اسكريبت لماذا الفصل الثاني 2 بقلم حبيبة وليد

اتصدمت لما لقيت تحتها بودرة سودة اترعبت جدا خاصةً لما افتكرت موضوع الكيس بس إستغربت مين إلي حطها عشان مفيش حد بيدخل بيتي غير حماتي تنض… قاطعت تفكيري لما افتكرت يومها لما لقيت حماتي بتنضف الحتة دي ف عرفت إنها اكيد هي ف نضفتو بسرعة. 

و بعد الموضوع ده بشهر كنت راجعة من عند أمي ولقيت نفس الموضوع بيتكرر ، لقيت حماتي قاعدة تعمل حاجة في الحتة دي ف نزلت السلالم تآني و طلعتها بصوت عالي و لما وصلت لقيتها شالت كل حاجة و سلمت عليا و نزلت ولا كأن كان في حاجة من أساسه دخلت بسرعة و قفلت الباب ، شلت البلاطة و زي ما توقعت نفس البودرة مرة تانية نضفتها تآني و سمعت شوية فيديوهات قالو نرش علي المكان ميه بملح ، رحت أعملها بس لقيت الملح خلص ، رحت أجيب فلوس عشان انزل أجيب ملح بس لقيت مش فاضل من الفلوس إلي جوزي بيبعتها غير ١٠٠ جنية ف كلمتو 

~آلو 

_أيوة يا محمد اخبارك عامل أي 

~الحمد لله تمام و إنت اخبارك أي 

_انا الحمد لله تمام ، كنت بتصل عشان اقولك إن الفلوس إلي معايا خلصت إحنا بقينا آخر الشهر حاول تحولي فلوس فأسرع وقت 

~مهو… أصل 

_في أي يا محمد 

~أصل الصراحة أنا بعت المرتب بتاعي لحامد اخويا، آنتي عارفة أنو بيجهز شقتو 

_تقوم تبعتلو المرتب كلو يا محمد طب أنا اصرف منين دلوقتي أنا و بنتك ؟

~أتصرفي يا سارة 

_أتصرف! ماشي يا محمد سلام 

قفلت السكة و أنا مش مستوعبة إزاي يعمل حاجة زي دي إزاي يبعت المرتب كامل و إحنا محتاجينو بعدها اضطريت انزل إشتغل عشان اعرف أجيب الحليب لبنتي و استمر الحال علي كدا جوزي يبعتلهم و هما يصرفو علي الشبكة و المنظرة ، طبعا بقيت كل يوم ارش قدام البيت ميه بملح و مقولتش حاجة عن الموضوع دا لجوزي

و ف يوم كنت راجعة من الشغل بليل مهدودة و دخلت نمت علطول بس بعد شوية قلقت كنت سامعة صوت و ماكنتش حاسة إني مرتاحة و أنا نايمة، فتحت عيني عشان أشوف آخر حاجة ممكن اتخيلها شفت حماتي كانت قريبة مني جدا و مبرقالي و مبتسمة ابتسامة مرعبة و معاها ……

يتبع….