رواية عشقت منتقبه الجزء الثاني الفصل الثالث عشر 13 بقلم وفاء رشدي
رواية عشقت منتقبه الجزء الثاني الجزء الثالث عشر
رواية عشقت منتقبه الجزء الثاني البارت الثالث عشر
رواية عشقت منتقبه الجزء الثاني الحلقة الثالثة عشر
نرجع مع رحمه الله اخدوها على الحبس واتحبست فعلا فى زنزانه والليل كله دموع تنزل من العيون اللى تقريبا مش بتفارقها ومافيش حاجه تاني غيرها معاها
طلع النهار على رحمه اللى مادقتش النوم ولا هتدوقه فى الدنيا دي تعبت فعلا وربنا هيكرمها آخر كرم
جه اخدها العسكري لوكيل النيابه خرجت والكلبش فى ايديها زي المجرمين اللى بجد اول ما طلعت فى القسم من برا شافت عادل ووائل وعدي فى انتظارها
جري عادل عليها وحضنها حضن جامد جدا حضن الأخوة الأمان كله
عادل:-متخافيش احنا معاكي
رحمه بابتسامة مطفيه من تحت النقاب ودموع فى العيون
بصت على عدي
عدي اه نفسه يحضنها بس خايف ترفض دا كفايه انه اتحرم منها فى ليله بيتمناها من أول ماشافها واقف باصص عليها ومش عارف يعمل ايه
رحمه حست فيه كدا قربت منه وهي اللى حضنته مهو جوزها هو صدق مالقي الحضن دا وكأنه كان عطشاااااااان وارتوي بحضنه ليها حضنها جامد ليه وبعدها مسح على وشها بالنقاب
عدي:-لا تخافي انا معك افديكي بروحي كلها ماتغلي عليكي يا ضي عيوني
رحمه:-بصتله وبردو ماتكلمتش
….
فى الوقت دا دخل هيثم القسم وشافها فى حضن عدي من بعيد مسح بايدة على وشه وبعدها رفع دماغه لفوق وهو مقهور وغيران المفروض الحضن دا كان ليا انا
قرب منهم شد ايدها العسكري يلا
عادل:’بتوتر بالراحه عليها ايه
رحمه:-خايفه على عادل بس اسكت يلا ومشيت مع العسكري ومعاها وائل
عادل :-يارب يارب … الله هيثم
هيثم:-ايوة عملتوا ايه
عادل:-لسه هتتعرض على النيابه دلوقت انت عرفت ازاي
هيثم:-بصوت مخنوق نسرين قالتلي وماينفعش ماجيش احنا كنا فى يوم أهل وبيبص على عدي
عادل:-يارب ربنا معاها
….
دخلت رحمه عند وكيل النيابه ومعاها وائل طلب وائل انه عايز يتكلم مع موكلته قبل أي تحقيق معاها وبالفعل قعد معاها وعرف منها كل شئ وفهمها هتقول ايه
جه دورها في الاستجواب
وكيل النيابه:-رحمه انتي متهمه بقتل جمال عارف اخو زوجك المتوفي
رحمه:-انا قتلته دفاعا عن الشرف
وكيل النيابه :-توضيح اكتر احكي اللى حصل
رحمه:- رجعت رحمه بالذاكرة ورا يوم الفرح بعد هنيه مادتها شوكولاته
رحمه:-يااااه جت فى وقتها انا بعشقها
هنيه:-خدي ياست هانم
أخدت رحمه وأكلت ومافيش دقيقه وراحت فى النوم ….
رحمه:-فوقت لقيت نفسي على سرير ولبسه عبايه سودة ومن غير نقاب ولا حتي حجاب لما استوعبت اللى انا فى وان هنيه الشوكولاته اللى ادتهالي فيها حاجه دماغي كانت تقيله جدا وصداع فيها بدأت أصرخ دخلوا عليا 3 منهم اللى كان ماسكني عند عدي وضربه عادل قالي فى طار معاكي انتي فكراني انا رجعت لي الذاكرة من كدا وافتكرت لما دخلوا عليا
1:-مالك ياقطه بتصرخي ليه
رحمه:-انا فين وانتو مين عايزين ايه
3:-ههههههههههههه ولا حاجه هنعوز ايه هموتك بس
رحمه:-تموتوني ليه عملتلكم ايه
2:-الأوامر كدا
رحمه:-أوامر مين خدو اللى انتو عايزينوا سيبوني انتو مش عارفين انا مين
1:-ههههههههه لا عارفين الست رحمه سيدة الأعمال الشهريه المنتقبه
رحمه:-بصدمه منتقبه وحطت ايدها على وشها مافيش نقاب وكمان بشعري
رحمه:-انتو عملتوا ايه حرام عليكم نقابي فين سترتي فين انتوا ايه بصوت عالي
1:-اخرسي وصوتك دا مايطلعش تاني انتي هنا مخطوفه وعندنا أوامر أننا نقتلك
رحمه:-أوامر من منين انا مش خايفه منكم بصوت عالي اموت اموت مايهمنيش ولو فكرين اني هترجاكم تبقوا غلطانين
قرب واحد فيهم عليها
….. دانتي قطه حلوة وكمان بتخربش اموت انا فى كدا
رحمه:-بتبعد عنه أبعد عني احسنلك انت ماتعرفش انا مين
……… مين يعني حته موزه عايزة تتاكلي وعروسه النهارد عايزة عريس
رحمه:-بقولك أبعد انا أهون عندي أن اموت ولا يحصل اللى فى دماغك انا صعيديه ودمي حر واللى هيقرب فيكم هقرقشه بسناني بصوت الواثق من نفسه اللى مش خايف حتي لو مات
3 .. بس اسكت يلا من هنا الكبير وصل
… هرجع لك تاني يا قطه
رحمه:-يبقي آخر يوم فى عمرك
وخرجوا من عند رحمه
فضلت على السرير تعيط هي مش عارفه ليه كل دا بيحصل ومين اللى مدايهم الأوامر بقتلي انا عملت ايه ايه …..
………
جه الصبح بس رحمه مانمتش خايفه أن حد يدخل عليها وبتفكر تهرب ازاي الاوضه مافيش فيها ولا حتي طاقه نور طاب هتعمل ايه
دخل واحد بصنيه أكل
….. كلي يا اسمك رحمه
رحمه :-وانت مالك
……. ماتزوقيش كدا أجلك الليله هههههههههههه
رحمه:-ياريت اموت اموت انا مش خايفه
ساب الأكل وخرج
وبعدها بشويه جه واحد تاني قومي ياختي فى هدوم عايزة تتغسل اغسليها اعملي بلقمتك لحد مانخلص عليكي
رحمه:-اغسلك وبعدها تموتني دا ايه دا ايه الجبروت دا انتو ناس ماعندكمش دم
……. هههههههههه محنا عارفين قومي وشدها قومها من على السرير ووداها المطبخ حاولت تعرف دا بيت قديم جدا وشكله مطرف مافيش حد جنبه بصت من شباك المطبخ مافيش حد جوا أشبه بالصحراء غسلت بالفعل الهدوم وبعدها اتوجهت على المطبخ خبت سكينة صغيره فى كم العبايه اللى لبسها
جه شدها تاني تعالي قبل الكبير مايجي ويعرف أن خليتك غسلتي دخلها تاني الاوضه
ايوة سامعه صوت عربيه وبعدها كلام كتير مع بعض مش مفهوم وبعدها العربيه مشيت ودخل واحد من 3 اللى قالها هرجع لك
…. هههههههههه مش قولتلك هرجع لك
رحمه:-لو قربت مني هموتك
….. هههههههههه ضحكتيني انتي تموتيني
رحمه:-أبعد عني
……… أبعد ايه انا ماصدقت الكبير يمشي عشان اجي لك
اتفتح الباب ودخل واحد غريب خالص اول مرة اشوفه
… انت يا زفت
بص ..بخضه نعم …
…. تعالي هنا انا كنت شاكك فيك انا قولت محدش يقرب منها تعالي بصوت جهوري
خرج بالفعل معاه برا
حمدت ربنا رحمه بس لحد امتي وقالها معادك بالليل هيموتوني امتي وفضلت تعيط
آخر الليل على الفجر
دخل عليها جمال
جمال:وهو شارب وحالته زفت رحمه انتي هنا يا حبيبتي
رحمه:-جمال انت انت ايه انت اللى خطفني ولا مخطوف زي ولا ايه
جمال :-انا اعرف اللى خاطفك مين انا شريكه وانا اللى جبتلك هنيه وعارف انك بتحبي الشوكولا ته
رحمه:-ايه وعايز ايه ومالك بتطوح ليه كدا انت بتشرب
جمال:-عايز ايه عايزك انا عريسك انا احسن من هيثم وأولي منه بيكي انتي كنتي فى يوم مرات اخويا
رحمه:-انت احسن من هيثم مليون واحد زيك وزي اخوك الله يسامحه مكان ماراح مايجيش ضفر صباع هيثم الصغير
جمال:-وهو بيقرب سيبك بس منه وخليكي معايا انا بحبك وانتي عارفه كدا وبتمناكي وانتي طفله بضفاير وعايزك
رحمه:-أبعد عني انا يعتبر من اهلك وحرام اللى بتعمله دا
جمال:-وهو بيقرب لحد ماجاب رحمه على الحيطه حرام عليكي انتي انتي عروسه وعايزه عريس وانا العريس طفي ناري اللى قايدة
رحمه:-أبعد يا جمال أبعد احسنلك انا لحد دلوقت صابره عليك لو حد غيرك كنت قتلته
جمال:بيقرب ماتقدريش انتي بتحبيني وعايزاني زي منا عايزك
رحمه:-مين المجنون اللى قالك كدا
جمال:سيبك من مين اللى قالي المهم انتي تعالي تعالي بس
رجمه:-أبعد أبعد بصوت عالي اوعي اوعي بقولك اوعي
مافيش فايدة فى جمال اللى انقض على رحمه زي الفريسه خرجت رحمه السكينة اللى اخدتها من المطبخ تحسبا لو ضع زي دا بس ماكنتش متوقعة أنها هتيجي فى جمال وغزته فى بطنه بيها مرة واتنين وتلاته لحد مابعد عنها وفلتت من تحت أيده وجريت آخر الاوضه وماسكه السكينة فى ايدها بصوت عالي
انا قولت اللى هيقرب مني هقرقشه بسناني مهما كان انا حره ودمي حر ونضيف عمره مايتلوث انا صعيديه انا حره محدش هيفرق معايا لو حتي على موتي
دخلوا الباقين جري لقوا جمال سايح فى دمه وهي واقفه جنب الباب
….. يخربيتك عملتي ايه
رحمه:-زي منتو شايفين واللى هيقرب مني هيكون زيه
…… انتي موتيه
رحمه:-فى داهيه اللى زيه مش عايزين غير كدا
وبتجري على الباب مسكها وضربها بالقلام على وشها لحد ماجابت دم من بؤها وبعدها رماها على السرير جت دماغها فى حافت السرير نزلت دم كتير
……..
سكتت رحمه من كتر العياط
ووائل حاطط أيده على دماغه أن فى كدا
وكيل النيابة :-كملي
رحمه:-أخدت نفس بعدها ماحستش بنفسي غير وانا فى قصر عدي الباقي هم اللى يعرفوه مش انا
وكيل النيابة :-تمام عندك أقوال أخري
رحمه:-لا
وكيل النيابة :-خدها ياعسكري برا
اخد العسكري رحمه وطلعها برا فضل وائل متابع التحقيقات وأقوال المتهمين
خرجت رحمه شافت هيثم معاهم برا شكله اتغير فى يومين كبر فجأه مافيش أي ملامح فيه ملامحه باهته ولا فى أي كلام منه وعيونه اللى ماكنش بينزلها من على رحمه دلوقتى باصص بعيد ولا كأنه يعرفها هي موجوعه واتوجعت كتير من كل اللى حواليها بس اكتر حاجه وجعها أنها صانت نفسها لهيثم حتي وهي فاقدة الذاكرة بس هو ……….
عادل:-رحمه طمنيني
رحمه:-اللى عايزة ربنا يكون
عدي:-قرب منها واخدها فى حضنه وقف جنبها الحمدلله
هيثم ماشفش غير حضن عدي بس عايز يجيب مسدس يفرغه فيه رجع تاني مع نفسه انا غيران من جوزها طاب ايه دا جوزها يعني هي ليها الحق فى زعلها وعدم رجوعها ليا اني قربت من رانيا انا قربت منها عشان ماتشكش اني شاكك فيها كمان بعد ضغط منها وهم كلهم مرتين ياربي ياربي وبيمسح على دماغه اللى هتتفرتك من كتر الصداع
خرج وائل :-
عادل :-ها الأخبار
وائل :-للأسف ماطمنش
رحمه:-بصدمه ونفس رايح ليه مش دا دفاع عن الشرف
كلهم استغربوا من الكلمه وأولهم هيثم اللى ركز فى الكلام
وائل:-رحمه اهدي واسمعي انتي قولتلي الحقيقه باقي العصابه اللى شافت الموقف شاهدين غير كدا انه ماعملكش حاجه داخل يتكلم كلام عادي معاكي وبيتفق معاكي على فلوس وانتي ماوفقتيش روحتي قتلتيه
رحمه:-يعني ايه هم مش هيتحاكموا على اللى عملوه فيا
وائل :-هيتحاكموا بس دي قضيه ودي قضيه القضيه دي اللى مبلغه عنك فيها كوثر مرات جمال
رحمه:-حطت ايدها على دماغها كوثر كوثر تاني يارب يارب
عادل :-مسك أخته اهدي اهدي ربنا كبير
رحمه:-يارب يارب اللهم إني لا أسألك رد القضاء ولكن أسألك اللطف فيه
…..
بالرغم من المحنه اللى فيها ماعترضتش على حكم ربنا ولا سبت ولا لعنت زي مابنسمع ونشوف فوضت أمرها لله وهي واثقه ومتاكده من عدله
عدي:-يامتر انا بدي أجيب محامي تاني معك
وائل :-وانا مش كفايه يعني هسيب رحمه رحمه قبل ماكون انا محامي ليها اختي وانا افديها برقبتي
عدي:-لم أقصد الإهانة أو التجريح بدي محامي يدعمك
رحمه:-لا المتر كفايه وانا واثقه فيه بس انا عندي سؤال كوثر عرفت ازاي اللى حصل لجمال ووصلت للعصابه ازاي وماقدمتش ليه بلاغ من ساعه اللى حصل أو ماجتش ليه لعادل وقالته
وائل :-انا من يوم ماشفتكش وانا بقول عليكي دماغ ..فعلا دي أسئلة ومحتاجه رد وردها عند كوثر
رحمه:-فى التوقيت دا ليييييييه بالذات بعد ما انا ظهرت واتعرفت اني مامتش
وائل:-كدا احنا هنمسك طرف الخيط ….
**********************
كل اللى يدخل يقول نفس الكلام على رحمه
عدي يوم واتنين رحمه أخدت 4 أيام على ذمة القضيه جابوا كوثر وحققوا معاها فى اللى قالته رحمه
قالت اتصال جاني معرفش من منين وااستعبطت عليهم وعملت نفسها ماتعرفش وبينت الغباء بتاعها وأنها ست وحيدة ضعيفه متعرفش حاجه
****************
من ناحيه تانيه عمل هيثم تحليل تانيه وطلعت فعلا إيجابية والطفل ابنه هيثم مدمر نفسيا من كل اللى حصل واتدمر اكتر من حبس رحمه بعد ماعرف أنها قتلت بدافع عن شرفها هيثم الدنيا داقت بيه وكل دا من تحت رأس رانيا
حققوا معاها على خطف رحمه
حكت ….
انا اتفقت على خطفها إنما موت كانت فكرة محمد جاني محمد بعد إعلان خطوبتهم وكله عرف واتكلم معايا عرفت منه أنه بيكره رحمه خصوصا أنه كان معجب بيها وهي رفضت تتجوزه اتجوز أختها انتقام منها وعشان الفلوس بس رحمه زكيه كشفته بسرعه مالحقش ياخد لا هو ولا المتر اللى معاه بعد ما اخدوها من البيوتي سنتر قتلوا هنيه مكانها ولبسوها الفستان وشوهو جثتها بميه نار كانو عارفين ان عادل صعيدي مش هيقبل أن أخته تنكشف على حد ولا يشرحوها ولا حتي تحاليل ودا بالفعل اللى عمله عادل دفن الجثه وهو مايعرفش إذ كانت هي ودا اللى انا عرفته من واحد من أفراد العصابه لأن محمد كان فاكر أنها هي اللى ماتت مايعرفش انهم خدروها واخدوها معاهم البيت اللى كانوا فيه أما جمال وصل ازاي البيت معرفش ووصولها عند عدي ازاي معرفش …
************************
بعدها حققوا مع كل واحد وحده من أفراد العصابه قالو كل حاجه بس متفقين كلهم أن رحمه موتت جمال مش عشان اعتدى عليها
الرأس الكبيره اللى كان محمد موليه الليله كلها بيحكي. ……
كشفنا وشها لقينا ها حلوة جمال شرقي وأغلبية بتوع دول الخليج بيعشقوا كدا وانا اعرف واحد ليه معايا كذا مصلحه حلوة اسمه عدنان كان موصيني على حاجه زي كدا قولت فرصه وجت قبضت من هنا وكمان من هنا
فهمنا محمد أننا موتناها بس هي معانا وجمال كان معانا بس ماقلش لمحمد أنها عايشه كان بيحبها وفرح أننا ماموتنهاش بعد ما موتت جمال وضربتها وقعت على حافه السرير نزفت دم كتير احنا قولنا ماتت بالفعل لفينا دماغها لقينها لسه عايشه وبتتنفس روحنا خدرناها جه عدنان واتفقنا وأول ماشافها اتفقنا اتغير احنا طالبين اكتر بس هو ماوفقش قال ممكن تموت عايزين توصل توصل ازاي جاب صندوق كبير زي الكفن كدا وخدرناها لمده 3 أيام اللى يشوفها يقول ميته وعدنان له علاقات كتير خلص ورقها على أساس أنها أخت عدي وهتدفن برا مش فى مصر وخرجت من مصر ميته بس وصلت اسبانيا عايشه وبعد كدا عرفت من عدنان أنها فاقدة الذاكرة قولت احسن حاجه بعدها …
********************
حصل طبعا اللى احنا شفاه الحلقات اللى فاتت …
********************
كل الادله على رحمه أنها قتلت جمال الشهود حتي سلاح الجريمه وعليه البصمات التهمه ثبتت على رحمه
رحمه فوضت أمرها لله
عدي بدأ يتعب وتظهر عليه علامات التعب والإرهاق ومش بيسيب رحمه كل يوم عندها
هيثم بيحاول يعمل حاجه بس هيعمل ايه محمد آللى معاه السر هربان وكل الادله ضدد رحمه يا تتعدم يافيها مؤبد طب والحل
الحاجه عليه تعبت اكتر بعد غياب ترجع تتحبس
ندى حاسه بالذنب عشان اتغرت فى محمد وهو طلع تعبان وليد معاه كل شويه يكلمها يهدي فيها أنها مالهاش ذنب بس لحد امتي
نسرين نفسها كل حاجه ترجع زي الاول بعد ما فرحت برجوع رحمه خلاص عادل هيرجع لها الدنيا اتقلبت تاني
هند اتصدمت صدمت عمرها فى دعاء بس دعاء بعد التحقيق معاه قالت انهم ضغطو عليها وهددوها وأنها عملت مسلسل هي وهنيه قدام رحمه لأن رحمه قلبها طيب وابيض كان يستحيل هتسيب هنيه تخرج
مهو اللى قلبه طيبه دا جزاته
اتحبست كمان دعاء كله هياخد جزاته بس رحمه مش جزاتها كدا مش بعد كل التعب والشقي دا يحصل كدا
رحمه عيونها وجعتها من كتر العياط وحاسه بعدي انه تعبان وبالفعل تعب بالليل واخده عادل للدكتور وعرف عدي بمرضه والدكتور حجزه فى المستشفي حالته متأخرة والكانسر فى آخر مرحله بعد الفحوصات واتصدم من كدا وفكر فى رحمه هي عملت ليه كدا واصرت ليه على الجواز مع انها بتحب هيثم ودا اللى ظاهر وانا ازاي أوافق على كدا اتجوزتني عشان المال ولا رد جميل ولا شفقه هاد سؤال هي اللى اتجاوب عليه ما عندي اجابه له ولو اني اعرف رحمه المال هاد آخر شئ تفكر به من خلال المرحله اللى كانت فيها معي
…………….
اتحددت جلسه واتحكم على كل واحد فيهم رانيا أخدت مؤبد واتحكم على محمد آلغايب زيها
رانيا انهارت نفسيا وتعبت جدا حصلها نزيف حاد وبالفعل اتحل هيثم من رباط رانيا
لأن الطفل دا لو جه كان هيتظلم كتير حتي لو رحمه رجعت لهيثم وربته معاه كل ماتشوفه هتفتكر اللى عملته أمه فيها أي نعم هي قلبها طيب وابيض ودا طفل مالوش ذنب بس القلب بيشيل
*************************
فى ناحيه تانيه اتحددت جلسه لرحمه كل الشهود والأدلة وكوثر والصحافه والإعلام
رحمه لابسه الأبيض لبس السجن كله حاضر حتي هيثم الا عدي تعبان وفى المستشفي والدكتور امرله بكيماوي للدرجه حالته متأخرة
هيثم فى دنيا تانيه كان اسمها رحمه ممكن يتحكم عليها ومايشفهاش تاني
سمع القاضي كل الشهود والأدلة كلها بتدين رحمه
رحمه جوة القفص مش بتنطق ولا كلمه واحده مافيش غير الدموع اللى فى العيون اللى العيون تعبت منها مش عايزة تفارقها ليييييييه شايفه كل دا قدامها كانت عايشه فى المنيا مافيش حاجه محدش يعرفها فى عز تعبها جت هنا اتفضحت كل دا
كل دا بيحصلي ليه الناس دي ايه نفسها تصرخ بس حتي لو صرخت محدش هيسمعها خلاص
القاضي خلاص سمع كل الشهود والأدلة معاها وهينطق بالحكم
كل مترقبه القاضي بحكمه
هي فى نظر القاضي مذنبه اخدو حقها انهم حبسوهم بس هي قتلت
خلاص القاضي هينطق
يتفتح باب قاعه المحكمه يدخل واحد بيعرج ماسك عصايه فى ايده كل اللى فى القاعه يبص عليه
عادل مش مصدق نفسه هيثم هو ايوة هو
يقرب من القاضي يقف قدامه كل دا ورحمه ماشفتش مين
القاضي:-انت مين
….. انا جمال اللى تاهمين رحمه بقتلي
رحمه سمعت الاسم والصوت قامت وقفت وبصت له … مسكت حديد القفص .. جمال جمال
جمال:-يبص لرحمه ويعيط يقرب منها
رحمه:-تحسس عليه انت انت مامتش
جمال:-لا مامتش
رحمه:-امال ايه دا
المحكمه كله تتكلم تحصل حاجه هرج القاضي يدق بالبتاعه اللى معاه دي مش عارفاها عشان الكل يسكت
بالفعل كله سكت
القاضي:-تعالي هنا واحكي
جمال:- اتفق معايا محمد على خطف رحمه انا رحمه يوم ماجتها الفيلا وطلبتها للجواز قبل فرحها على هيثم وهي رفضت دا كله كان ترتيب محمد وهو اللى قالي أنها عايزاني حبيت انتقم ملي قلبي بالحقد من ناحيتها مع انها هي اللى فيه وعمره ماقسي عليها بعد خطفها قالي اموتها وبعد ماخد ثروتها إديك النص انت واخوك كمال كمال اخويا وافق على دا اضطريت اني أوافق بعد ما خلاص عرفت أنها اتقتلت روحت من غير علم محمد للجماعة اللى خطفوها اتفاجات بيها فى المطبخ عندهم بتغسل هدوم هي ماشفتنيش انا شفتها لما اتكلمت معاهم وبانت فرحتي فى عيوني أنها عايشه فهمو اني بحبها شربوني وادوني برشام عشان ادخل عليها افتح لهم سكه تكون جاهزة وسوسوا فى وداني زي الشياطين أنها حقي فدخلت عليها ودا كان مصيري
الجرح سبب ليا اعاقه فى المشي إنما موت لا وبعدها لما فوقت قالولي انهم موتوها وماقولش حاجه من اللى حصل لمحمد
القاضي:-اللى خلاك تقعد كل دا وانت مختفي
جمال:-من حوالي 10 أيام جه محمد البيت واتكلم معايا فى الموضوع اني ميت واداني فلوس كتير عشان اسكت وتروح كوثر تبلغ عن رحمه انا رفضت بس مراتي دي .. وشاور على كوثر
بعد ماحصلتلي الإعاقة كرهتني اتفقت مع محمد من ورايا وهي اللى أخدت الفلوس منه لانها بتحب الفلوس مش حاجه تاني
القاضي:-وانت عرفت ازاي
جمال:-الأخبار ماليا التلفزيون العقربه دي على مراته دارت عليا اول مرة نزلت فيها مصر بس بعد ماشفت كدا عرفت وجيت ابرأ رحمه
كوثر :-دا كداب كداب يابيه
القاضي:-انتي ليكي عين تتكلمي خدوها اخدوها
المحكمه كلها اتقلبت رحمه طايره من الفرحه بالرغم من اللى عمله جمال بس هو ماكنش فى وعيه سامحته
كدا الحق ظهر
هيثم:-فرحان لفرحها وزعلان على نفسه هي هتخرج لعدي وانا لمين هرجع تاني لوحدتي هيثم مايعرفش بمرض عدي
وأخيرا رحمه طلعت برائه مهو الحق مهما طال لازم يظهر تاني
اول ماخرجت جري على عدي اللى فى المستشفي وبيحهز عشان الكيماوي
اول ماشافها روحه ردت فيه حضنته ومسحت بايدها على وشه
رحمه:-ماتخافش انا معاك
عدي:-انتي كنتي تعرفي اني مريض
رحمه:-بصت فى الأرض
عدي:-ارفعي وجهك جاوبي
رحمه:-ايوة
عدي:-وليش ماخبرتيني
ررحمه:-كنت خايفه عليك الدكتور قالي فى مرحله متأخرة دا معناه أن انت تعبان من فتره ومتعرفش واستغربت ازاي واحد فى مركزك دا ومايعرفش بس انا عارفه ومتاكده أن عدنان وعنبر لهم يد
عدي:-رحمه بدي أسألك سؤال بس وحياه حبك لهيثم اللى ظاهر فى عيونكم لتجاوبي بصراحه
رحمه:-من غير أي حاجه انا ماقلش غير الصراحه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية عشقت منتقبه الجزء الثاني)
