..
شمس ضحكت:أه صحيح 
شاهيناز:طب يلا ياختى ادخلى القصر قبل متحصل مصيبه تانيه
روسندا بضحك:سلام خلى بالك منها هاا .
شمس:متخافيش ابقى طمنينا عليكى بس انتى
روسندا رفعت أيدها بسلام ومشيت …دخلت القصر وهى بتغنى وبتطوح شنطتها يمين وشمال لكن اصابتها صاعقه خلتها واقفه مكانها ومش قادره تتحرك من كتر الصدمه ….شافت عزام قاعد وقدامه كرم ورحيم..
عزام بصلها وأبتسم:اهى روسندا جات..
كرم لف رأسه وبصلها برق لما شافها وخلع نضارته وهو باصصلها وكأنه مش مصدق عينه ..لف رأسه وبص لعزام:هى دى ..بنتك؟؟
عزام هز رأسه بإيجاب: روسندا…تعالى اقعدى
رحيم همس لكرم:جامده مش كده؟
كرم بصله وبصلها بأبتسامه صفره:امم..فعلا 
روسندا راحت ووقفت قدامه بغضب وعصبيه اخيرا كسرت سكوتها:انت بتعمل ايه هنا يا بنى ادم انت يلا قوم اطلع برا ..وحالا..
عزام بصلها بصدمه ولأنها هتحرجه قدامه..وميعرفش اللى حصل ف مقابلتهم: روسندا انتى ايه اللى بتعمليه دا!!..ده الحارس الشخصى اللى هيبقى مسئول عن حمايتك
روسندا من جديد اصابتها صاعقه وبصت لعزام والكلمه بتتردد ف ودانها كانت فاكره الموضوع مجرد تهديد بس طلع بجد ومش اى حارس كمان..نفسه ابنى آدم اللى استفزها وكانت مقابلتهم زى الزفت..
روسندا بصت لعزام وبهدوء والصدمه مسيطره عليها:لحظه واحده بس..انت كنت بتتكلم بجد لما قولت انك هتجيبلى حارس؟؟!!
عزام فهم سبب سكوتها وصدمتها:امال بلعب؟!
كرم ابتسم بخبث وقرب وقف قدامها مدلها أيدها بأبتسامه بارده:اهلا يا روسندا …شكلنا هنتعامل مع بعض كتير .
روسندا بصت لايده وبصتله بغل وغضب ماليها من اللى عزام عمله وأنه عاند وجابلها فعلا حارس :مافتكرش..
وتسيبهم وتطلع على اوضتها
عزام قرب وقف ورا كرم وحط أيده على كتفه بحزن :انا هحكيلك على حياتها بحيث تكون عالم بكل اللى بيحصل انت من طرف رحيم وانا بثق فيه..
رحيم ابتسم :اللهى تنستر يا عزام بيه..
قعدوا وعزام بداء يحكى كل حاجه عن حياه روسندا من اول مكانت عيله صغيره..
عزام:سهى مامت روسندا كانت بينها خلافات كتير هى وأبو روسندا وكانوا دايمآ بيتخانقوا هو اتجوز عليها وده اللى خلاها بعدت عنه وأنفصلوا كل واحد منهم شاف حياته وانا اتجوزتها كانت حياتنا كويسه ..بس سهى كانت مريضه بالسلطان وده سبب موتها طبعآ هو قدر انا عارف …من وقتها وروسندا اتغيرت ميه وتمانين درجه كانت ف حاله غريبه اوى بعد موت مامتها كانت كل يوم تصحى من النوم تصوت ومبتسكتش الا لما حد يطمنها وياخدها ف حضنه زى العيال الصغيره ..كانت كل ماتشوف بنت مع مامتها ف الشارع تفضل بصالهم وبعدها تعيط…ولما كبرت حالها اتغير تماما اتلمت على شله صحاب بقت تسهر معاهم طول الليل والنهار وترجع الفجر مبقتش تسمع لحد وكأنها بتعاقبنا على موت سهى.
كرم باصصله وبيسمعه حكايتها أثرت فيه اللى يشوفها ميقولش البنت دى حامله ضغوطات أو محتاجه فعلا لحنان الام
كرم:وأبوها فين؟؟…يعنى بما انك انت جوز مامتها وأبوها اتجوز ليه مخدهاش قعدت معاهم!!؟؟؟
عزام:عشان هو راجل ناقص..فضل مع مراته ولأنها مبتحبش تواجد روسندا معاهم هو مبقاش يجيبها على البيت عشان مراته…شوفت نقص اكتر من كده؟..انا مش عايز منك اكتر من انك تمنها عن اى حاجه وحشه انا مستعد ادفعلك المبلغ اللى تطلبه .
رحيم بص لكرم ومستنى رده ..ف اللحظه دى كان متأكد أن كرم مش هيوافق وده لانه مبيحبش يدخل نفسه ف مشاكل حد ومبيتقبلش الاهانه ابداا..وكمان لأن روسندا عكس طبعه تماما ودى حاجه ف حد ذاتها هتتعبه معاها …بس اللى حصل ف اللحظه دى أن كرم رد بإجابه صدمت رحيم ..
كرم:أنا موافق
رحيم باصصله ومبرق
عمران ابتسم بسعاده وأمل :اطلب اى مبلغ وانا مش هتأخر عليك
كرم :مش هنختلف اللى هتدفعه انا هاخده 
عزام بسعاده:انت متعرفش انا ارتحتلك اد ايه
كرم ابتسم برسميه وبص لرحيم اللى باين على ملامحه الاندهاش
عزام:انا بس طالب منك طلب صغير..يعنى هى كانت بتطفش كل الحراس اللى بيجولها وانا عايزك تمضيلى على عقد ماتسيبش الشغل قبل خمس سنين والا هتدفع مبلغ مليون جنيه.
كرم بصله بتفكير.
رحيم بص لعزام:وايه لازمته بس يا عزام بيه.
كرم:طيب مفيش مشكله تطمن على وجودى معاها..انا موافق.
رحيم بصله بتردد وعزام ابتسم براحه  
بعد شويه من الوقت وكان عزام ورحيم وكرم ف اوضه المكتب
روسندا اتسحبت ونزلت من اوضتها وهى بتبص لمكتب عزام بقلق.
عايده جات تخرج من اوضتها وقفت لما شافتها
روسندا جريت بسرعه لما سمعت صوت باب مكتب عزام بيتفتح ..خرجت من القصر بسرعه وقفلت الباب
عايده فهمت أنها خارجه من ورا عزام ابتسمت بخبث وراحت لعزام بعد ماخرجوا من المكتب
عزام: بأذن الله تعاملنا هيطول مع بعض وانا ارتحتلك ..
عايده قاطعتهم بوقوفها معاهم
عايده:عزام عيزاك ثوانى
عزام بصلها وبصلهم:عن اذنكوا 
ويروح معاها
عزام بصلها:نعم؟؟
عايده بتتكلم و بتمليه من روسندا:انت جيبت لروسندا حارس مش كده؟..بس هى هتوطى راسك قدامه وابقى قول عايده قالت 
عزام اتنهد بضيق وعمق:ليه بتقولى كده؟؟
عايده:روسندا خرجت من شويه وكأنها بتقولك مهما تعمل انت مش هتحكمنى ..
عزام باصصلها الغضب سيطر عليه ف الوقت ده حس أنه لو شاف روسندا قدامه هينفجر فيها..
عند روسندا وصلت لبيت عادل وبتخبط على باب بيته
عادل بيربط حزام الروب وهو رايح يفتح الباب: حاضر حاضر جااااى..
راح فتح الباب وفضل باصصلها التوتر تملكه اول مشافها:اا… روسندا..
روسندا بعدته عن الباب ودخلت :مفيش عامله ايه؟..ولا انت لسانك اتعوج لما شوفتنى
عادل قفل الباب وبيحاول يخفى قلقه وتوتره وبيوطى صوته:اا..عامله ايه طبعآ يا روحى..هو بردو فى واحده مؤدبه تقول لابوها لسانك اتعوج؟
روسندا قعدت على الكنبه وخدت طبق العنب اللى على الترابيزه : انا بنتك هبقى مؤدبه ازاى..
عادل بيبص على اوضه سمر بتوتر وأرتباك 
روسندا لاحظت كده واتكلمت بصوت عالى وهى بتاكل عنب :انت موطى صوتك كده ليه هو فى حد غريب؟؟
عادل بصلها بغل وتوتر:اا..انتى ايه اللى جابك؟؟
روسندا :انا جايه اقعد معاك يومين ..اسبوع..شهر..كده يعنى
عادل بصلها اوى:شهر!!…قصدى هو فى مشكله بينك وبين عزام؟؟
روسندا:المهم انى هقعد معاك هنا..ايه فى اعتراض؟؟
عادل بتوتر:اا..لا ياروحى مش انا اللى عندى اعتراض..بس انتى عارفه ان..
فى الوقت دا سكته صوت سمر
سمر:مين يا عدوله؟!!
عادل غمض عيونه بضيق وتوتر وبصوت واطي: روسندا على عينى وعلى راسى انك تقعدى هنا معايا …بس انتى عارفه سمر بتضايق وانا مش عايز مشاكل..عشان كده امشى من سكات
روسندا بتاكل عنب ببرود ومش بصاله:مليش مزاج
عادل بأنزعاج: روسندا ارجوكى انا مش حابب سمر تشوفك هنا هى بيتعكر دمها لما بتعرف انك هنا وبتتعصب عليا انا..
روسندا وقفت ومسحت شفايفها ف منديل الروج طبع فيه …ورمته على الارض
عادل بصلها عارف انها بتقرفه قرب وشال المنديل من على الأرض بأنزعاج
روسندا ضحكت وقربت وقفت قدامه..لفت أيدها جوالين رقبته بدلع :طيب همشى ..بس عايزه فلوس
عادل: روسندا انتى كل يومين بتجيلى وبتاخدى منى مبالغ ضخمة انتى بتعملى ايه بالفلوس دى كلها!!!؟
روسندا:خلااص خلينى قاعده
جات تقعد على الكنبه مسك دراعها بعنف وغل:استنى…هديكى اللى عيزاه..
روسندا بصتله وابتسمت ببرود:عشره..
عادل بصلها وبقله فهم:عشره ايه!!
روسندا بابتسامه بارده و بهدوء:Ten thousand pounds…عشر الاف جنيه
عادل بصدمه:وهتعملى ايه بالمبلغ ده كله!!
روسندا:بردو؟؟..هتفسح بيه ارتحت..
عادل بأنزعاج:هما خمسه انا ظروفى اليومين دول مش تمام.
روسندا هزت راسها بنفى:عشره ومينقصوش جنيه.
عادل بعصبيه أنه مش عارف يعمل حاجه غير أنه يديها المبلغ:طيب…استنى هنا.
ويروح لئوضه المكتب الخاصه بيه
روسندا باصه لمكتبه وباين على نظراتها الشرود والحزن الاسف والدموع الصراخ مشاعر معقده محدش يقدر يفسرها ..
عادل رجع واداها المبلغ اللى طلبته:اتفضلى
روسندا خادتهم وابتسمت وبدأت تعدهم
عادل بصلها ورافع حواجبه بتكشير:انتى بتعملى ايه؟؟؟
روسندا:ايه هعدهم انا شكلهم مش مريحنى ولو روحت وطلعوا ناقصين هرجعلك تانى…ف على ايه..
عادل بنفاذ صبر:نقصين ٢٠٠جنيه
روسندا بصتله بأبتسامه بارده:شوفت بقى …ايدك على ال٢٠٠جنيه
عادل:انا ممعيش فكه وبعدين دول ٢٠٠ بس..
روسندا غمضت عيونها وحطت أيدها قدامه وقعدت على الكنبه وخدت طبق العنب
عادل اتنهد بعصبيه وشدها من دراعها خرج ٢٠٠جنيه وحطهم ف أيدها :اتفضلى الزفت اللى ناقص
روسندا:شوفت بقى انك كذاب .
عادل بنفاذ صبر وبعصبيه:روسندااا..
روسندا بأستغلال:ايدك على ٢٠٠ جنيه كمان
عادل بصلها اوى ورفع حواجبه :وليه انشاء الله!!؟؟
روسندا:عشان كذبك هتجيبهم ولا اروح اخدهم  من…(اتكلمت بتريقه)..ماما.
عادل خرج ٢٠٠ جنيه وبيجز على اسنانه مسك أيدها بعنف وحط فيها الفلوس وضوافره علمت ف أيدها :اتفضلى
روسندا بألم:اى ى ى …ايدى..ماهو لو انت عورتنى مش هيبقى ف مصلحتك لانى هاخد منك فلوس علاج الجرح ووقتها انت…
عادل قاطعها بعصبيه:مش خدتى اللى انتى عايزاه…ممكن تمشى بقى
روسندا ابتسمت ببرود وهزت راسها بإيجاب:باااى .
قربت باست خده وهى قاصده تطبع علامات شفايفها فيه …بعدت وبصتله بأبتسامه خبيثه ومشيت..
عادل اتنهد براحه …دخل الاوضه لسمر اللى نايمه على السرير
سمر بصتله وقفلت المجله اللى كانت بتقرأها:مين كان برا؟؟؟
عادل حط أيده ورا رقبته بإرتباك :دى..دا ..دا سكرتيرى ف الشركه …جى ياخد ملف منى 
سمر نزلت من على السرير ووقفت قدامه :امم…وهو السكرتير دا..بيحط روج؟؟؟!
وتمسح الروج اللى على خده
عادل باصصلها فهم ليه روسندا باسته قبل ماتمشى ..وكان ف قمه غضبه
سمر:بنتك جات هنا صح؟؟
عادل اتنهد بعمق وهز رأسه بإيجاب:مكنتش عايزك تضايقى..
سمر :وجات تعمل ايه بقى!!؟
عادل:كانت عايزه تبات بس أنا وزعتها
سمر بلؤم:وخدت فلوس منك مش كده؟
عادل:انا مش عارف بتاخد فلوس منى ليه معقول عزام مبيدهاش!!!
سمر:مش يمكن عارفه واحد بتديله كل الفلوس دى اتصل بجوز امها وقوله عشان يعرف انك بتصرف عليها ومش هو لوحده
عادل خرج تليفونه وأتصل بعزام
عزام رد:الو..
عادل: عزام بيه انا عادل ابو روسندا.
عزام بأستغراب من اتصاله المفاجئ:خير يا عادل؟!
عادل: روسندا كانت عندى من كام دقيقه وهى جات خدت منى عشر الاف جنيه انا كنت عايز اعرف انت مبتدهاش فلوس ولا هى بتشتغلنى!!؟؟؟
عزام: روسندا بتاخد اللى هى عايزه وحتى لو مبدهاش هتعمل ايه بالعشر آلاف!؟؟؟
عادل:دا اللى انا مستغربه
عزام تتنهد بعمق وغضب:كده روسندا ناوتها….سلام دلوقت
ويقفل الخط
رحيم بصله وملاحظ أن ملامحه اتغيرت ف حب يفكه شويه:عزام بيه فى شغل النهارده ولا هتكرمنا وتدينا اجازه ؟؟
عزام بصله وباله شارد ف مليون حاجه تانيه:اسبقنى انت وانا جاى
رحيم وقف :طيب ..استأذن أنا بقى (بص لكرم)..عايز حاجة يا ابو الكرم؟؟
كرم:لا روح على شغلك
عزام بتحذير:رحيم مكتبى متعتبوش 
رحيم ضحك :امرك يا عزوم
عزام بجديه وتحذير:رحييييم..
رحيم ضحك:سلام
ويمشى
فاطمه راحت لعزام وبتتكلم وهى خايفه من تصرف عزام مع روسندا اللى مش متوقعه والمرا دى بالذات :عزام بيه … روسندا هانم …وصلت..
عزام بصلها وملامحه اتغيرت لملامح غاضبه وباين ف عيونه التواعد ودا اللى كرم لاحظه عليه
روسندا دخلت القصر وقابلت فاطمه وهى ماشيه بصتلها ووقفت:حضريلى حمام سخن
عزام راحلها وكرم باصصله وهو ماشى وراح وراه
روسندا بصت لعزام :على فكرآ انا..
وقبل ماتكمل جملتها نزل الم جامد على وشها
كرم بصله بصدمه 
روسندا بصاله وهى حاطه أيدها على وشها والدموع اتخلقت لما عيونها جات ف عيون كرم وغضبها وغلها اتجاه كرم زاد بعد الموقف دا.
عايده واقفه عند اوضتها وبصالها بأبتسامه شماته وخبث 
عزام بعصبيه وبصراخ بيعلن عن غضبه:تانى مرا تخرجى من غير اذنى ولوحدك انا مش هتساهل معاكى بعد كده وأدينى حذرتك.
روسندا بصتله بغضب ودموع:انت ملكش ضرب عليا.
عزام سحب شعرها بعنف:انتى تتكلم معايا عدل من هنا ورايح أقل حاجه هتتحاسبى عليها فاااهمه…
كرم مسك دراعه وبيهديه:عزام بيه ممكن تتفضل تروح على شغلك وانا هفضل زى ماتفقت معايا
روسندا بصتله بركان غضب ف عيونها وهينفجر من اقل كلمه كرم هيتكلمها لكن من حسن حظه سكت بعدها..طلعت على اوضتها وفاطمه راحت وراها
روسندا زأت باب الاوضه بعنف واترمت على السرير وهى بتعيط
فاطمه بصتلها بحزن وقربت قعدت جنبها على السرير …حطت أيدها على شعرها بحزن على حالتها وبتحاول تواسيها:حبيبتى.
روسندا قعدت على السرير بعياط وبصوت عالى:هو بأنها حق يمد أيده عليا وقدام الزفت دا.
فاطمه حطت أيدها على شعرها بحنان وحزن:حبيبتى هو عايز مصلحتك
روسندا بأنهيار ودموعها بتنهمر على خدودها وفشلت ف منعها…كانت بتتكلم بحرقه وكأنها استنت اى فرصه تخرج اللى جواها :محدش عايز مصلحتى كلهم بيكرهونى وهو بيعمل كده عشان منظره وبس ..عشان رجل اعمال كبير والعين عليه ..دا جوز امى ومستحيل يكون عامل على مصلحتى هو عايز يكسرنى ويعرفنى أن..(بيقاطع كلامها شهقاتها المستمره)..ان مهمى حصل برجعله ف الآخر عشان معنديش مكان غير هنا بس الحب متتكلميش عنه كلنا عارفين اللى فيها
فاطمه بحزن وبتنفى كل كلمه قالتها:هو صحيح جوز امك..ورجل أعمال كبير..بس مش زى اى جوز ام …هو بيحبك وانا متأكدة انك هتعرفى دا مع الوقت…انا هروح احضرلك حمام سخن
وتروح لحمام اوضه روسندا.
فى الليل
كريم قاعد مع صحابه ف الديسكوا.
محمود اتكلم بغيظ:ايه ياعم المشاريع اللى مكسره الدنيا دى …وانا بقول بردو الراجل مش عايز يسيب الشغل ليه..اهى فلوس بتيجى وتروح..
(محمود صاحب كريم واللى بيغير منه جدا ولأنه أعلى منه ف كل حاجه..واهم حاجه حبه لامينه اللى مش مدياله اى اهتمام ومهتميه بكريم وبس)
امينه وقفت ورا كريم القاعد على الكنبه وحطت أيدها على أكتافه وكانت شبه حضاه:انت بتحسده ولا ايه…لو غيران منه روح حاول تجيب نص نجاحه..
(امينه صاحبتهم وبتموت ف كريم اللى عارف مشاعرها اتجاهه ومطنش على الاخر)
كريم ابتسم بكيد وبص لمحمود:اهى قالتلك
محمود داس على قبضه أيده بغضب وباصصلهم..
كارم راحلهم ومعاه واحده حاطت أيده على كتفها:ايه يا كيمو مش ناوى تقلب رزقك معايا ولا بطلت ..
(كارم ده بقى الصاحب الضااايع على الاخر بمعنى الكلمه هو اللى بيسخن الدنيا على بعضها ودايمآ يوافق رأى كريم اللى شبهه ف الصياعه)
كريم ضحك:لا يا جدع …ده لو محمود جاب نجاحى بردو مش هبطل..
ويضحكوا 
محمود بجديه:ايه الغلاسه دى؟؟؟
كريم ضربه على كتفه بهزار مصطنع:بهزر معاك ياجدع متاخدش كل حاجه على سدرك كده..
ويسيبه ويروح مع كارم.
امينه بصاله وهو ماشى بأنزعاج وغيره.
محمود بصلها ووقف :تحبى ترقصى؟؟
امينه بصتله وبعدت نظرها عنه:لا…
كارم راحلها وهو بيتطوح وسكران:إيه يا امينه مش ناويه تقلبى رزقك انتى كمان؟؟
امينه ضربته على رأسه بغل:قولتلك ميت مرا متنادنيش بأمينه انت مبتفهمش؟؟
كارم ضحك:اعمل ايه لو كان ده اسمك.
أمينه بصت فى اتجاه كريم اللى خاد واحده ومشى .
محمود مركذ معاها وملاحظ كده.. 
وفى الديسكوا وشله روسندا كلها سهرانه هناك معاده هى .
شاهيناز:انا مش فاهمه روسى مبتردش على تليفونها ليه ولا جات النهارده تسهر معانا.
شمس:بدل مجتش يبقى دبت خناقه مع جوز امها لرب السماء.
شاهيناز بتشاور عقلها:تيجى نروحلها؟؟
شمس:احنا نستنى بكره جوز امها يكون ف الشغل ونروحلها ناخدها من اول اليوم أما دلوقت زمانه رجع من الشغل.
فى قصر عزام..
روسندا قاعده قدام الشباك ف اوضتها وباصه على كرم اللى قاعد قدام القصر وقدامه حمام سباحه عاكس صورته وهو بيتكلم ف التليفون .
روسندا بعدت عن الشباك ورايحه جايه ف الاوضه بتفكر وبتاكل ف نفسها..
روسندا:هو لسه مارجعش ودى فرصتى أخرج…بس هغفل الكائن دا ازاى!!؟؟….لا هو اصلا ملوش حكم عليا وميقدرش يمنعنى أخرج عايز يتصل بعزام..يتصل..
غيرت هدومها ولبست فستان قصير ماسك على جسمها وحطت الميك اب اللى متعوده تحطه ورشا بيرفيوم ..فردت شعرها على أكتافها وهى بتستعد لمواجهه حرب بين عقلها وبين كبريأها…لكنها قررت تسمع كلام كبريأها وتوريهم انها مش ضعيفه ومش مجرد حارس هيمنعها تعمل إللى هى عيزاه..تفتكروا هتقدر تكسر قواعد عزام وتخرج من القصر؟؟؟
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية اختطفني لأكون له سجينة للكاتبة وفاء كامل

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى