Uncategorized

اسكريبت حالة نور الجزء الثاني 2 بقلم جنى حمادة

 اسكريبت حالة نور الجزء الثاني 2 بقلم جنى حمادة

اسكريبت حالة نور الجزء الثاني 2 بقلم جنى حمادة

اسكريبت حالة نور الجزء الثاني 2 بقلم جنى حمادة

خرجت وانا معايا شنطة هدومى
خالتى: صباح الخير يا بنتى ايه شنطة الهدوم دى
نور:انا قررت انى هشتغل وانزل ادور على شقه ايجار كويسة وسعرها حنين
زياد ببرود:وهتدفعى ايجارها منين
نور بكسر ة: من اول مرتب هاخده
زياد:طب مفيش نزول ودى اخر كلمة عندى
نور:وانت مالك انت انت مين انت علشان تحكم عليا
 زياد: انا صاحب البيت اللى انتى قاعدة فيه
خالتها: زياد عيب كده دى بنت خالتك يلا روح على شغلك
زياد: لأ مش رايح
نورهان:احنا ديقناكى في حاجة
نور:لا والله انا بس عايزة اعتمد على نفسى
خالتها بصرامة:بس يا بت انتى وهى بقولك ايه يا نور خروج من هنا مش هيحصل الا على بيت جوزك وانا قولت كلمتى امك امنتك عليا وانا اخليكى تنزلى تطمرمتى ادخلى ارتاحى وانت يا زياد على شغلك
نور:حاضر يا خالتى بس على الاقل ممكن انزل اشتغل ارجوكى اقضى وقت فراغ
خالتها:ماشى بس لو تعبتى خلاص ومرتبك هيكون ليكى مش هتدينا حاجة
نور:بس
خالتها بمقاطعة:مفيش بس يلا خلص الكلام
تانى يوم نزلت اشتغلت في مطعم جرسونة قريب شوية من المنطقة اشتغلت وانا بستحمل نظرات الناس ليا قررت انى اعمل دايت بس فشلت علشان انا بحب الاكل
في صباح يوم جديد كان يوم الجمعة وهو يوم اجازتى انا وزياد وللأسف هتضطر اجتمع بيه
على السفرة كلنا قاعدين
نورهان:مبتكليش ليه يا نور
نور:اكلت الحمد لله
نورهان:اكلتى ايه انتى مكلتيش خالص
زياد بسخرية: تلاقيها عاملة دايت
زعلت وقومت دخلت اوضتى على العشاء كده قولت اما اقوم اتوضى واصلى قومت وانا معدية سمعت صوت زياد في اوضة خالتى فسمعت اسمى فقولت اسمع
في الداخل……
زياد: في حاجة يا ماما كنتى عيزانى
امه:انت عارف يا حبيبي انا بحبك اد ايه
زياد:ماما ادخلى في الموضوع
امه:من غير لف ودوران ايه رأيك تتجوز نور
زياد:انتى بتهزرى
امه: لأ انا بكلم جد
زياد:اتجوز مين دبدوبة
امه:احترم نفسك
زياد:معلش يا ماما هى دى الحقيقة دى وحشة اوى وجسمها مش مظبوط دى مش فتاة احلامى انا مش هظلم نفسى مع واحدة زى دى
امه:يبنى انت ابن خالتها المفروض تلم عرضك
زياد:بقولك ايه يا ماما دى لأ
امه:ده اخر كلام عندك
زياد:اه اخر كلام عندى
انا برة انهرت وزعلت اوى بقى هو شيفنى كده رحت اتوضيت وصليت واشتكيت لربنا وخرجت اللى فقلبى وقعدت قريت قرآن وبعديها
صحيت الصبح لقيت زياد بيقول:يا جماعة انا قررت اخطب
امه:تخطب مين
زياد:زميلتى في الشغل
نورهان:مبروك يا اخويا
انا الخبر نزلت عليا زى الصاعقة وفوقت على صوته
زياد ببرود:مش هتبركيلى يا نور
جاوبته وانا حابسة دموعى: مبروك يا زياد
عدى اسبوع وزياد خطب بنت جميلة وبيضاء ورفيعة اسمها نيرة
فى يوم جت تزور زياد
نيرة: صباح الخير يا طنط امل فين زياد
امه:نايم
نيرة:طيب انا دخلاله
امه:ده نايم يا حبيبتي
نيرة:وفيها ايه يا طنط
دخلت نيرة طيب بكل بجاحة واحنا قاعدين وخرجوا مع بعض من الاوضة
امه: تبقى طولى لبسك شوية يا نيرة
نيرة بضيق:حاضر
 نيرة:امل مين دى يا زيزو
زياد:دى نور بت خالتى واختى
نيرة:وهى بتعمل ايه عندكوا
زياد: قاعدة عادى
نيرة ميلت عليا وقالتلى في ودنى:باى باى يا دبدوبة
كلامها كسرنى وقررت في نفسى انى اتغير وبارادتى هعمل اللى انا عيزاه
تانى يوم جهزت شنطة هدومى وقلت لخالتى انا مسافرة عرضتنى في الاول بس انا عاندت ونزلت ومسمعتش كلام حد علشان الارادة اتمكنت منى
(بعيداً عن الاسكريبت الارادة شىء جميل تحلى بالإرادة)
ركبت الطيارة وانا خايفة اول مرة اركبها بس خايفة من القرار اللى انا اخدته
سافرت لبنان وقررت انى اخس نزلت من الطيارة وخلصت الإجراءات وانا طالعة من المطار خبطت في حد
نور: انا اسفة مكنش قصدى
هو:ما تفتحى اوه تشوكليت
نور:انا اسفة والله وقعدت تعيط
مسح دموعى بايده وحسيت شعور مختلف شعور مش عارفه احددها هى فرح خوف لا اعرف
هو:انا اسف انا مراد
نور:وانا نور،اتشرفت بمعرفتك
مراد:وانا اكتر
نور:مع السلامه
روحت الفندق وبالصدفة طلعت اوضته جمب اوضتى فرحت ومش عارفه ليه
نزلنا الصبح على الفطار قعدت على تربيزة بعيد
مراد:ممكن اعد افطر معاكى
نور:اه طبعا اتفضل
قعدنا نتكلم واكتشفت ان دمه خفيف جدا ركزت في شكله لقيته جميل عيونه خضراء جميلة وشعره اشقر غامق شبه الاجانب
مراد:وبس ياستى انا اسكندرانى الاصل
نور:وايه اللى جابك لبنان
مراد:منا قولتلك عندى صفقة اصل انا رجل اعمال مشهور خدى بالك
نور: هههههه اخدت بالى
مراد:ضحكتك حلوة اوى
نور:انا اول مرة اضحك من قلبى
مراد:الدنيا مش مستاهلة اضحكى مالك بقى احكييلى 
نور:احكيلى انت الاول
مراد:ماشى بصى يا نور انا اتولدت في المانيا بابا حب واحدة من هناك واتجوزوا وخلفوا هناك ورجعنا مصر وعشنا وانا عندى ١٨سنة ماتوا حزنت اوى وانعزلت عن الناس بس قمت وبقيت اقوى من الاول وبقيت رجل اعمال مشهور
نور: ياه مش انا لوحدى اللى عشت حاجات صعبة
مراد: يلا احكى حكايتك
انا حكتله كل حاجة حتى حبى لزياد مش عارفه ليه بس حسيت بالامان معاه
مراد:ياه بقولك ايه انا بكرة هاجى معاكى العملية بس خدى بالك انتى لازم تعملى العملية علشان انتى عايزة ده مش علشان الناس
نور: لأ انا عملاها علشان نفسى مش علشان حد علشان اعرف اعيش حياتى
مراد: تمام انا بكرة هاجى معاكى فى العملية
نور:انا مش عايزة اتعبك
مراد:يا ستى تعبك راحه
تانى يوم دخلت المستشفى وانا خايفة اموت نفسي اعيش في سعادة
حطونى على الترولى
مراد مسك ايدى:بصى اطلعيلى انا حبيتك مش عارف امتى وازاى بس من اول مشفتك وانا قولت عليكى انتى بتاعتى نشوكليت بتاعتى انا وبس ومكنش فارق معايا وزنك بس انتى عايزة كده فسبتك اطلعيلى هموت من غيرك
انا قعدت اعيط اول مرة حد يقولى كلام حلو
مراد:لو طلعتى من هنا هنجوز يلا اطلعيلى
الممرضة:يلا اترك المريضة بدنا ندخلا العمليات
دخلت ومراد بيقولى:اطلعيلى
بعد مرور ٨ساعات
مراد:ايه يا دكتور ايه اخبارها
الدكتور:للاسف واحنا بنعملها عملية الشفط دخلت في غيبوبة
مراد:ايه غيبوبة
بعد مرور ٣شهور….
مراد: يلا يا حبيبتى بقى قومى علشان نتجوز
انا كنت سامعة كل كلمة هو بيقولها 
مراد: يا دكتور يا دكتور حركت صبعها
الدكتور:ابعد شوى
الدكتور كشف
الدكتور: هلأ هى بتكون فاقت
مراد:ايه يا حبيبتي كل ده غياب مهنتش عليكى
نور: مراد
مراد: قلب وروح مراد
نور:انا بحبك
هى طلعت من قلبى انا فعلا حبيته اعد معايا تلت شهور شفت الحب في عنيه لأ انا عشقته واكتشفت أن حبى لزياد ده مجرد حب اخوة وعلشان هو كان معايا على طول
مراد:انتى بتتكلمى جد طب وزياد
نور: زياد ده حب اخوة وعلشان هو كان معايا على طول انما انا بحبك انت
مراد:وانا بعشقك
رجعنا مصر وزياد لقى حبه الحقيقى بعد ما اكتشف حقيقة نيرة انها بتضحك عليه وبتخونه واتجوز وانا ومراد اتجوزنا
بعد مرور ٣سنوات
نور:يوه بقى تعالى هنا يا عمر
عمر:بابى احق مامى قاعدة تثعق(الحق مامى قاعدة تزعق)
مراد:ومامى بتزعق ليه
عمر:عثان عمى مس عايز ياكل (علشان عمر مش عايز ياكل)
مراد:مالك يا نور يا حبيبتي
نور:الواد ده قرفنى يا مراد
مراد:هدخل انيمه واجيلك وغمز بشقاوة
مراد:ادينى نيمته، يلهوى ايه يا بنتى الصاروخ ده
نور:قربت منه وبقت في حضنه:هو انا لما خسيت احلويت
مراد:انتى حلوة في كل حاجة
نور:يعنى انت مش ممكن تبص بر
ومكملتش الكلمة لانه قاطعها بقبلة عاشقة تبث شغفه لها 
مراد:انا عمرى ما اسيبك انتى عمرى وحياتى والتشوكليت بتاعتى
مراد:بحبك يا نورى
نور:بحبك يا مرادى
فاصبروا يا قوم محمد ان عوض الله جميل ????
عوض ربنا جميل الحاجة اللى انتى شيفاها وحشة هى ممكن تبقى خير ليكى والحاجة اللى انتى شيفاها حلوة ممكن تبقى شر ليكى الحب موجود بس اختاروا صح اختارى اللى يصونك وميبصش برة اختارى اللى هيفضل يحبك طول عمره اختارى اللى هيحافظ عليكى من نفسه
اختاره الحب اللى بجد اختارى اللى يخليكى ملكة على عرش قلبه اتمنى اكون افدتكم
لقراءة جميع أجزاء الاسكريبت : اضغط هنا
نرشح لك أيضاً رواية عروسة جدي للكاتبة بنت الجنوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى