Uncategorized

رواية حكاية زينة الفصل الثاني 2 بقلم سلمى تامر

 رواية حكاية زينة الفصل الثاني 2 بقلم سلمى تامر

رواية حكاية زينة الفصل الثاني 2 بقلم سلمى تامر

رواية حكاية زينة الفصل الثاني 2 بقلم سلمى تامر

النصيب غلاب..انت ممكن تسعي ف حاجة و تفضل تدعي ربنا و تلاقي مفيش استجابه و ربنا مانع عنك و تعترض جواك و تقول ليه و بعد فتره تكتشف ان ربنا منع عنك دة لتدبير خير ليك ربنا مبيعملش شر ف عباده..
متعافرش ف حاجة مش ليك دايماً انت بتشوف القصه م الاول و بتكدب و تغمي عينك عشان نفسك عايزاها بس مع الوقت ربنا بيديك اشارات و علامات تدلك ع الصح..
لا تتجاهل اشارات الله فالله دائماً احن بعباده و الله يعلم و انتم لا تعلمون❤️
**
كنان:طب تمام ياشباب…بكره هنبدأ اول يوم شغل وبالتوفيق للجميع
خالد بشهقه:يلللهوي اي ده يابو الكنانين
كنان بخضه:ايي؟!
خالد:لا مفيش حاجه هعهع
كنان قام عليه ضربه تاني:يابني كفاية كفاااااية
ادهم بإستحقار:بني آدم بارد
زينه قامت وقالت:طب بعد اذنكم ياشباب بقى هروح أريح شويه
انس :بات معانا النهارة يازين
ادهم :يبات معانا فين ياعم؟! ده خالد هينام فالحمام النهارة
خالد لأدهم:نعم ياعنياااا
ادهم:اهو خالد قالك اهو
زينه بضحك:تصبحوا على خير
كنان بإبتسامه:وانت من اهله ياعم زين  خلي بالك من نفسك 
زينه بصتله بإبتسامه وراحت شقتها
***
بعد شويه الشباب سمعوا صوت صريخ من شقه زينه
جروا عليها علشان يشوفوا فيه اي
انس بخضه:اي ياض فيه اي
زينه وهي بتستخبى ورا مؤمن:فار فاااار
خالد بصدمه:هو اللي انت قولتله ده حقيقي ياه؟
زينه هزت دماغها بموافقه
خالد بصراخ وهو بيجري لشقتهم:فااااععععععععرررررررر
ودخل بسرعه وقفل الباب وراه
ادهم بص فأثره بصدمه:يابن الهبله
انس لزينه:ياعم وقعت قلبنا كل ده علشان فار؟اتفو عالرجاله
كنان بإبتسامه:روح الشقه يازين وانا والرجاله هنطلعه متقلقش
ادهم:احم اقف بره يازين متدخلش الشقه خالد جعان وممكن يبلعك
زينه وقفت بره الشقه ومؤمن وانس وكنان وادهم قدروا يصطادوا الفار وخرجوه من الشقه
مؤمن وهو خارج:ادخل ياعم قلقتنا منك لله
كنان:طب وبالنسبه للحمار اللي اسمه خالد ده عادي ؟
ادهم :مش جديده عليه..مهو مرة صحانا كلنا من النوم مخضوضين وفضل يصرخ شبه المجانين وبنسأله فيه اي راح قالنا حلمت بصرصار بيطلب ايدي للجواز
كنان بقرف:عيل تنح ..يلا يجدعان ندخل 
زينه دخلت شقتها وقفلت الباب عليها من بره وحد من الشباب لاحظ الحركه دي واتأكددت شكوكه وابتسم بمكر
***
في شقه الشباب
كنان :بصو يرجاله..مؤمن وانس فأوضه..وادهم وخالد فأوضه..وانا هبقى مع النمر 
ادهم برفض:قسما بالله مهيحصل انت اتجنيت ولا اي؟! انت عايزني ابقى مع خالد فأوضه واحده
:وماله خالد ياعنيا؟! ناقص ايد ولا ناقص عين؟
ادهم بإستحقار:ناقص عقل يروحمك..ده انا اخر مرة نمت معاك شخيرك وقعني من عالسرير
كنان بضيق:اووف مهو مستحيل انام مع خالد فأوضه واحده
خالد بص لمؤمن :جرى اي ياسابعي..سايبهم يتخانقوا عليا وانت واقف كده ساكت؟!
مؤمن :لو نمت معايا فأوضه واحده ياخالد هرمي نفسي من البلكونه
خالد وهو بيبص لأنس
أنس بضحك:تعالى يا أخويا منا عارف انك هتقع فحظي
**
بعد شويه خالد لم الهدوم اللي مش نضيفه ولبس تيشرت كات وشغل اغنية(واحده واحده لحماقي)
وقعد فالصاله يغسل الهدوم :الله بقا اللغبطه دي ليه ياللي خاصمني ياريت تقولي اي حصلي على كده بقا ده اللي بالملي اللي انا عيشت احلم بيه
انس طلع من الاوضه بضيق وشاف منظر خالد وهو بيغسل الهدوم وبيرقص عالاغنيه 
جرى عالموبايل بتاعه وصور اللي بيحصل واستخبى علشان خالد ميشفهوش وكتم ضحكته
خالد :من ليله اخدتني على (مش فاكر)وكنت راضي واحنا يادوب بنقول ياهادي اومال لو فات شهر هيحصل اي؟
وعلى صوته جامد :طب وحده وحده وبلاش كل ده ييجي مرة واحده هتجنن كده لو ده النظام معاك بالشكل اده مقدرش عليه
مؤمن جاب عصايا وراح نحيه خالد وفضل يرقص عالأغنيه وخالد ساب الهدوم اللي فأيده وقام رقص زي البنات وفضل يدلع على مؤمن
كنان وادهم طلعوا من الاوضه وشافوا المنظر ده وانس شاورلهم ميعملوش صوت
راحوا وقفوا جنبه وماتوا على نفسهم من الضحك على شكل خالد ومؤمن
ادهم بتشجيع:يلاااااا ياااازووووباااا
كنان بتصفير:يا زوبا يااااجاااامد
الباب اتفتح ودخل شاب وهو لابس شنطة ضهر وتيشرت ابيض وبنطلون چينز  وكوتشي ابيض وحاطط نضارة شمس على دماغه 
ولقى مؤمن وخالد بيرقصه وانس بيصور وهو مستخبي وادهم وكنان واقعين عالأرض من الضحك على منظرهم
مؤمن راح للتليفون وغير الاغنيه:اه اه اه ابطال الجمهورية عدوا حدود العالميه عاملين فكره جهنميه هنغنيلكم تحت الميه
خالد وهو بيرقص:هربانين من العباسيه مريحين بعد العمليه القطه بتاعتي مشمشيه قاعده جنبي فالعربية
:خلصتوا؟!
مؤمن طفى التليفون والشباب كلهم بصوا للي بيتكلم وبعدين جروا عليه وحضنوه
كنان:اي ياعم تايجر الغيبه دي كلها ده انا كنت قربت انسى شكلك ياض
تايجر بإبتسامه:وحشتوني اوي والله..وبعدين بص لخالد ومؤمن:انتوا لسه متخلفين عقليا زي منتوا؟!
خالد بدلع:طلقني..لو مش عجبك طلقني
تايجر:اعوذ بالله من دمك يا اخي وسع كده
الشباب رحبوا بتايجر وكل واحد دخل مع التاني اوضته وقرروا ينزلوا الشغل الصبح
****
الصبح الشباب جهزوا وحضروا الفطار
كنان لأنس:انس روح نادي زين يفطر معانا
تايجر بإستغراب:زين؟! زين مين؟
ادهم:زين ده بقا ياعم صاحبنا الجديد
مؤمن:عيل فرفور بس كيوت
تايجر:كيوت؟!! لما نشوف
**
انس راح وخبط على زينه وفتحتله وهي لابسه طقم اسود ولابسه الكاب بتاعها
انس بإبتسامه:يلا يسطا علشان تطفح وننزل الشغل
زينه :لا يا انس مليش نفس يلا افطروا انتوا وتبقوا عدوا عليا وانتو ماشيين
انس برفض:طلاق تلاته مهيحصل يلااا ياعم
زينه برفض:لا شكرا انا هفطر لوحدي
انس:بقى كده؟ طب تعالى بقى
انس شد زينه وقفل الباب وشالها ودخلها الشقه بالعافيه تحت صراخ زينه وكان منظرهم مضحك
دخل الشقه وحد من الشباب شاف المنظر وحس بغيرة غريبة ومقدرش يعرف سببها اي
خالد :اه ياخاين يابن الجزمه جايبلي ضرة؟
