رواية حامل من خطيبي الفصل الرابع 4 بقلم آية محمد
 |
| رواية حامل من خطيبي الفصل الرابع 4 بقلم آية محمد |
رواية حامل من خطيبي الفصل الرابع 4 بقلم آية محمد
=وهم صدقوكي وقتها؟
_كان لازم يصدقوني يا دكتور معنديش جواب غيره
=والدهب؟
_قولت معرفش عنه حاجة وهم مفكروش في اني اعملها اصلا.
هزّ راسه الدكتور بحزن وقال
=كملي يا حورية حصل إي بعد ما فوقتي؟ روحتي الفرح قبلتيه هناك؟
بحزن_قابلته بس! دا عملها معايا تاني يا دكتور.
الدكتور عملها معاكي تاني ازاي؟
_يوم دخلة ولد عمي راح قبلني عند المنور كنت بجيب بصل من هناك ولقيته دخل عليا ورزع البلد ومسكني من…
الدكتور بحزن ويقاطع حديثهَا
=خلاص متكمليش يا حورية انا فهمت.
حورية بعدم فهم
_فهمت إيه يا دكتور؟ مش قاصدي اللي في بالك!
الدكتور بفرحة
_يعني ملمسكيش!
حورية بكسرة نفس وبصت للأرض
=لا يا دكتور دا ياريته لمسني ولا كان عمل فيا اللي عمله دِي..
الدكتور بعدم فهم
=أمال عملكِ إيه ليلة الفرح؟
حورية بحزن
_هحكيلك..
ليلة الفرح بتاع ولد عمي…
فلاش باك
__________________
_حورية بت يا حورية، خبار مش بنادي عليكِ ولا طرشتي!
حورية بسرحان
_معلش يما كنت سرحانة شوية.
=وإيه اللي شاغل عقلكِ عتحبي!
من حقك تحبي ما هو سى إبراهيم يتحب يا حبة عينه.
إبراهيم يتحب! الجملة عمالة ترن في ودني، إنسان زي كدا المفروض يندفن حي، عمري ما هشوف إنسان متوحش وإناني زيه، حقيقي عُمري ما هشوف زي المتوحش دا..
_آه آه ياما بحب إبراهيم آه بحبه جوي جوي كمان.
=طاب قومي هّمي يلا روحي دوارنا جيبي قفص البصل اللي في المنور وتعالي، خُدي عيل من عيال عمكِ الصغار علشان يشلهولكِ، يلا قومي..
أخدت مُحسن ولد عمي الصِغير، روحنا الدوار وسيبت محسن يلعب برا عُقبال ما أجيب القفص ونمشي لكن يدوب كنت بشيل القفص ولقيت اللي ما يتسمي واقف كيف الأسد..
حورية بخضة_ إبراهيم! اعوذ بالله من الشيطان الرجيم، انتَ جيت متي!
إبراهيم بغرور
_ههه! شوفتي عفريت ولا اي!
_العفريت يمكن حنين و عنده دم أكتر منكَ.
إبراهيم بغضب=بتقولي اي! كد كلامك دِي يا حورية!
مش فاكرة أخر مرة عملتلكِ إيه!
لو مش فاكرة انا ممكن أعملهولكِ تاني، الحمد لله ربنا مديني صحة.
_لو قربت مني مش هيحصلكَ كويس والله هروح أنده علي أبويا!
قرب مني وقال_ أنتِ موحشتنيش كيف ماانا وحشتكِ يا حورية! تعالي..
ضربته قلم علي خده وقالت
_انت أنسان حقير أصلا..وانا هقول لأبوي علي كل حاجة حصلت وانك سرقت الفلوس…
قرب أكتر من الاول وقال
_بنت أبوكي أعمليها وشوفي اللي هيحصلكِ.
وراح شاور علي المقص اللي طلعه من جيبه.
انا في الاول كنت فاكرة أنه هيقتنلي يا دكتور لكن هو عمل حاجة أبشع من القتل.
الدكتور بحيرة_ عمل إيه؟
بحزن_من وانا وصغيرة معروف عني في الكفر كله أني شعري طويل وكل اللي يشوفه لازم يقول الله أكبر عليه، هو بكل وحشية قص شعري وضربني و….
سكت فجأة لاني مقدراش أنطق ولا أقول أنه أغتصابني للمرة التانية بكل وحشية..
أغلي حاجة عند اي ست شعرهَا، يمكن دا سر أنوثتها، ويمكن برضوا دا الشىء الأساسي اللي متقدرش تستغني عنه، والحمد لله مجاتش علي شعري اللي يضيع ما أنا ضايعة من الاول جات عليه!
الدكتور_هو عمل كدا ليه؟
=مخابراش، بس يمكن علشان يأدبني علي القلم!
المهم يا دكتور هتساعدني أنزل العيل! أرجوك وافق انا معنديش حد غيرك يا دكتور، انا جيالكَ مخصوص علي كلام بنت عمي ليكَ، وأنك إنسان محترم وبتساعد الفقير.
الدكتور بحزن_ أحكيلي قالتلكِ إيه يا حورية؟
_حاضر يا دكتور هحكيلك…
بعد فرح ولد عمي بشهرين
____________________
_باين أن حورية فيها حاجة غلط، دِي عاملة زي المرأة الحامل يا سعاد!
=حامل! أتحشمي يا سحر، كيف حامل وهي صغيرة ولا حتي جوزوها!
_انا بقولكِ اللي شيفاه واضح أنهَا مش طبيعية، انتِ مش شايفة جسمها مبقاش زي الاول، بقيت زي الوردة المطفية.
كنت نايمة علي ورا وبسمع كلامهم.
=عارفة يا مرات عمي انا كنت زيها كدا، بس لما روحت عند دكتور نادر اللي في مركز بشرني وقالي إني حامل.
حقيقي دكتور نادر دا أطيب دكتور شوفته في حياتي، حنين وتحسيه كدا زي أخوكي الكبير..واكتر.
_أيوة عارفاه كُل البلد بتشكر في وفي أخلاقه..ربنا يكرمه ببنت الحلال.
وبعد ما أتأكدت إني حامل يا دكتور وقولت لإبراهيم وقالي ماليش صالح بيكِ ورماني زي الميته، جيتلك تنجدني.
فأرجوك أعملي العملية وريحني من الدنيا كلها أرجوك يا دكتور..
نادر بحزن_مقدرش يا حورية دي فيها خطر علي حياتكِ، ممكن تموتي انتِ والجنين.
رديت بصوت عالي_ هو يعني انا كدا مش ميته؟ انا من الصبح بحكيلك قصتي ومشوفتنيش ميته علي كدا!
مسك إيده وروحت بوستها_ أرجوك يا دكتور أرجوك ساعدني أنزل العيل دِي، دا انا ذات نفسي عَيلة هربي عَيل!
نادر بقلة حيلة_ تقدري تيجي الساعة 10 بالليل العيادة اللي في بيتي؟
حوية صدمة_بيتكَ!
_آه بيتي يا حورية، هأخد المعدات والحاجات من مركز هنا علشان مش هقدر أعملهالك هنا، هتتكشفي بكل سهولة.
دا غير انك لازم تاخدي يوم نايمة في السرير ترتاحي، قولتي اي؟
حورية برضا وثقة_ أتوكل علي الله يا دكتور، باذن الله علي 10هجيلك البيت.
وكانت اول مرة أمشي من عنده والدنيا مش هماني ولا شايلة هم بكرا حتي!
_يا أمي يا أمي..
=مالك يا حورية عايزة اي؟
_كنت عايزة أقولكِ اني هروح أقعد بيت جدي يومين تلاتة كدا، وحشوني ومن زمان مروحتش.
بصيت الام بأستغراب_ غريبة!
دا انتِ بتكرهيهم يا حورية، كيف عايزة تباتي عندهم!
حورية بقلق_ لا ياما لا انا بحبهم من زمان..المهم هبقي هروح علشان متقلقوش عني، ماشي!
_ماشي، روحي في الصبح..الصباح رباح.
_لا لا مينفعش خالص الصبح انا رايحة دلوقتي.
بصيت للساعة الام وقالت
_تروحي دلوقتي الساعة داخلة علي عشرة! انا قولت الصباح رباح يا حورية، يلا أتخمدي..
وبعد ما البيت كله نام، كانت الساعة 10 ونص لبست هدومي وطلعت من البيت كيف اللي عملالها عمله..
_دكتور نادر يا دكتور نادر أفتحلي..انا حورية.
فتح الباب نادر ودخلها
_أتاخرتي ليه يا حورية، افتكرتك مش هتيجي وهتخافي علي حياتكِ.
ضحكت حورية ضحكة بوجع
_بتقول حياتي تاني يا دكتور! يلا يا دكتور أبدا العملية انا مقدراش أستحمل..
_قولتلهم إي في البيت علي اليومين اللي هتخديهم هنا!
_قولت رايحة بيت جدي وهخد يومين.
_أفرض راحوا هناك ملقوكيش..هيحصل اي!
حورية بنفاذ صبر_ يحصل اللي يحصل انا كدا ميته وكدا ميته برضوا..يلا يا دكتور.
أخدت حُقنة بنج مكنتش فاكرة اي حاجة غير اني بقول وبدعي
_ اللهم منك السلام واليكَ السلام فأرجعني الي أهلي سالمة يارب..
وبعدها صحيت علي صوت الدكتور نادر هو وبيقول..
_حورية! أصحي يا حورية..
كنت بحاول أفتح بالعافية لكن اول ما فتحت عُيوني لقيت أتفجأت بأمي وأبويا واقفين قصادي وجمبهم دكتور نادر…
_ابوي! أنتوا إيه اللي جابكم هنا…
يتبع…..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد
