رواية في طريقي إلى العشق الفصل السادس 6 بقلم ملك ابراهيم
 |
| رواية في طريقي إلى العشق الفصل السادس 6 بقلم ملك ابراهيم |
رواية في طريقي إلى العشق الفصل السادس 6 بقلم ملك ابراهيم
وبعد ان تخطى مكان وقوفها بقليل تنفست بهدوء وهي تحدث نفسها مرة أخرى
” إيه الرعب دا يخربيتك
وجدت من يرجع الي مكانها مرة أخر وينظر لها بقوة وتحدث بصوت حاد
” انتي قولتي ايه دلوقتي
نظرت له ملك برعب واحمر وجهها كثيرا وهي لا تفهم ماذا يقصد و ردت عليه بصوت متقطع
” أنا أنا مقولتش حاجه
رفع صوته بقوة وهو ينظر لها بغضب وتحدث بعصبيه
” لا قولتي وانا سمعت انتي مرفوده يا أنسه
نظرت له ملك بصدمه وسريعا تحولت نظرتها إلي قوة وتحدي و ردت عليه بصوت حاد هي الاخرى
” أنا مرفوده طب كويس ، تحب بقى أقولك انا قولت إيه ، قولت ايه الرعب دا يخربيتك ، عشان انت واحد مغرور وشايف نفسك علي الفاضي وعجبك اوي شغل المسلسلات الا انت عامله دا وكل الناس وقفين حواليك برعب كدا علي ايه يعني مش عارفه
نظر الجميع اليها بصدمه كيف تجراء وتقول له هذا الكلام وبهذه الطريقه الحاده والصوت المرتفع
نظر لها فارس بغضب وتحدث اليها بقوة
” انتي بنت قلقة الأدب برااا
قامت ملك بصفعه بقوة أمام الجميع نظر لها فارس بغضب وهو يضع يده علي وجهه بعدم تصديق
نظرت له ملك بتحدي وتحدثت بقوة
” كدا أمشي وانا مرتاحه
و ذهبت من أمامه بسرعه قبل ان يفقد سيطرته علي نفسه
نظر فارس حوله بغضب وذهب خلفها
ذهبت ملك إلي مكتب أدم لتبلغه انها تركت العمل من أول يوم لها
كان مروان مصمم الشركه يجلس مع أدم في مكتبه لقد جاء مع فارس ولكنه لا يريد ان يتجول معه في المصنع واراد ان يجلس مع أدم يتبادلون الحديث حتى ينتهى فارس من جولته
ولكنهم وجدو من تدخل عليهم غرفة المكتبه بغضب
وقف أدم ونظر لها بستغراب من حالتها وسألها بقلق
” ملك في ايه مالك ايه الا حصل
تحدثت ملك بغضب و عصبيه وبدون وعي
” الأستاذ صاحب المصنع بتاعكم طردني
فتح أدم عينيه بصدمه وسألها بعدم تصديق
” قصدك فارس!! طب وفارس هيطردك ليه
ردت عليه ملك بأنفعال
” عشان بقول ايه الرعب دا يخربيتك وفعلا هو داخل علينا بطريقه مرعبه ليه يعني كل دا ، أنسان مغرور
دخل فارس المكتب علي كلمتها الاخيرة وهو ينظر لها بغضب ويتحدث اليها بصوت مرتفع
” تعرفي انتي لولا انك بنت انا كنت دفعتك تمن ضربك ليا بالقلم دا غالي أوي
وقف مروان من مكانه بصدمه وهو يبتسم عندما سمع فارس وهو يتحدث عن ضربها له بالقلم
نظر له أدم بصدمه وهو يسأله
” ضربتك بالقلم ازاي!!
ثم وجه كلامه ل ملك الواقفه امام فارس بتحدي
” ملك انتي ضربتي فارس فعلا بالقلم
نظرت له ملك بقوة وردت عليه بتأكيد
” أه ضربتها ولو الا هو قالهولي دا اتكرر تاني مش هتردد لحظه واحده وهعمل نفس الا انا عملته
اقترب منها فارس بغضب
وقف أدم سريعا بينهم وحاول تهدأت فارس بالكلام
” فارس عشان خاطري دي بنت ومش هينفع كدا روح مكتبك دلوقتي وانا جايلك حالا
رد عليه فارس بغضب
” البنت دي تترفد ملهاش شغل عندي فاهم يا أدم
هز أدم رأسه بتأكيد وهو يحاول تهدأته
نظر لها فارس بغضب وخرج إلي مكتبه وهو يتوعد لها
أخذ أدم انفاسه بهدوء بعد خروج فارس والتف اليها ينظر لها بعتاب وتحدث اليها بهدوء
” ينفع الا انتي عملتيه دا يا ملك انتي عارفه فارس ممكن يعمل فيكي ايه
ردت عليه ملك بقوة وتحدي
” ولا يقدر يعمل حاجه اصلا هو كلام علي الفاضي انا مش عارفه الكل بيخاف منه علي ايه
اقترب منها مروان وهو يبتسم لها بسعاده كبيره وتحدث اليها بفخر
” انتي ازاي كدا دا انتي رائعه انا اول مرة أشوف بنت تبهدل فارس المسيري كدا بجد برافو
نظر له أدم بغضب وتحدث اليه بغيظ
” انت بتحيها علي ايه دي اترفدت من اول يوم شغل ليها
رد عليه مروان ببساطه
” واشتغلت في مكان تاني في نفس اليوم
رد عليه ادم بعدم فهم
” يعني ايه
ابتسم مروان ل ملك وتحدث بثقة
” يعني ملك هتشتغل مساعده معايا في الشركة
نظرت له ملك بعدم فهم
ونظر له أدم بصدمه وتحدث بغضب
” انت اتجننت يا مروان بقى عايز تاخد ملك تشغلها معاكم في الشركه عشان تبقى قدام فارس ليل ونهار دا مش بعيد يقتلها
نظرت له ملك بتحدي وتحدثت بثقة
” ولا يقدر يعملي حاجه وعنداً فيه انا موافقه يا أستاذ مروان
أبتسم لها مروان بسعاده وهو يؤكد لها بعدم تعرض فارس اليها
” متقلقيش من فارس هو ميقدرش يدخل في شغلي ولا ليه كلام علي الموظفين الا بيشتغلوا معايا وهنتظرك في الشركة من بكرة واهلا بيكي في فريق مروان المنيري
ابتسمت له ملك ونظرت الي أدم الذي يقف في المنتصف بصدمه ويعلم جيدا بأن القادم سوف يحمل الكثير من الكوارث
__________بقلم / ملك إبراهيم__________
دخل فارس مكتبه بغضب وهو يريد تكسير كل شئ حوله
لا يصدق بأن فتاة تجرئ علي فعل هذا وهو يقف امامها لا يفعل شئ ولكنه ماذا كان عليه ان يفعل
من المستحيل ان يرفع يده علي فتاه
وهذا اكتر ما جن جنونه لو كانت رجل لكان حذف أسمه من قائمة الاحياء
دخل اليه أدم بهدوء وهو لا يعلم ماذا يقول له وحاول تهدأته قليلا
” فارس ممكن تهدى شوية وصدقني ملك بنت كويسه واكيد ماتقصد
نظر له فارس وهو ينطق أسمها ولفت انتباه وسأله بهدوء
” هي أسمها ملك
هز أدم رأسه واكمل حديثه
” أسمها ملك وبنت يتيمه هي وبنت عمها عرفتهم من يومين وانا الا ساعدتهم يشتغلوا هنا لانهم بنات بريئه وطيبين وانا خوفت لحد يضحك عليهم
نظر له فارس بصدمه عندما عرف انها يتيمه ولكنه سريعا رجع لغضبه مرة اخرى وتحدث بأنهاء الحديث وهو يذهب من مكتبه
” عايز تساعدها يا أدم شوفلها شغل في مكان تاني البنت دي مش عايز أشوفها في المصنع مرة تانيه ودا اخر كلام عندي
قال فارس كلامه وذهب سريعا من المكتب قبل ان يعطي فرصه ل أدم بأن يبلغه بأنه فعلا لن يراها بالمصنع مرة اخرى ولكنه والأكيد سوف يراها في شركته كل يوم
__________________
وصل صلاح الي الاسكندريه وهو يبحث عنها في كل مكان
وذهب محمود الي صاحب المصنع اخبره انها هربت الي الاسكندريه وانه سوف يذهب لأحضارها
جلست والدت ملك في غرفتها تبكي ليل نهار علي هروب ابنتها ولكنها وجدت هاتفها يرن برقم غريب
ردت عليه والدت ملك بسرعه
وسريعا وقفت من مكانها بسعاده عندما سمعت صوت ابنتها و ردت عليها بقلق كبير
” ملك حبيبتي انتي فين ياقلب أمك كدا يا ملك تعملي فيا كدا يا بنتي
ردت عليها ملك بحب وهي تطمنها عليها
” ماما حبيبتي انا الحمدلله كويسه وبخير ماتقلقيش
ردت عليها والدتها بتسأل
” طب ليه عملتي كدا يابنتي ليه تهربي وتسبينا انتي زعلانه عشان عمك صلاح رفض يقابل محمود طب ارجعي يا حبيبتي وانا هخليه يوافق
ردت عليها ملك بتأكيد
” لا يا ماما محمود دا احقر انسان انا شوفته في حياتي ويمكن الحاجه الحلوه الوحيده الا عملها عمي صلاح ان هو رفض يقابله
استغربت والدتها كثيرا وتحدثت بعدم فهم
” طب انتي هربتي ليه يا بنتي وروحتي فين انتي وبنت عمك
ردت عليها ملك وهي تنهي الحديث
” يا ماما احنا كويسين ومرتحين ماتقلقيش وعايشين مع ست طيبه جدا وبتحبنا انا كلمتك بس عشان اطمنك وهكلمك علي طول اطمنك عليا بس عشان خاطرى ماتزعليش ومتقوليش لحد اني كلمتك ، عشان خاطري يا ماما
واغلقت ملك الهاتف
قبلت والدتها الهاتف وهي تدعي الله ان يحمي ابنتها ويحفظها اينما كانت
________________
بعد ان اغلقت ملك الهاتف اعطته الي ماما عزه وهي تشكرها
ابتسمت لها ونظرت الي إيمان وسألتها باهتمام
” وانتي يا حبيبتي مش عايزه تكلمي حد تطمنيه عليكي
نظرت لها إيمان بحزن وتحدثت بهدوء
” للأسف انا مليش حد يقلق عليا عشان اطمنه وخالي ومراته اكيد لما صدقوا يخلصوا مني
نظرت لها ماما عزه بحزن وفتحت لها ذراعيها
ارتمت إيمان في حضنها وهي تشكر الله علي نعمته وتعويضه لها بأم حنونه مثلها
نظرت لهم ملك بسعاده وتحدثت بمرح
” انتوا هتفضلوا تحبوا في بعض كدا وتسيبوا موضوعي قولولي اعمل ايه اوافق اشتغل في الشركه ولا لا
نظرت لها ماما عزه وتحدثت بعقل
” أنا رأيى توافقي لان دي فرصه كبيره ليكي
تحدثت إيمان هي الاخرى بتأكيد
” وخصوصا بعد ما اتطردتي من أول يوم ليكي في الشغل هههههه
نظرت لها ملك بغضب مصتنع وتحدثت بغيظ
” بس ماتقوليش اتطردت وبكره تشوفي انا هعمل فيه ايه المغرور دا
ضحكت ماما عزه هي وإيمان عليها وهم يعلمون بأن القادم مليئ بالمفاجأت
___________________
جلس فارس طول الليل في غرفته وهو لا يصدق ما حدث معه ويضع يده علي وجهه غير مصدقا بأن فتاه تجرأت علي صفعه
ولكنه تذكر ملامحها البريئه وأعجب كثيرا بقوتها حتى لو كانت مصتنعه فهو كان يرى بداخل عينيها الخوف عكس ما كانت تظهر أمامه وتذكر كلام أدم بأنها يتيمه شعر بتعاطف كبير اتجاهها ولكنه سريعا رجع الي غضبه منها واراد ان يقابلها مرة أخرى حتي ينتقم منها ويدفعها ثمن هذه الصفعه
__________________
في الصباح ذهبت ماما عزه ومعها إيمان الي المصنع
وأكملت ملك طريقها الي الشركة وهي تحمل بيدها عنوان الشركة الذي اعطاه لها مروان
وقفت ملك أمام الشركة ونظرت اليها بذهول وعدم تصديق من جمال وحجم الشركة الكبير
دخلت بتوتر تسأل عن مروان
اخذتها احد الفتيات الي الدور الذي يوجد به مكتبه
دخلت اليه بتوتر والقت عليه تحية الصباح
وقف مروان من مكانه وهو يستقبلها بأبتسامه وبداء في الضحك مجددا وهو يتذكر ما فعلته بفارس
نظرت له ملك بستغراب من ضحكه وسألته بعدم فهم وهي تنظر الي ملابسها
” هو في ايه هو انا شكلي فيه حاجه تضحك!!!
هز مروان رأسه ب لا وهو مازال يضحك و رد عليها من بين ضحكه
” اصل بصراحه لما شوفتك دلوقتي افتكرت الا انتي عملتيه في فارس هههههههههه
نظرت له ملك بحده
” يعني انت جايبني الشركه هنا عشان كل شوية تفتكر وتضحك
هز مروان رأسه بنفي وتحدث اليها بصدق
” لا طبعا انا جبتك معايا الشركه عشان تشتغلي معايا وهنبداء من دلوقتي اتفضلي معايا
نظرت له ملك بأبتسامه وذهبت خلفه
__________________
وقفت فريدة أمام المرآه بداخل غرفتها وهي تضع اللمسات الاخيره من مكياجها
وقف اياد خلفها وهو ينظر لها بالمرآه وتحدث اليها بجمود
“فكرتي
نظرت اليه بستغراب وسألته بعدم فهم
” فكرت في إيه بالظبط
لفها اليه بقوة ونظر في عينيها وتحدث بتحدي
” ان احنا نخلف طفل
نظرت له بغضب وهي تبعد يده عنها
” انت لسه مصمم نتكلم في الموضوع التافه دا انا كنت فاكره ان الكلام الفارغ الا انت قولته في مكتبي دا كان هزار
نظر لها اياد بقسوة
” موضوع تافه وكلام فارغ تمام يا فريدة يا بقى انتي الا اخترتي
نظر لها بقوة وذهب خارج الغرفه وهو يغلق الباب بقوة اهتز لها البيت
وقفت في مكانها تنظر له بغضب وتحدثت بتحدي
” انسان اناني مش بيفكر غير في نفسه وبس قال عايز طفل ومش مهم انا ايه الا هيحصلي وجسمي الا هيبوظ ماشي يا اياد هنشوف مين فينا الا كلامه هيمشي
نظرت في المرآه مره اخرى وهي تكمل باقي مكياجها وتفكر كيف تبعد عنه هذه الفكره
_________________
نزل اياد للأسفل وجد الجميع يجلس ليتناولوا الفطار
الجد يجلس وعلي جانبيه فارس و نانو
القى عليهم اياد تحية الصباح بقتضاب وجلس بجوار فارس
نظر له فارس بستغراب
ورفع بصره الي شقيقته فريدة وهي تدخل عليهم تلقى تحية الصباح ببرود
وهو يشعر بأن هناك مشكلة بينهم
تحدث الجد بجديه وهو ينظر الي فارس
” المفروض النهارده هتشوفوا عينات من تصميمات مروان للموسم الصيفي الجديد صح
هز فارس رأسه بتأكيد
اكمل الجد حديثه الي حفيدته الصغيره نانو
” حبيبت جدو انتي هتروح النهارده الشركة عشان تحضرى الاجتماع وتشوفي التصميمات الجديده
نظرت له نانو برفض
” لا يا جدو حضرتك عارف اني مش بحب اروح الشركه
رد عليها الجد بأبتسامه
” حبيبتي انتي لازم تكوني موجوده وتشاركي برأيك زي فريده واياد وفارس
هزت نانو رأسها بأحباط وهي توافق جده
تحدث اياد بهدوء
” انا ممكن مقدرش احضر الاجتماع دا
نظر له الجد بتفكير ووجه نظره الي حفيدته الكبرى الجالسه تتناول فطورها ببرود
وتحدث الي اياد بتأكيد
” انت لازم تحضر يا اياد
ثم وجه كلامه للجميع
ياولاد انتوا الاربعه لازم تكملوا بعض
والشركة ما تنفعش من غير حد فيكم
انا عايز اشوفكم دايما ايد واحده
وانت يا اياد ليك في الشركة زي فارس وفريدة ونانو بالظبط انتوا الاربعه احفادي
نظر له اياد بأمتنان وهو يهز رأسه باحترام
” تحت امرك يا جدي ان شاءالله هكون موجود
ابتسم له الجد وهو يدعي الله من قلبه ان يهدي حفيدته قبل ان تخسر زوجها
___________________
وقف مروان ينظر الي احدى المودل وهي ترتدي فستان صيفي قصير من تصاميمه الجديده
نظر لها بعدم اقتناع وهو يشعر بان التصميم لا يظهر بالجمال الذي يستحقه عليها وهذا اغضبه جدا
وقفت ملك وهي تحاول ظبط الفستان علي المودل ولكنها تشعر بأن نحافت المودل المبالغ فيها تقضي علي جمال هذا الفستان
حاولت تظبيطه قدر الامكان ولكنها غير مقتنعه
نظرت الي مروان وهو ينظر الي التصميم بحزن واقتربت منه وتحدثت بهدوء
” علي فكره التصميم رائع بس المودل عندكم نحيفه اوي هما مش بياكلوا ولا ايه
نظر لها مروان بأبتسامه ثم تحولت نظرته لعمق وهو ينظر لها من الاعلى الي الاسفل وقام بمسك يدها وهو يلفها امامه ونظر لها بسعاده وتحدث بحماس
” انتي الا هتلبسي التصميم دا
نظرت له ملك بصدمه وتحدثت بعدم فهم
” يعني ايه انا الا هلبسه مش فاهمه
اخذها مروان من يدها وذهب بها الي المودل الواقفه امامه وتحدث اليها بسرعه
” انتي اخلعي تصميمي بوظتي شكله
ثم وجه كلامه ل ملك ” وانتي البسيه مكانها
نظرت له ملك بصدمه وحاولت الرفض ولكنه لم يعطيها فرصه وذهب سريعا ليحضر لها الإكسسوارات الخاصه بالتصميم
بعد لحظات خرجت ملك وهي ترتدي هذا التصميم الرائع
نظر لها مروان بصدمه من شدة جمالها في هذا الفستان
وشعر بالفخر الشديد بتصميمه الفوق الرائع ولا ينكر ابدا بأن ملك اضافة للتصميم جمالاً وسحر فوق جماله
__________________
جلس الجميع في غرفة الأجتماعات في أنتظار المودل ليروا تصاميم مروان الصيفيه الجديده
جلس فارس و اياد وفريدة و نانو وبعض المسؤلين بالشركة
دخل اليهم مروان بثقه وهو يطلب منهم الهدوء والتركيز الشديد
ودخلت أول مودل بفستان أصفر رقيق يزين ببعض الزهور
اعجبهم جدا التصميم
ودخلت المودل الاخرى وبداء الجميع يشعر بالسعاده من جمال التصاميم
وبعد انتهاء كل المودل من العرض كانت ملك تقف اخر تصميم بأمر من مروان
وقف مروان امامهم وتحدث بثقه
” ودا اخر تصميم انا حبيت اخليه للأخر عشان عارف ان التصميم دا هيخطف قلوبكم وعقولكم ومش هتقدروا تركزوا في اى حاجه غيره
تحمس الجميع من كلام مروان وثقته
وابتسم فارس له بمجامله وهو يعلم بأن مروان دائما يحب ان يقدم تصاميمه بطريقه مبالغ فيها
وقف مروان بثقه وهو يسمح ل ملك بالدخول
دخلت ملك بتوتر وهي تخفض نظرها الي الارض
نظر الجميع بأنبهار شديد وهم لا يستطيعون اخفاض بصرهم
نظر لها فارس من الأسفل إلي الأعلي بأنبهار واعجاب شديد
رفعت ملك وجهها وجدته ينظر لها بصدمه
بعد ان رأها هي نفس الفتاه
تعلق نظره بها لبعض الوقت وهو لا يصدق انها تقف امامه حقا وبكل هذا الجمال
نظر حوله وجد الجميع ينظر لها بأعجاب شديد و خصوصا الرجال كانوا في حاله من الانبهار الشديد وشعر انهم سوف يأكلونها باعيونهم
وقف فارس بغضب وهو يتحدث بصوت مرتفع
” زفت إيه القرف الا انتي لبساه دا
يتبع…
لقراءة الفصل السابع : اضغط هنا
لقراءة باقي فصول الرواية : اضغط هنا
نرشح لك أيضاً رواية حماتي للكاتبة ليان محمد
