Uncategorized

رواية انفصام الفصل الثاني 2 بقلم سما محمد

 رواية انفصام الفصل الثاني 2 بقلم سما محمد

رواية انفصام الفصل الثاني 2 بقلم سما محمد

رواية انفصام الفصل الثاني 2 بقلم سما محمد

مراد: أيوة اية الكدب في كدة
_اييه؟
مراد :في اية يابنتي مستغربه ليه
فريدة:ازاي قدي وانت كنت بتشرح جوا من شوية
مراد:انا؟
فريدة:اه انت
مراد:مستحيل يابنتي أزاي هشرح وانا طالب زيك يعني
فريدة:ماهو ده اللي مش فاهماه عموماً انا ماشية عشان اتأخرت
مراد:طب تعالي اوصلك
فريدة :لا هروح انا لوحدي
مراد:بردو بتعندي
سيبته ومشيت وانا مش فاهمة اي حاجه في أي حاجه
“ازاي شافتني بشرح ،اكيد واحد شبهي “
روحت البيت لسة بدخل الشقة لقيت ماما بتقولي:شوفي يا اختي لقيتلك الجاكيت الاسود بتاعك اهو
_اية ده لقيتيه فين انا دورت كتير 
:هو انتي بتعرفي تدوري أساساً الحاجة بتبقي قدامك ومبتشوفيهاش “وزي سيناريو كل يوم” ما انتي لو كنتي منظمة وبتحطي حاجتك في مكانها كنتي لقيتيها
_حاضر يا ماما هحطهم في مكانهم 
دخلت غيرت هدومي وقعدت علي السرير وانا ماسكة اللاب توب وكتبت”كنت فاكراها صدفة مترتبلها طلعت صدفة عجيبه وغريبه ومليانه احداث اغرب ويبدو اني هعيش مغامرة من نوع آخر في عالم الصُدف”
فجأة سمعت صوت بحبه اوي اوبا الدنيا بتمطر تاني
طلعت في البلكونة بكوباية هوت شوكليت لاني هتنفخ لو نزلت ونسيت اني بشعري فضلت واقفة في البلكونة لقيت مراد طلع وبصلي بإبتسامه 
افتكرت اني بشعري دخلت بسرعة لبست الطرحة وخرجت تاني لقيته واقف بردو فضلت اشرب الهوت شوكليت وانا ببص للسما وشكل المطر وهو نازل 
لقيته فجأة بيقولي:واضح أن كل مقابلاتنا هتبقي لما تمطر
بصتله وقولت بإبتسامه هادية:واضح كدة
قالي: صحيح مش قبلتي ال add بتاعي لية؟
_امم فكرتني انت بقي جبت ال account بتاعي منين 
كان لسة هيتكلم لقيت ماما بتنادي عليا قولتله:طب بعد اذنك هدخل دلوقتي
_تمام
دخلت لقيت ماما بتقولي:ادخلي الجو سقعة
_حاضر 
روحت للاب توب “واضح أن ده مش معاد حل اللغز واني هلعب كتير الفترة الجاية”
فجأة مسكت موبايلي ورنيت علي هتجبلي قرار الموضوع
: سلام عليكم
_وعليكم السلام ازيك يافريدة
:بخير الحمدلله يا الاء كنت عاوزة أسألك عن حاجة
_عاوزاكي كدة تشوفيلي في معيد معاكوا اسمه مراد المنشاوي
:اه يابنتي دكتور مراد المز ده غني عن التعريف هو مش دخلكوا امبارح ؟
_اه دخلنا ،تسلمي يا الاء
:العفو يا حبيبتي
“لا كدة اللعبة بدأت تسخن واللي بيلعب معايا آخرته وحشه يامراد يا منشاوي وحشة اوي”
يلا ياااا فريدة عشان تاكلي
_جاية اهو
فضلت اقلب بالمعلقة وانا بفكر الخطوة اللي جاية هعمل اية لأن مراد ده مش سهل 
ماما لاحظت اني مش باكل قالتلي:كلي عشان وربنا لو الاكل برد مش هقوم اسخنه
_حاضر ياست الكل هاكل اهو
:صحيح فكرتيني جارتنا الجديدة جايه بعد ساعتين تقعد معايا
_ام مراد صح؟
:اه بس ست زي العسل وابنها ربنا يحميه شاب ولا في الافلام زي القمر،ياما نفسي يبقي من نصيبك يابت الواد حليوة
فضلت اضحك_هو في اية ياماما انتي ناوية تخليه من نصيبي ولا من نصيبك
فجأة لقيت فردة الشبشب رزعت في وشي 
:خسارة فيكي يا بت الواد ده 
_خلاص تسلمي يا امومة انا قايمة بقي 
دخلت جوا وعملت كوباية شاي بلبن دي عاشر كوباية اشربها النهارده وقولت اية بقي أما اتكتك “هتعملي فيها صايع ده انا اصيع من بلدك يا مراد يا منشاوي”
فضلت اعمل Search عن اسمه لاني للأسف عملت delete لا add فجأة طلعت صورته الحمدلله لقيته
دخلت الاكونت:مراد المنشاوي اعزب حلو مواليد 1995 تمام ساكن في المعادي
ثانية واحدة ايييه؟
معادي اية؟
أنا قولت بردو الخلقة النضيفة دي مش وش شارعنا والعربية بردو مش راكبة علي الوضع اللي هو فيه صراحة 
طلعت من ال account وراسي فيها الف سؤال 
يلا يا فريدة جهزي السفرة 
_حاضر جاية 
فضلت احط الاطباق وجهزت الدنيا لقيت الباب بيخبط فتحت لقيت ست جميلة”ماهو ابنها اللي زي القمر مش جاي من مفيش” 
اتفضلي يا طنط 
_تسلمي ياحبيبتي انتي فريدة صح
:اه
_مراد مبيبطلش كلام عنك 
:مراد!
_اه 
: احم وياتري بيقول اية
_قالي أنه قابل بنت جميلة وأنك جارتنا قولت اجي اتعرف عليكي وطلعتي جميلة زي ماهو بيقول
الحمدلله امي دخلت انقذتني من الحوار ده
:اهلا وسهلا نورتينا
_ده بنورك يا ام فريدة
قعدنا وماما وطنط عمالين يتكلموا في حوارات بقي وانا مستنيه اللحظة اللي ماما تقوم فيها و اية ده هي قامت بالسرعة دي
:طنط انا عاوزة اتكلم معاكي
_قولي يابنتي
:مراد كان قايلي أنه من نفس سني وأنه في كليه هندسه وكدة ولما روحت الجامعة امبارح لقيته معيد في الجامعة ينفع تفهميني
_فهمتك وانا جاية هنا عشان اطلب ايدك لمراد ابني انتي الوحيده اللي هتساعديه
:لية هو ماله
_مراد عنده…
:ايييه؟
يتبع..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى