Uncategorized

رواية معذبتي الفصل الثانى 2 بقلم منى

 رواية معذبتي الفصل الثانى 2 بقلم منى
رواية معذبتي الفصل الثانى 2 بقلم منى

رواية معذبتي الفصل الثانى 2 بقلم منى

زينه خرجت وهي متعصبه منه لعدم رده عليها لفت الشقه كلها ملوش أثر وقفت ف نص صاله مستغربه سمعت الباب بيتفتح تاني بصت وراها بهدوء ???? لاقت ياسين دخل وباصصلها باستغراب
ياسين ????.. مالك يا حبيبتي واقفه كده ليه؟
زينه حاولت تبان طبيعيه قالت ل نفسها اكيد من قله النوم بيتهيألي
ياسين.. زينه بكلمك
زينه.. معاك يا ياسو سرحت شويه جبت الشاحن؟
ياسين.. اه تمام اجهزي بس عشان صحابك نازلين يسلمو عليكي قبل ما نسافر الاسبوع اليتيم دا
زينه.. احلى اسبوع عشان جمبك بس زعلانه منك بابا كان متعشم يوصلنا للمطار ليه احرجته كده
ياسين بضيق حاول يخفيه.. محبتش اتعبه ويرجع مشوار دا كله هو وماماتك عملت ع راحته عادي يعني كريم هيوصلنا وخلاص بقا
زينه بتفهم.. ماشي يا ياسو زي ما تحب
جرس الباب رن فتح ياسين كانت ياسمين وكريم و صبا ومالك
مالك ابن صبا ٦ سنوات طفل جميل جدا و دمه خفيف اوي
مالك وهو بيجري يحضن زينه
مالك.. مامي زينه وحشتني اوي
زينه.. قلب مامي وانت كمان
ياسين.. لمى ابنك يا صبا بدل ما اكدرك ف الشغل
صبا.. ايه دا يا بشمهندس هتغير من عيل صغير
كريم.. صغير مين يا حجه دا بيخليني اتشال واتحط وهو مع ياسمين
ياسمين.. انتم اللي عقلكم صغير جدا
مالك بيوشوش زينه وهي عماله تضحك
ياسين بغيظ.. انت بتقولها ايه يضحك اوي كده
مالك ببرائه.. بحكيلها على بيبه
صبا ???? … مين بيبه
مالك.. صحبتي يا مامي
ياسين… وايه بقا بيضحك في موضوع بيبه صحبتك
مالك.. بقول ل مامي زينه انها حلوه فهي بتسألني مين احلى هي ولا بيبه قلتلها انتي طبعا يامامي
زينه… قلب مامي انت
ياسين بغيظ… ياحلوه مبسوطه انك احلى من صحبته
ياسمين بزعل مصطتنع.. وانا يا لوكي احلى ولا بيبه
مالك.. انتي طبعا يا مامي
وجرى عليها حضنها
ياسمين بفرحه.. حبيبي يا لوكي
كريم بغيظ… هو الواد دا هيفضل يغيظنا كتير ولا ايه
ياسين…. ما العيب على أمه اللي سيباه كده
مالك ببرائه.. انهي مامي فيهم دول تلاته احلى من بعض
صبا ????.. انا بقول نمشي يا لوكا قبل ما تتسبب في طردي من الشركه
مالك.. مامي زينه صحيح افتكرت انا شفت عمو اللي خبط عليكي وطلع يجري من شويه
كلهم سكتو وزينه اتوترت جدا وسألته بتوتر وخوف
زينه.. شوفته فين يا مالك
مالك.. شوفته وخلاص بقا مش هو فتح وقفل ومشي صح
ياسين بعدم فهم.. في ايه انا مش فاهم حاجه راجل مين دا بتتكلمو عنه
زينه بخوف.. مش فاهمه انا كمان مش فاهمه بس واضح ان كان ف حرامي بيحاول يدخل الشقه ومالك شافه… صح يا مالك
كريم بقلق .. انتي حسيتي بيه يعني
زينه بخوف … انا سمعت الباب اتفتح واتقفل كنت بحسبه ياسين ندهت عليه مردش خرجت ملقتش حد
صبا اتوترت جدا … مالك حبيبي ممكن تقولنا شفت ايه
مالك.. انا قلت خلاص مش هقول حاجه تاني يلا بقا عايز انام
ياسين بهدوء.. لوكا طب هو شكله ايه دا آخر سؤال
مالك ????.. ممممم طويل اووووى أطول راجل في الدنيا مش فاكر بقا حاجه تاني عايز انام
كريم بص ل ياسين.. ابقى ركب كاميرا مراقبه و جهاز إنذار وانا كمان وانتي ياصبا وهشوف الحيوان اللي قاعد تحت ف العماره دا لزمته ايه
زينه خايفه وساكته وياسمين وصبا كمان خايفين
ياسين بجديه… حصل خير يا جماعه خلاص احنا نركب اجهزه الانذار وان شاء الله ميتكررش الموقف دا تاني
_________________بقلم_مني
بعد وقت قليل صبا ومالك نزله و كريم وياسمين كمان
ياسين قرب من زينه و شدها ل حضنه.. حبيبتي متخافيش عشان خاطري موقف وعدي وربنا ستر خلاص بقا
زينه بصوت مخنوق.. انا قلت انه بيتهيألي من قلة النوم مش مستوعبه ان كان في حد بجد
ياسين بحب.. خلاص يا حبيبتي حصل خير يلا زمان كريم في العربيه تحت يلا ياروحي
زينه… طيب يلا عشان منتاخرش
نزلو وكريم وصلهم المطار وهو راجع تلفونه رن وكانت ماماته رد
كريم????… مساء الفل ياقمري
هند????.. مساء النور يا حبيبي ها وصلت صحبك
كريم????… اه ياحبيبتي وفي طريق راجع
هند????… لو اتأخرت بكره هزعل منك ياكيمو
كريم????… مقدرش على زعلك ياقمري حاضر
هند بضيق????.. هي بسلامتها جايه معاك
كريم????.. اسمها ياسمين يا أمي واه مكان ما اكون هي بتكون
هند ????????… طيب متتحمأش اوي كده يلا هروح اخلص ال ورايا وانت متتاخرش
كريم????… اوكي ياحبيبتي مش هنتأخر
__________________
بقلم_مني
هند قفلت مع كريم وكلها غضب ميرا دخلت عليها
ميرا … خالتو انا خارجه اجيب الحاجات اللي ناقصه ل بكره
هند.. تعالي يا ميرا عايزاكي ف موضوع كده الاول وبعدين اخرجي براحتك
ميرا… خير يا خالتو
ميرا ٢٤ سنه بتشتغل في شركه سياحه أهلها اتوفو من كام سنه في حادثه اعمامها من سوهاج وهي قاعده هنا مع خالتها
هند… طبعا انتي عارفه اني بحبك اوي مش كده
ميرا بتوتر.. اه اه طبعا
هند.. طيب يا حبيبتي عايزاكي بكره لما اقولك خدي كريم يتفرج ع هديتي ليكي تاخديه وتاخريه شويه وياريت يعني لو تتكلمو سوا وتحاولي تقربي منه
ميرا ????… مش فاهمه
هند بعصبيه… بت بقولك ايه متعصبنيش كفايه هو عليا تقربي زي اي واحده ما بتقرب من واحد انتي فاهمه كويس انا عايزه ايه يا ميرا قولتلك قبل كده يا تطاوعيني ياما معنديش اختيارات كتير
ميرا بخوف… حاضر حاضر ياخالتو بس يعني
هند بغضب… مبسش يا تقربي من كريم ياما معنديش مكان لحد هنا في بيتي وشوفي وقتها هيحصل فيكي ايه يلا غوري شوفي رايحه فين
ميرا الدموع اتجمعت في عينيها وخرجت بسرعه من البيت مخنوقه ومش عارفه تعمل ايه
_____________________بقلم_مني
في فيلا زين دخلت عليه امال لاقيته سرحان ومضايق قربت منه
امال… حبيبي سرحان في ايه؟
زين كشر.. زينه وحشتني انا مش قادر اقعد في البيت وهي مش فيه
امال… دا طبيعي يا زين بس دي سنه الحياه بكره لما تجبلك أحفاد صغننين كده هتفرح وتنسى الدنيا بللي فيها
زين… خايف يا امال قلبي مش مطمن
امال… ليه كده بس يا زين والله الولد بيحبها بجد انت عذبتهم كتير برفضك فوق تلت سنين والولد فضل متمسك بيها ورفض اي مساعده ماديه منك واعتمد على نفسه في ايه تاني يقلقك وبعدين معقول مشفتش الفرحه اللي في عين بنتك؟
زين… شوفتها وكنت فرحان عشانها بس انا قلبي بجد مش مطمن عليها معرفش ليه نهايته انا هقوم اصلي وادعي ربنا يريح قلبي
امال.. عين العقل يا حبيبي تقبل الله
____________________بقلم_مني
في حي بسيط كانت سلوى والده ياسين قاعده بتتفرج على التلفزيون دخل ابنها الصغير يحيى ٢٥ سنه خريج تجاره بيشتغل مع سيف وياسين شاب اسمر طويل عينيه سودا وسيم
يحيى.. السلام عليكم
سلوى.. وعليكم السلام يا حبيبي احضرلك الاكل؟
يحيى … لا يا أمي اكلت ف الشركه ياسين كلمك؟
سلوى… اه كلمني صوته كان مبسوط اوي يا حبيبي عقبالك انت كمان وافرح بيك قريب
يحيى.. ياساتر يارب ليه كده يا سولي دا انا بحبك حتي
سلوى وهي بتضربه على دماغه من ورا… سولي في عينيك انا امك يلا وماله الجواز يا خايب الرجا انت
يحيى.. ملوش هو حلو لوحده وانا حلو لوحدي مينفعش نتجمع سوا تحصل كوارث غير طبيعيه
سلوى… انا مليش دعوه بالتخريف دا انا عايزه افرح بيك وبس
يحيى… ماتفرحي حد حيشك
ساوي بغيظ… يا واد هتنقطني افرح بيك يعني اجوزك واشيل عيالك قبل ما اموت
يحيى قام وحضنها… بعد الشر عنك يا أمي ربنا يخليكي لينا متقوليش كده تاني وحياتي عندك
سلوى بحب… حبيبي لكل اجل كتاب فرح انت بس قلبي وبلاش كلامك ال بيتعبني دا عن الجواز ريح قلبي يا ضنايا
يحيى ????… إن شاء الله يا حبيبتي حاضر انتي بتتفرجي على ايه بقا
سلوى بابتسامه… مسلسل ضمير ابله حكمت
يحيي.. ومالك منشكحه اوي كده ليه وانتي بتقوليها دا مسلسل انقرض يا أمي
سلوى.. وانت تفهم ايه يا عيل ابن امبارح انت بقولك صحيح متعرفش اخوك شد مع حماه لما راحله ولا لا
يحيي كشر.. لا مسك نفسه راجل غتت مبطهقوش
سلوى.. عيب ياواد الراجل له حق يخاف على بنته الوحيده وهو ماشاء الله حاجه كبيره اوي في البلد حقه يطمن على بنته
يحيى… يقوم يذل في اخويا السنين دي كلها الحق مش عليه الحق على ابنك الي فضل مستني ست الحسن والجمال ومستحمل الزل دا كله
سلوى بعصبيه… لما تتكلم ع اخوك الكبير ومراته تتكلم بأدب يا تخرس خالص سامع ولا لا قوم قوم من جمبي فورت دمى قوووووم
يحيى وهو داخل اوضته… خلاص ياستي اسفين انا هنام تصبحي ع خير
________________
بقلم_مني
اليوم عدا بدون أحداث تانيه وجه يوم جديد
صبا صحيت وجهزت ونزلت للشركه قبل ما ماماتها و ابنها يصحو وصلت قبل الكل عملت قهوتها وقعدت ف مكتبها تلفونها رن ردت بلفهه
صبا????… اخيرا حنيتي عليا و رديتي يا جوجو
جميله بضيق????… ممكن افهم ايه كم الاتصالات دي في ايه وف الآخر بتقوليلي هتيجي تيجي فين يا صبا
صبا????… في ايه يا جميله انا حصل مني ايه عشان المعامله دي
جميله????… محصلش حاجه انتي مكبره الموضوع انا مشغوله مع الولاد وسيف شويه بس مش اكتر
جميله ٢٦ سنه زوجه سيف اخو سامر زوج صبا المتوفي
صبا بعدم اقتناع????…. والله ممممم طيب يا جميله لما تقرري تعرفيني انا غلطت معاكي في ايه دا لو كنت غلطت يعني ابقى كلمني واسفه جدا اني ازعجتك باتصالاتي
جميله????.. يووو بقا انتي بتتقمصي كده ليه بسرعه والله مشغوله مع الولاد وسيف مش بفضي خالص
صبا????…. ماشي يا حبيبتي ولا يهمك انا قلقت عليكي بس وخوفت اكون زعلتك في حاجه من غير ما اخد بالي
جميله????… ربنا ما يجيب زعل هو انشغال مش اكتر اكيد اي وقت هكون فاضيه هكلمك
صبا????… تمام هستني اتصالك باي
جميله????.. باي
____________________بقلم_مني
كريم خلص شغل وروح ع بيته
كريم… ياسمين سمسم انتي فين يابت
ياسمين من المطبخ… انا هنا يا كيمو
دخل لاقاها هدومها كلها صلصه و واقفه قدام الفرن
كريم ????… ايه منظر دا هههههه
ياسمين كشرت… بتضحك على ايه بدل ما تقولي ايه الروايح الحلوه دي يا حبيبتي
كريم بيشم مش شامم اي حاجه… هي فين بس الروايح ال مفروض اني اشمها؟
ياسمين.. بقولك ايه متخنقنيش روح غير هدومك هيكون الغدا التحفه اللي جهزته خلص يلا
كريم وهو خارج من المطبخ بصوت واطي… ربنا يستر اخر مره اخترعت اكل كان هيتعملنا غسيل معده
ياسمين????.. بتقول حاجه يا كريم
كريم ????… بقول ربنا ما يحرمني من نفسك التحفه في الأكل يا روحي
دخل خد شور وغير هدومه وخرج لاقاها
حطه طبق سلطه و صينيه محروقه مش باين ليها ملامح
كريم ????… ايه دي
ياسمين بحماس… دي البيتزا الكدابه
كريم ????… كذابه ازاي مش فاهم
ياسمين… اقعد بس دي عباره عن بيتزا بس مش بيتزا عشان كده اسمها البيتزا الكدابه دا جلاش معمول بطريقه معينه وبيتحط عليه حشو البيتزا فهمت
كريم ????… فهمت مفروض ناكله؟
ياسمين بغيظ… لا هنحنطه اه طبعا ناكله يلا يلا وبكره بقا هعملك الحمام الكداب وبعده البفتيك الكداب
كريم ????…. ايه الحاجات دي؟
ياسمين وهي بتحط قدامه الجلاش.. اكل يا حبيبي ايه رايك فيا بجددلك اهو عشان متزهقش
كريم اكل قطمه ????…
ياسمين… ايه حلوه
كريم.. جدا من حلاوتها عليا النعمه ماهي معموله في البيت الطاهر دا تاني
ياسمين ????… وحشه اوي كده انا قلت اجددلك في الأكل عايزه اعمل اي تغير في حياتنا عشان متزهقش مني
كريم قام وقعد قصدها على الأرض مسك ايديها واتكلم بحب
كريم… ازهق منك انتي ازاي بس انا كل يوم بحبك اكتر وكل وقت بتوحشيني اكتر واكتر ازاي تقولي كده يا حبيبتي
ياسمين بحزن… عشان ديما خايفه كريم انا مش هقدر اعيش خايفه كده
كريم… يا حبيبتي ايه مخوفك بس انتي ازاي مش واثقه في حبي ليكي
ياسمين… طب انت ليه لا بتاخد موقف من ماماتك ولا بتبعدني عنها ليه سيباها تجرحني كده وساكت
كريم… عشان انتي جزء مني وهي كمان ومقدرش اعيش من غير حد فيكم وهي لازم تتقبل وجودك ف اي مكان انا فيه وانتي لازم تحاولي تستحمليها شويه لحد ما تتأقلم ع وضع دا وتبطل كلام
ياسمين ????… مش لما نتأقلم احنا الأول
كريم… فراولتي ممكن متفكرش ف حاجه وتقوم عشان تجهز
ياسمين… بلاش عشان خاطري
كريم… لو مروحتيش مش هروح وخلي ماما تزعل مني بقا بس هه
ياسمين.. خلاص هاجي عشان خاطرك مقدرش تكون زعلان بسببي
كريم.. قلبي انا
_____________________بقلم_مني
ياسين وصل تركيا هو وزينه كانت مبسوطه و مبهوره بالمكان وصلو الفندق
زينه بتعب… اخيراااا وصلنا هموت وانام
ياسين قرب منها وشدها لحضنه
ياسين بهمس… وحشتني
زينه ????… انا عايزه انام
ياسين قرب اكتر وهمس… بقولك وحشتني اوي اوي
زينه… ياسو بليز ابعد
ياسين… ٨ سنين وانا بعيد حرام عليكي كفايه بعد بقا
زينه… انا مش مصدقه اني اخيرا بقيت مراتك انا حسه اني بحلم يا ياسو
ياسين… الله يسامحه ابوكي مش كفايه ٥ سنين كليه لا ضيع من عمرنا ٣ سنين كمان بسبب عنده
زينه وهي بتحاوط رقبته.. حبيبي كان خايف عليا ومحتاج يطمن بكره لما نجيب بنوته هتحس بابا حس ايه وهتفهم وتقدر ليه هو عمل كده
ياسين????… طب ما تيلا
زينه????… يلا إيه
ياسين????… نشوف موضوع البنوته
زينه… هههههههه ياسو هقو
ياسين قطع كلامها ببوسه طويله تعبر عن حجم الشوق والحب اللي جواه
____________________بقلم_مني
زينه فجأه لاقت نفسها ماشيه في ممر طويل وضلمه بتحاول تصرخ او تنادي على ياسين صوتها مش بيطلع فضلت تجري كتير ????‍♀️ومفيش نهايه للممر فجأه سمعت همس في ودنها باسمها بيتقال بهمس ضعيف فضلت تتلفت حواليها كتير ورجعت تجري تاني
بس الهمس اتحول لصرخات مرعبه صرخات لناس كتير كأنهم بيتعذبو وقفت وحطت ايديها ع ودنها بتحاول متسمعش صوت صرخات اللي بيزيد
وفجأه كل دا وقف وحست بنفس جمبها كان حد بيتنفس جمب وشها بالظبط ????حاولت تتحرك فشلت وكان جسمها كله هي ملهاش اي سلطه تحكم فيه وسمعت صوت ضعيف بيقولها
(مش هسيبك انتي بقيتي بتاعتي????)
زينه في اللحظه دي فضلت تصرخ تصرخ كتير وسمعت صوت ياسين بينادي عليها
ياسين بخضه.. زينه زينه حبيبتي اصحى دا كابوس اصحي
زينه ???? صحيت مفزوعه وانهارت في العياط
زينه بانهيار… لا لا مكنش كاااابوس لا انا خايفه
ياسين حضنها وبيطبطب عليها… حبيبتي اهدي انا جمبك ومعاكي اهدي كان كابوس والله
ياسين فضل كتير بيهديها وبيقنعها انه كابوس وهي رافضه تكدب احساسها
_____________________بقلم_مني
الليل جه كريم وياسمين وصلو بيت والدته عشان يحضروا عيد ميلاد بنت خالته
كريم لبس طقم كلاسيك قميص ابيض وبنطلون اسود كان يخطف الانظار
وياسمين لبست فستان اسود بسيط الوصف
وصلو قابلتهم ميرا
ميرا كانت لابسه
ميرا بابتسامه… اهلا اهلا بالناس اللي بشوفها كل سنه مره
كريم بابتسامه بسيطه.. كل سنه وانتي طيبه ياميرا
ياسمين ????… كل سنه وانتي طيبه ياقمر أي الحلاوه دي
ميرا لسه هترد قاطعتها هند
هند بتكبر… طبعا حلوه واحلى واحده في المكان كله كمان
كريم… طب رحبي بينا يا هندوه
هند.. انت صاحب بيت يا حبيبي (وبصت لياسمين) اهلا بيكي يا ياسمين
ياسمين اتحرجت وهزت دماغها وسكتت كريم اضايق و همس لأمه
كريم.. لو هتبدأيها كده هاخد مراتي وامشي
هند بعدت عنه ووجهت كلامها ل ميرا
هند.. خدي كريم يا ميرا وريه هديتي ليكي
ميرا باحراج.. بعدين يا خالتو
هند????… لا دلوقتى
ميرا بتوتر… اتفضل يا كريم
كريم مسك ايد ياسمين وهيتحركو قاطعته هند
هند… سيب ياسمين صحابي من النادي عايزين يشوفو مرات ابني هعرفها عليهم
كريم بص لأمه بتحذير
هند… متبصليش كده هو انا هاكلها خلاص روحي معاه انا اسفه
ياسمين.. لا لا هاجي مع حضرتك طبعا دا شرف ليا اتعرف ع صحاب حضرتك (وبصت ل كريم) حبيبي روح انت انا تمام متقلقش
كريم مشي وهو مش مطمن ياسمين لسه بتلف ل حماتها والابتسامه على وشها
هند بغضب… واخرتها معاكي ايه حرام عليكي ابني سنين حياته بتضيع جنبك انتي ايه معندكيش قلب
ياسمين ????… ا انا حضرتك بتقولي ايه
يتبع ……
لقراءة الفصل الثالث : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى