رواية جبابره الأسد الفصل الرابع 4 بقلم مليكة
رواية جبابره الأسد الجزء الرابع
رواية جبابره الأسد البارت الرابع
رواية جبابره الأسد الحلقة الرابعة
و مره واحده يجي اتصال ل أليف و يقع التليفون منه
رأفت: في اي يا أليف مالك؟
أليف: اسد.
جيهان بصراخ: مالو اسد يا أليف جوزي مالو
أليف: عمل حادثه وهو في المستشفي
جيهان أغمي عليها و رأفت شالها و راحو مستشفي عز الدين بتاعه اسد ولاقو جيسي و فهد ونوران و نورين و نور و أوس هناك جيسي راحت مع الدكتور علشان تشوف جيهان أما الكل واقف برا
نوران بأمر: انا داخله
رأفت: داخله فين بس استني انا هدخل اشوفو
نورين: لا انا اللي هندخل يلا يا نور
رأفت: بس…
نور: رأفت في اي مالك ده ابويا اللي جوا و دخلوا التلاته وبعد شويه خرجوا وهما مصدومين
أليف راح ل نوران: ماله اسد يا نوران
محدش رد و ده سبب ليهم خوف
رأفت بصراخ: ما حد يرد عليا في اي
نوران بصوت عالي: ماااتت ابوياا ماااات فاهم يعني اي ؟يعني مبقاش موجود سبنا ومشي
الكل اتصدم و أليف قعد علي اقرب كرسي ليه أما رأفت كان هيقع و فهد سنده
فهد:بابا وحد الله مش هيغلي علي اللي خلقه
أما شمس و وجد قعدوا يعيطوا علي الاخ والسند ليهم دائما
نوران بصراخ: مش عايزة اسمع صوت حد فيكم بيعيط فاهمين
الكل بص ليهم بصدمه و ازاي قوتهم دي
نورين بأمر للدكتور اللي واقف من اول لما خرجوا : انت
الدكتور بخوف: نعم يا هانم
نورين : حضر حاجه الغسل علشان احنا اللي هنغسل ابونا
الدكتور بخوف: حاضر يا هانم
أليف بدموع: لي يا نورين ما احنا موجودين
نور: معلش يا أليف احنا موجودين ومحدش هيعمل كده غيرنا
نوران: ألبرت
ألبرت: نعم يا إمبراطوره
نوران: خبر موت اسد ينزل في الجرائد والمجلات و كل الناس تعرف ده فاهم و اتصل علي ماك الاندلسي و قوله ينزل مصر علشان الامبراطوره عيزاه
ألبرت: امرك يا امبراطوره
نوران: فهد خد الكل و روح و معاكم جيهان هي مش هتصحي قبل يومين انا مش عيزاها تنهار و انت عارف هتعمل اي
فهد بخبث أخفاه ببراعه: عارف يلا يا جيسي
رأفت: انا مش هتحرك من هنا
نور بلا مبالاه: احنا مش بناخد رأيك احنا بنقول ليك يلا يا فهد
و مشيوا التلاته سوا و فهد خد الكل و روح بيهم زي ما نور قالت و جيهان اللي مش حاسه بحاجه في كل اللي بيحصل ده
و خبر موت اسد نزل زي ما نوران قالت و الكل اتصدم و شركات اسد خسرت كتير من اسمها في البورصه بعد ما كانت رقم واحد
و في نفس الوقت كان سيف و اهلو بيتابعوا البرنامج
المذيع: يحزننا اليوم وهو موت من اكبر رجال الأعمال المصريين في العالم هو اسد عز الدين
الخبر نزل زي الصاعقه علي محمود و هنا بصو لبعض و تابعوا باقي الكلام أما سيف اتصدم هو طول عمره نفسه كان يكون زي الأسد و زي ما الناس بتحكي عنه
المذيع كمل: اخبارنا بتؤكد أن سبب الموت هو حادثه و زوجته جيهان فاضل جالها انهيار عصبي نتيجه الصدمه و بنات اسد عز دين رفضوا أن حد يدخل علي ابوهم و هما اللي عملوا كل حاجه تخص الدفن و مارضوش حد يغسل ابوهم غيرهم حتي اصدقاء عمره أليف الوجداني و رأفت السوهاجى و رفضوا يعملوا اي لقاء صحفي أو يقولو اي حاجه عن سبب الموت غير أنه حادثه شركات الأسد تخسر كتير من اسهمها من اول يوم يا تري بنات الاسد هيعرفوا يعملوا المجد اللي والدهم عمله و يلحقوا الشركات من الإفلاس أو أن مجد عز الدين انتهي بموت اسد و اللي اللقاء في حلقه جديده من برنامجنا
بعد البرنامج
ادهم بصدمه:انا مش مصدق ده كان ليه من يومين عامل مشروع الكل بيتكلم عنه
ياسين بسخريه: اكيد بناته بتوع بابي و مامي دول و اللي مقضينها هيخسروا الدنيا و بكره تقول ياسين قال
سيف بسخريه: تبقي غلطان دول ولاد الأسد و اديك شوفت اديهم رفضوا حد يدخل يغسل ابوهم غيرهم حتي أصحابه و كلمتهم مشيت علي الكبير و بعدين دول ولاد الأسد.
ادهم: طب احنا كدا المفروض نروح نعزي ولا اي
هنا (امهم): معاك حق يا ادهم
سيف: لما نشوف ولاده هيعملوا عزا ولا لا
___________________________________
وفعلا بناته غسلوا اسد و اتكفن و رفضوا أن حد يشيل النعش بتاع ابوهم غيرهم و جيسي و فهد و أوس شالو معاهم دي كانت أول مره بنات تشيل نعش ابوهم و الصحافه معرفوش ياخدوا صور لبنات الأسد ولا الباقي ولكن عرفوا اللي حصل من الناس وصدمتهم أن ولا واحده فيهم عيطت و لاول مره البنات هي اللي تشيل نعش ابوها مش الرجاله و سيف عرف هو و اخواته و استغربوا قوتهم و جبروتهم ده
____________________________________
و الكل روح و اللي عملوه ده سبب خنق أليف و رأفت و كمان لما عرفوا انهم مش هيعملوا عزا غير لما حق ابوهم يرجع الصدمه الأكبر أنهم عرفوا أن اسد مات مقتول لأن العربيه مكانش فيها فرامل بس مرضوش يقولو مين حتي فهد و جيسي و أوس رفضوا
و ماك الاندلسي رجع روسيا بسبب شغل نوران طلبته منه وهي هتحصلوا بعد فتره هي و اخواتها وجيسي نقلت شغلها لمصر علشان تديره من مصر الفتره دي
و مر اسبوع علي وفاه اسد و جيهان حابسه نفسها في الاوضه ومش بتاكل ولا بتشرب و الكل قاعد في اوضه المعيشه
رأفت: هنعمل اي في جيهان
أليف: معاك حق حالتها بقت وحشه اوي
شمس: انا قلبي واجعني عليها
وجد: مش انتي بس ده الكل كلنا خسرنا السند والاخ
نوران ببرود وهي بتشرب القهوة: ولا تعملوا اي حاجه هي بتطلع حزنها و لما تروق هتخرج لوحدها و هتبقي كويسه
نورين: اه ومحدش يضغط عليها
نور: ماشي
جيسي بتأكيد: معاكي حق
رأفت بزعيق: انتو اي انتو السته مفيش دم ابوكم اللي مربيكم مات و انتو قاعدين كدا بكل برود حتي رفضتوا أن احنا نغسله او نشوفوا للمره الاخيره وكمان انتو اللي شيلتو النعش اي الجبروت ده ولا كمان فهد بيه اللي كنت مبسوط انك واخد من اسد لكن انت عمرك ما هتبقي ربعه حتي جاتكم القرف عيال عره ينعل ابو اللي عايز من خلفتكم
و خرج و وراه شمس.
نورين بعصبيه: هو بيزعق لي بقولك اي يا عم فهد قول ل ابوك يهدي علي نفسه كدا ماشي علشان هو مش عارف حاجه يبقي يسكت انا عمر ما ابويا رفع صوته عليا علشان نبقي حلوين سوا ومش أقتل حد و انت عارفني كويس
و طلعت اوضتها و رزعت الباب وراها.
نور بصت ليهم: دلوقتي المشكله مش دي هنحل الموضوع مع رأفت بعدين دلوقتي الشركه يا نوران اسهمها بتقل اوي بطريقه خطيره
أليف: ما انتو لو تريحونا و تقولوا لينا بتفكروا في اي انتو الخمسه
أوس: اهدي يا حج وكل وقت وليه اذان
نوران: جه الوقت اللي نرجع فيه الشركه تاني يلا كلو يطلع يستريح و ينام شويه علشان عندنا شغل كتير بكرا
جيسي: ماشي يلا تصبحوا علي خير .
فهد: و انتي من أهل الخير يا قلب الفهد
جيسي بصت ليه مع أبتسامة وباست خده وطلعت تنام
__________________________________
و كل واحد طلع علي اوضته و نام و في الصباح نوران صحيت وخدت دش بارد و صحت اخواتها وجيسي علشان يجروا زي كل يوم و انهم مش هيغيروا حاجه اسد علمها ليهم و لبسوا لبس رياضي وجيسي فكت الذئب الابيض اللي كان جايلها هديه من اسد و دلوقتي كبر جدا و نورا فكت الأسد بتاعها اللي كان جايلها هديه من اسد في عيد ميلادها العاشر و نور فكت النمر بتاعها و نورين فكت الذئب الاسود بتاعها و كل واحده بتجري و جنبها الأسد والنمر و الذئب بتاعها وكان شكلهم يخوف اي حد و وجد بصوا عليهم بفخر من فوق و معاها رأفت وشمس اللي حس انه جرح بناته أو أنه دايما بيعتبر بنات اسد بناته و حس انو زعل ابنه و بعد ما خلصوا جري كل واحده طلعت تاخد شاور و نور راحت صحت فهد و جيسي صحت أوس و نزلوا علي الفطار ومحدش استجراء يقعد مكان الأسد و رأفت اعتذر ل ابنه و لنورين و نور ونوران و جيسي و أوس بس لقاهم مش زعلانين منه و نور بصت علي كرسي ابوها بحزن وخبث العقرب وحلفت أنها هتندم اللي كان السبب أما فهد مسك ايديها
فهد بهمس: انا دايما جمبك
نور بنفس الهمس و بأبتسامه: عارفه يا فهدي الحلو
أما رأفت بص ل ابنه بفخر أنه دايما السند لإخواته البنات و جيسي اللي بصت لاخوها التاني و ابتسمت و نورين بصت للكرسي بعيون زي الدم و حلفت أنها تخليه يتمني الموت أما نوران خدت اخواتها وكل واحده ركبت عربيتها و راحوا الشركه في داخله اسطوريه و الكل خاف من شكلهم الجدي زي ابوهم الرجاله و البنات اللي اتصدموا من جمالهم أمروا الكل أن الشغل يمشي زي ما كان شغال من الاول و نورين عرفت أن في بضاعه محجوزة في المينا و محدش عارف يخرجها .
نورين دخلت مكتب نوران لقت جيسي هناك و نور و أوس وفهد: في بضاعه محجوزة في المينا
نور: و في مشاكل في المصانع و العمال عاملين اضراب
نوران: وشركات الهندسه فيها مشاريع واقفه و أصحابها عايزين الشروط الجزائيه.
جيسي: هنعمل اي وهنحل اي بالظبط
نور: انا هاخد فهد و هنروح المصانع نتكلم مع العمال و انا هعرف احل الموضوع ده .
نورين: و انا هسافر اسكندريه انا و أوس و هاجي علي بليل و اشوف حيلتها ده اللي مش عايز يدخل البضائع و رحمه جدي ما هخليه يلاقي ثمن رغيف العيش و نشوف مين فينا اللي هيقدر علي التاني.
نوران: و انا هحل مشاكل المشاريع و هكلم أصحابها النهارده علشان ييجوا و انتي يا جيسي ولا هتشتغلي في شركات الهندسه ولا المصانع.
جيسي: اومال اي يا ليدي؟
نوران: في مناقصه الكل متوقع أن احنا هنخسرها بموت اسد بس مش احنا انا وانتي والباقي هنشتغل فيها بعد ما الكل يرجع بس انا طالبه منك تعرفي مين اللي داخل المناقصه دي.
جيسي وهي خارجه: اعتبري ده حصل.
نوران: الكل يعمل اللي اتفقنا عليه
و فعلا نورين و أوس راحوا اسكندريه و نور وفهد راحوا المصانع علشان العمال و نوران طلبت من السكرتيره تعمل مقابلات مع العمال أصحاب المشاريع النهارده و فعلا كلو اتعمل زي ما قالت .
نوران غمضت عيونها و علي وشها ابتسامه مكر و قالت:…..
بترا مين اللي موت اسد؟
و هل اسد مات اصلا ولا لا؟
وهل مشاكل الشركات والمصانع و المشاريع اللي نازله علي دماغهم دي هتتحل ولا لا؟
وهل شركات الأسد هترجع رقم واحد تاني في السوق ولا لا؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جبابره الأسد)
تعليق واحد