رواية قدري الفصل الثاني 2 بقلم سما محمد
 |
| رواية قدري الفصل الثاني 2 بقلم سما محمد |
رواية قدري الفصل الثاني 2 بقلم سما محمد
_ادهم:ليلي اناا
_ليلي:ايه يبني في ايه
_ادهم:أنا بحب
_ليلي:قول والله كدة
_ادهم باستغراب: أه والله
_ليلي:يعني يوم اجازتي وكنت لسة هنام و تنزلني في الحر علشان تقولي ان حضرتك بتحب…حبك برص يا بعيد
_ادهم:هو أنتو صحاب؟سؤال هل انتو صحاب؟!
_ليلي:خلينا في المهم مين تعيسة الحظ
_ادهم:مش لازم تعرفيها دلوقتي
_ليلي:انت بتهزر صح
_ادهم :لا والله بتكلم بجد
_ليلي:طب انت منزلني ليه يبني
_ادهم:عايز اخد رأيك..بما أنك بتفهمي وكدة
_ليلي بثقه:طول عمري يبني
_ادهم:بصي أنا بحبها تمام
_ليلي:تماام
_ادهم: هي بقا يعتبر مش شايفاني غير أخ وصديق المفروض أعمل ايه بقا
_ليلي:لازم تصارحها وتقولها
_ادهم:خايف متكونش بتحبني وابقي خسرتها كصديقه
_ليلي:ليه بتبص علي الجزء السلبي…ليه مثلا متكونش هي كمان بتحبك وكمان تبقي عملت اللي عليك يا ادهم علشان متندمش بعدين وتقول ياريت كنت قولتلها
_ادهم بابتسامة:متشكر يا ليلي..ثم احنا طلعنا جامدين وبنقول كلام قمر اهو
_ليلي:طول عمري يبني انتو بس اللي مش مقدرين القمر اللي معاكو
_ادهم:قومي امشي يا ليلي أنا غلطان اني كلمتك
_ليلي:قايمه اهو هموت واقعد معاك الصراحه
**********
مر يوم والتاني بدون اي احداث جديدة لحد ما جه يوم
_ماجدة”والدة ليلي”:ليلي يا حبيبتي
_ليلي:حبيبتك وليلي هو في ايه يا ماما مالك
_ماجدة:مالي يا حبيبتي ما أنا كويسة اهو
_ليلي بشك:في عريس جديد صح
_ماجدة:اقعدي ب
_ليلي بمقاطعه:ماما لو سمحتي انتي عارفه رأيي في الموضوع دة
_ماجدة:طب حتي شوفيه واقعدي معاه
_ليلي:لا يا ماما كدة احسن
_ماجدة بحزن:ماشي يا ليلي علي راحتك
“كالعادة كلمت سيف علشان احكيله”
_سيف: أيه يا ليلي عامله ايه
_ليلي:الحمدلله يا سيف
_سيف:ايه دة مال صوتك
_ليلي:يبني في عريس متقدملي وحكت له ما حدث
_سيف:طب ما تقعدي معاه
_ليلي:لا قولت لماما اني مش هقعد معاه بس حسيتها زعلت
_سيف:طب ما طبيعي تزعل بنتها الوحيدة وعايزة تفرح بيها وتطمن عليها
_ليلي:يعني انت معندكش اعتراض
_سيف: يا ليلي اقعدي معاه وشوفيه ولو كويس أكيد يعني مش هيبقي عندي اعتراض
_ليلي:ماشي يا سيف سلام
“مش عارفه زعلت ليه من سيف لما حسيت انه مش مهتم لو اتخطبت او لا مثلا بس حاجه جوايا كانت زعلانه منه جدا والحقيقه مش عارفه ليه بس اقنعت نفسي بما اننا اصحاب لازم يهمه امري”
تاني يوم”
_ليلي:ايه يا ميمو يا قمر
_ماجدة:عايزة ايه
_ليلي:ايه دة انتي لسه زعلانه
_ماجدة:لا وهزعل علي ايه هو في حاجه تزعل خالص انتي شايفه انك عملتي حاجه تزعلني
_ليلي:يا ماما والله انا مش بفكر في الجواز دلوقتي
_ماجدة:ليه ها اتخرجتي واشتغلتي عايزة ايه تاني ايه اللي يعطلك عن الجواز والتفكير فيه
_ليلي:الفكرة نفسها مرعبه وانا معنديش طاقه اني اتحمل وجع تاني
_ماجدة:مش علشان تجربة مريتي بيها توقفي حياتك
_ليلي:مااما عن اذنك أنا اتأخرت
“ونزلت روحت مكتبي ولقيت نور بتكلمني”
_نور:وحشتيني يا لولي..صدقي أنك ندله بقالي يومين مشوفتكيش
_ليلي:معلش يا نور الشغل وكدة متزعليش
_نور باستغراب:مالك يبنتي
قصت ليلي ما حدث معها
_نور:طب يا ليلي كنتي قعدتي معاه وبعدها قوللها مش موافقه لكن رفضك لي من قبل ما تشوفيه أكيد زعلها
_ليلي: أنا مش عايزة اعيد نفس التجربة مرة تانيه عارفه انه نصيب وقدر بس أنا مش حمل وجع تاني
_نور:حاسة بيكي والله بس هي كمان من حقها كأم تتطمن علي بنتها..حطي نفسك مكانها
_ليلي:طب أعمل ايه دلوقتي هي أكيد زعلانه مني
_نور:روّحي النهاردة بدري وصالحيها
_ليلي بابتسامة:طيب ماشي يا نور باي
************
“عند سيف”
_سيف بحب:ازيك يا نور
_نور:ايه يسطا فينك
_سيف:أنا فقدت الامل فيكي انتي وليلي
_نور:عايز ايه يا رخم انجز
_سيف:تعالي نروح الكافيه النهاردة علشان خلصت شغلي وروّحت بدري
_نور بتفكير:ممم..طب تمام هكلم ادهم وليلي يجوا معانا
_سيف بضيق:تمام يا نور باي
************
“عند ليلي”
وصلت البيت واول ما دخلت
_ليلي:ميموو
……
_ليلي:ماما انتي فين
…….
_ليلي بقلق: ماماا
دخلت الي غرفتها وسرعان ما تبدلت ملامحها من الابتسامة الي الصدمه
_ليلي بصدمه:ماماا
يتبع……
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد
