رواية ابنه بائعه الخضار الفصل الخامس عشر 15 بقلم هبة نصر

رواية ابنه بائعه الخضار البارت الخامس عشر

رواية ابنه بائعه الخضار الجزء الخامس عشر

رواية ابنه بائعه الخضار الحلقة الخامسة عشر

سمر/ انتى حامل
امل / ايه اللى انتى بتقوليه ده .. هتلاقينى اخدت برد فى معدتى ولا حاجه
سمر / طب عينى فى عينك كده .. انا هطلب الدكتور علشان يجى ونتأكد
امل / استنى بس شويه … امرى لله .. ايوه يا ستى حامل
سمر / بجد .. يعنى انا هبقى عمتو . هييييه .. وازاى ابيه سليم ميقولناش .
امل/ سليم لسه ميعرفش .. اذا كان انا لسه عارفه النهارده
سمر / وعرفتى ازاى بقى
امل / اما انك غبيه .. انتى ناسيه ان احتا خرجيين علوم .. حللت لنفسى يا ذكيه
سمر وهى تهرش رأسها / ااه .. نسيت .. الفرحه نسيتنى .. طب وهتقولى لأبيه سليم امتى
امل/ الليله فى الحفله ..وإحنا بنرقص مع بعض
سمر/ واو .. ترقيه .. وبيبى .. ونجاح .. احمدك يارب
امل/ طب اتفضلى انزلى علشان اجهز انا كمان
سمر / لا .. انا هستنى علشان اساعدك لو احتاجتى اى حاجه
لتنتهى امل وتساعدها سمر وتنزل الفتاتان اسفل لتجد الضيوف والمعازيم قد بدؤا فى الحضور
عفاف/ اتاخرتوا كده ليه ..
سمر/ طلعت لقيت امل لسه نايمه .. وعلى ماجهزت .. عندى ليكى خبر حلو يامااا
امل وهى تنغز سمر فى جنبها / امسكى لسانك شويه .. لازم سليم يكون اول حد يعرف
عفاف / انتوا واقفين كده ليه .. تعالوا استقبلوا معايا الضيوف
سمر / امال ابيه سليم فين
عفاف / لسه جاى من عشر دقايق .. قالى انه هيعمل حاجه فى المكتب وبعد كده هيغير هدومه وينزل .. اطلعى يا امل استعجليه
امل / حاضر ياماما
لتذهب امل لتخبره ان الضيوف وصلو .. لتقف على باب المكتب بعد ان سمعته
سليم / ايه يا حبيبى .. انتى فين .. انا مستنيكى اوعى تتأخرى .. بحبك
لتصعد امل الى غرفتها .. لتجلس على طرف السرير وتضع يدها على بطنها بحزن .. ليدخل سليم ليجدها تجلس على السرير .. ليدخل سليم الحمام متجاهلا وجودها معه فى الغرفه .. ليخرج من الحمام ليجدها على وضعها
سليم / انتى لسه منزلتيش
امل بقوه / لو سمحت امضيلى على الورقه دى
سليم / فيها ايه الورقه دى
امل/ دا اقرار منك انك موافق على سفرى البعثه
سليم/ وهو يمضى ويعطيها الورقه .. اتفضلى
لتأخذ منه امل الورقه .. لتضعها فى الدرج وتنزل
امل وهى تحدث منها نفسها/ معقوله يا سليم عليز تخلص منى .. وانا اللى كنت مستعده انتازل عن حلمى وعن البعثه علشان خاطرك .. الحمد لله انى معملتش كده .. لتنزل تقف بجوار عفاف وسمر وعلى وجهها ملامح الحزن
سمر / افردى وشك .. هى هرمونات الحمل هتشتغل من دلوقتى ولا ايه .. ولا فيه حاجه حصلت بينك وبين سليم
امل بإبتسامه بارده / لا حبيبتى مفيش حاجه
ليقطع حديثهم دخول مروه .. لتذهب لتسلم على امل وسمر
سمر / انتى مين اللى عزمك يامروه
ليأتى صوت سليم من خلفها / انا يا سمر . تعالى يا مروه بعد اذنكم
لتنطر سمر وعفاف لأمل .. التى تقف وعلامات الحزن على وجهها
ليبدأ سليم فى القاء كلمته وشكر الحضور ..لتذهب مروه الى امل لتكيدها
مروه / وحشانى يا امل .. مبروك النجاح
امل / ايه اللى جابك يا مروه ..
مروه / سولى .. قصدى سليم عزمنى .. بعد اذنك .. الرقصه الافتاحيه هتبدا وتلاقى سليم بيدور عليا علشان يرقص معايا
امل / بتحلمى . . انا مراته .. وانا اللى المفروض يرقص معاها
مروه / هنشوف .. وتخبط كتفها فى كتف امل وتمشى
لتبدا الرقصه بسليم ومروه .. تحت نظرات امل .. وغضب عفاف وسمر .. وتعجب الجميع وتسأولاتهم
لتسحب امل نفسها من الحفل وتصعد غرفتها ..وتبا فى تغيير فستانها .. وتلبس دريس عادى .. وتبدأ فى كتابه جواب لسليم
(سليم .. انا خرجت من البيت زى اول يوم جيت فيه .. ماخدتش حاجه معايا .. ومش عايزه حاجه .. كل اللى عايزاه منك هى ورقه وياريت تبعتهالى على بيت امى .. بيت بياعه الخضار .. ومش عايزه منك اى حقوق .. ولا عايزه اعرف ايه اللى غيرك من ناحيتى .. لان واضح انك فشلت فى اول قضيه بينى وبينك )
لتأخذ اوراقها وصوره سليم وتخرج من الباب الخلفى للقصر
لتذهب الى بيت امها
………………………….
لينتهى الحفل سريعا ليتبق كلا من سليم ومروه وعفاف وسمر وشريف
عفاف بحده/ اقدر اعرف ايه اللى انت عملته دا يا سليم .. ازاى تعزم البنت دى .. وازى ترقص معاها وتسيب مراتك
سليم/ اهدى يا امى .. مروه تبقى خطيبتى
عفاف / على جثتى ..اتفضلى بره .. ولو حصل ده تبقى لا انت ابنى ولا اعرفك
لتخرج مروه .. ويهم سليم ان يخرج خلفها .. لتنادى عليه سمر
سمر/ ابيه سليم .. امل حامل
لتصدمه الكلمه .. وينصدم الجميع
سليم / ازاى
سمر/ حرام عليك يا ابيه .. ليه عملت كده .. دى كانت هتفاجئك وانتوا بترقصوا سوا
عفاف / اوعى تكون فاكر انى مش عارفه اللى بينكم من اول يوم جيتوا فيه القصر .. لكن مكنتش عايزه اتكلم .. حتى امل طلبت منى مكلمكش علشان متزعلش .. انا بقى اللى عايزه اعرف .. ايه سبب التغيير اللى حصل بينكم ده
سليم وهو يعطيهم التليفون / اتفرجوا شوفوا اللى بتدافعوا عنها . متجوزانى علشان الفلوس .. مش علشان بتحبنى
سمر / وهى تاخذ منه التليفون .. مستحيل .. مستحيل. كل دا كدب .. انا اعرف انل اكتر من نفسى
سليم / وكلام مروه زميلتها
سمر/ كدب .. مروه طول عمرها بتكره امل . وكتير اتسببت فى مشاكل لأمل .
سليم / طب والصوره دى
سمر/ الصوره دى كدب.. اه افتكرت ..الصوره دى كانت تانى يوم خطوبتك انت وامل .. وبدأت تشرح له .. وتخكى له عن عمرو وعن كم المشاكل اللى سببها لأمل
عفاف/ للأسف ياحضره القاضى انت حكمت حكم ظالم من غير ماتسمع للدفاع واكتفيت بطرف واحد …لأسف انت متنفعش تبقى قاضى .. لأنك قاضى ظالم
ليصعد سليم الغرفه ليبحث عن أمل .. والتى لايجد بها سوى متعلقات امل ملابسها وشبكتها وحتى تليفونها … لينزل للجميع ممسك فى يده جواب امل
عفاف وهى تأخذ الورقه من يده وتقرأها / متدخلش البيت ده الا وامل فى ايدك
سمر / وانا هعرف اثبتلك براءة امل .. ممكن تساعدنى يا شريف