تايجر بص لزينه من فوق لتحت بنظرات ثاقبه 
زينه بغضب:يابارد يامتخلف 
انس وهو قاعد عالسفره بياكل :ششش قعد اطفح وانت ساكت
ادهم:اقعد يازين وفك كده يابني مالك بتتعامل معانا على اننا غربة 
كنان:اقعد يابني
زينه قعدت بضيق ولاحظت شاب وسييم بدرجه مستفززززه بيبص عليها
هربت من نظرات عنيه
تايجر لزينه:انت منين بقا يازين؟
زينه بتوتر:احم من القاهرة
تايجر:واهلك عايشين معاك
زينه بحزن حقيقي:اهلي متوفيين
الشباب كلهم بصوا لزينه بحزن وشفقه
كنان بإستعجال:يلا يجماعه مش عايزين نتأخر عالكافيه..تايجر انت جبت العربيه صح؟
تايجر:اها جبتها ومركونه تحت يلا بينا
***
الشباب كلهم وقفوا قدام العربيه
ادهم:اركب انت يازين جنب تايجر وحنا هنركب ورا
مؤمن:هنركب كلنا ورا ازاي؟ اركب انت ياادهم جنب تايجر وخلي زين ورا علشان رفيع واحنا كلنا عضلات
زينه ركب ورا وركب جنبها كنان ومؤمن وانس وخالد وانطلقت بيهم العربية للكافيه
زينه بصت من الشباك واتنهدت وقالت فسرها:هبدأ شغل جديد
**
بعد شوية العربية وقفت قدام كافيه كبير والشباب وزينه نزلوا من العربيه
خالد بأنبهار:اوووبا اي المكان الجامد ده
ادهم:انا متوقعتهوش كده بصراحه..ده الشغل هيبقى طاحونه
انس:بس فلوس كتير
زينه فسرها:ياخيبتك يازينه..هتشتغلي فالمكان ده ازاي؟؟ 
الشباب دخلوا الكافيه واستقبلهم عم كنان وصاحب المكان ووداهم لأوضه وعطاهم اليونيفورم بتاع المكان
ودخلوا غيروا
وزينه وقفت بره
انس طلع لزينه:متدخل ياض غير هدومك
زينه بتوتر:هه لأ غيروا انتوا الأول
انس بإستغراب:يابني ادخل انت عبيط
زينه:أنا انا عايزة ادخل الحمام
مؤمن من جوه:تعالى يازين فيه حمام هنا
انس شد زين:ياض تعالى قرفتني
زينه دخلت وخجلت جدا من منظر الشباب وهما بيبدلو هدومهم واجسامهم الرياضيه..وهي رفيعه جدا جنبهم
دخلت الحمام بسرعه وقفلت الباب عليها وبدلت هدومها وحمدت ربنا انها واسعه عليها
خالد من بره:ولد يارب ولد..لا بنت..لا يارب ولد
تايجر بإستغراب :مالك يابني؟
خالد:اصل زين مراتي  بيولد جوه وانا قلقان عليه
ادهم:هو اتأخر ليه صح؟ده احنا غيرنا هدومنا وهو لسه فالحمام
كنان وهو بيخبط على زينه:زين..اتأخرت ليه فيه حاجه ول..وقطع كلامه من منظر زينه..اللبس كان احمر ونص كم..عطى لزينه مظهر انوثي شويه(زينه كانت جميلة بطريقه صعبه علشان كده قصت شعرها ودهنت وشها وايديها ورقبتها بلون تاني ولغبطتت حواجبها)
الشباب كلهم بصوا لزينه بإستغراب معادا واحد كان فاهم زينه حلوه لي(مين بقاا????)
كنان:يلا يشباب نبدأ شغلنا
***
زينه والشباب قضوا اليوم فالشغل واخر النهار فيه زبون جيه
ادهم لزينه:روح انت يازين شوفه عايز اي
زينه راحت للزبون وبصت على ضهره ولقته بيتكلم فالفون:هلاقيها يعني هلاقيها ياخالتي..حتى لو هقلب مصر كلها عليها
زينه سمعت الصوت بصدمه ورعب وهي واقفه وراه وقالت بهمس وخوف:ر رجب!
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية مسك للكاتبة ملك أحمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى