سكريبت حب متأخر الفصل الثاني 2 بقلم إيمان عبدالرؤوف
 |
| سكريبت حب متأخر الفصل الثاني 2 بقلم إيمان عبدالرؤوف |
سكريبت حب متأخر الفصل الثاني 2 بقلم إيمان عبدالرؤوف
_بدير!!!!!
“لقيته قعد يضحك بضحكته الوحشه وقال.
_ايوة بدير ياايمي بدير رجع .
“هجمت عليه بعياط وقولتله.
_انت ليه كدبت ليه عملت كده كنت معتبراك اكتر من اخويا ليه.
“لقيته زعق جامد ورماني علي الأرض وقال_هي دي المشكله اخوكي وانا مش عاوز ابقا اخوكي.
“فجأة لقيت بدر جه وقال_في اي هنا اي ده إيمان واقعه ليه.
“كنت شايفه خضته عليا كان جاي يوقفني لغاية ما بدير الزفت قال.
_تصدق يا اخويا كانت جاية تحضني وحشتها بقا بس قولتلها حرام لما نتجوز نبقا نعمل اللي احنا عاوزينه.
“كنت بعيط وانا شايفه بدر باصصلي باحتقار طول عمره مش شايف أن أخوه وحش الشر ماليه منه بيغير منه بس شايفني انا الغلطانه دايما.. كنت بعيط بكسرة علي حبي الوحيد .
_طب يا بدير انت جيت امتا.
_لسه واصل دلوقتي يا بدر يا اخويا.
_طب يلا اطلع ارتاح من السفر.
“لقيت بدر بصلي كده وبعدين اتنهد وقال _وانتي لو سمحتي يلا قومي بشغلك واقعدي مع إيمان.
“قومت كنت هقع لقيته سندني بصتله بعيوني فيها دموع لقيته وقفني وسابني سابني ومشي اللي حبيته كل مرة بيكسر قلبي وكل مرة بيسمع للزفت بدير وبيسبني ويمشي.
“دخلت لأيمان الصغيرة كانت نايمة كانت جميلة اووي تحببك في الدنيا اللي ماشية تكسر في قلبي دي لقيتها قامت .
_ضحكت عليكي يا ماما انا مش نايمة
_ بجد طب تعالي بقااا
“فضلنا نلعب مع بعض ونضحك .
_تعالي يا ماما اكملك عارفه بابا كان قبل ما ينام يمسك صورتك وياخدها في حضنه وينام كل يوم يعمل كده عارفه دايما يقولي دي ماما يا حبيبتي كنت اقوله كل هي سابتني ليه يقولي هتيجي تاني .
“لقيتها عيطت ووجعت قلبي وقالت.
_انتي هتسيبيني تاني يا ماما؟ بالله ما تسيبينا احنا بنحبك اووي.
“كنت مصدومه من كلامها يعني اي بياخد صورتي في حضنه ازاي بيقولها دي ماما وصدمتني بأخر جمله .
_انتيى بس اللي بتحبيني يا حبيبتي.
_لا ده بابا بيحبك اووي كان قبل كده بيعيط وماسك صورتك وبيقول فينك ياايمان فينك تعاليلي انتي وحشتيني اووي.
انتي كمان بتحبيه ياماما.
_ايوة بحبه يا حبيبتي بحببه اووي ومش بحب غيره بس ابوكي غبي ومش فاهم حاجه؛ يلا بقا ننام عشان نصحي بدري .
_ أيوة يلا يا ماما.
نمت وانا بفكر فيه لازم اعترفله بحبي ليه لازم .
عند بدر….
قلبي وجعني عليها لما زعقتلها كنت رايح اصالحها واقولها اني بحبها بس لما شوفت بدير والكلام اللي قاله كانت عاوزة تحضنه طب ليه بتعمل معايا كده ده انا محبتش غيرها في حياتي وهو سابها ومشي وبرضو بتحبه ااااه يا وجع قلبي .
كنت ماشي رايح لأيمان بنتي عرفت أن بنتي الغبية قالتلها كل حاجه بس استنوا دي قالت إنها بتحبني وإني غبي كمان يعني يعني هي بتحبني معقوول طب وحبها لبدير ده كان اي طب انا لازم اعرف كنت داخلها أقولها بالله انا بحبك بس لقيت بدير بيقول.
_ما تيجي نقعد شوية في الجنينه لينا كتير مقعدناش.
_ها طب خليها بكرة
بدير بخبث_لا تعالي دلوقتي ولا انت مش عاوز تقعد معايا.
بصيت علي الباب وقولت _خلاص تعالي نقعد مع بعض .
بس استني.
“دخلت بوست راس إيمان وبصتلها شوية وبعدين بوست راس إيمان بنتي وبصتلهم وبعدين نزلت .
كنا نازلين علي السلم لقيت بدير وقف ومرة واحدة لقيت حد ضربني علي دماغي ووقعت علي السلم .
عند إيمان….
حسيت بيه لما كان في الاوضة فرحت قومت بسرعة وراه عاوزة اقوله اني بالله بحبه جريت بس اتصدمت لما لقيت المنظر .
لقيت بدر واقع علي السلم وكله دم وبدير واقف قدامه وبيضحك .
جرييت عليه عاوزة اوقف النزيف بأي طريقه .
قعدت اصوت واعيط واضرب فيه ليه لي حرام عليك.
_لما مش حرام عليا هو اللي حرام عليه ابويا وأمي كانوا بيحبوه زي ما يكون مفيش غيره في الدنيا دي البنت اللي حبيتها حبته هو وقالتلي انا مش بحبك انا بحب بدر حتي انتي لما كنا صغيرين مكنتيش بتلعبي معايا كله بيحبه هو طب وانا فين ليه محدش شايفني عشان كده كان لازم اخد منه حبه انتي بس انتي معرفتش اخدك غبية بوظتيلي الخطه سمعك وانتي بتقولي بتحبيه فكان لازم اعمل كده كان هيدخل يقولك وانا كمان بحبك وتتجوزوا وتعيشوا في تبات وتخلفوا صبيان وبنات بس طالما انا عايش مش هتشوفوا السعادة أبدا وعد..
اقعد اعيط اتصلت بالاسعاف اخدوه روحت معاه كنت خايفه اووي النبض كان بطئ روحي كانت بتروح مني.
وصلنا المستشفي اخدوه الدكاترة طالعه داخلة في قلق في خوف لغاية .
_ها يا دكتور في اي طمني بسرعه.
_هو كويس وكل حاجة بس.
“رديت بقلق _بس اي
_المريض فقد الزاكرة.
_ااااي.
يتبع……
لقراءة الفصل الثالث : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية سيلا للكاتبة نجلاء ناجي
